{"id":"an10.14","title":"Hard-heartedness","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.14","title":"Hard-heartedness","units":[{"id":"an10.14:0","sourceIds":["an10.14:0.1","an10.14:0.2","an10.14:0.3"],"kind":"text","text":{"pi":"Aṅguttara Nikāya 10.14\n2. Nāthavagga\nCetokhilasutta","en":"Numbered Discourses 10.14\n2. A Protector\nHard-heartedness"}},{"id":"an10.14:1","sourceIds":["an10.14:1.1"],"kind":"text","text":{"pi":"“Yassa kassaci, bhikkhave, bhikkhussa vā bhikkhuniyā vā pañca cetokhilā appahīnā pañca cetasovinibandhā asamucchinnā, tassa yā ratti vā divaso vā āgacchati hāniyeva pāṭikaṅkhā kusalesu dhammesu no vuddhi.","en":"“Mendicants, a monk or nun who has not given up five kinds of hard-heartedness and has not severed five shackles of the heart can expect decline, not growth, in skillful qualities, whether by day or by night."}},{"id":"an10.14:2","sourceIds":["an10.14:2.1","an10.14:2.2","an10.14:2.3","an10.14:2.4"],"kind":"text","text":{"pi":"Katamassa pañca cetokhilā appahīnā honti?\nIdha, bhikkhave, bhikkhu satthari kaṅkhati vicikicchati nādhimuccati na sampasīdati.\nYo so, bhikkhave, bhikkhu satthari kaṅkhati vicikicchati nādhimuccati na sampasīdati, tassa cittaṁ na namati ātappāya anuyogāya sātaccāya padhānāya.\nYassa cittaṁ na namati ātappāya anuyogāya sātaccāya padhānāya, evamassāyaṁ paṭhamo cetokhilo appahīno hoti.","en":"What are the five kinds of hard-heartedness they haven’t given up?\nFirstly, a mendicant has doubts about the Teacher. They’re uncertain, undecided, and lacking confidence.\nThis being so, their mind doesn’t incline toward keenness, commitment, persistence, and striving.\nThis is the first kind of hard-heartedness they haven’t given up."}},{"id":"an10.14:3","sourceIds":["an10.14:3.1","an10.14:3.2","an10.14:3.3","an10.14:3.4","an10.14:3.5","an10.14:3.6","an10.14:3.7"],"kind":"text","text":{"pi":"Puna caparaṁ, bhikkhave, bhikkhu dhamme kaṅkhati …pe…\nsaṅghe kaṅkhati …\nsikkhāya kaṅkhati …\nsabrahmacārīsu kupito hoti anattamano āhatacitto khilajāto.\nYo so, bhikkhave, bhikkhu sabrahmacārīsu kupito hoti anattamano āhatacitto khilajāto, tassa cittaṁ na namati ātappāya anuyogāya sātaccāya padhānāya.\nYassa cittaṁ na namati ātappāya anuyogāya sātaccāya padhānāya, evamassāyaṁ pañcamo cetokhilo appahīno hoti.\nImassa pañca cetokhilā appahīnā honti.","en":"Furthermore, a mendicant has doubts about the teaching …\nthe Saṅgha …\nthe training …\nA mendicant is angry and upset with their spiritual companions, resentful and closed off.\nThis being so, their mind doesn’t incline toward keenness, commitment, persistence, and striving.\nThis is the fifth kind of hard-heartedness they haven’t given up.\nThese are the five kinds of hard-heartedness they haven’t given up."}},{"id":"an10.14:4","sourceIds":["an10.14:4.1","an10.14:4.2","an10.14:4.3","an10.14:4.4"],"kind":"text","text":{"pi":"Katamassa pañca cetasovinibandhā asamucchinnā honti?\nIdha, bhikkhave, bhikkhu kāmesu avītarāgo hoti avigatacchando avigatapemo avigatapipāso avigatapariḷāho avigatataṇho.\nYo so, bhikkhave, bhikkhu kāmesu avītarāgo hoti avigatacchando avigatapemo avigatapipāso avigatapariḷāho avigatataṇho, tassa cittaṁ na namati ātappāya anuyogāya sātaccāya padhānāya.