{"id":"an10.76","title":"Three Things","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.76","title":"Three Things","units":[{"id":"an10.76:0","sourceIds":["an10.76:0.1","an10.76:0.2","an10.76:0.3"],"kind":"text","text":{"pi":"Aṅguttara Nikāya 10.76\n8. Ākaṅkhavagga\nTayodhammasutta","en":"Numbered Discourses 10.76\n8. If You Want\nThree Things"}},{"id":"an10.76:1","sourceIds":["an10.76:1.1","an10.76:1.2","an10.76:1.3","an10.76:1.4","an10.76:1.5"],"kind":"text","text":{"pi":"“Tayome, bhikkhave, dhammā loke na saṁvijjeyyuṁ, na tathāgato loke uppajjeyya arahaṁ sammāsambuddho, na tathāgatappavedito dhammavinayo loke dibbeyya.\nKatame tayo?\nJāti ca, jarā ca, maraṇañca—\nime kho, bhikkhave, tayo dhammā loke na saṁvijjeyyuṁ, na tathāgato loke uppajjeyya arahaṁ sammāsambuddho, na tathāgatappavedito dhammavinayo loke dibbeyya.\nYasmā ca kho, bhikkhave, ime tayo dhammā loke saṁvijjanti tasmā tathāgato loke uppajjati arahaṁ sammāsambuddho, tasmā tathāgatappavedito dhammavinayo loke dibbati.","en":"“Mendicants, if three things were not found, the Realized One, the perfected one, the fully awakened Buddha would not arise in the world, and the teaching and training proclaimed by the Realized One would not shine in the world.\nWhat three?\nRebirth, old age, and death.\nIf these three things were not found, the Realized One, the perfected one, the fully awakened Buddha would not arise in the world, and the teaching and training proclaimed by the Realized One would not shine in the world.\nBut since these three things are found, the Realized One, the perfected one, the fully awakened Buddha arises in the world, and the teaching and training proclaimed by the Realized One shines in the world."}},{"id":"an10.76:2","sourceIds":["an10.76:2.1","an10.76:2.2","an10.76:2.3","an10.76:2.4"],"kind":"text","text":{"pi":"Tayome, bhikkhave, dhamme appahāya abhabbo jātiṁ pahātuṁ jaraṁ pahātuṁ maraṇaṁ pahātuṁ.\nKatame tayo?\nRāgaṁ appahāya, dosaṁ appahāya, mohaṁ appahāya—\nime kho, bhikkhave, tayo dhamme appahāya abhabbo jātiṁ pahātuṁ jaraṁ pahātuṁ maraṇaṁ pahātuṁ.","en":"Without giving up three things you can’t give up rebirth, old age, and death.\nWhat three?\nGreed, hate, and delusion.\nWithout giving up these three things you can’t give up rebirth, old age, and death."}},{"id":"an10.76:3","sourceIds":["an10.76:3.1","an10.76:3.2","an10.76:3.3","an10.76:3.4"],"kind":"text","text":{"pi":"Tayome, bhikkhave, dhamme appahāya abhabbo rāgaṁ pahātuṁ dosaṁ pahātuṁ mohaṁ pahātuṁ.\nKatame tayo?\nSakkāyadiṭṭhiṁ appahāya, vicikicchaṁ appahāya, sīlabbataparāmāsaṁ appahāya—\nime kho, bhikkhave, tayo dhamme appahāya abhabbo rāgaṁ pahātuṁ dosaṁ pahātuṁ mohaṁ pahātuṁ.","en":"Without giving up three things you can’t give up greed, hate, and delusion.\nWhat three?\nSubstantialist view, doubt, and misapprehension of precepts and observances.\nWithout giving up these three things you can’t give up greed, hate, and delusion."}},{"id":"an10.76:4","sourceIds":["an10.76:4.1","an10.76:4.2","an10.76:4.3","an10.76:4.4"],"kind":"text","text":{"pi":"Tayome, bhikkhave, dhamme appahāya abhabbo sakkāyadiṭṭhiṁ pahātuṁ vicikicchaṁ pahātuṁ sīlabbataparāmāsaṁ pahātuṁ.\nKatame tayo?\nAyonisomanasikāraṁ appahāya, kummaggasevanaṁ appahāya, cetaso līnattaṁ appahāya—\nime kho, bhikkhave, tayo dhamme appahāya abhabbo sakkāyadiṭṭhiṁ pahātuṁ vicikicchaṁ pahātuṁ sīlabbataparāmāsaṁ pahātuṁ.","en":"Without giving up three things you can’t give up substantialist view, doubt, and misapprehension of precepts and observances.\nWhat three?\nIrrational application of mind, following a wrong path, and mental sluggishness.