{"id":"an10.23","title":"Body","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.23","title":"Body","units":[{"id":"an10.23:0","sourceIds":["an10.23:0.1","an10.23:0.2","an10.23:0.3"],"kind":"text","text":{"pi":"Aṅguttara Nikāya 10.23\n3. Mahāvagga\nKāyasutta","en":"Numbered Discourses 10.23\n3. The Great Chapter\nBody"}},{"id":"an10.23:1","sourceIds":["an10.23:1.1","an10.23:1.2","an10.23:1.3"],"kind":"text","text":{"pi":"“Atthi, bhikkhave, dhammā kāyena pahātabbā, no vācāya.\nAtthi, bhikkhave, dhammā vācāya pahātabbā, no kāyena.\nAtthi, bhikkhave, dhammā neva kāyena pahātabbā no vācāya, paññāya disvā pahātabbā.","en":"“Mendicants, there are things that should be given up by the body, not by speech.\nThere are things that should be given up by speech, not by the body.\nThere are things that should be given up neither by the body, nor by speech, but by seeing again and again with wisdom."}},{"id":"an10.23:2","sourceIds":["an10.23:2.1","an10.23:2.2","an10.23:2.3","an10.23:2.4","an10.23:2.5","an10.23:2.6","an10.23:2.7"],"kind":"text","text":{"pi":"Katame ca, bhikkhave, dhammā kāyena pahātabbā, no vācāya?\nIdha, bhikkhave, bhikkhu akusalaṁ āpanno hoti kiñci desaṁ kāyena.\nTamenaṁ anuvicca viññū sabrahmacārī evamāhaṁsu:\n‘āyasmā kho akusalaṁ āpanno kiñci desaṁ kāyena.\nSādhu vatāyasmā kāyaduccaritaṁ pahāya kāyasucaritaṁ bhāvetū’ti.\nSo anuvicca viññūhi sabrahmacārīhi vuccamāno kāyaduccaritaṁ pahāya kāyasucaritaṁ bhāveti.\nIme vuccanti, bhikkhave, dhammā kāyena pahātabbā, no vācāya.","en":"And what are the things that should be given up by the body, not by speech?\nIt’s when a mendicant has committed a certain unskillful offense by way of body.\nAfter examination, sensible spiritual companions say this to them:\n‘Venerable, you’ve committed a certain unskillful offense by way of body.\nPlease give up that bad bodily conduct and develop good bodily conduct.’\nWhen spoken to by their sensible spiritual companions they give up that bad bodily conduct and develop good bodily conduct.\nThese are the things that should be given up by the body, not by speech."}},{"id":"an10.23:3","sourceIds":["an10.23:3.1","an10.23:3.2","an10.23:3.3","an10.23:3.4","an10.23:3.5","an10.23:3.6","an10.23:3.7"],"kind":"text","text":{"pi":"Katame ca, bhikkhave, dhammā vācāya pahātabbā, no kāyena?\nIdha, bhikkhave, bhikkhu akusalaṁ āpanno hoti kiñci desaṁ vācāya.\nTamenaṁ anuvicca viññū sabrahmacārī evamāhaṁsu:\n‘āyasmā kho akusalaṁ āpanno kiñci desaṁ vācāya.\nSādhu vatāyasmā vacīduccaritaṁ pahāya vacīsucaritaṁ bhāvetū’ti.\nSo anuvicca viññūhi sabrahmacārīhi vuccamāno vacīduccaritaṁ pahāya vacīsucaritaṁ bhāveti.\nIme vuccanti, bhikkhave, dhammā vācāya pahātabbā, no kāyena.","en":"And what are the things that should be given up by speech, not by the body?\nIt’s when a mendicant has committed a certain unskillful offense by way of speech.\nAfter examination, sensible spiritual companions say this to them:\n‘Venerable, you’ve committed a certain unskillful offense by way of speech.\nPlease give up that bad verbal conduct and develop good verbal conduct.’\nWhen spoken to by their sensible spiritual companions they give up that bad verbal conduct and develop good verbal conduct.\nThese are the things that should be given up by speech, not by the body."}},{"id":"an10.23:4","sourceIds":["an10.23:4.1","an10.23:4.2","an10.23:4.3","an10.23:4.4","an10.23:4.5","an10.23:4.6","an10.23:4.7","an10.23:4.8","an10.23:4.9"],"kind":"text","text":{"pi":"Katame ca, bhikkhave, dhammā neva kāyena pahātabbā no vācāya, paññāya disvā pahātabbā?