\nYassa cittaṁ na namati ātappāya anuyogāya sātaccāya padhānāya, evamassāyaṁ paṭhamo cetasovinibandho asamucchinno hoti.","en":"What are the five shackles of the heart they haven’t severed?\nFirstly, a mendicant isn’t free of greed, desire, fondness, thirst, passion, and craving for sensual pleasures.\nThis being so, their mind doesn’t incline toward keenness, commitment, persistence, and striving.\nThis is the first shackle of the heart they haven’t severed."}},{"id":"an10.14:5","sourceIds":["an10.14:5.1","an10.14:5.2","an10.14:5.3","an10.14:5.4","an10.14:5.5","an10.14:5.6","an10.14:5.7"],"kind":"text","text":{"pi":"Puna caparaṁ, bhikkhave, bhikkhu kāye avītarāgo hoti …pe…\nrūpe avītarāgo hoti …pe…\nyāvadatthaṁ udarāvadehakaṁ bhuñjitvā seyyasukhaṁ passasukhaṁ middhasukhaṁ anuyutto viharati …\naññataraṁ devanikāyaṁ paṇidhāya brahmacariyaṁ carati: ‘imināhaṁ sīlena vā vatena vā tapena vā brahmacariyena vā devo vā bhavissāmi devaññataro vā’ti.\nYo so, bhikkhave, bhikkhu aññataraṁ devanikāyaṁ paṇidhāya brahmacariyaṁ carati: ‘imināhaṁ sīlena vā vatena vā tapena vā brahmacariyena vā devo vā bhavissāmi devaññataro vā’ti, tassa cittaṁ na namati ātappāya anuyogāya sātaccāya padhānāya.\nYassa cittaṁ na namati ātappāya anuyogāya sātaccāya padhānāya, evamassāyaṁ pañcamo cetasovinibandho asamucchinno hoti.\nImassa pañca cetasovinibandhā asamucchinnā honti.","en":"Furthermore, a mendicant isn’t free of greed for the body …\nThey’re not free of greed for form …\nThey eat as much as they like until their belly is full, then indulge in the pleasures of sleeping, lying down, and drowsing …\nThey lead the spiritual life wishing to be reborn in one of the orders of gods: ‘By this precept or observance or fervent austerity or spiritual practice, may I become one of the gods!’\nThis being so, their mind doesn’t incline toward keenness, commitment, persistence, and striving.\nThis is the fifth shackle of the heart they haven’t severed.\nThese are the five shackles of the heart they haven’t severed."}},{"id":"an10.14:6","sourceIds":["an10.14:6.1"],"kind":"text","text":{"pi":"Yassa kassaci, bhikkhave, bhikkhussa vā bhikkhuniyā vā ime pañca cetokhilā appahīnā ime pañca cetasovinibandhā asamucchinnā, tassa yā ratti vā divaso vā āgacchati hāniyeva pāṭikaṅkhā kusalesu dhammesu no vuddhi.","en":"A monk or nun who has not given up these five kinds of hard-heartedness and has not severed these five shackles of the heart can expect decline, not growth, in skillful qualities, whether by day or by night."}},{"id":"an10.14:7","sourceIds":["an10.14:7.1","an10.14:7.2"],"kind":"text","text":{"pi":"Seyyathāpi, bhikkhave, kāḷapakkhe candassa yā ratti vā divaso vā āgacchati, hāyateva vaṇṇena hāyati maṇḍalena hāyati ābhāya hāyati ārohapariṇāhena;\nevamevaṁ kho, bhikkhave, yassa kassaci bhikkhussa vā bhikkhuniyā vā ime pañca cetokhilā appahīnā ime pañca cetasovinibandhā asamucchinnā, tassa yā ratti vā divaso vā āgacchati hāniyeva pāṭikaṅkhā kusalesu dhammesu no vuddhi.","en":"It’s like the moon in the waning fortnight. Whether by day or by night, its beauty, roundness, luminosity, and diameter and circumference only decline.