\nWithout giving up these three things you can’t give up substantialist view, doubt, and misapprehension of precepts and observances."}},{"id":"an10.76:5","sourceIds":["an10.76:5.1","an10.76:5.2","an10.76:5.3","an10.76:5.4"],"kind":"text","text":{"pi":"Tayome, bhikkhave, dhamme appahāya abhabbo ayoniso manasikāraṁ pahātuṁ kummaggasevanaṁ pahātuṁ cetaso līnattaṁ pahātuṁ.\nKatame tayo?\nMuṭṭhassaccaṁ appahāya, asampajaññaṁ appahāya, cetaso vikkhepaṁ appahāya—\nime kho, bhikkhave, tayo dhamme appahāya abhabbo ayonisomanasikāraṁ pahātuṁ kummaggasevanaṁ pahātuṁ cetaso līnattaṁ pahātuṁ.","en":"Without giving up three things you can’t give up irrational application of mind, following a wrong path, and mental sluggishness.\nWhat three?\nUnmindfulness, lack of situational awareness, and scattered mind.\nWithout giving up these three things you can’t give up irrational application of mind, following a wrong path, and mental sluggishness."}},{"id":"an10.76:6","sourceIds":["an10.76:6.1","an10.76:6.2","an10.76:6.3","an10.76:6.4"],"kind":"text","text":{"pi":"Tayome, bhikkhave, dhamme appahāya abhabbo muṭṭhassaccaṁ pahātuṁ asampajaññaṁ pahātuṁ cetaso vikkhepaṁ pahātuṁ.\nKatame tayo?\nAriyānaṁ adassanakamyataṁ appahāya, ariyadhammassa asotukamyataṁ appahāya, upārambhacittataṁ appahāya—\nime kho, bhikkhave, tayo dhamme appahāya abhabbo muṭṭhassaccaṁ pahātuṁ asampajaññaṁ pahātuṁ cetaso vikkhepaṁ pahātuṁ.","en":"Without giving up three things you can’t give up unmindfulness, lack of situational awareness, and scattered mind.\nWhat three?\nNot wanting to see the noble ones, not wanting to hear the teaching of the noble ones, and a fault-finding mind.\nWithout giving up these three things you can’t give up unmindfulness, lack of situational awareness, and scattered mind."}},{"id":"an10.76:7","sourceIds":["an10.76:7.1","an10.76:7.2","an10.76:7.3","an10.76:7.4"],"kind":"text","text":{"pi":"Tayome, bhikkhave, dhamme appahāya abhabbo ariyānaṁ adassanakamyataṁ pahātuṁ ariyadhammassa asotukamyataṁ pahātuṁ upārambhacittataṁ pahātuṁ.\nKatame tayo?\nUddhaccaṁ appahāya, asaṁvaraṁ appahāya, dussilyaṁ appahāya—\nime kho, bhikkhave, tayo dhamme appahāya abhabbo ariyānaṁ adassanakamyataṁ pahātuṁ ariyadhammassa asotukamyataṁ pahātuṁ upārambhacittataṁ pahātuṁ.","en":"Without giving up three things you can’t give up not wanting to see the noble ones, not wanting to hear the teaching of the noble ones, and a fault-finding mind.\nWhat three?\nRestlessness, lack of restraint, and unethical conduct.\nWithout giving up these three things you can’t give up not wanting to see the noble ones, not wanting to hear the teaching of the noble ones, and a fault-finding mind."}},{"id":"an10.76:8","sourceIds":["an10.76:8.1","an10.76:8.2","an10.76:8.3","an10.76:8.4"],"kind":"text","text":{"pi":"Tayome, bhikkhave, dhamme appahāya abhabbo uddhaccaṁ pahātuṁ asaṁvaraṁ pahātuṁ dussilyaṁ pahātuṁ.\nKatame tayo?\nAssaddhiyaṁ appahāya, avadaññutaṁ appahāya, kosajjaṁ appahāya—\nime kho, bhikkhave, tayo dhamme appahāya abhabbo uddhaccaṁ pahātuṁ asaṁvaraṁ pahātuṁ dussilyaṁ pahātuṁ.","en":"Without giving up three things you can’t give up restlessness, lack of restraint, and unethical conduct.\nWhat three?\nFaithlessness, uncharitableness, and laziness.\nWithout giving up these three things you can’t give up restlessness, lack of restraint, and unethical conduct."}},{"id":"an10.76:9","sourceIds":["an10.76:9.1","an10.76:9.2","an10.76:9.3","an10.76:9.4"],"kind":"text","text":{"pi":"Tayome, bhikkhave, dhamme appahāya abhabbo assaddhiyaṁ pahātuṁ avadaññutaṁ pahātuṁ kosajjaṁ pahātuṁ.