\nLobho, bhikkhave, neva kāyena pahātabbo no vācāya, paññāya disvā pahātabbo.\nDoso, bhikkhave …pe…\nmoho …\nkodho …\nupanāho …\nmakkho …\npaḷāso …\nmacchariyaṁ, bhikkhave, neva kāyena pahātabbaṁ no vācāya, paññāya disvā pahātabbaṁ.","en":"And what are the things that should be given up neither by the body, nor by speech, but by seeing again and again with wisdom?\nGreed …\nhate …\ndelusion …\nanger …\nacrimony …\ndisdain …\ncontempt …\nand stinginess are things that should be given up neither by the body, nor by speech, but by seeing again and again with wisdom."}},{"id":"an10.23:5","sourceIds":["an10.23:5.1","an10.23:5.2","an10.23:5.3","an10.23:5.4","an10.23:5.5","an10.23:5.6","an10.23:5.7","an10.23:5.8","an10.23:5.9"],"kind":"text","text":{"pi":"Pāpikā, bhikkhave, issā neva kāyena pahātabbā no vācāya, paññāya disvā pahātabbā.\nKatamā ca, bhikkhave, pāpikā issā?\nIdha, bhikkhave, ijjhati gahapatissa vā gahapatiputtassa vā dhanena vā dhaññena vā rajatena vā jātarūpena vā.\nTatrāññatarassa dāsassa vā upavāsassa vā evaṁ hoti:\n‘aho vatimassa gahapatissa vā gahapatiputtassa vā na ijjheyya dhanena vā dhaññena vā rajatena vā jātarūpena vā’ti.\nSamaṇo vā pana brāhmaṇo vā lābhī hoti cīvarapiṇḍapātasenāsanagilānapaccayabhesajjaparikkhārānaṁ.\nTatrāññatarassa samaṇassa vā brāhmaṇassa vā evaṁ hoti:\n‘aho vata ayamāyasmā na lābhī assa cīvarapiṇḍapātasenāsanagilānapaccayabhesajjaparikkhārānan’ti.\nAyaṁ vuccati, bhikkhave, pāpikā issā.","en":"Nasty jealousy should be given up neither by the body, nor by speech, but by seeing again and again with wisdom.\nAnd what is nasty jealousy?\nIt’s when a householder or their child is prospering in money, grain, silver, or gold.\nAnd a bondservant or dependent thinks:\n‘Oh, may that householder or their child not prosper in money, grain, silver, or gold!’\nOr an ascetic or brahmin receives robes, almsfood, lodgings, and medicines and supplies for the sick.\nAnd some other ascetic or brahmin thinks:\n‘Oh, may that venerable not receive robes, almsfood, lodgings, and medicines and supplies for the sick.’\nThis is called nasty jealousy."}},{"id":"an10.23:6","sourceIds":["an10.23:6.1","an10.23:6.2","an10.23:6.3","an10.23:6.4","an10.23:6.5","an10.23:6.6","an10.23:6.7","an10.23:6.8","an10.23:6.9","an10.23:6.10","an10.23:6.11","an10.23:6.12","an10.23:6.13"],"kind":"text","text":{"pi":"Pāpikā, bhikkhave, icchā neva kāyena pahātabbā no vācāya, paññāya disvā pahātabbā.\nKatamā ca, bhikkhave, pāpikā icchā?\nIdha, bhikkhave, ekacco assaddho samāno ‘saddhoti maṁ jāneyyun’ti icchati;\ndussīlo samāno ‘sīlavāti maṁ jāneyyun’ti icchati;\nappassuto samāno ‘bahussutoti maṁ jāneyyun’ti icchati;\nsaṅgaṇikārāmo samāno ‘pavivittoti maṁ jāneyyun’ti icchati;\nkusīto samāno ‘āraddhavīriyoti maṁ jāneyyun’ti icchati;\nmuṭṭhassati samāno ‘upaṭṭhitassatīti maṁ jāneyyun’ti icchati;\nasamāhito samāno ‘samāhitoti maṁ jāneyyun’ti icchati;\nduppañño samāno ‘paññavāti maṁ jāneyyun’ti icchati;\nakhīṇāsavo samāno ‘khīṇāsavoti maṁ jāneyyun’ti icchati.\nAyaṁ vuccati, bhikkhave, pāpikā icchā.\nIme vuccanti, bhikkhave, dhammā neva kāyena pahātabbā no vācāya, paññāya disvā pahātabbā.","en":"Corrupt wishes should be given up neither by the body, nor by speech, but by seeing again and again with wisdom.\nAnd what are corrupt wishes?\nIt’s when a faithless person wishes to be known as faithful.\nAn unethical person wishes to be known as ethical.\nAn unlearned person wishes to be known as learned.\nA lover of company wishes to be known as secluded.