\nIn the same way, a monk or nun who has not given up these five kinds of hard-heartedness and has not severed these five shackles of the heart can expect decline, not growth, in skillful qualities, whether by day or by night."}},{"id":"an10.14:8","sourceIds":["an10.14:8.1"],"kind":"text","text":{"pi":"Yassa kassaci, bhikkhave, bhikkhussa vā bhikkhuniyā vā pañca cetokhilā pahīnā pañca cetasovinibandhā susamucchinnā, tassa yā ratti vā divaso vā āgacchati vuddhiyeva pāṭikaṅkhā kusalesu dhammesu no parihāni.","en":"A monk or nun who has given up five kinds of hard-heartedness and has severed five shackles of the heart can expect growth, not decline, in skillful qualities, whether by day or by night."}},{"id":"an10.14:9","sourceIds":["an10.14:9.1","an10.14:9.2","an10.14:9.3","an10.14:9.4"],"kind":"text","text":{"pi":"Katamassa pañca cetokhilā pahīnā honti?\nIdha, bhikkhave, bhikkhu satthari na kaṅkhati na vicikicchati, adhimuccati sampasīdati.\nYo so, bhikkhave, bhikkhu satthari na kaṅkhati na vicikicchati adhimuccati sampasīdati, tassa cittaṁ namati ātappāya anuyogāya sātaccāya padhānāya.\nYassa cittaṁ namati ātappāya anuyogāya sātaccāya padhānāya, evamassāyaṁ paṭhamo cetokhilo pahīno hoti.","en":"What are the five kinds of hard-heartedness they’ve given up?\nFirstly, a mendicant has no doubts about the Teacher. They’re not uncertain, undecided, or lacking confidence.\nThis being so, their mind inclines toward keenness, commitment, persistence, and striving.\nThis is the first kind of hard-heartedness they’ve given up."}},{"id":"an10.14:10","sourceIds":["an10.14:10.1","an10.14:10.2","an10.14:10.3","an10.14:10.4","an10.14:10.5","an10.14:10.6","an10.14:10.7"],"kind":"text","text":{"pi":"Puna caparaṁ, bhikkhave, bhikkhu dhamme na kaṅkhati …pe…\nsaṅghe na kaṅkhati …\nsikkhāya na kaṅkhati …\nsabrahmacārīsu na kupito hoti attamano na āhatacitto na khilajāto.\nYo so, bhikkhave, bhikkhu sabrahmacārīsu na kupito hoti attamano na āhatacitto na khilajāto, tassa cittaṁ namati ātappāya anuyogāya sātaccāya padhānāya.\nYassa cittaṁ namati ātappāya anuyogāya sātaccāya padhānāya, evamassāyaṁ pañcamo cetokhilo pahīno hoti.\nImassa pañca cetokhilā pahīnā honti.","en":"Furthermore, a mendicant has no doubts about the teaching …\nthe Saṅgha …\nthe training …\nA mendicant is not angry and upset with their spiritual companions, not resentful or closed off.\nThis being so, their mind inclines toward keenness, commitment, persistence, and striving.\nThis is the fifth kind of hard-heartedness they’ve given up.\nThese are the five kinds of hard-heartedness they’ve given up."}},{"id":"an10.14:11","sourceIds":["an10.14:11.1","an10.14:11.2","an10.14:11.3","an10.14:11.4"],"kind":"text","text":{"pi":"Katamassa pañca cetasovinibandhā susamucchinnā honti?\nIdha, bhikkhave, bhikkhu kāmesu vītarāgo hoti vigatacchando vigatapemo vigatapipāso vigatapariḷāho vigatataṇho.\nYo so, bhikkhave, bhikkhu kāmesu vītarāgo hoti vigatacchando vigatapemo vigatapipāso vigatapariḷāho vigatataṇho, tassa cittaṁ namati ātappāya anuyogāya sātaccāya padhānāya.\nYassa cittaṁ namati ātappāya anuyogāya sātaccāya padhānāya, evamassāyaṁ paṭhamo cetasovinibandho susamucchinno hoti.","en":"What are the five shackles of the heart they’ve severed?