{"id":"an10.45","title":"Entering a Royal Compound","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.45","title":"Entering a Royal Compound","units":[{"id":"an10.45:0","sourceIds":["an10.45:0.1","an10.45:0.2","an10.45:0.3"],"kind":"text","text":{"pi":"Aṅguttara Nikāya 10.45\n5. Akkosavagga\nRājantepurappavesanasutta","en":"Numbered Discourses 10.45\n5. Abuse\nEntering a Royal Compound"}},{"id":"an10.45:1","sourceIds":["an10.45:1.1","an10.45:1.2","an10.45:1.3","an10.45:1.4","an10.45:1.5","an10.45:1.6","an10.45:1.7","an10.45:1.8"],"kind":"text","text":{"pi":"“Dasayime, bhikkhave, ādīnavā rājantepurappavesane.\nKatame dasa?\nIdha, bhikkhave, rājā mahesiyā saddhiṁ nisinno hoti.\nTatra bhikkhu pavisati.\nMahesī vā bhikkhuṁ disvā sitaṁ pātukaroti, bhikkhu vā mahesiṁ disvā sitaṁ pātukaroti.\nTattha rañño evaṁ hoti:\n‘addhā imesaṁ kataṁ vā karissanti vā’ti.\nAyaṁ, bhikkhave, paṭhamo ādīnavo rājantepurappavesane.","en":"“Mendicants, there are ten drawbacks to entering a royal compound.\nWhat ten?\nFirstly, a king is sitting with his chief queen\nwhen a monk enters.\nWhen the queen sees the monk she smiles, or when the monk sees the queen he smiles.\nSo the king thinks:\n‘They’ve done it for sure, or they will do it.’\nThis is the first drawback of entering a royal compound."}},{"id":"an10.45:2","sourceIds":["an10.45:2.1","an10.45:2.2","an10.45:2.3","an10.45:2.4","an10.45:2.5","an10.45:2.6"],"kind":"text","text":{"pi":"Puna caparaṁ, bhikkhave, rājā bahukicco bahukaraṇīyo aññataraṁ itthiṁ gantvā na sarati:\n‘sā tena gabbhaṁ gaṇhāti’.\nTattha rañño evaṁ hoti:\n‘na kho idha añño koci pavisati, aññatra pabbajitena.\nSiyā nu kho pabbajitassa kamman’ti.\nAyaṁ, bhikkhave, dutiyo ādīnavo rājantepurappavesane.","en":"Furthermore, a king has many duties, and much to do. He has sex with one of the women but doesn’t remember.\nShe gets pregnant from that.\nSo the king thinks:\n‘No-one else has entered here, except that monk.\nCould this be the monk’s doing?’\nThis is the second drawback of entering a royal compound."}},{"id":"an10.45:3","sourceIds":["an10.45:3.1","an10.45:3.2","an10.45:3.3","an10.45:3.4","an10.45:3.5"],"kind":"text","text":{"pi":"Puna caparaṁ, bhikkhave, rañño antepure aññataraṁ ratanaṁ nassati.\nTattha rañño evaṁ hoti:\n‘na kho idha añño koci pavisati, aññatra pabbajitena.\nSiyā nu kho pabbajitassa kamman’ti.\nAyaṁ, bhikkhave, tatiyo ādīnavo rājantepurappavesane.","en":"Furthermore, a gem is lost somewhere in the royal compound.\nSo the king thinks:\n‘No-one else has entered here, except that monk.\nCould this be the monk’s doing?’\nThis is the third drawback of entering a royal compound."}},{"id":"an10.45:4","sourceIds":["an10.45:4.1","an10.45:4.2","an10.45:4.3","an10.45:4.4","an10.45:4.5"],"kind":"text","text":{"pi":"Puna caparaṁ, bhikkhave, rañño antepure abbhantarā guyhamantā bahiddhā sambhedaṁ gacchanti.\nTattha rañño evaṁ hoti:\n‘na kho idha añño koci pavisati, aññatra pabbajitena.\nSiyā nu kho pabbajitassa kamman’ti.\nAyaṁ, bhikkhave, catuttho ādīnavo rājantepurappavesane.","en":"Furthermore, secret deliberations in the royal compound are leaked outside.\nSo the king thinks:\n‘No-one else has entered here, except that monk.\nCould this be the monk’s doing?’\nThis is the fourth drawback of entering a royal compound."}},{"id":"an10.45:5","sourceIds":["an10.45:5.1","an10.45:5.2","an10.45:5.3","an10.45:5.4","an10.45:5.5"],"kind":"text","text":{"pi":"Puna caparaṁ, bhikkhave, rañño antepure pitā vā puttaṁ pattheti putto vā pitaraṁ pattheti.\nTesaṁ evaṁ hoti:\n‘na kho idha añño koci pavisati, aññatra pabbajitena.