{"id":"an10.216","title":"Creepy Creatures","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.216","title":"Creepy Creatures","units":[{"id":"an10.216:0","sourceIds":["an10.216:0.1","an10.216:0.2","an10.216:0.3"],"kind":"text","text":{"pi":"Aṅguttara Nikāya 10.216\n21. Karajakāyavagga\nSaṁsappanīyasutta","en":"Numbered Discourses 10.216\n21. The Body Born of Deeds\nCreepy Creatures"}},{"id":"an10.216:1","sourceIds":["an10.216:1.1","an10.216:1.2","an10.216:1.3","an10.216:1.4"],"kind":"text","text":{"pi":"“Saṁsappanīyapariyāyaṁ vo, bhikkhave, dhammapariyāyaṁ desessāmi.\nTaṁ suṇātha, sādhukaṁ manasi karotha, bhāsissāmī”ti.\n“Evaṁ, bhante”ti kho te bhikkhū bhagavato paccassosuṁ.\nBhagavā etadavoca:","en":"“Mendicants, I will teach you an exposition of the teaching on creepy creatures.\nListen and apply your mind well, I will speak.”\n“Yes, sir,” they replied.\nThe Buddha said this:"}},{"id":"an10.216:2","sourceIds":["an10.216:2.1","an10.216:2.2","an10.216:2.3"],"kind":"text","text":{"pi":"“Katamo ca, bhikkhave, saṁsappanīyapariyāyo dhammapariyāyo?\nKammassakā, bhikkhave, sattā kammadāyādā kammayonī kammabandhū kammapaṭisaraṇā, yaṁ kammaṁ karonti—\nkalyāṇaṁ vā pāpakaṁ vā—tassa dāyādā bhavanti.","en":"“What is the exposition of the teaching on creepy creatures?\nSentient beings are the owners of their deeds and heir to their deeds. Deeds are their womb, their relative, and their refuge.\nThey shall be the heir of whatever deeds they do, whether good or bad."}},{"id":"an10.216:3","sourceIds":["an10.216:3.1","an10.216:3.2","an10.216:3.3"],"kind":"text","text":{"pi":"Idha, bhikkhave, ekacco pāṇātipātī hoti luddo lohitapāṇi hatapahate niviṭṭho, adayāpanno sabbapāṇabhūtesu.\nSo saṁsappati kāyena, saṁsappati vācāya, saṁsappati manasā.\nTassa jimhaṁ kāyakammaṁ hoti, jimhaṁ vacīkammaṁ, jimhaṁ manokammaṁ, jimhā gati, jimhupapatti.","en":"Take a certain someone who kills living creatures. They’re violent, bloody-handed, a hardened killer, merciless to all living beings.\nThey’re creepy in body, speech, and mind.\nDoing crooked deeds by way of body, speech, and mind, their destiny and rebirth are crooked."}},{"id":"an10.216:4","sourceIds":["an10.216:4.1","an10.216:4.2","an10.216:4.3","an10.216:4.4","an10.216:4.5","an10.216:4.6","an10.216:4.7","an10.216:4.8"],"kind":"text","text":{"pi":"Jimhagatikassa kho panāhaṁ, bhikkhave, jimhupapattikassa dvinnaṁ gatīnaṁ aññataraṁ gatiṁ vadāmi—\nye vā ekantadukkhā nirayā yā vā saṁsappajātikā tiracchānayoni.\nKatamā ca sā, bhikkhave, saṁsappajātikā tiracchānayoni?\nAhi vicchikā satapadī nakulā biḷārā mūsikā ulūkā, ye vā panaññepi keci tiracchānayonikā sattā manusse disvā saṁsappanti.\nIti kho, bhikkhave, bhūtā bhūtassa upapatti hoti.\nYaṁ karoti tena upapajjati.\nUpapannamenaṁ phassā phusanti.\nEvamahaṁ, bhikkhave, ‘kammadāyādā sattā’ti vadāmi.","en":"Someone whose destiny and rebirth is crooked is reborn in one of two places, I say:\nin an absolutely painful hell, or among the species of creepy animals.\nAnd what are the species of creepy animals?\nSnakes, scorpions, centipedes, mongooses, cats, mice, owls, or whatever other species of animal that creep away when they see humans.\nThis is how a being is born from a being.\nFor your deeds determine your rebirth,\nand when you’re reborn contacts strike you.\nThis is why I say that sentient beings are heirs to their deeds."}},{"id":"an10.216:5","sourceIds":["an10.216:5.1","an10.216:5.2","an10.216:5.3","an10.216:5.4","an10.216:5.5","an10.216:5.6","an10.216:5.7","an10.216:5.8","an10.216:5.9","an10.216:5.10","an10.216:5.11","an10.216:5.12","an10.216:5.13"],"kind":"text","text":{"pi":"Idha pana, bhikkhave, ekacco adinnādāyī hoti …pe…\nkāmesumicchācārī hoti …\nmusāvādī hoti …\npisuṇavāco hoti …\npharusavāco hoti …\nsamphappalāpī hoti …\nabhijjhālu hoti …\nbyāpannacitto hoti …\nmicchādiṭṭhiko hoti viparītadassano:\n‘natthi dinnaṁ …pe…\nsayaṁ abhiññā sacchikatvā pavedentī’ti.