\nFirstly, a mendicant is rid of greed, desire, fondness, thirst, passion, and craving for sensual pleasures.\nThis being so, their mind inclines toward keenness, commitment, persistence, and striving.\nThis is the first shackle of the heart they’ve severed."}},{"id":"an10.14:12","sourceIds":["an10.14:12.1","an10.14:12.2","an10.14:12.3","an10.14:12.4","an10.14:12.5","an10.14:12.6","an10.14:12.7"],"kind":"text","text":{"pi":"Puna caparaṁ, bhikkhave, bhikkhu kāye vītarāgo hoti …pe…\nrūpe vītarāgo hoti …pe…\nna yāvadatthaṁ udarāvadehakaṁ bhuñjitvā seyyasukhaṁ passasukhaṁ middhasukhaṁ anuyutto viharati,\nna aññataraṁ devanikāyaṁ paṇidhāya brahmacariyaṁ carati: ‘imināhaṁ sīlena vā vatena vā tapena vā brahmacariyena vā devo vā bhavissāmi devaññataro vā’ti.\nYo so, bhikkhave, bhikkhu na aññataraṁ devanikāyaṁ paṇidhāya …pe… devaññataro vāti, tassa cittaṁ namati ātappāya anuyogāya sātaccāya padhānāya.\nYassa cittaṁ namati ātappāya anuyogāya sātaccāya padhānāya, evamassāyaṁ pañcamo cetasovinibandho susamucchinno hoti.\nImassa pañca cetasovinibandhā susamucchinnā honti.","en":"Furthermore, a mendicant is rid of greed for the body …\nThey’re rid of greed for form …\nThey don’t eat as much as they like until their belly is full, then indulge in the pleasures of sleeping, lying down, and drowsing …\nThey don’t lead the spiritual life wishing to be reborn in one of the orders of gods: ‘By this precept or observance or fervent austerity or spiritual practice, may I become one of the gods!’\nThis being so, their mind inclines toward keenness, commitment, persistence, and striving.\nThis is the fifth shackle of the heart they’ve severed.\nThese are the five shackles of the heart they’ve severed."}},{"id":"an10.14:13","sourceIds":["an10.14:13.1"],"kind":"text","text":{"pi":"Yassa kassaci, bhikkhave, bhikkhussa vā bhikkhuniyā vā ime pañca cetokhilā pahīnā ime pañca cetasovinibandhā susamucchinnā, tassa yā ratti vā divaso vā āgacchati vuddhiyeva pāṭikaṅkhā kusalesu dhammesu no parihāni.","en":"A monk or nun who has given up these five kinds of hard-heartedness and has severed these five shackles of the heart can expect growth, not decline, in skillful qualities, whether by day or by night."}},{"id":"an10.14:14","sourceIds":["an10.14:14.1","an10.14:14.2","an10.14:14.3"],"kind":"text","text":{"pi":"Seyyathāpi, bhikkhave, juṇhapakkhe candassa yā ratti vā divaso vā āgacchati, vaḍḍhateva vaṇṇena vaḍḍhati maṇḍalena vaḍḍhati ābhāya vaḍḍhati ārohapariṇāhena;\nevamevaṁ kho, bhikkhave, yassa kassaci bhikkhussa vā bhikkhuniyā vā ime pañca cetokhilā pahīnā ime pañca cetasovinibandhā susamucchinnā, tassa yā ratti vā divaso vā āgacchati vuddhiyeva pāṭikaṅkhā kusalesu dhammesu no parihānī”ti.\nCatutthaṁ.","en":"It’s like the moon in the waxing fortnight. Whether by day or by night, its beauty, roundness, luminosity, and diameter and circumference only grow.\nIn the same way, a monk or nun who has given up these five kinds of hard-heartedness and has severed these five shackles of the heart can expect growth, not decline, in skillful qualities, whether by day or by night.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.14/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}