{"id":"an1.333-377","title":"Chapter Four","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an1.333-377","title":"Chapter Four","units":[{"id":"an1.333:0","sourceIds":["an1.333:0.1","an1.333:0.2"],"kind":"text","text":{"pi":"Aṅguttara Nikāya 1\n27. Catutthavagga","en":"Numbered Discourses 1.333–377\nChapter Four"}},{"id":"an1.333:1","sourceIds":["an1.333:1.0","an1.333:1.1","an1.333:1.2","an1.333:1.3"],"kind":"text","text":{"pi":"333\n“Seyyathāpi, bhikkhave, appamattakaṁ imasmiṁ jambudīpe ārāmarāmaṇeyyakaṁ vanarāmaṇeyyakaṁ bhūmirāmaṇeyyakaṁ pokkharaṇirāmaṇeyyakaṁ;\natha kho etadeva bahutaraṁ yadidaṁ ukkūlavikūlaṁ nadīviduggaṁ khāṇukaṇṭakaṭṭhānaṁ pabbatavisamaṁ;\nevamevaṁ kho, bhikkhave, appakā te sattā ye thalajā, atha kho eteva sattā bahutarā ye odakā.","en":"333\n“Just as, mendicants, in the Black Plum Tree Land the delightful parks, woods, meadows, and lotus ponds are few,\nwhile the hilly terrain, inaccessible riverlands, stumps and thorns, and rugged mountains are many;\nso too the sentient beings born on land are few, while those born in water are many.”"}},{"id":"an1.334:1","sourceIds":["an1.334:1.0","an1.334:1.1","an1.334:1.2"],"kind":"text","text":{"pi":"334\n… Evamevaṁ kho, bhikkhave, appakā te sattā ye manussesu paccājāyanti;\natha kho eteva sattā bahutarā ye aññatra manussehi paccājāyanti.","en":"334\n“… so too the sentient beings reborn as humans are few,\nwhile those not reborn as humans are many.”"}},{"id":"an1.335:1","sourceIds":["an1.335:1.0","an1.335:1.1","an1.335:1.2"],"kind":"text","text":{"pi":"335\n… Evamevaṁ kho, bhikkhave, appakā te sattā ye majjhimesu janapadesu paccājāyanti;\natha kho eteva sattā bahutarā ye paccantimesu janapadesu paccājāyanti aviññātāresu milakkhesu.","en":"335\n“… so too the sentient beings reborn in the central countries are few,\nwhile those reborn in the borderlands, among uneducated foreigners, are many.”"}},{"id":"an1.336:1","sourceIds":["an1.336:1.0","an1.336:1.1","an1.336:1.2"],"kind":"text","text":{"pi":"336\n… Evamevaṁ kho, bhikkhave, appakā te sattā ye paññavanto ajaḷā aneḷamūgā paṭibalā subhāsitadubbhāsitassa atthamaññātuṁ;\natha kho eteva sattā bahutarā ye duppaññā jaḷā eḷamūgā na paṭibalā subhāsitadubbhāsitassa atthamaññātuṁ.","en":"336\n“… so too the sentient beings who are wise, bright, clever, and able to distinguish what is well said from what is poorly said are few,\nwhile the sentient beings who are witless, dull, idiotic, and unable to distinguish what is well said from what is poorly said are many.”"}},{"id":"an1.337:1","sourceIds":["an1.337:1.0","an1.337:1.1","an1.337:1.2"],"kind":"text","text":{"pi":"337\n… Evamevaṁ kho, bhikkhave, appakā te sattā ye ariyena paññācakkhunā samannāgatā;\natha kho eteva sattā bahutarā ye avijjāgatā sammūḷhā.","en":"337\n“… so too the sentient beings who have the noble eye of wisdom are few,\nwhile those who are ignorant and confused are many.”"}},{"id":"an1.338:1","sourceIds":["an1.338:1.0","an1.338:1.1","an1.338:1.2"],"kind":"text","text":{"pi":"338\n… Evamevaṁ kho, bhikkhave, appakā te sattā ye labhanti tathāgataṁ dassanāya;\natha kho eteva sattā bahutarā ye na labhanti tathāgataṁ dassanāya.","en":"338\n“… so too the sentient beings who get to see a Realized One are few,\nwhile those who don’t get to see a Realized One are many.”"