{"id":"an1.41-50","title":"The Chapter on a Spike","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an1.41-50","title":"The Chapter on a Spike","units":[{"id":"an1.41:0","sourceIds":["an1.41:0.1","an1.41:0.2"],"kind":"text","text":{"pi":"Aṅguttara Nikāya 1\n5. Paṇihitaacchavagga","en":"Numbered Discourses 1.41–50\nThe Chapter on a Spike"}},{"id":"an1.41:1","sourceIds":["an1.41:1.0","an1.41:1.1","an1.41:1.2","an1.41:1.3","an1.41:1.4","an1.41:1.5","an1.41:1.6","an1.41:1.7"],"kind":"text","text":{"pi":"41\n“Seyyathāpi, bhikkhave, sālisūkaṁ vā yavasūkaṁ vā micchāpaṇihitaṁ hatthena vā pādena vā akkantaṁ hatthaṁ vā pādaṁ vā bhecchati lohitaṁ vā uppādessatīti netaṁ ṭhānaṁ vijjati.\nTaṁ kissa hetu?\nMicchāpaṇihitattā, bhikkhave, sūkassa.\nEvamevaṁ kho, bhikkhave, so vata bhikkhu micchāpaṇihitena cittena avijjaṁ bhecchati, vijjaṁ uppādessati, nibbānaṁ sacchikarissatīti netaṁ ṭhānaṁ vijjati.\nTaṁ kissa hetu?\nMicchāpaṇihitattā, bhikkhave, cittassā”ti.\nPaṭhamaṁ.","en":"41\n“Mendicants, suppose a spike of rice or barley was pointing the wrong way. If you trod on it with hand or foot, it is impossible for it to break the skin and produce blood.\nWhy is that?\nBecause the spike is pointing the wrong way.\nIn the same way, it is quite impossible for a mendicant whose mind is pointing the wrong way to break ignorance, produce knowledge, and realize extinguishment.\nWhy is that?\nBecause their mind is pointing the wrong way.”"}},{"id":"an1.42:1","sourceIds":["an1.42:1.0","an1.42:1.1","an1.42:1.2","an1.42:1.3","an1.42:1.4","an1.42:1.5","an1.42:1.6","an1.42:1.7"],"kind":"text","text":{"pi":"42\n“Seyyathāpi, bhikkhave, sālisūkaṁ vā yavasūkaṁ vā sammāpaṇihitaṁ hatthena vā pādena vā akkantaṁ hatthaṁ vā pādaṁ vā bhecchati lohitaṁ vā uppādessatīti ṭhānametaṁ vijjati.\nTaṁ kissa hetu?\nSammāpaṇihitattā, bhikkhave, sūkassa.\nEvamevaṁ kho, bhikkhave, so vata bhikkhu sammāpaṇihitena cittena avijjaṁ bhecchati, vijjaṁ uppādessati, nibbānaṁ sacchikarissatīti ṭhānametaṁ vijjati.\nTaṁ kissa hetu?\nSammāpaṇihitattā, bhikkhave, cittassā”ti.\nDutiyaṁ.","en":"42\n“Mendicants, suppose a spike of rice or barley was pointing the right way. If you trod on it with hand or foot, it’s possible it may break the skin and produce blood.\nWhy is that?\nBecause the spike is pointing the right way.\nIn the same way, it is quite possible for a mendicant whose mind is pointing the right way to break ignorance, produce knowledge, and realize extinguishment.\nWhy is that?\nBecause the mind is pointing the right way.”"}},{"id":"an1.43:1","sourceIds":["an1.43:1.0","an1.43:1.1","an1.43:1.2","an1.43:1.3","an1.43:1.4","an1.43:1.5","an1.43:1.6"],"kind":"text","text":{"pi":"43\n“Idhāhaṁ, bhikkhave, ekaccaṁ puggalaṁ paduṭṭhacittaṁ evaṁ cetasā ceto paricca pajānāmi:\n‘imamhi ce ayaṁ samaye puggalo kālaṁ kareyya, yathābhataṁ nikkhitto evaṁ niraye’.\nTaṁ kissa hetu?\nCittaṁ hissa, bhikkhave, paduṭṭhaṁ.\nCetopadosahetu pana, bhikkhave, evam’idhekacce sattā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjantī”ti.