{"id":"an10.58","title":"Rooted","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.58","title":"Rooted","units":[{"id":"an10.58:0","sourceIds":["an10.58:0.1","an10.58:0.2","an10.58:0.3"],"kind":"text","text":{"pi":"Aṅguttara Nikāya 10.58\n6. Sacittavagga\nMūlakasutta","en":"Numbered Discourses 10.58\n6. Your Own Mind\nRooted"}},{"id":"an10.58:1","sourceIds":["an10.58:1.1","an10.58:1.2","an10.58:1.3"],"kind":"text","text":{"pi":"“Sace, bhikkhave, aññatitthiyā paribbājakā evaṁ puccheyyuṁ:\n‘kiṁmūlakā, āvuso, sabbe dhammā, kiṁsambhavā sabbe dhammā, kiṁsamudayā sabbe dhammā, kiṁsamosaraṇā sabbe dhammā, kiṁpamukhā sabbe dhammā, kiṁadhipateyyā sabbe dhammā, kiṁuttarā sabbe dhammā, kiṁsārā sabbe dhammā, kiṁogadhā sabbe dhammā, kiṁpariyosānā sabbe dhammā’ti, evaṁ puṭṭhā tumhe, bhikkhave, tesaṁ aññatitthiyānaṁ paribbājakānaṁ kinti byākareyyāthā”ti?\n“Bhagavaṁmūlakā no, bhante, dhammā bhagavaṁnettikā bhagavaṁpaṭisaraṇā. Sādhu vata, bhante, bhagavantaṁyeva paṭibhātu etassa bhāsitassa attho. Bhagavato sutvā bhikkhū dhāressantī”ti.","en":"“Mendicants, if wanderers of other religions were to ask:\n‘Reverends, all things have what as their root? What produces them? What is their origin? What is their meeting place? What is their chief? What is their ruler? What is their overseer? What is their core? What is their objective? What is their culmination?’ How would you answer them?”\n“Our teachings are rooted in the Buddha. He is our guide and our refuge. Sir, may the Buddha himself please clarify the meaning of this. The mendicants will listen and remember it.”"}},{"id":"an10.58:2","sourceIds":["an10.58:2.1","an10.58:2.2","an10.58:2.3"],"kind":"text","text":{"pi":"“Tena hi, bhikkhave, suṇātha, sādhukaṁ manasi karotha, bhāsissāmī”ti.\n“Evaṁ, bhante”ti kho te bhikkhū bhagavato paccassosuṁ.\nBhagavā etadavoca:","en":"“Well then, mendicants, listen and apply your mind well, I will speak.”\n“Yes, sir,” they replied.\nThe Buddha said this:"}},{"id":"an10.58:3","sourceIds":["an10.58:3.1","an10.58:3.2","an10.58:3.3","an10.58:3.4","an10.58:3.5","an10.58:3.6"],"kind":"text","text":{"pi":"“Sace, bhikkhave, aññatitthiyā paribbājakā evaṁ puccheyyuṁ:\n‘kiṁmūlakā, āvuso, sabbe dhammā, kiṁsambhavā sabbe dhammā, kiṁsamudayā sabbe dhammā, kiṁsamosaraṇā sabbe dhammā, kiṁpamukhā sabbe dhammā, kiṁ adhipateyyā sabbe dhammā, kiṁuttarā sabbe dhammā, kiṁsārā sabbe dhammā, kiṁogadhā sabbe dhammā, kiṁpariyosānā sabbe dhammā’ti,\nevaṁ puṭṭhā tumhe, bhikkhave, tesaṁ aññatitthiyānaṁ paribbājakānaṁ evaṁ byākareyyātha:\n‘chandamūlakā, āvuso, sabbe dhammā, manasikārasambhavā sabbe dhammā, phassasamudayā sabbe dhammā, vedanāsamosaraṇā sabbe dhammā, samādhippamukhā sabbe dhammā, satādhipateyyā sabbe dhammā, paññuttarā sabbe dhammā, vimuttisārā sabbe dhammā, amatogadhā sabbe dhammā, nibbānapariyosānā sabbe dhammā’ti.\nEvaṁ puṭṭhā tumhe, bhikkhave, tesaṁ aññatitthiyānaṁ paribbājakānaṁ evaṁ byākareyyāthā”ti.\nAṭṭhamaṁ.","en":"“Mendicants, if wanderers of other religions were to ask:\n‘Reverends, all things have what as their root? What produces them? What is their origin? What is their meeting place? What is their chief? What is their ruler? What is their overseer? What is their core? What is their objective? What is their culmination?’\nYou should answer them:\n‘Reverends, all things are rooted in desire. They are produced by application of mind. Contact is their origin. Feeling is their meeting place. Immersion is their chief. Mindfulness is their ruler. Wisdom is their overseer. Freedom is their core. Their objective is freedom from death. And extinguishment is their culmination.’\nWhen questioned by wanderers of other religions, that’s how you should answer them.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.58/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}