{"id":"an1.1-10","title":"The Chapter on What Occupies the Mind","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an1.1-10","title":"The Chapter on What Occupies the Mind","units":[{"id":"an1.1:0","sourceIds":["an1.1:0.1","an1.1:0.2"],"kind":"text","text":{"pi":"Aṅguttara Nikāya 1\n1. Rūpādivagga","en":"Numbered Discourses 1.1–10\nThe Chapter on What Occupies the Mind"}},{"id":"an1.1:1","sourceIds":["an1.1:1.0","an1.1:1.1","an1.1:1.2","an1.1:1.3","an1.1:1.4","an1.1:1.5","an1.1:1.6"],"kind":"text","text":{"pi":"1\nEvaṁ me sutaṁ—\nekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nTatra kho bhagavā bhikkhū āmantesi:\n“bhikkhavo”ti.\n“Bhadante”ti te bhikkhū bhagavato paccassosuṁ.\nBhagavā etadavoca:","en":"1\nSo I have heard.\nAt one time the Buddha was staying near Sāvatthī in Jeta’s Grove, Anāthapiṇḍika’s monastery.\nThere the Buddha addressed the mendicants,\n“Mendicants!”\n“Venerable sir,” they replied.\nThe Buddha said this:"}},{"id":"an1.1:2","sourceIds":["an1.1:2.1","an1.1:2.2","an1.1:2.3"],"kind":"text","text":{"pi":"“Nāhaṁ, bhikkhave, aññaṁ ekarūpampi samanupassāmi yaṁ evaṁ purisassa cittaṁ pariyādāya tiṭṭhati yathayidaṁ, bhikkhave, itthirūpaṁ.\nItthirūpaṁ, bhikkhave, purisassa cittaṁ pariyādāya tiṭṭhatī”ti.\nPaṭhamaṁ.","en":"“Mendicants, I do not see a single sight that occupies a man’s mind like the sight of a woman.\nThe sight of a woman occupies a man’s mind.”"}},{"id":"an1.2:1","sourceIds":["an1.2:1.0","an1.2:1.1","an1.2:1.2","an1.2:1.3"],"kind":"text","text":{"pi":"2\n“Nāhaṁ, bhikkhave, aññaṁ ekasaddampi samanupassāmi yaṁ evaṁ purisassa cittaṁ pariyādāya tiṭṭhati yathayidaṁ, bhikkhave, itthisaddo.\nItthisaddo, bhikkhave, purisassa cittaṁ pariyādāya tiṭṭhatī”ti.\nDutiyaṁ.","en":"2\n“Mendicants, I do not see a single sound that occupies a man’s mind like the sound of a woman.\nThe sound of a woman occupies a man’s mind.”"}},{"id":"an1.3:1","sourceIds":["an1.3:1.0","an1.3:1.1","an1.3:1.2","an1.3:1.3"],"kind":"text","text":{"pi":"3\n“Nāhaṁ, bhikkhave, aññaṁ ekagandhampi samanupassāmi yaṁ evaṁ purisassa cittaṁ pariyādāya tiṭṭhati yathayidaṁ, bhikkhave, itthigandho.\nItthigandho, bhikkhave, purisassa cittaṁ pariyādāya tiṭṭhatī”ti.\nTatiyaṁ.","en":"3\n“Mendicants, I do not see a single smell that occupies a man’s mind like the smell of a woman.\nThe smell of a woman occupies a man’s mind.”"}},{"id":"an1.4:1","sourceIds":["an1.4:1.0","an1.4:1.1","an1.4:1.2","an1.4:1.3"],"kind":"text","text":{"pi":"4\n“Nāhaṁ, bhikkhave, aññaṁ ekarasampi samanupassāmi yaṁ evaṁ purisassa cittaṁ pariyādāya tiṭṭhati yathayidaṁ, bhikkhave, itthiraso.\nItthiraso, bhikkhave, purisassa cittaṁ pariyādāya tiṭṭhatī”ti.\nCatutthaṁ.","en":"4\n“Mendicants, I do not see a single taste that occupies a man’s mind like the taste of a woman.\nThe taste of a woman occupies a man’s mind.”"