\nSo saṁsappati kāyena, saṁsappati vācāya, saṁsappati manasā.\nTassa jimhaṁ kāyakammaṁ hoti, jimhaṁ vacīkammaṁ, jimhaṁ manokammaṁ, jimhā gati, jimhupapatti.","en":"Take someone else who steals …\ncommits sexual misconduct …\nlies …\nbackbites …\nspeaks harshly …\nindulges in talking nonsense …\nis covetous …\nhas cruel intentions …\nhas wrong view …\nThey’re creepy in body, speech, and mind.\nDoing crooked deeds by way of body, speech, and mind, their destiny and rebirth are crooked."}},{"id":"an10.216:6","sourceIds":["an10.216:6.1","an10.216:6.2","an10.216:6.3","an10.216:6.4","an10.216:6.5","an10.216:6.6","an10.216:6.7","an10.216:6.8","an10.216:6.9","an10.216:6.10"],"kind":"text","text":{"pi":"Jimhagatikassa kho panāhaṁ, bhikkhave, jimhupapattikassa dvinnaṁ gatīnaṁ aññataraṁ gatiṁ vadāmi—\nye vā ekantadukkhā nirayā yā vā saṁsappajātikā tiracchānayoni.\nKatamā ca sā, bhikkhave, saṁsappajātikā tiracchānayoni?\nAhi vicchikā satapadī nakulā biḷārā mūsikā ulūkā, ye vā panaññepi keci tiracchānayonikā sattā manusse disvā saṁsappanti.\nIti kho, bhikkhave, bhūtā bhūtassa upapatti hoti,\nyaṁ karoti tena upapajjati.\nUpapannamenaṁ phassā phusanti.\nEvamahaṁ, bhikkhave, ‘kammadāyādā sattā’ti vadāmi.\nKammassakā, bhikkhave, sattā kammadāyādā kammayonī kammabandhū kammapaṭisaraṇā, yaṁ kammaṁ karonti—\nkalyāṇaṁ vā pāpakaṁ vā—tassa dāyādā bhavanti.","en":"Someone whose destiny and rebirth is crooked is reborn in one of two places, I say:\nin an absolutely painful hell, or among the species of creepy animals.\nAnd what are the species of creepy animals?\nSnakes, scorpions, centipedes, mongooses, cats, mice, owls, or whatever other species of animal that creep away when they see humans.\nThis is how a being is born from a being.\nFor your deeds determine your rebirth,\nand when you’re reborn contacts strike you.\nThis is why I say that sentient beings are heirs to their deeds.\nSentient beings are the owners of their deeds and heir to their deeds. Deeds are their womb, their relative, and their refuge.\nThey shall be the heir of whatever deeds they do, whether good or bad."}},{"id":"an10.216:7","sourceIds":["an10.216:7.1","an10.216:7.2","an10.216:7.3"],"kind":"text","text":{"pi":"Idha, bhikkhave, ekacco pāṇātipātaṁ pahāya pāṇātipātā paṭivirato hoti nihitadaṇḍo nihitasattho, lajjī dayāpanno sabbapāṇabhūtahitānukampī viharati.\nSo na saṁsappati kāyena, na saṁsappati vācāya, na saṁsappati manasā.\nTassa uju kāyakammaṁ hoti, uju vacīkammaṁ, uju manokammaṁ, uju gati, ujupapatti.","en":"Take a certain someone who gives up killing living creatures, renouncing the rod and the sword. They’re scrupulous and kind, living full of sympathy for all living beings.\nThey’re not creepy in body, speech, and mind.\nDoing virtuous deeds by way of body, speech, and mind, their destiny and rebirth is virtuous."}},{"id":"an10.216:8","sourceIds":["an10.216:8.1","an10.216:8.2","an10.216:8.3","an10.216:8.4","an10.216:8.5","an10.216:8.6"],"kind":"text","text":{"pi":"Ujugatikassa kho panāhaṁ, bhikkhave, ujupapattikassa dvinnaṁ gatīnaṁ aññataraṁ gatiṁ vadāmi—\nye vā ekantasukhā saggā yāni vā pana tāni uccākulāni khattiyamahāsālakulāni vā brāhmaṇamahāsālakulāni vā gahapatimahāsālakulāni vā aḍḍhāni mahaddhanāni mahābhogāni pahūtajātarūparajatāni pahūtavittūpakaraṇāni pahūtadhanadhaññāni.\nIti kho, bhikkhave, bhūtā bhūtassa upapatti hoti.\nYaṁ karoti tena upapajjati.\nUpapannamenaṁ phassā phusanti.