{"id":"an1.170-187","title":"The Chapter on One Individual","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an1.170-187","title":"The Chapter on One Individual","units":[{"id":"an1.170:0","sourceIds":["an1.170:0.1","an1.170:0.2"],"kind":"text","text":{"pi":"Aṅguttara Nikāya 1\n13. Ekapuggalavagga","en":"Numbered Discourses 1.170–187\nThe Chapter on One Individual"}},{"id":"an1.170:1","sourceIds":["an1.170:1.0","an1.170:1.1","an1.170:1.2","an1.170:1.3","an1.170:1.4"],"kind":"text","text":{"pi":"170\n“Ekapuggalo, bhikkhave, loke uppajjamāno uppajjati bahujanahitāya bahujanasukhāya lokānukampāya atthāya hitāya sukhāya devamanussānaṁ.\nKatamo ekapuggalo?\nTathāgato arahaṁ sammāsambuddho.\nAyaṁ kho, bhikkhave, ekapuggalo loke uppajjamāno uppajjati bahujanahitāya bahujanasukhāya lokānukampāya atthāya hitāya sukhāya devamanussānan”ti.","en":"170\n“One individual, mendicants, arises in the world for the welfare and happiness of the people, out of sympathy for the world, for the benefit, welfare, and happiness of gods and humans.\nWhat one individual?\nThe Realized One, the perfected one, the fully awakened Buddha.\nThis is the one individual, mendicants, who arises in the world for the welfare and happiness of the people, out of sympathy for the world, for the benefit, welfare, and happiness of gods and humans.”"}},{"id":"an1.171:1","sourceIds":["an1.171:1.0","an1.171:1.1","an1.171:1.2","an1.171:1.3","an1.171:1.4"],"kind":"text","text":{"pi":"171\n“Ekapuggalassa, bhikkhave, pātubhāvo dullabho lokasmiṁ.\nKatamassa ekapuggalassa?\nTathāgatassa arahato sammāsambuddhassa.\nImassa kho, bhikkhave, ekapuggalassa pātubhāvo dullabho lokasmin”ti.","en":"171\n“The appearance of one individual, mendicants, is rare in the world.\nWhat one individual?\nThe Realized One, the perfected one, the fully awakened Buddha.\nThis is the one individual, mendicants, whose appearance is rare in the world.”"}},{"id":"an1.172:1","sourceIds":["an1.172:1.0","an1.172:1.1","an1.172:1.2","an1.172:1.3","an1.172:1.4"],"kind":"text","text":{"pi":"172\n“Ekapuggalo, bhikkhave, loke uppajjamāno uppajjati acchariyamanusso.\nKatamo ekapuggalo?\nTathāgato arahaṁ sammāsambuddho.\nAyaṁ kho, bhikkhave, ekapuggalo loke uppajjamāno uppajjati acchariyamanusso”ti.","en":"172\n“One individual, mendicants, arises in the world who is an incredible human being.\nWhat one individual?\nThe Realized One, the perfected one, the fully awakened Buddha.\nThis is the one individual, mendicants, who arises in the world who is an incredible human being.”"}},{"id":"an1.173:1","sourceIds":["an1.173:1.0","an1.173:1.1","an1.173:1.2","an1.173:1.3","an1.173:1.4"],"kind":"text","text":{"pi":"173\n“Ekapuggalassa, bhikkhave, kālakiriyā bahuno janassa anutappā hoti.\nKatamassa ekapuggalassa?\nTathāgatassa arahato sammāsambuddhassa.\nImassa kho, bhikkhave, ekapuggalassa kālakiriyā bahuno janassa anutappā hotī”ti.","en":"173\n“The death of one individual, mendicants, is regretted by many people.\nWhat one individual?\nThe Realized One, the perfected one, the fully awakened Buddha.\nThis is the one individual, mendicants, whose death is regretted by many people.”"}},{"id":"an1.174:1","sourceIds":["an1.174:1.0","an1.174:1.1","an1.174:1.2","an1.174:1.3","an1.174:1.4"],"kind":"text","text":{"pi":"174\n“Ekapuggalo, bhikkhave, loke uppajjamāno uppajjati adutiyo asahāyo appaṭimo appaṭisamo appaṭibhāgo appaṭipuggalo asamo asamasamo dvipadānaṁ aggo.\nKatamo ekapuggalo?