}},{"id":"an1.5:1","sourceIds":["an1.5:1.0","an1.5:1.1","an1.5:1.2","an1.5:1.3"],"kind":"text","text":{"pi":"5\n“Nāhaṁ, bhikkhave, aññaṁ ekaphoṭṭhabbampi samanupassāmi yaṁ evaṁ purisassa cittaṁ pariyādāya tiṭṭhati yathayidaṁ, bhikkhave, itthiphoṭṭhabbo.\nItthiphoṭṭhabbo, bhikkhave, purisassa cittaṁ pariyādāya tiṭṭhatī”ti.\nPañcamaṁ.","en":"5\n“Mendicants, I do not see a single touch that occupies a man’s mind like the touch of a woman.\nThe touch of a woman occupies a man’s mind.”"}},{"id":"an1.6:1","sourceIds":["an1.6:1.0","an1.6:1.1","an1.6:1.2","an1.6:1.3"],"kind":"text","text":{"pi":"6\n“Nāhaṁ, bhikkhave, aññaṁ ekarūpampi samanupassāmi yaṁ evaṁ itthiyā cittaṁ pariyādāya tiṭṭhati yathayidaṁ, bhikkhave, purisarūpaṁ.\nPurisarūpaṁ, bhikkhave, itthiyā cittaṁ pariyādāya tiṭṭhatī”ti.\nChaṭṭhaṁ.","en":"6\n“Mendicants, I do not see a single sight that occupies a woman’s mind like the sight of a man.\nThe sight of a man occupies a woman’s mind.”"}},{"id":"an1.7:1","sourceIds":["an1.7:1.0","an1.7:1.1","an1.7:1.2","an1.7:1.3"],"kind":"text","text":{"pi":"7\n“Nāhaṁ, bhikkhave, aññaṁ ekasaddampi samanupassāmi yaṁ evaṁ itthiyā cittaṁ pariyādāya tiṭṭhati yathayidaṁ, bhikkhave, purisasaddo.\nPurisasaddo, bhikkhave, itthiyā cittaṁ pariyādāya tiṭṭhatī”ti.\nSattamaṁ.","en":"7\n“Mendicants, I do not see a single sound that occupies a woman’s mind like the sound of a man.\nThe sound of a man occupies a woman’s mind.”"}},{"id":"an1.8:1","sourceIds":["an1.8:1.0","an1.8:1.1","an1.8:1.2","an1.8:1.3"],"kind":"text","text":{"pi":"8\n“Nāhaṁ, bhikkhave, aññaṁ ekagandhampi samanupassāmi yaṁ evaṁ itthiyā cittaṁ pariyādāya tiṭṭhati yathayidaṁ, bhikkhave, purisagandho.\nPurisagandho, bhikkhave, itthiyā cittaṁ pariyādāya tiṭṭhatī”ti.\nAṭṭhamaṁ.","en":"8\n“Mendicants, I do not see a single smell that occupies a woman’s mind like the smell of a man.\nThe smell of a man occupies a woman’s mind.”"}},{"id":"an1.9:1","sourceIds":["an1.9:1.0","an1.9:1.1","an1.9:1.2","an1.9:1.3"],"kind":"text","text":{"pi":"9\n“Nāhaṁ, bhikkhave, aññaṁ ekarasampi samanupassāmi yaṁ evaṁ itthiyā cittaṁ pariyādāya tiṭṭhati yathayidaṁ, bhikkhave, purisaraso.\nPurisaraso, bhikkhave, itthiyā cittaṁ pariyādāya tiṭṭhatī”ti.\nNavamaṁ.","en":"9\n“Mendicants, I do not see a single taste that occupies a woman’s mind like the taste of a man.\nThe taste of a man occupies a woman’s mind.”"}},{"id":"an1.10:1","sourceIds":["an1.10:1.0","an1.10:1.1","an1.10:1.2","an1.10:1.3","an1.10:1.4"],"kind":"text","text":{"pi":"10\n“Nāhaṁ, bhikkhave, aññaṁ ekaphoṭṭhabbampi samanupassāmi yaṁ evaṁ itthiyā cittaṁ pariyādāya tiṭṭhati yathayidaṁ, bhikkhave, purisaphoṭṭhabbo.\nPurisaphoṭṭhabbo, bhikkhave, itthiyā cittaṁ pariyādāya tiṭṭhatī”ti.\nDasamaṁ.\nRūpādivaggo paṭhamo.","en":"10\n“Mendicants, I do not see a single touch that occupies a woman’s mind like the touch of a man.\nThe touch of a man occupies a woman’s mind.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an1.1-10/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}