\nEvamahaṁ, bhikkhave, ‘kammadāyādā sattā’ti vadāmi.","en":"Someone whose destiny and rebirth is virtuous is reborn in one of two places, I say:\nin a heaven of absolute happiness, or in an eminent well-to-do family of aristocrats, brahmins, or householders—rich, affluent, and wealthy, with lots of gold and silver, lots of property and assets, and lots of money and grain.\nThis is how a being is born from a being.\nFor your deeds determine your rebirth,\nand when you’re reborn contacts strike you.\nThis is why I say that sentient beings are heirs to their deeds."}},{"id":"an10.216:9","sourceIds":["an10.216:9.1","an10.216:9.2","an10.216:9.3","an10.216:9.4","an10.216:9.5","an10.216:9.6","an10.216:9.7","an10.216:9.8","an10.216:9.9","an10.216:9.10","an10.216:9.11","an10.216:9.12","an10.216:9.13"],"kind":"text","text":{"pi":"Idha pana, bhikkhave, ekacco adinnādānaṁ pahāya adinnādānā paṭivirato hoti …pe…\nkāmesumicchācārā paṭivirato hoti …\nmusāvādaṁ pahāya musāvādā paṭivirato hoti …\npisuṇaṁ vācaṁ pahāya pisuṇāya vācāya paṭivirato hoti …\npharusaṁ vācaṁ pahāya pharusāya vācāya paṭivirato hoti …\nsamphappalāpaṁ pahāya samphappalāpā paṭivirato hoti …\nanabhijjhālu hoti …\nabyāpannacitto hoti …\nsammādiṭṭhiko hoti aviparītadassano:\n‘atthi dinnaṁ …pe…\nye imañca lokaṁ parañca lokaṁ sayaṁ abhiññā sacchikatvā pavedentī’ti.\nSo na saṁsappati kāyena, na saṁsappati vācāya, na saṁsappati manasā.\nTassa uju kāyakammaṁ hoti, uju vacīkammaṁ, uju manokammaṁ, uju gati, ujupapatti.","en":"Take someone else who gives up stealing …\nsexual misconduct …\nlying …\nbackbiting …\nharsh speech …\ntalking nonsense …\nThey’re content …\nkind hearted …\nthey have right view …\nThey’re not creepy in body, speech, and mind.\nDoing virtuous deeds by way of body, speech, and mind, their destiny and rebirth is virtuous."}},{"id":"an10.216:10","sourceIds":["an10.216:10.1","an10.216:10.2","an10.216:10.3","an10.216:10.4","an10.216:10.5","an10.216:10.6"],"kind":"text","text":{"pi":"Ujugatikassa kho pana ahaṁ, bhikkhave, ujupapattikassa dvinnaṁ gatīnaṁ aññataraṁ gatiṁ vadāmi—\nye vā ekantasukhā saggā yāni vā pana tāni uccākulāni khattiyamahāsālakulāni vā brāhmaṇamahāsālakulāni vā gahapatimahāsālakulāni vā aḍḍhāni mahaddhanāni mahābhogāni pahūtajātarūparajatāni pahūtavittūpakaraṇāni pahūtadhanadhaññāni.\nIti kho, bhikkhave, bhūtā bhūtassa upapatti hoti.\nYaṁ karoti tena upapajjati.\nUpapannamenaṁ phassā phusanti.\nEvamahaṁ, bhikkhave, ‘kammadāyādā sattā’ti vadāmi.","en":"Someone whose destiny and rebirth is virtuous is reborn in one of two places, I say:\nin a heaven of absolute happiness, or in an eminent well-to-do family of aristocrats, brahmins, or householders—rich, affluent, and wealthy, with lots of gold and silver, lots of property and assets, and lots of money and grain.\nThis is how a being is born from a being.\nFor your deeds determine your rebirth,\nand when you’re reborn contacts strike you.\nThis is why I say that sentient beings are heirs to their deeds."}},{"id":"an10.216:11","sourceIds":["an10.216:11.1","an10.216:11.2","an10.216:11.3","an10.216:11.4"],"kind":"text","text":{"pi":"Kammassakā, bhikkhave, sattā kammadāyādā kammayonī kammabandhū kammapaṭisaraṇā, yaṁ kammaṁ karonti—\nkalyāṇaṁ vā pāpakaṁ vā—tassa dāyādā bhavanti.\nAyaṁ kho so, bhikkhave, saṁsappanīyapariyāyo dhammapariyāyo”ti.\nChaṭṭhaṁ.","en":"Sentient beings are the owners of their deeds and heir to their deeds. Deeds are their womb, their relative, and their refuge.\nThey shall be the heir of whatever deeds they do, whether good or bad.\nThis is the exposition of the teaching on creepy creatures.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.216/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}