{"id":"an10.29","title":"Kosala (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.29","title":"Kosala (1st)","units":[{"id":"an10.29:0","sourceIds":["an10.29:0.1","an10.29:0.2","an10.29:0.3"],"kind":"text","text":{"pi":"Aṅguttara Nikāya 10.29\n3. Mahāvagga\nPaṭhamakosalasutta","en":"Numbered Discourses 10.29\n3. The Great Chapter\nKosala (1st)"}},{"id":"an10.29:1","sourceIds":["an10.29:1.1","an10.29:1.2","an10.29:1.3","an10.29:1.4"],"kind":"text","text":{"pi":"“Yāvatā, bhikkhave, kāsikosalā, yāvatā rañño pasenadissa kosalassa vijitaṁ, rājā tattha pasenadi kosalo aggamakkhāyati.\nRaññopi kho, bhikkhave, pasenadissa kosalassa attheva aññathattaṁ atthi vipariṇāmo.\nEvaṁ passaṁ, bhikkhave, sutavā ariyasāvako tasmimpi nibbindati.\nTasmiṁ nibbindanto agge virajjati, pageva hīnasmiṁ.","en":"“As far as Kāsi and Kosala extend, and as far as the dominion of King Pasenadi of Kosala extends, King Pasenadi is said to be the foremost.\nBut even King Pasenadi decays and perishes.\nSeeing this, a learned noble disciple grows disillusioned with it.\nTheir desire fades away even for the foremost, let alone the inferior."}},{"id":"an10.29:2","sourceIds":["an10.29:2.1","an10.29:2.2","an10.29:2.3","an10.29:2.4","an10.29:2.5","an10.29:2.6"],"kind":"text","text":{"pi":"Yāvatā, bhikkhave, candimasūriyā pariharanti disā bhanti virocamānā, tāva sahassadhā loko.\nTasmiṁ sahassadhā loke sahassaṁ candānaṁ sahassaṁ sūriyānaṁ sahassaṁ sinerupabbatarājānaṁ sahassaṁ jambudīpānaṁ sahassaṁ aparagoyānānaṁ sahassaṁ uttarakurūnaṁ sahassaṁ pubbavidehānaṁ cattāri mahāsamuddasahassāni cattāri mahārājasahassāni sahassaṁ cātumahārājikānaṁ sahassaṁ tāvatiṁsānaṁ sahassaṁ yāmānaṁ sahassaṁ tusitānaṁ sahassaṁ nimmānaratīnaṁ sahassaṁ paranimmitavasavattīnaṁ sahassaṁ brahmalokānaṁ.\nYāvatā, bhikkhave, sahassī lokadhātu, mahābrahmā tattha aggamakkhāyati.\nMahābrahmunopi kho, bhikkhave, attheva aññathattaṁ atthi vipariṇāmo.\nEvaṁ passaṁ, bhikkhave, sutavā ariyasāvako tasmimpi nibbindati.\nTasmiṁ nibbindanto agge virajjati, pageva hīnasmiṁ.","en":"A galaxy extends a thousand times as far as the moon and sun revolve and the dazzling ones light up the quarters.\nIn that galaxy there are a thousand moons, a thousand suns, a thousand Sinerus king of mountains, a thousand Black Plum Tree Lands, a thousand lands west of Godāvarī, a thousand lands north of Kuru, a thousand lands east of Videha, four thousand oceans, four thousand great kings, a thousand realms of the gods of the four great kings, a thousand realms of the gods of the thirty-three, of the gods of Yama, of the joyful gods, of the gods who love to create, of the gods who control what is created by others, and a thousand realms of divinity.\nAs far as the galaxy extends, the Great Divinity is said to be the foremost.\nBut even the Great Divinity decays and perishes.\nSeeing this, a learned noble disciple grows disillusioned with it.\nTheir desire fades away even for the foremost, let alone the inferior."}},{"id":"an10.29:3","sourceIds":["an10.29:3.1","an10.29:3.2","an10.29:3.3","an10.29:3.4","an10.29:3.5","an10.29:3.6","an10.29:3.7"],"kind":"text","text":{"pi":"Hoti so, bhikkhave, samayo yaṁ ayaṁ loko saṁvaṭṭati.