{"id":"an10.47","title":"With Mahāli","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.47","title":"With Mahāli","units":[{"id":"an10.47:0","sourceIds":["an10.47:0.1","an10.47:0.2","an10.47:0.3"],"kind":"text","text":{"pi":"Aṅguttara Nikāya 10.47\n5. Akkosavagga\nMahālisutta","en":"Numbered Discourses 10.47\n5. Abuse\nWith Mahāli"}},{"id":"an10.47:1","sourceIds":["an10.47:1.1","an10.47:1.2","an10.47:1.3","an10.47:1.4","an10.47:1.5","an10.47:1.6","an10.47:1.7","an10.47:1.8","an10.47:1.9"],"kind":"text","text":{"pi":"Ekaṁ samayaṁ bhagavā vesāliyaṁ viharati mahāvane kūṭāgārasālāyaṁ.\nAtha kho mahāli licchavi yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho mahāli licchavi bhagavantaṁ etadavoca:\n“ko nu kho, bhante, hetu, ko paccayo pāpassa kammassa kiriyāya pāpassa kammassa pavattiyā”ti?\n“Lobho kho, mahāli, hetu, lobho paccayo pāpassa kammassa kiriyāya pāpassa kammassa pavattiyā.\nDoso kho, mahāli, hetu, doso paccayo pāpassa kammassa kiriyāya pāpassa kammassa pavattiyā.\nMoho kho, mahāli, hetu, moho paccayo pāpassa kammassa kiriyāya pāpassa kammassa pavattiyā.\nAyoniso manasikāro kho, mahāli, hetu, ayoniso manasikāro paccayo pāpassa kammassa kiriyāya pāpassa kammassa pavattiyā.\nMicchāpaṇihitaṁ kho, mahāli, cittaṁ hetu, micchāpaṇihitaṁ cittaṁ paccayo pāpassa kammassa kiriyāya pāpassa kammassa pavattiyāti.\nAyaṁ kho, mahāli, hetu, ayaṁ paccayo pāpassa kammassa kiriyāya pāpassa kammassa pavattiyā”ti.","en":"At one time the Buddha was staying near Vesālī, at the Great Wood, in the hall with the peaked roof.\nThen Mahāli the Licchavi went up to the Buddha, bowed, sat down to one side, and said to him:\n“What is the cause, sir, what is the reason for doing bad deeds, for performing bad deeds?”\n“Greed is a cause, Mahāli, greed is a reason for doing bad deeds, for performing bad deeds.\nHate is a cause of bad deeds …\nDelusion is a cause of bad deeds …\nIrrational application of mind is the cause of bad deeds …\nA wrongly directed mind is a cause of bad deeds …\nThis is the cause, Mahāli, this is the reason for doing bad deeds, for performing bad deeds.”"}},{"id":"an10.47:2","sourceIds":["an10.47:2.1","an10.47:2.2","an10.47:2.3","an10.47:2.4","an10.47:2.5","an10.47:2.6","an10.47:2.7","an10.47:2.8","an10.47:2.9","an10.47:2.10"],"kind":"text","text":{"pi":"“Ko pana, bhante, hetu ko paccayo kalyāṇassa kammassa kiriyāya kalyāṇassa kammassa pavattiyā”ti?\n“Alobho kho, mahāli, hetu, alobho paccayo kalyāṇassa kammassa kiriyāya kalyāṇassa kammassa pavattiyā.\nAdoso kho, mahāli, hetu, adoso paccayo kalyāṇassa kammassa kiriyāya kalyāṇassa kammassa pavattiyā.\nAmoho kho, mahāli, hetu, amoho paccayo kalyāṇassa kammassa kiriyāya kalyāṇassa kammassa pavattiyā.\nYoniso manasikāro kho, mahāli, hetu, yoniso manasikāro paccayo kalyāṇassa kammassa kiriyāya kalyāṇassa kammassa pavattiyā.\nSammāpaṇihitaṁ kho, mahāli, cittaṁ hetu, sammāpaṇihitaṁ cittaṁ paccayo kalyāṇassa kammassa kiriyāya kalyāṇassa kammassa pavattiyā.\nAyaṁ kho, mahāli, hetu, ayaṁ paccayo kalyāṇassa kammassa kiriyāya kalyāṇassa kammassa pavattiyā.\nIme ca, mahāli, dasa dhammā loke na saṁvijjeyyuṁ, nayidha paññāyetha adhammacariyāvisamacariyāti vā dhammacariyāsamacariyāti vā.\nYasmā ca kho, mahāli, ime dasa dhammā loke saṁvijjanti, tasmā paññāyati adhammacariyāvisamacariyāti vā dhammacariyāsamacariyāti vā”ti.\nSattamaṁ.","en":"“What is the cause, sir, what is the reason for doing good deeds, for performing good deeds?”\n“Contentment is a cause, Mahāli, contentment is a reason for doing good deeds, for performing good deeds.\nLove is a cause of good deeds …\nUnderstanding is a cause of good deeds …\nRational application of mind is the cause of good deeds …\nA rightly directed mind is a cause of good deeds …\nThis is the cause, Mahāli, this is the reason for doing good deeds, for performing good deeds.\nIf these ten things were not found in the world, we wouldn’t see either unprincipled and immoral conduct, or principled and moral conduct.\nBut since these ten things are found in the world, we see both unprincipled and immoral conduct, and principled and moral conduct.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.47/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}