}},{"id":"an1.339:1","sourceIds":["an1.339:1.0","an1.339:1.1","an1.339:1.2"],"kind":"text","text":{"pi":"339\n… Evamevaṁ kho, bhikkhave, appakā te sattā ye labhanti tathāgatappaveditaṁ dhammavinayaṁ savanāya;\natha kho eteva sattā bahutarā ye na labhanti tathāgatappaveditaṁ dhammavinayaṁ savanāya.","en":"339\n“… so too the sentient beings who get to hear the teaching and training proclaimed by a Realized One are few,\nwhile those sentient beings who don’t get to hear the teaching and training proclaimed by a Realized One are many.”"}},{"id":"an1.340:1","sourceIds":["an1.340:1.0","an1.340:1.1","an1.340:1.2"],"kind":"text","text":{"pi":"340\n… Evamevaṁ kho, bhikkhave, appakā te sattā ye sutvā dhammaṁ dhārenti;\natha kho eteva sattā bahutarā ye sutvā dhammaṁ na dhārenti.","en":"340\n“… so too the sentient beings who remember the teachings they hear are few,\nwhile those who don’t remember the teachings are many.”"}},{"id":"an1.341:1","sourceIds":["an1.341:1.0","an1.341:1.1","an1.341:1.2"],"kind":"text","text":{"pi":"341\n… Evamevaṁ kho, bhikkhave, appakā te sattā ye dhātānaṁ dhammānaṁ atthaṁ upaparikkhanti;\natha kho eteva sattā bahutarā ye dhātānaṁ dhammānaṁ atthaṁ na upaparikkhanti.","en":"341\n“… so too the sentient beings who examine the meaning of the teachings they have memorized are few,\nwhile those who don’t examine the meaning of the teachings are many.”"}},{"id":"an1.342:1","sourceIds":["an1.342:1.0","an1.342:1.1","an1.342:1.2"],"kind":"text","text":{"pi":"342\n… Evamevaṁ kho, bhikkhave, appakā te sattā ye atthamaññāya dhammamaññāya dhammānudhammaṁ paṭipajjanti;\natha kho eteva sattā bahutarā ye atthamaññāya dhammamaññāya dhammānudhammaṁ na paṭipajjanti.","en":"342\n“… so too the sentient beings who understand the meaning and the teaching and practice in line with the teaching are few,\nwhile those who don’t understand the meaning and the teaching, and don’t practice in line with the teaching are many.”"}},{"id":"an1.343:1","sourceIds":["an1.343:1.0","an1.343:1.1","an1.343:1.2"],"kind":"text","text":{"pi":"343\n… Evamevaṁ kho, bhikkhave, appakā te sattā ye saṁvejaniyesu ṭhānesu saṁvijjanti;\natha kho eteva sattā bahutarā ye saṁvejaniyesu ṭhānesu na saṁvijjanti.","en":"343\n“… so too the sentient beings inspired by inspiring places are few,\nwhile those who are uninspired are many.”"}},{"id":"an1.344:1","sourceIds":["an1.344:1.0","an1.344:1.1","an1.344:1.2"],"kind":"text","text":{"pi":"344\n… Evamevaṁ kho, bhikkhave, appakā te sattā ye saṁviggā yoniso padahanti;\natha kho eteva sattā bahutarā ye saṁviggā yoniso na padahanti.","en":"344\n“… so too the sentient beings who, being inspired, strive effectively are few,\nwhile those who, even though inspired, don’t strive effectively are many.”"}},{"id":"an1.345:1","sourceIds":["an1.345:1.0","an1.345:1.1","an1.345:1.2"],"kind":"text","text":{"pi":"345\n… Evamevaṁ kho, bhikkhave, appakā te sattā ye vavassaggārammaṇaṁ karitvā labhanti samādhiṁ labhanti cittassekaggataṁ;\natha kho eteva sattā bahutarā ye vavassaggārammaṇaṁ karitvā na labhanti samādhiṁ na labhanti cittassekaggataṁ.","en":"345\n“… so too the sentient beings who, relying on letting go, gain immersion, gain unification of mind are few,\nwhile those who don’t gain immersion, don’t gain unification of mind relying on letting go are many.”"}},{"id":"an1.346:1","sourceIds":["an1.346:1.0","an1.346:1.1","an1.346:1.2"],"kind":"text","text":{"pi":"346\n… Evamevaṁ kho, bhikkhave, appakā te sattā ye annaggarasaggānaṁ lābhino;\natha kho eteva sattā bahutarā ye annaggarasaggānaṁ na lābhino, uñchena kapālābhatena yāpenti.","en":"346\n“… so too the sentient beings who get the best food and flavors are few,\nwhile those who don’t get the best food and flavors, but get by with scraps in an alms bowl are many.”"