\nSaṁvaṭṭamāne, bhikkhave, loke yebhuyyena sattā ābhassarasaṁvattanikā bhavanti.\nTe tattha honti manomayā pītibhakkhā sayaṁpabhā antalikkhecarā subhaṭṭhāyino ciraṁ dīghamaddhānaṁ tiṭṭhanti.\nSaṁvaṭṭamāne, bhikkhave, loke ābhassarā devā aggamakkhāyanti.\nĀbhassarānampi kho, bhikkhave, devānaṁ attheva aññathattaṁ atthi vipariṇāmo.\nEvaṁ passaṁ, bhikkhave, sutavā ariyasāvako tasmimpi nibbindati.\nTasmiṁ nibbindanto agge virajjati, pageva hīnasmiṁ.","en":"There comes a time when this cosmos contracts.\nAs it contracts, most sentient beings migrate to the realm of sublime luminosity.\nThere they are mind-made, feeding on rapture, self-radiant, wandering in midair, steadily glorious, and they remain like that for a very long time.\nWhen the cosmos is contracting, the gods of sublime luminosity are said to be the foremost.\nBut even the gods of sublime luminosity decay and perish.\nSeeing this, a learned noble disciple grows disillusioned with it.\nTheir desire fades away even for the foremost, let alone the inferior."}},{"id":"an10.29:4","sourceIds":["an10.29:4.1","an10.29:4.2","an10.29:4.3","an10.29:4.4","an10.29:4.5","an10.29:4.6","an10.29:4.7","an10.29:4.8","an10.29:4.9","an10.29:4.10","an10.29:4.11","an10.29:4.12","an10.29:4.13"],"kind":"text","text":{"pi":"Dasayimāni, bhikkhave, kasiṇāyatanāni.\nKatamāni dasa?\nPathavīkasiṇameko sañjānāti uddhaṁ adho tiriyaṁ advayaṁ appamāṇaṁ;\nāpokasiṇameko sañjānāti …pe…\ntejokasiṇameko sañjānāti …\nvāyokasiṇameko sañjānāti …\nnīlakasiṇameko sañjānāti …\npītakasiṇameko sañjānāti …\nlohitakasiṇameko sañjānāti …\nodātakasiṇameko sañjānāti …\nākāsakasiṇameko sañjānāti …\nviññāṇakasiṇameko sañjānāti uddhaṁ adho tiriyaṁ advayaṁ appamāṇaṁ.\nImāni kho, bhikkhave, dasa kasiṇāyatanāni.","en":"There are these ten universal dimensions of meditation.\nWhat ten?\nSomeone perceives the meditation on universal earth above, below, across, undivided and limitless.\nThey perceive the meditation on universal water …\nthe meditation on universal fire …\nthe meditation on universal air …\nthe meditation on universal blue …\nthe meditation on universal yellow …\nthe meditation on universal red …\nthe meditation on universal white …\nthe meditation on universal space …\nThey perceive the meditation on universal consciousness above, below, across, undivided and limitless.\nThese are the ten universal dimensions of meditation."}},{"id":"an10.29:5","sourceIds":["an10.29:5.1","an10.29:5.2","an10.29:5.3","an10.29:5.4","an10.29:5.5"],"kind":"text","text":{"pi":"Etadaggaṁ, bhikkhave, imesaṁ dasannaṁ kasiṇāyatanānaṁ yadidaṁ viññāṇakasiṇaṁ eko sañjānāti uddhaṁ adho tiriyaṁ advayaṁ appamāṇaṁ.\nEvaṁsaññinopi kho, bhikkhave, santi sattā.\nEvaṁsaññīnampi kho, bhikkhave, sattānaṁ attheva aññathattaṁ atthi vipariṇāmo.\nEvaṁ passaṁ, bhikkhave, sutavā ariyasāvako tasmimpi nibbindati.\nTasmiṁ nibbindanto agge virajjati, pageva hīnasmiṁ.","en":"The best of these ten universal dimensions of meditation is when someone perceives the meditation on universal consciousness above, below, across, undivided and limitless.