\nTatiyaṁ.","en":"43\n“Mendicants, when I’ve comprehended the mind of an individual whose mind is corrupted, I understand:\n‘If this individual were to die right now, they would be placed in hell as if delivered there.’\nWhy is that?\nBecause their mind is corrupted.\nCorruption of mind is the reason why some sentient beings, when their body breaks up, after death, are reborn in a place of loss, a bad place, the underworld, hell.”"}},{"id":"an1.44:1","sourceIds":["an1.44:1.0","an1.44:1.1","an1.44:1.2","an1.44:1.3","an1.44:1.4","an1.44:1.5","an1.44:1.6"],"kind":"text","text":{"pi":"44\n“Idhāhaṁ, bhikkhave, ekaccaṁ puggalaṁ pasannacittaṁ evaṁ cetasā ceto paricca pajānāmi:\n‘imamhi ce ayaṁ samaye puggalo kālaṁ kareyya, yathābhataṁ nikkhitto evaṁ sagge’.\nTaṁ kissa hetu?\nCittaṁ hissa, bhikkhave, pasannaṁ.\nCetopasādahetu pana, bhikkhave, evam’idhekacce sattā kāyassa bhedā paraṁ maraṇā sugatiṁ saggaṁ lokaṁ upapajjantī”ti.\nCatutthaṁ.","en":"44\n“Mendicants, when I’ve comprehended the mind of an individual whose mind is pure, I understand:\n‘If this individual were to die right now, they would be placed in heaven as if delivered there.’\nWhy is that?\nBecause their mind is pure.\nPurity of mind is the reason why some sentient beings, when their body breaks up, after death, are reborn in a good place, a heavenly realm.”"}},{"id":"an1.45:1","sourceIds":["an1.45:1.0","an1.45:1.1","an1.45:1.2","an1.45:1.3","an1.45:1.4","an1.45:1.5","an1.45:1.6","an1.45:1.7"],"kind":"text","text":{"pi":"45\n“Seyyathāpi, bhikkhave, udakarahado āvilo luḷito kalalībhūto tattha cakkhumā puriso tīre ṭhito na passeyya sippisambukampi sakkharakaṭhalampi macchagumbampi carantampi tiṭṭhantampi.\nTaṁ kissa hetu?\nĀvilattā, bhikkhave, udakassa.\nEvamevaṁ kho, bhikkhave, so vata bhikkhu āvilena cittena attatthaṁ vā ñassati paratthaṁ vā ñassati ubhayatthaṁ vā ñassati uttariṁ vā manussadhammā alamariyañāṇadassanavisesaṁ sacchikarissatīti netaṁ ṭhānaṁ vijjati.\nTaṁ kissa hetu?\nĀvilattā, bhikkhave, cittassā”ti.\nPañcamaṁ.","en":"45\n“Suppose, mendicants, there was a lake that was cloudy, murky, and muddy. A person with clear eyes standing on the bank would not see the clams and mussels, pebbles and gravel, and schools of fish swimming about or staying still.\nWhy is that?\nBecause the water is clouded.\nIn the same way, that a mendicant whose mind is clouded would know what’s for their own good, the good of another, or the good of both; or that they would realize any superhuman distinction in knowledge and vision worthy of the noble ones: this is quite impossible.\nWhy is that?\nBecause their mind is clouded.”"}},{"id":"an1.46:1","sourceIds":["an1.46:1.0","an1.46:1.1","an1.46:1.2","an1.46:1.3","an1.46:1.4","an1.46:1.5","an1.46:1.6","an1.46:1.7"],"kind":"text","text":{"pi":"46\n“Seyyathāpi, bhikkhave, udakarahado accho vippasanno anāvilo tattha cakkhumā puriso tīre ṭhito passeyya sippisambukampi sakkharakaṭhalampi macchagumbampi carantampi tiṭṭhantampi.