\nA lazy person wishes to be known as energetic.\nAn unmindful person wishes to be known as mindful.\nA person without immersion wishes to be known as having immersion.\nA witless person wishes to be known as wise.\nSomeone who has not ended the defilements wishes to be known as having ended the defilements.\nThese are called corrupt wishes.\nCorrupt wishes should be given up neither by the body, nor by speech, but by seeing again and again with wisdom."}},{"id":"an10.23:7","sourceIds":["an10.23:7.1","an10.23:7.2","an10.23:7.3","an10.23:7.4","an10.23:7.5","an10.23:7.6","an10.23:7.7","an10.23:7.8","an10.23:7.9","an10.23:7.10","an10.23:7.11","an10.23:7.12","an10.23:7.13","an10.23:7.14","an10.23:7.15","an10.23:7.16","an10.23:7.17","an10.23:7.18","an10.23:7.19","an10.23:7.20","an10.23:7.21"],"kind":"text","text":{"pi":"Tañce, bhikkhave, bhikkhuṁ lobho abhibhuyya iriyati,\ndoso …\nmoho …\nkodho …\nupanāho …\nmakkho …\npaḷāso …\nmacchariyaṁ …\npāpikā issā …\npāpikā icchā abhibhuyya iriyati.\nSo evamassa veditabbo:\n‘nāyamāyasmā tathā pajānāti yathā pajānato lobho na hoti, tathāhimaṁ āyasmantaṁ lobho abhibhuyya iriyati;\nnāyamāyasmā tathā pajānāti yathā pajānato doso na hoti …\nmoho …\nkodho …\nupanāho …\nmakkho …\npaḷāso …\nmacchariyaṁ …\npāpikā issā …\npāpikā icchā na hoti, tathāhimaṁ āyasmantaṁ pāpikā icchā abhibhuyya iriyatī’ti.","en":"Suppose that greed masters that mendicant and keeps going.\nOr that hate …\ndelusion …\nanger …\nacrimony …\ndisdain …\ncontempt …\nstinginess …\nnasty jealousy …\nor corrupt wishes master them and keep going.\nYou should know of them:\n‘This venerable does not have the understanding that would eliminate greed, so greed masters them and keeps going.\nThey don’t have the understanding that would eliminate hate …\ndelusion …\nanger …\nacrimony …\ndisdain …\ncontempt …\nstinginess …\nnasty jealousy …\nor corrupt wishes, so corrupt wishes master them and keep going.’"}},{"id":"an10.23:8","sourceIds":["an10.23:8.1","an10.23:8.2","an10.23:8.3","an10.23:8.4","an10.23:8.5","an10.23:8.6","an10.23:8.7","an10.23:8.8","an10.23:8.9","an10.23:8.10","an10.23:8.11","an10.23:8.12","an10.23:8.13","an10.23:8.14","an10.23:8.15","an10.23:8.16","an10.23:8.17","an10.23:8.18","an10.23:8.19","an10.23:8.20","an10.23:8.21","an10.23:8.22"],"kind":"text","text":{"pi":"Tañce, bhikkhave, bhikkhuṁ lobho nābhibhuyya iriyati,\ndoso …\nmoho …\nkodho …\nupanāho …\nmakkho …\npaḷāso …\nmacchariyaṁ …\npāpikā issā …\npāpikā icchā nābhibhuyya iriyati,\nso evamassa veditabbo:\n‘tathā ayamāyasmā pajānāti yathā pajānato lobho na hoti, tathāhimaṁ āyasmantaṁ lobho nābhibhuyya iriyati;\ntathā ayamāyasmā pajānāti yathā pajānato doso na hoti …\nmoho …\nkodho …\nupanāho …\nmakkho …\npaḷāso …\nmacchariyaṁ …\npāpikā issā …\npāpikā icchā na hoti, tathāhimaṁ āyasmantaṁ pāpikā icchā nābhibhuyya iriyatī’”ti.\nTatiyaṁ.","en":"Suppose that greed does not master that mendicant and keep going.\nOr that hate …\ndelusion …\nanger …\nacrimony …\ndisdain …\ncontempt …\nstinginess …\nnasty jealousy …\nor corrupt wishes don’t master that mendicant and keep going.\nYou should know of them:\n‘This venerable has the understanding that eliminates greed, so greed doesn’t master them and keep going.\nThey have the understanding that eliminates hate …\ndelusion …\nanger …\nacrimony …\ndisdain …\ncontempt …\nstinginess …\nnasty jealousy …\nand corrupt wishes, so corrupt wishes don’t master them and keep going.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.23/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}