\nSome sentient beings perceive like this.\nBut even the sentient beings who perceive like this decay and perish.\nSeeing this, a learned noble disciple grows disillusioned with it.\nTheir desire fades away even for the foremost, let alone the inferior."}},{"id":"an10.29:6","sourceIds":["an10.29:6.1","an10.29:6.2","an10.29:6.3","an10.29:6.4","an10.29:6.5"],"kind":"text","text":{"pi":"Aṭṭhimāni, bhikkhave, abhibhāyatanāni.\nKatamāni aṭṭha?\nAjjhattaṁ rūpasaññī eko bahiddhā rūpāni passati parittāni suvaṇṇadubbaṇṇāni;\n‘tāni abhibhuyya jānāmi passāmī’ti, evaṁsaññī hoti.\nIdaṁ paṭhamaṁ abhibhāyatanaṁ.","en":"There are these eight dimensions of mastery.\nWhat eight?\nPerceiving form internally, someone sees forms externally, limited, both pretty and ugly.\nMastering them, they perceive: ‘I know and see.’\nThis is the first dimension of mastery."}},{"id":"an10.29:7","sourceIds":["an10.29:7.1","an10.29:7.2","an10.29:7.3"],"kind":"text","text":{"pi":"Ajjhattaṁ rūpasaññī eko bahiddhā rūpāni passati appamāṇāni suvaṇṇadubbaṇṇāni;\n‘tāni abhibhuyya jānāmi passāmī’ti, evaṁsaññī hoti.\nIdaṁ dutiyaṁ abhibhāyatanaṁ.","en":"Perceiving form internally, someone sees forms externally, limitless, both pretty and ugly.\nMastering them, they perceive: ‘I know and see.’\nThis is the second dimension of mastery."}},{"id":"an10.29:8","sourceIds":["an10.29:8.1","an10.29:8.2","an10.29:8.3"],"kind":"text","text":{"pi":"Ajjhattaṁ arūpasaññī eko bahiddhā rūpāni passati parittāni suvaṇṇadubbaṇṇāni;\n‘tāni abhibhuyya jānāmi passāmī’ti, evaṁsaññī hoti.\nIdaṁ tatiyaṁ abhibhāyatanaṁ.","en":"Not perceiving form internally, someone sees forms externally, limited, both pretty and ugly.\nMastering them, they perceive: ‘I know and see.’\nThis is the third dimension of mastery."}},{"id":"an10.29:9","sourceIds":["an10.29:9.1","an10.29:9.2","an10.29:9.3"],"kind":"text","text":{"pi":"Ajjhattaṁ arūpasaññī eko bahiddhā rūpāni passati appamāṇāni suvaṇṇadubbaṇṇāni;\n‘tāni abhibhuyya jānāmi passāmī’ti, evaṁsaññī hoti.\nIdaṁ catutthaṁ abhibhāyatanaṁ.","en":"Not perceiving form internally, someone sees forms externally, limitless, both pretty and ugly.\nMastering them, they perceive: ‘I know and see.’\nThis is the fourth dimension of mastery."}},{"id":"an10.29:10","sourceIds":["an10.29:10.1","an10.29:10.2","an10.29:10.3","an10.29:10.4","an10.29:10.5"],"kind":"text","text":{"pi":"Ajjhattaṁ arūpasaññī eko bahiddhā rūpāni passati nīlāni nīlavaṇṇāni nīlanidassanāni nīlanibhāsāni.\nSeyyathāpi nāma umāpupphaṁ nīlaṁ nīlavaṇṇaṁ nīlanidassanaṁ nīlanibhāsaṁ, seyyathā vā pana taṁ vatthaṁ bārāṇaseyyakaṁ ubhatobhāgavimaṭṭhaṁ nīlaṁ nīlavaṇṇaṁ nīlanidassanaṁ nīlanibhāsaṁ;\nevamevaṁ ajjhattaṁ arūpasaññī eko bahiddhā rūpāni passati nīlāni nīlavaṇṇāni nīlanidassanāni nīlanibhāsāni;\n‘tāni abhibhuyya jānāmi passāmī’ti, evaṁsaññī hoti.\nIdaṁ pañcamaṁ abhibhāyatanaṁ.","en":"Not perceiving form internally, someone sees forms externally, blue, with blue color and blue appearance.