\nTaṁ kissa hetu?\nAnāvilattā, bhikkhave, udakassa.\nEvamevaṁ kho, bhikkhave, so vata bhikkhu anāvilena cittena attatthaṁ vā ñassati paratthaṁ vā ñassati ubhayatthaṁ vā ñassati uttariṁ vā manussadhammā alamariyañāṇadassanavisesaṁ sacchikarissatīti ṭhānametaṁ vijjati.\nTaṁ kissa hetu?\nAnāvilattā, bhikkhave, cittassā”ti.\nChaṭṭhaṁ.","en":"46\n“Suppose, mendicants, there was a lake that was transparent, clear, and unclouded. A person with clear eyes standing on the bank would see the clams and mussels, pebbles and gravel, and schools of fish swimming about or staying still.\nWhy is that?\nBecause the water is unclouded.\nIn the same way, that a mendicant whose mind is not clouded would know what’s for their own good, the good of another, or the good of both; or that they would realize any superhuman distinction in knowledge and vision worthy of the noble ones: this is quite possible.\nWhy is that?\nBecause their mind is unclouded.”"}},{"id":"an1.47:1","sourceIds":["an1.47:1.0","an1.47:1.1","an1.47:1.2","an1.47:1.3","an1.47:1.4"],"kind":"text","text":{"pi":"47\n“Seyyathāpi, bhikkhave, yāni kānici rukkhajātānaṁ phandano tesaṁ aggamakkhāyati yadidaṁ mudutāya ceva kammaññatāya ca.\nEvamevaṁ kho ahaṁ, bhikkhave, nāññaṁ ekadhammampi samanupassāmi yaṁ evaṁ bhāvitaṁ bahulīkataṁ mudu ca hoti kammaññañca yathayidaṁ cittaṁ.\nCittaṁ, bhikkhave, bhāvitaṁ bahulīkataṁ mudu ca hoti kammaññañca hotī”ti.\nSattamaṁ.","en":"47\n“Just as, mendicants, the sandan is said to be the best kind of tree in terms of its pliability and workability,\nso too, I do not see a single thing that’s as pliable and workable as this mind that is developed and cultivated.\nA mind that is developed and cultivated is pliable and workable.”"}},{"id":"an1.48:1","sourceIds":["an1.48:1.0","an1.48:1.1","an1.48:1.2","an1.48:1.3"],"kind":"text","text":{"pi":"48\n“Nāhaṁ, bhikkhave, aññaṁ ekadhammampi samanupassāmi yaṁ evaṁ lahuparivattaṁ yathayidaṁ cittaṁ.\nYāvañcidaṁ, bhikkhave, upamāpi na sukarā yāva lahuparivattaṁ cittan”ti.\nAṭṭhamaṁ.","en":"48\n“Mendicants, I do not see a single thing that’s as quick to change as this mind.\nSo much so that it’s not easy to give a simile for how quickly the mind changes.”"}},{"id":"an1.49:1","sourceIds":["an1.49:1.0","an1.49:1.1","an1.49:1.2","an1.49:1.3"],"kind":"text","text":{"pi":"49\n“Pabhassaramidaṁ, bhikkhave, cittaṁ.\nTañca kho āgantukehi upakkilesehi upakkiliṭṭhan”ti.\nNavamaṁ.","en":"49\n“This mind, mendicants, is radiant.\nBut it’s corrupted by visiting corruptions.”"}},{"id":"an1.50:1","sourceIds":["an1.50:1.0","an1.50:1.1","an1.50:1.2","an1.50:1.3","an1.50:1.4"],"kind":"text","text":{"pi":"50\n“Pabhassaramidaṁ, bhikkhave, cittaṁ.\nTañca kho āgantukehi upakkilesehi vippamuttan”ti.\nDasamaṁ.\nPaṇihitaacchavaggo pañcamo.","en":"50\n“This mind, mendicants, is radiant.\nAnd it is freed from visiting corruptions.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an1.41-50/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}