}},{"id":"an1.347:1","sourceIds":["an1.347:1.0","an1.347:1.1","an1.347:1.2","an1.347:1.3","an1.347:1.4","an1.347:1.5"],"kind":"text","text":{"pi":"347\n… Evamevaṁ kho, bhikkhave, appakā te sattā ye attharasassa dhammarasassa vimuttirasassa lābhino;\natha kho eteva sattā bahutarā ye attharasassa dhammarasassa vimuttirasassa na lābhino.\nTasmātiha, bhikkhave, evaṁ sikkhitabbaṁ:\n‘attharasassa dhammarasassa vimuttirasassa lābhino bhavissāmā’ti.\nEvañhi vo, bhikkhave, sikkhitabban”ti.","en":"347\n“… so too the sentient beings who get the taste of the meaning, the taste of the teaching, and the taste of freedom are few,\nwhile the sentient beings who don’t get the taste of the meaning, the taste of the teaching, and the taste of freedom are many.\nSo you should train like this:\n‘We will get the taste of the meaning, the taste of the teaching, the taste of freedom.’\nThat’s how you should train.”"}},{"id":"an1.348-350:1","sourceIds":["an1.348-350:1.0","an1.348-350:1.1","an1.348-350:1.2","an1.348-350:1.3"],"kind":"text","text":{"pi":"348–350\n“Seyyathāpi, bhikkhave, appamattakaṁ imasmiṁ jambudīpe ārāmarāmaṇeyyakaṁ vanarāmaṇeyyakaṁ bhūmirāmaṇeyyakaṁ pokkharaṇirāmaṇeyyakaṁ;\natha kho etadeva bahutaraṁ yadidaṁ ukkūlavikūlaṁ nadīviduggaṁ khāṇukaṇṭakaṭṭhānaṁ pabbatavisamaṁ.\nEvamevaṁ kho, bhikkhave, appakā te sattā ye manussā cutā manussesu paccājāyanti, atha kho eteva sattā bahutarā ye manussā cutā niraye paccājāyanti …pe… tiracchānayoniyā paccājāyanti …pe… pettivisaye paccājāyanti”.","en":"348–350\n“Just as, mendicants, in the Black Plum Tree Land the delightful parks, woods, meadows, and lotus ponds are few,\nwhile the hilly terrain, inaccessible riverlands, stumps and thorns, and rugged mountains are many;\nso too, those who die as humans and are reborn as humans are few, while those who die as humans and are reborn in hell, or the animal realm, or the ghost realm are many.”"}},{"id":"an1.351-353:1","sourceIds":["an1.351-353:1.0","an1.351-353:1.1","an1.351-353:1.2"],"kind":"text","text":{"pi":"351–353\n… Evamevaṁ kho, bhikkhave, appakā te sattā ye manussā cutā devesu paccājāyanti;\natha kho eteva sattā bahutarā ye manussā cutā niraye paccājāyanti … tiracchānayoniyā paccājāyanti … pettivisaye paccājāyanti.","en":"351–353\n“… the sentient beings who die as humans and are reborn as gods are few,\nwhile those who die as humans and are reborn in hell, or the animal realm, or the ghost realm are many.”"}},{"id":"an1.354-356:1","sourceIds":["an1.354-356:1.0","an1.354-356:1.1","an1.354-356:1.2"],"kind":"text","text":{"pi":"354–356\n… Evamevaṁ kho, bhikkhave, appakā te sattā ye devā cutā devesu paccājāyanti;\natha kho eteva sattā bahutarā ye devā cutā niraye paccājāyanti … tiracchānayoniyā paccājāyanti … pettivisaye paccājāyanti.","en":"354–356\n“… the sentient beings who die as gods and are reborn as gods are few,\nwhile those who die as gods and are reborn in hell, or the animal realm, or the ghost realm are many.”"}},{"id":"an1.357-359:1","sourceIds":["an1.357-359:1.0","an1.357-359:1.1","an1.357-359:1.2"],"kind":"text","text":{"pi":"357–359\n… Evamevaṁ kho, bhikkhave, appakā te sattā ye devā cutā manussesu paccājāyanti;\natha kho eteva sattā bahutarā ye devā cutā niraye paccājāyanti … tiracchānayoniyā paccājāyanti … pettivisaye paccājāyanti.","en":"357–359\n“… the sentient beings who die as gods and are reborn as humans are few,\nwhile those who die as gods and are reborn in hell, or the animal realm, or the ghost realm are many.”"