\nThey’re like a flax flower that’s blue, with blue color and blue appearance. Or a cloth from Varanasi that’s smoothed on both sides, blue, with blue color and blue appearance.\nIn the same way, not perceiving form internally, someone sees forms externally, blue, with blue color and blue appearance.\nMastering them, they perceive: ‘I know and see.’\nThis is the fifth dimension of mastery."}},{"id":"an10.29:11","sourceIds":["an10.29:11.1","an10.29:11.2","an10.29:11.3","an10.29:11.4","an10.29:11.5"],"kind":"text","text":{"pi":"Ajjhattaṁ arūpasaññī eko bahiddhā rūpāni passati pītāni pītavaṇṇāni pītanidassanāni pītanibhāsāni.\nSeyyathāpi nāma kaṇikārapupphaṁ pītaṁ pītavaṇṇaṁ pītanidassanaṁ pītanibhāsaṁ, seyyathā vā pana taṁ vatthaṁ bārāṇaseyyakaṁ ubhatobhāgavimaṭṭhaṁ pītaṁ pītavaṇṇaṁ pītanidassanaṁ pītanibhāsaṁ;\nevamevaṁ ajjhattaṁ arūpasaññī eko bahiddhā rūpāni passati pītāni pītavaṇṇāni pītanidassanāni pītanibhāsāni;\n‘tāni abhibhuyya jānāmi passāmī’ti, evaṁsaññī hoti.\nIdaṁ chaṭṭhaṁ abhibhāyatanaṁ.","en":"Not perceiving form internally, someone sees forms externally, yellow, with yellow color and yellow appearance.\nThey’re like a champak flower that’s yellow, with yellow color and yellow appearance. Or a cloth from Varanasi that’s smoothed on both sides, yellow, with yellow color and yellow appearance.\nIn the same way, not perceiving form internally, someone sees forms externally, yellow, with yellow color and yellow appearance.\nMastering them, they perceive: ‘I know and see.’\nThis is the sixth dimension of mastery."}},{"id":"an10.29:12","sourceIds":["an10.29:12.1","an10.29:12.2","an10.29:12.3","an10.29:12.4","an10.29:12.5"],"kind":"text","text":{"pi":"Ajjhattaṁ arūpasaññī eko bahiddhā rūpāni passati lohitakāni lohitakavaṇṇāni lohitakanidassanāni lohitakanibhāsāni.\nSeyyathāpi nāma bandhujīvakapupphaṁ lohitakaṁ lohitakavaṇṇaṁ lohitakanidassanaṁ lohitakanibhāsaṁ, seyyathā vā pana taṁ vatthaṁ bārāṇaseyyakaṁ ubhatobhāgavimaṭṭhaṁ lohitakaṁ lohitakavaṇṇaṁ lohitakanidassanaṁ lohitakanibhāsaṁ;\nevamevaṁ ajjhattaṁ arūpasaññī eko bahiddhā rūpāni passati lohitakāni lohitakavaṇṇāni lohitakanidassanāni lohitakanibhāsāni;\n‘tāni abhibhuyya jānāmi passāmī’ti, evaṁsaññī hoti.\nIdaṁ sattamaṁ abhibhāyatanaṁ.","en":"Not perceiving form internally, someone sees forms externally, red, with red color and red appearance.\nThey’re like a scarlet mallow flower that’s red, with red color and red appearance. Or a cloth from Varanasi that’s smoothed on both sides, red, with red color and red appearance.\nIn the same way, not perceiving form internally, someone sees forms externally, red, with red color and red appearance.\nMastering them, they perceive: ‘I know and see.’\nThis is the seventh dimension of mastery."}},{"id":"an10.29:13","sourceIds":["an10.29:13.1","an10.29:13.2","an10.29:13.3","an10.29:13.4","an10.29:13.5","an10.29:13.6"],"kind":"text","text":{"pi":"Ajjhattaṁ arūpasaññī eko bahiddhā rūpāni passati odātāni odātavaṇṇāni odātanidassanāni odātanibhāsāni.