\nKatame tayo?\nAnādariyaṁ appahāya, dovacassataṁ appahāya, pāpamittataṁ appahāya—\nime kho, bhikkhave, tayo dhamme appahāya abhabbo assaddhiyaṁ pahātuṁ avadaññutaṁ pahātuṁ kosajjaṁ pahātuṁ.","en":"Without giving up three things you can’t give up faithlessness, uncharitableness, and laziness.\nWhat three?\nDisregard, being hard to admonish, and having bad friends.\nWithout giving up these three things you can’t give up faithlessness, uncharitableness, and laziness."}},{"id":"an10.76:10","sourceIds":["an10.76:10.1","an10.76:10.2","an10.76:10.3","an10.76:10.4"],"kind":"text","text":{"pi":"Tayome, bhikkhave, dhamme appahāya abhabbo anādariyaṁ pahātuṁ dovacassataṁ pahātuṁ pāpamittataṁ pahātuṁ.\nKatame tayo?\nAhirikaṁ appahāya, anottappaṁ appahāya, pamādaṁ appahāya—\nime kho, bhikkhave, tayo dhamme appahāya abhabbo anādariyaṁ pahātuṁ dovacassataṁ pahātuṁ pāpamittataṁ pahātuṁ.","en":"Without giving up three things you can’t give up disregard, being hard to admonish, and having bad friends.\nWhat three?\nLack of conscience, imprudence, and negligence.\nWithout giving up these three things you can’t give up disregard, being hard to admonish, and having bad friends."}},{"id":"an10.76:11","sourceIds":["an10.76:11.1","an10.76:11.2","an10.76:11.3","an10.76:11.4","an10.76:11.5","an10.76:11.6","an10.76:11.7","an10.76:11.8","an10.76:11.9","an10.76:11.10"],"kind":"text","text":{"pi":"Ahirikoyaṁ, bhikkhave, anottāpī pamatto hoti.\nSo pamatto samāno abhabbo anādariyaṁ pahātuṁ dovacassataṁ pahātuṁ pāpamittataṁ pahātuṁ.\nSo pāpamitto samāno abhabbo assaddhiyaṁ pahātuṁ avadaññutaṁ pahātuṁ kosajjaṁ pahātuṁ.\nSo kusīto samāno abhabbo uddhaccaṁ pahātuṁ asaṁvaraṁ pahātuṁ dussilyaṁ pahātuṁ.\nSo dussīlo samāno abhabbo ariyānaṁ adassanakamyataṁ pahātuṁ ariyadhammassa asotukamyataṁ pahātuṁ upārambhacittataṁ pahātuṁ.\nSo upārambhacitto samāno abhabbo muṭṭhassaccaṁ pahātuṁ asampajaññaṁ pahātuṁ cetaso vikkhepaṁ pahātuṁ.\nSo vikkhittacitto samāno abhabbo ayonisomanasikāraṁ pahātuṁ kummaggasevanaṁ pahātuṁ cetaso līnattaṁ pahātuṁ.\nSo līnacitto samāno abhabbo sakkāyadiṭṭhiṁ pahātuṁ vicikicchaṁ pahātuṁ sīlabbataparāmāsaṁ pahātuṁ.\nSo vicikiccho samāno abhabbo rāgaṁ pahātuṁ dosaṁ pahātuṁ mohaṁ pahātuṁ.\nSo rāgaṁ appahāya dosaṁ appahāya mohaṁ appahāya abhabbo jātiṁ pahātuṁ jaraṁ pahātuṁ maraṇaṁ pahātuṁ.","en":"Mendicants, someone who lacks conscience and prudence is negligent.\nWhen you’re negligent you can’t give up disregard, being hard to admonish, and having bad friends.\nWhen you’ve got bad friends you can’t give up faithlessness, uncharitableness, and laziness.\nWhen you’re lazy you can’t give up restlessness, lack of restraint, and unethical conduct.\nWhen you’re unethical you can’t give up not wanting to see the noble ones, not wanting to hear the teaching of the noble ones, and a fault-finding mind.\nWhen you’ve got a fault-finding mind you can’t give up unmindfulness, lack of situational awareness, and a scattered mind.\nWhen your mind is scattered you can’t give up irrational application of mind, following a wrong path, and mental sluggishness.\nWhen your mind is sluggish you can’t give up substantialist view, doubt, and misapprehension of precepts and observances.\nWhen you have doubts you can’t give up greed, hate, and delusion.\nWithout giving up greed, hate, and delusion you can’t give up rebirth, old age, and death."}},{"id":"an10.76:12","sourceIds":["an10.76:12.1","an10.76:12.2","an10.76:12.3","an10.76:12.4"],"kind":"text","text":{"pi":"Tayome, bhikkhave, dhamme pahāya bhabbo jātiṁ pahātuṁ jaraṁ pahātuṁ maraṇaṁ pahātuṁ.