{"id":"an10.220","title":"Unprincipled Conduct","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.220","title":"Unprincipled Conduct","units":[{"id":"an10.220:0","sourceIds":["an10.220:0.1","an10.220:0.2","an10.220:0.3"],"kind":"text","text":{"pi":"Aṅguttara Nikāya 10.220\n21. Karajakāyavagga\nAdhammacariyāsutta","en":"Numbered Discourses 10.220\n21. The Body Born of Deeds\nUnprincipled Conduct"}},{"id":"an10.220:1","sourceIds":["an10.220:1.1","an10.220:1.2","an10.220:1.3","an10.220:1.4"],"kind":"text","text":{"pi":"Atha kho aññataro brāhmaṇo yena bhagavā tenupasaṅkami; upasaṅkamitvā bhagavatā saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho so brāhmaṇo bhagavantaṁ etadavoca:\n“ko nu kho, bho gotama, hetu ko paccayo yena m’idhekacce sattā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjantī”ti?\n“Adhammacariyāvisamacariyāhetu kho, brāhmaṇa, evam’idhekacce sattā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjantī”ti.","en":"Then a certain brahmin went up to the Buddha and exchanged greetings with him.\nWhen the greetings and polite conversation were over, he sat down to one side and said to the Buddha:\n“What is the cause, worthy Gotama, what is the reason why some sentient beings, when their body breaks up, after death, are reborn in a place of loss, a bad place, the underworld, hell?”\n“Unprincipled and immoral conduct is the reason why some sentient beings, when their body breaks up, after death, are reborn in a place of loss, a bad place, the underworld, hell.”"}},{"id":"an10.220:2","sourceIds":["an10.220:2.1","an10.220:2.2"],"kind":"text","text":{"pi":"“Ko pana, bho gotama, hetu ko paccayo yena m’idhekacce sattā kāyassa bhedā paraṁ maraṇā sugatiṁ saggaṁ lokaṁ upapajjantī”ti?\n“Dhammacariyāsamacariyāhetu kho, brāhmaṇa, evam’idhekacce sattā kāyassa bhedā paraṁ maraṇā sugatiṁ saggaṁ lokaṁ upapajjantī”ti.","en":"“But what is the cause, worthy Gotama, what is the reason why some sentient beings, when their body breaks up, after death, are reborn in a good place, a heavenly realm?”\n“Principled and moral conduct is the reason why some sentient beings, when their body breaks up, after death, are reborn in a good place, a heavenly realm.”"}},{"id":"an10.220:3","sourceIds":["an10.220:3.1","an10.220:3.2","an10.220:3.3","an10.220:3.4","an10.220:3.5"],"kind":"text","text":{"pi":"“Na kho ahaṁ imassa bhoto gotamassa saṅkhittena bhāsitassa vitthārena atthaṁ ājānāmi.\nSādhu me bhavaṁ gotamo tathā dhammaṁ desetu yathāhaṁ imassa bhoto gotamassa saṅkhittena bhāsitassa vitthārena atthaṁ ājāneyyan”ti.\n“Tena hi, brāhmaṇa, suṇāhi, sādhukaṁ manasi karohi; bhāsissāmī”ti.\n“Evaṁ, bho”ti kho so brāhmaṇo bhagavato paccassosi.\nBhagavā etadavoca:","en":"“I don’t understand the detailed meaning of what the worthy Gotama has said in brief.\nPlease, worthy Gotama, teach me this matter so I can understand the detailed meaning.”\n“Well then, brahmin, listen and apply your mind well, I will speak.”\n“Yes, worthy sir,” the brahmin replied.\nThe Buddha said this:"}},{"id":"an10.220:4","sourceIds":["an10.220:4.1","an10.220:4.2","an10.220:4.3"],"kind":"text","text":{"pi":"“Tividhā kho, brāhmaṇa, kāyena adhammacariyāvisamacariyā hoti;\ncatubbidhā vācāya adhammacariyāvisamacariyā hoti;\ntividhā manasā adhammacariyāvisamacariyā hoti.","en":"“Brahmin, unprincipled and immoral conduct is threefold by way of body,\nfourfold by way of speech,\nand threefold by way of mind."}},{"id":"an10.220:5","sourceIds":["an10.220:5.1","an10.220:5.2"],"kind":"text","text":{"pi":"Kathañca, brāhmaṇa, tividhā kāyena adhammacariyāvisamacariyā hoti …pe…\nevaṁ kho, brāhmaṇa, tividhā kāyena adhammacariyā visamacariyā hoti.","en":"And how is unprincipled and immoral conduct threefold by way of body? …\nThat’s how unprincipled and immoral conduct is threefold by way of body."