\nSeyyathāpi nāma osadhitārakā odātā odātavaṇṇā odātanidassanā odātanibhāsā, seyyathā vā pana taṁ vatthaṁ bārāṇaseyyakaṁ ubhatobhāgavimaṭṭhaṁ odātaṁ odātavaṇṇaṁ odātanidassanaṁ odātanibhāsaṁ;\nevamevaṁ ajjhattaṁ arūpasaññī eko bahiddhā rūpāni passati odātāni odātavaṇṇāni odātanidassanāni odātanibhāsāni;\n‘tāni abhibhuyya jānāmi passāmī’ti, evaṁsaññī hoti.\nIdaṁ aṭṭhamaṁ abhibhāyatanaṁ.\nImāni kho, bhikkhave, aṭṭha abhibhāyatanāni.","en":"Not perceiving form internally, someone sees forms externally, white, with white color and white appearance.\nThey’re like the morning star that’s white, with white color and white appearance. Or a cloth from Varanasi that’s smoothed on both sides, white, with white color and white appearance.\nIn the same way, not perceiving form internally, someone sees forms externally, white, with white color and white appearance.\nMastering them, they perceive: ‘I know and see.’\nThis is the eighth dimension of mastery.\nThese are the eight dimensions of mastery."}},{"id":"an10.29:14","sourceIds":["an10.29:14.1","an10.29:14.2","an10.29:14.3","an10.29:14.4","an10.29:14.5","an10.29:14.6"],"kind":"text","text":{"pi":"Etadaggaṁ, bhikkhave, imesaṁ aṭṭhannaṁ abhibhāyatanānaṁ yadidaṁ ajjhattaṁ arūpasaññī eko bahiddhā rūpāni passati odātāni odātavaṇṇāni odātanidassanāni odātanibhāsāni;\n‘tāni abhibhuyya jānāmi passāmī’ti, evaṁsaññī hoti.\nEvaṁsaññinopi kho, bhikkhave, santi sattā.\nEvaṁsaññīnampi kho, bhikkhave, sattānaṁ attheva aññathattaṁ atthi vipariṇāmo.\nEvaṁ passaṁ, bhikkhave, sutavā ariyasāvako tasmimpi nibbindati.\nTasmiṁ nibbindanto agge virajjati, pageva hīnasmiṁ.","en":"The best of these dimensions of mastery is when someone, not perceiving form internally, sees forms externally, white, with white color and white appearance.\nMastering them, they perceive: ‘I know and see.’\nSome sentient beings perceive like this.\nBut even the sentient beings who perceive like this decay and perish.\nSeeing this, a learned noble disciple grows disillusioned with it.\nTheir desire fades away even for the foremost, let alone the inferior."}},{"id":"an10.29:15","sourceIds":["an10.29:15.1","an10.29:15.2","an10.29:15.3","an10.29:15.4","an10.29:15.5","an10.29:15.6","an10.29:15.7"],"kind":"text","text":{"pi":"Catasso imā, bhikkhave, paṭipadā.\nKatamā catasso?\nDukkhā paṭipadā dandhābhiññā,\ndukkhā paṭipadā khippābhiññā,\nsukhā paṭipadā dandhābhiññā,\nsukhā paṭipadā khippābhiññā—\nimā kho, bhikkhave, catasso paṭipadā.","en":"There are four ways of practice.\nWhat four?\nPainful practice with slow insight,\npainful practice with swift insight,\npleasant practice with slow insight, and\npleasant practice with swift insight.\nThese are the four ways of practice."}},{"id":"an10.29:16","sourceIds":["an10.29:16.1","an10.29:16.2","an10.29:16.3","an10.29:16.4","an10.29:16.5"],"kind":"text","text":{"pi":"Etadaggaṁ, bhikkhave, imāsaṁ catunnaṁ paṭipadānaṁ yadidaṁ sukhā paṭipadā khippābhiññā.\nEvaṁpaṭipannāpi kho, bhikkhave, santi sattā.\nEvaṁpaṭipannānampi kho, bhikkhave, sattānaṁ attheva aññathattaṁ atthi vipariṇāmo.\nEvaṁ passaṁ, bhikkhave, sutavā ariyasāvako tasmimpi nibbindati.\nTasmiṁ nibbindanto agge virajjati, pageva hīnasmiṁ.","en":"The best of these four ways of practice is the pleasant practice with swift insight.