\nTathāgato arahaṁ sammāsambuddho.\nAyaṁ kho, bhikkhave, ekapuggalo loke uppajjamāno uppajjati adutiyo asahāyo appaṭimo appaṭisamo appaṭibhāgo appaṭipuggalo asamo asamasamo dvipadānaṁ aggo”ti.","en":"174\n“One individual, mendicants, arises in the world unique, without peer or rival, incomparable, matchless, unrivaled, unequaled, without equal, the best of men.\nWhat one individual?\nThe Realized One, the perfected one, the fully awakened Buddha.\nThis is the one individual, mendicants, who arises in the world unique, without peer or rival, incomparable, matchless, unrivaled, unequaled, without equal, the best of men.”"}},{"id":"an1.175-186:1","sourceIds":["an1.175-186:1.0","an1.175-186:1.1","an1.175-186:1.2","an1.175-186:1.3","an1.175-186:1.4"],"kind":"text","text":{"pi":"175–186\n“Ekapuggalassa, bhikkhave, pātubhāvā mahato cakkhussa pātubhāvo hoti, mahato ālokassa pātubhāvo hoti, mahato obhāsassa pātubhāvo hoti, channaṁ anuttariyānaṁ pātubhāvo hoti, catunnaṁ paṭisambhidānaṁ sacchikiriyā hoti, anekadhātupaṭivedho hoti, nānādhātupaṭivedho hoti, vijjāvimuttiphalasacchikiriyā hoti, sotāpattiphalasacchikiriyā hoti, sakadāgāmiphalasacchikiriyā hoti, anāgāmiphalasacchikiriyā hoti, arahattaphalasacchikiriyā hoti.\nKatamassa ekapuggalassa?\nTathāgatassa arahato sammāsambuddhassa.\nImassa kho, bhikkhave, ekapuggalassa pātubhāvā mahato cakkhussa pātubhāvo hoti, mahato ālokassa pātubhāvo hoti, mahato obhāsassa pātubhāvo hoti, channaṁ anuttariyānaṁ pātubhāvo hoti, catunnaṁ paṭisambhidānaṁ sacchikiriyā hoti, anekadhātupaṭivedho hoti, nānādhātupaṭivedho hoti, vijjāvimuttiphalasacchikiriyā hoti, sotāpattiphalasacchikiriyā hoti, sakadāgāmiphalasacchikiriyā hoti, anāgāmiphalasacchikiriyā hoti, arahattaphalasacchikiriyā hotī”ti.","en":"175–186\n“With the appearance of one individual, mendicants, there is the appearance of a great eye, a great light, a great radiance, and the six unsurpassable things; the realization of the four kinds of textual analysis; the penetration of many and diverse elements; the realization of the fruit of knowledge and freedom; the realization of the fruits of stream-entry, once-return, non-return, and perfection.\nWhat one individual?\nThe Realized One, the perfected one, the fully awakened Buddha.\nThis is the one individual whose appearance brings the appearance of a great eye, a great light, a great radiance, and the six unsurpassable things; the realization of the four kinds of textual analysis; the penetration of many and diverse elements; the realization of the fruit of knowledge and freedom; the realization of the fruits of stream-entry, once-return, non-return, and perfection.”"}},{"id":"an1.187:1","sourceIds":["an1.187:1.0","an1.187:1.1","an1.187:1.2","an1.187:1.3"],"kind":"text","text":{"pi":"187\n“Nāhaṁ, bhikkhave, aññaṁ ekapuggalampi samanupassāmi yo evaṁ tathāgatena anuttaraṁ dhammacakkaṁ pavattitaṁ sammadeva anuppavatteti yathayidaṁ, bhikkhave, sāriputto.\nSāriputto, bhikkhave, tathāgatena anuttaraṁ dhammacakkaṁ pavattitaṁ sammadeva anuppavattetī”ti.\nEkapuggalavaggo terasamo.","en":"187\n“Mendicants, I do not see a single other individual who rightly keeps rolling the supreme Wheel of Dhamma that was rolled forth by the Realized One like Sāriputta.\nSāriputta rightly keeps rolling the supreme Wheel of Dhamma that was rolled forth by the Realized One.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an1.170-187/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}