}},{"id":"an10.220:6","sourceIds":["an10.220:6.1","an10.220:6.2"],"kind":"text","text":{"pi":"Kathañca, brāhmaṇa, catubbidhā vācāya adhammacariyāvisamacariyā hoti …pe…\nevaṁ kho, brāhmaṇa, catubbidhā vācāya adhammacariyāvisamacariyā hoti.","en":"And how is unprincipled and immoral conduct fourfold by way of speech? …\nThat’s how unprincipled and immoral conduct is fourfold by way of speech."}},{"id":"an10.220:7","sourceIds":["an10.220:7.1","an10.220:7.2","an10.220:7.3"],"kind":"text","text":{"pi":"Kathañca, brāhmaṇa, tividhā manasā adhammacariyāvisamacariyā hoti …pe…\nevaṁ kho, brāhmaṇa, tividhā manasā adhammacariyāvisamacariyā hoti.\nEvaṁ adhammacariyāvisamacariyāhetu kho, brāhmaṇa, evam’idhekacce sattā kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjanti.","en":"And how is unprincipled and immoral conduct threefold by way of mind? …\nThat’s how unprincipled and immoral conduct is threefold by way of mind.\nThat’s how unprincipled and immoral conduct is the reason why some sentient beings, when their body breaks up, after death, are reborn in a place of loss, a bad place, the underworld, hell."}},{"id":"an10.220:8","sourceIds":["an10.220:8.1","an10.220:8.2","an10.220:8.3"],"kind":"text","text":{"pi":"Tividhā, brāhmaṇa, kāyena dhammacariyāsamacariyā hoti;\ncatubbidhā vācāya dhammacariyāsamacariyā hoti;\ntividhā manasā dhammacariyāsamacariyā hoti.","en":"Principled and moral conduct is threefold by way of body,\nfourfold by way of speech,\nand threefold by way of mind."}},{"id":"an10.220:9","sourceIds":["an10.220:9.1","an10.220:9.2"],"kind":"text","text":{"pi":"Kathañca, brāhmaṇa, tividhā kāyena dhammacariyāsamacariyā hoti …pe…\nevaṁ kho, brāhmaṇa, tividhā kāyena dhammacariyāsamacariyā hoti.","en":"And how is principled and moral conduct threefold by way of body? …\nThat’s how principled and moral conduct is threefold by way of body."}},{"id":"an10.220:10","sourceIds":["an10.220:10.1","an10.220:10.2"],"kind":"text","text":{"pi":"Kathañca, brāhmaṇa, catubbidhā vācāya dhammacariyāsamacariyā hoti …pe…\nevaṁ kho, brāhmaṇa, catubbidhā vācāya dhammacariyāsamacariyā hoti.","en":"And how is principled and moral conduct fourfold by way of speech? …\nThat’s how principled and moral conduct is fourfold by way of speech."}},{"id":"an10.220:11","sourceIds":["an10.220:11.1","an10.220:11.2","an10.220:11.3"],"kind":"text","text":{"pi":"Kathañca, brāhmaṇa, tividhā manasā dhammacariyāsamacariyā hoti …pe…\nevaṁ kho, brāhmaṇa, tividhā manasā dhammacariyāsamacariyā hoti.\nEvaṁ dhammacariyāsamacariyāhetu kho, brāhmaṇa, evam’idhekacce sattā kāyassa bhedā paraṁ maraṇā sugatiṁ saggaṁ lokaṁ upapajjantī”ti.","en":"And how is principled and moral conduct threefold by way of mind? …\nThat’s how principled and moral conduct is threefold by way of mind.\nThat’s how principled and moral conduct is the reason why some sentient beings, when their body breaks up, after death, are reborn in a good place, a heavenly realm.”"}},{"id":"an10.220:12","sourceIds":["an10.220:12.1","an10.220:12.2","an10.220:12.3","an10.220:12.4"],"kind":"text","text":{"pi":"“Abhikkantaṁ, bho gotama, abhikkantaṁ, bho gotama …pe…\nupāsakaṁ maṁ bhavaṁ gotamo dhāretu ajjatagge pāṇupetaṁ saraṇaṁ gatan”ti.\nDasamaṁ.\nKarajakāyavaggo paṭhamo.","en":"“Excellent, worthy Gotama! Excellent! …\nFrom this day forth, may the worthy Gotama remember me as a lay follower who has gone for refuge for life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.220/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}