\nSome sentient beings practice like this.\nBut even the sentient beings who practice like this decay and perish.\nSeeing this, a learned noble disciple grows disillusioned with it.\nTheir desire fades away even for the foremost, let alone the inferior."}},{"id":"an10.29:17","sourceIds":["an10.29:17.1","an10.29:17.2","an10.29:17.3","an10.29:17.4","an10.29:17.5","an10.29:17.6","an10.29:17.7"],"kind":"text","text":{"pi":"Catasso imā, bhikkhave, saññā.\nKatamā catasso?\nParittameko sañjānāti,\nmahaggatameko sañjānāti,\nappamāṇameko sañjānāti,\n‘natthi kiñcī’ti ākiñcaññāyatanameko sañjānāti—\nimā kho, bhikkhave, catasso saññā.","en":"There are these four perceptions.\nWhat four?\nOne individual perceives the limited.\nOne individual perceives the expansive.\nOne individual perceives the limitless.\nOne individual, aware that ‘there is nothing at all’, perceives the dimension of nothingness.\nThese are the four perceptions."}},{"id":"an10.29:18","sourceIds":["an10.29:18.1","an10.29:18.2","an10.29:18.3","an10.29:18.4","an10.29:18.5"],"kind":"text","text":{"pi":"Etadaggaṁ, bhikkhave, imāsaṁ catunnaṁ saññānaṁ yadidaṁ ‘natthi kiñcī’ti ākiñcaññāyatanameko sañjānāti.\nEvaṁsaññinopi kho, bhikkhave, santi sattā.\nEvaṁsaññīnampi kho, bhikkhave, sattānaṁ attheva aññathattaṁ atthi vipariṇāmo.\nEvaṁ passaṁ, bhikkhave, sutavā ariyasāvako tasmimpi nibbindati.\nTasmiṁ nibbindanto agge virajjati, pageva hīnasmiṁ.","en":"The best of these four perceptions is when someone, aware that ‘there is nothing at all’, perceives the dimension of nothingness.\nSome sentient beings perceive like this.\nBut even the sentient beings who perceive like this decay and perish.\nSeeing this, a learned noble disciple grows disillusioned with it.\nTheir desire fades away even for the foremost, let alone the inferior."}},{"id":"an10.29:19","sourceIds":["an10.29:19.1","an10.29:19.2","an10.29:19.3","an10.29:19.4","an10.29:19.5","an10.29:19.6","an10.29:19.7","an10.29:19.8"],"kind":"text","text":{"pi":"Etadaggaṁ, bhikkhave, bāhirakānaṁ diṭṭhigatānaṁ yadidaṁ ‘no cassaṁ, no ca me siyā, na bhavissāmi, na me bhavissatī’ti.\nEvaṁdiṭṭhino, bhikkhave, etaṁ pāṭikaṅkhaṁ:\n‘yā cāyaṁ bhave appaṭikulyatā, sā cassa na bhavissati;\nyā cāyaṁ bhavanirodhe pāṭikulyatā, sā cassa na bhavissatī’ti.\nEvaṁdiṭṭhinopi kho, bhikkhave, santi sattā.\nEvaṁdiṭṭhīnampi kho, bhikkhave, sattānaṁ attheva aññathattaṁ atthi vipariṇāmo.\nEvaṁ passaṁ, bhikkhave, sutavā ariyasāvako tasmimpi nibbindati.\nTasmiṁ nibbindanto agge virajjati, pageva hīnasmiṁ.","en":"This is the best of the convictions of outsiders, that is: ‘I might not be, and it might not be mine. I will not be, and it will not be mine.’\nWhen someone has such a view, you can expect\nthat they will not be attracted to continued existence,\nand they will not be repulsed by the cessation of continued existence.\nSome sentient beings have such a view.\nBut even the sentient beings who have views like this decay and perish.\nSeeing this, a learned noble disciple grows disillusioned with it.