}},{"id":"an1.360-362:1","sourceIds":["an1.360-362:1.0","an1.360-362:1.1","an1.360-362:1.2"],"kind":"text","text":{"pi":"360–362\n… Evamevaṁ kho, bhikkhave, appakā te sattā ye nirayā cutā manussesu paccājāyanti;\natha kho eteva sattā bahutarā ye nirayā cutā niraye paccājāyanti … tiracchānayoniyā paccājāyanti … pettivisaye paccājāyanti.","en":"360–362\n“… the sentient beings who die in hell and are reborn as humans are few,\nwhile those who die in hell and are reborn in hell, or the animal realm, or the ghost realm are many.”"}},{"id":"an1.363-365:1","sourceIds":["an1.363-365:1.0","an1.363-365:1.1","an1.363-365:1.2"],"kind":"text","text":{"pi":"363–365\n… Evamevaṁ kho, bhikkhave, appakā te sattā ye nirayā cutā devesu paccājāyanti;\natha kho eteva sattā bahutarā ye nirayā cutā niraye paccājāyanti … tiracchānayoniyā paccājāyanti … pettivisaye paccājāyanti.","en":"363–365\n“… the sentient beings who die in hell and are reborn as gods are few,\nwhile those who die in hell and are reborn in hell, or the animal realm, or the ghost realm are many.”"}},{"id":"an1.366-368:1","sourceIds":["an1.366-368:1.0","an1.366-368:1.1","an1.366-368:1.2"],"kind":"text","text":{"pi":"366–368\n… Evamevaṁ kho, bhikkhave, appakā te sattā ye tiracchānayoniyā cutā manussesu paccājāyanti;\natha kho eteva sattā bahutarā ye tiracchānayoniyā cutā niraye paccājāyanti … tiracchānayoniyā paccājāyanti … pettivisaye paccājāyanti.","en":"366–368\n“… the sentient beings who die as animals and are reborn as humans are few,\nwhile those who die as animals and are reborn in hell, or the animal realm, or the ghost realm are many.”"}},{"id":"an1.369-371:1","sourceIds":["an1.369-371:1.0","an1.369-371:1.1","an1.369-371:1.2"],"kind":"text","text":{"pi":"369–371\n… Evamevaṁ kho, bhikkhave, appakā te sattā ye tiracchānayoniyā cutā devesu paccājāyanti;\natha kho eteva sattā bahutarā ye tiracchānayoniyā cutā niraye paccājāyanti … tiracchānayoniyā paccājāyanti … pettivisaye paccājāyanti.","en":"369–371\n“… the sentient beings who die as animals and are reborn as gods are few,\nwhile those who die as animals and are reborn in hell, or the animal realm, or the ghost realm are many.”"}},{"id":"an1.372-374:1","sourceIds":["an1.372-374:1.0","an1.372-374:1.1","an1.372-374:1.2"],"kind":"text","text":{"pi":"372–374\n… Evamevaṁ kho, bhikkhave, appakā te sattā ye pettivisayā cutā manussesu paccājāyanti;\natha kho eteva sattā bahutarā ye pettivisayā cutā niraye paccājāyanti … tiracchānayoniyā paccājāyanti … pettivisaye paccājāyanti.","en":"372–374\n“… the sentient beings who die as ghosts and are reborn as humans are few,\nwhile those who die as ghosts and are reborn in hell, or the animal realm, or the ghost realm are many.”"}},{"id":"an1.375-377:1","sourceIds":["an1.375-377:1.0","an1.375-377:1.1","an1.375-377:1.2","an1.375-377:1.3","an1.375-377:1.4"],"kind":"text","text":{"pi":"375–377\n… Evamevaṁ kho, bhikkhave, appakā te sattā ye pettivisayā cutā devesu paccājāyanti;\natha kho eteva sattā bahutarā ye pettivisayā cutā niraye paccājāyanti … tiracchānayoniyā paccājāyanti … pettivisaye paccājāyan”ti.\nvaggo catuttho.\n(Jambudīpapeyyālo niṭṭhito.)","en":"375–377\n“… the sentient beings who die as ghosts and are reborn as gods are few,\nwhile those who die as ghosts and are reborn in hell, or the animal realm, or the ghost realm are many.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an1.333-377/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}