\nSiyā nu kho pabbajitassa kamman’ti.\nAyaṁ, bhikkhave, pañcamo ādīnavo rājantepurappavesane.","en":"Furthermore, in a royal compound, a father longs for their son, or a son longs for his father.\nThey think:\n‘No-one else has entered here, except that monk.\nCould this be the monk’s doing?’\nThis is the fifth drawback of entering a royal compound."}},{"id":"an10.45:6","sourceIds":["an10.45:6.1","an10.45:6.2","an10.45:6.3","an10.45:6.4","an10.45:6.5"],"kind":"text","text":{"pi":"Puna caparaṁ, bhikkhave, rājā nīcaṭṭhāniyaṁ ucce ṭhāne ṭhapeti.\nYesaṁ taṁ amanāpaṁ tesaṁ evaṁ hoti:\n‘rājā kho pabbajitena saṁsaṭṭho.\nSiyā nu kho pabbajitassa kamman’ti.\nAyaṁ, bhikkhave, chaṭṭho ādīnavo rājantepurappavesane.","en":"Furthermore, the king promotes someone to a higher position.\nThose who are upset by this think:\n‘The king is close to that monk.\nCould this be the monk’s doing?’\nThis is the sixth drawback of entering a royal compound."}},{"id":"an10.45:7","sourceIds":["an10.45:7.1","an10.45:7.2","an10.45:7.3","an10.45:7.4","an10.45:7.5"],"kind":"text","text":{"pi":"Puna caparaṁ, bhikkhave, rājā uccaṭṭhāniyaṁ nīce ṭhāne ṭhapeti.\nYesaṁ taṁ amanāpaṁ tesaṁ evaṁ hoti:\n‘rājā kho pabbajitena saṁsaṭṭho.\nSiyā nu kho pabbajitassa kamman’ti.\nAyaṁ, bhikkhave, sattamo ādīnavo rājantepurappavesane.","en":"Furthermore, the king demotes someone to a lower position.\nThose who are upset by this think:\n‘The king is close to that monk.\nCould this be the monk’s doing?’\nThis is the seventh drawback of entering a royal compound."}},{"id":"an10.45:8","sourceIds":["an10.45:8.1","an10.45:8.2","an10.45:8.3","an10.45:8.4","an10.45:8.5"],"kind":"text","text":{"pi":"Puna caparaṁ, bhikkhave, rājā akāle senaṁ uyyojeti.\nYesaṁ taṁ amanāpaṁ tesaṁ evaṁ hoti:\n‘rājā kho pabbajitena saṁsaṭṭho.\nSiyā nu kho pabbajitassa kamman’ti.\nAyaṁ, bhikkhave, aṭṭhamo ādīnavo rājantepurappavesane.","en":"Furthermore, the king dispatches the army at the wrong time.\nThose who are upset by this think:\n‘The king is close to that monk.\nCould this be the monk’s doing?’\nThis is the eighth drawback of entering a royal compound."}},{"id":"an10.45:9","sourceIds":["an10.45:9.1","an10.45:9.2","an10.45:9.3","an10.45:9.4","an10.45:9.5"],"kind":"text","text":{"pi":"Puna caparaṁ, bhikkhave, rājā kāle senaṁ uyyojetvā antarāmaggato nivattāpeti.\nYesaṁ taṁ amanāpaṁ tesaṁ evaṁ hoti:\n‘rājā kho pabbajitena saṁsaṭṭho.\nSiyā nu kho pabbajitassa kamman’ti.\nAyaṁ, bhikkhave, navamo ādīnavo rājantepurappavesane.","en":"Furthermore, the king dispatches the army at the right time, but orders it to turn back while still on the road.\nThose who are upset by this think:\n‘The king is close to that monk.\nCould this be the monk’s doing?’\nThis is the ninth drawback of entering a royal compound."}},{"id":"an10.45:10","sourceIds":["an10.45:10.1","an10.45:10.2","an10.45:10.3","an10.45:10.4"],"kind":"text","text":{"pi":"Puna caparaṁ, bhikkhave, rañño antepuraṁ hatthisammaddaṁ assasammaddaṁ rathasammaddaṁ rajanīyāni rūpasaddagandharasaphoṭṭhabbāni, yāni na pabbajitassa sāruppāni.\nAyaṁ, bhikkhave, dasamo ādīnavo rājantepurappavesane.\nIme kho, bhikkhave, dasa ādīnavā rājantepurappavesane”ti.\nPañcamaṁ.","en":"Furthermore, in the royal compound there is a trampling of elephants, horses, and chariots, as well as arousing sights, sounds, smells, tastes, and touches that do not befit a monk.\nThis is the tenth drawback of entering a royal compound.\nThese are the ten drawbacks of entering a royal compound.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.45/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}