\nTheir desire fades away even for the foremost, let alone the inferior."}},{"id":"an10.29:20","sourceIds":["an10.29:20.1","an10.29:20.2","an10.29:20.3","an10.29:20.4","an10.29:20.5","an10.29:20.6","an10.29:20.7"],"kind":"text","text":{"pi":"Santi, bhikkhave, eke samaṇabrāhmaṇā paramatthavisuddhiṁ paññāpenti.\nEtadaggaṁ, bhikkhave, paramatthavisuddhiṁ paññapentānaṁ yadidaṁ sabbaso ākiñcaññāyatanaṁ samatikkamma nevasaññānāsaññāyatanaṁ upasampajja viharati.\nTe tadabhiññāya tassa sacchikiriyāya dhammaṁ desenti.\nEvaṁvādinopi kho, bhikkhave, santi sattā.\nEvaṁvādīnampi kho, bhikkhave, sattānaṁ attheva aññathattaṁ atthi vipariṇāmo.\nEvaṁ passaṁ, bhikkhave, sutavā ariyasāvako tasmimpi nibbindati.\nTasmiṁ nibbindanto agge virajjati, pageva hīnasmiṁ.","en":"There are some ascetics and brahmins who advocate the ultimate purity of the spirit.\nThis is the best of the advocates of the ultimate purity of the spirit, that is, when someone, going totally beyond the dimension of nothingness, enters and remains in the dimension of neither perception nor non-perception.\nThey teach Dhamma in order to directly know and realize this.\nSome sentient beings have such a doctrine.\nBut even the sentient beings who have such a doctrine decay and perish.\nSeeing this, a learned noble disciple grows disillusioned with it.\nTheir desire fades away even for the foremost, let alone the inferior."}},{"id":"an10.29:21","sourceIds":["an10.29:21.1","an10.29:21.2","an10.29:21.3","an10.29:21.4","an10.29:21.5","an10.29:21.6"],"kind":"text","text":{"pi":"Santi, bhikkhave, eke samaṇabrāhmaṇā paramadiṭṭhadhammanibbānaṁ paññāpenti.\nEtadaggaṁ, bhikkhave, paramadiṭṭhadhammanibbānaṁ paññapentānaṁ yadidaṁ channaṁ phassāyatanānaṁ samudayañca atthaṅgamañca assādañca ādīnavañca nissaraṇañca yathābhūtaṁ viditvā anupādā vimokkho.\nEvaṁvādiṁ kho maṁ, bhikkhave, evamakkhāyiṁ eke samaṇabrāhmaṇā asatā tucchā musā abhūtena abbhācikkhanti:\n‘samaṇo gotamo na kāmānaṁ pariññaṁ paññāpeti, na rūpānaṁ pariññaṁ paññāpeti, na vedanānaṁ pariññaṁ paññāpetī’ti.\nKāmānañcāhaṁ, bhikkhave, pariññaṁ paññāpemi, rūpānañca pariññaṁ paññāpemi, vedanānañca pariññaṁ paññāpemi, diṭṭheva dhamme nicchāto nibbuto sītibhūto anupādā parinibbānaṁ paññāpemī”ti.\nNavamaṁ.","en":"There are some ascetics and brahmins who advocate ultimate extinguishment in this very life.\nThis is the best of those who advocate extinguishment in this very life, that is, liberation by not grasping after truly understanding the origin, disappearance, gratification, drawback, and escape of the six fields of contact.\nThough I state and assert this, certain ascetics and brahmins misrepresent me with the incorrect, hollow, false, untruthful claim:\n‘The ascetic Gotama doesn’t advocate the complete understanding of sensual pleasures, forms, or feelings.’\nBut I do advocate the complete understanding of sensual pleasures, forms, and feelings. And I advocate complete extinguishment with no fuel for grasping in this very life, wishless, quenched, and cooled.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.29/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}