\nKatame tayo?\nRāgaṁ pahāya, dosaṁ pahāya, mohaṁ pahāya—\nime kho, bhikkhave, tayo dhamme pahāya bhabbo jātiṁ pahātuṁ jaraṁ pahātuṁ maraṇaṁ pahātuṁ.","en":"After giving up three things you can give up rebirth, old age, and death.\nWhat three?\nGreed, hate, and delusion.\nAfter giving up these three things you can give up rebirth, old age, and death."}},{"id":"an10.76:13","sourceIds":["an10.76:13.1","an10.76:13.2","an10.76:13.3","an10.76:13.4"],"kind":"text","text":{"pi":"Tayome, bhikkhave, dhamme pahāya bhabbo rāgaṁ pahātuṁ dosaṁ pahātuṁ mohaṁ pahātuṁ.\nKatame tayo?\nSakkāyadiṭṭhiṁ pahāya, vicikicchaṁ pahāya, sīlabbataparāmāsaṁ pahāya—\nime kho, bhikkhave, tayo dhamme pahāya bhabbo rāgaṁ pahātuṁ dosaṁ pahātuṁ mohaṁ pahātuṁ.","en":"After giving up three things you can give up greed, hate, and delusion.\nWhat three?\nSubstantialist view, doubt, and misapprehension of precepts and observances.\nAfter giving up these three things you can give up greed, hate, and delusion."}},{"id":"an10.76:14","sourceIds":["an10.76:14.1","an10.76:14.2","an10.76:14.3","an10.76:14.4"],"kind":"text","text":{"pi":"Tayome, bhikkhave, dhamme pahāya bhabbo sakkāyadiṭṭhiṁ pahātuṁ vicikicchaṁ pahātuṁ sīlabbataparāmāsaṁ pahātuṁ.\nKatame tayo?\nAyonisomanasikāraṁ pahāya, kummaggasevanaṁ pahāya, cetaso līnattaṁ pahāya—\nime kho, bhikkhave, tayo dhamme pahāya bhabbo sakkāyadiṭṭhiṁ pahātuṁ vicikicchaṁ pahātuṁ sīlabbataparāmāsaṁ pahātuṁ.","en":"After giving up three things you can give up substantialist view, doubt, and misapprehension of precepts and observances.\nWhat three?\nIrrational application of mind, following a wrong path, and mental sluggishness.\nAfter giving up these three things you can give up substantialist view, doubt, and misapprehension of precepts and observances."}},{"id":"an10.76:15","sourceIds":["an10.76:15.1","an10.76:15.2","an10.76:15.3","an10.76:15.4"],"kind":"text","text":{"pi":"Tayome, bhikkhave, dhamme pahāya bhabbo ayonisomanasikāraṁ pahātuṁ kummaggasevanaṁ pahātuṁ cetaso līnattaṁ pahātuṁ.\nKatame tayo?\nMuṭṭhassaccaṁ pahāya, asampajaññaṁ pahāya, cetaso vikkhepaṁ pahāya—\nime kho, bhikkhave, tayo dhamme pahāya bhabbo ayonisomanasikāraṁ pahātuṁ kummaggasevanaṁ pahātuṁ cetaso līnattaṁ pahātuṁ.","en":"After giving up three things you can give up irrational application of mind, following a wrong path, and mental sluggishness.\nWhat three?\nUnmindfulness, lack of situational awareness, and a scattered mind.\nAfter giving up these three things you can give up irrational application of mind, following a wrong path, and mental sluggishness."}},{"id":"an10.76:16","sourceIds":["an10.76:16.1","an10.76:16.2","an10.76:16.3","an10.76:16.4"],"kind":"text","text":{"pi":"Tayome, bhikkhave, dhamme pahāya bhabbo muṭṭhassaccaṁ pahātuṁ asampajaññaṁ pahātuṁ cetaso vikkhepaṁ pahātuṁ.\nKatame tayo?\nAriyānaṁ adassanakamyataṁ pahāya, ariyadhammassa asotukamyataṁ pahāya, upārambhacittataṁ pahāya—\nime kho, bhikkhave, tayo dhamme pahāya bhabbo muṭṭhassaccaṁ pahātuṁ asampajaññaṁ pahātuṁ cetaso vikkhepaṁ pahātuṁ.","en":"After giving up three things you can give up unmindfulness, lack of situational awareness, and scattered mind.\nWhat three?\nNot wanting to see the noble ones, not wanting to hear the teaching of the noble ones, and a fault-finding mind.\nAfter giving up these three things you can give up unmindfulness, lack of situational awareness, and scattered mind."}},{"id":"an10.76:17","sourceIds":["an10.76:17.1","an10.76:17.2","an10.76:17.3","an10.76:17.4"],"kind":"text","text":{"pi":"Tayome, bhikkhave, dhamme pahāya bhabbo ariyānaṁ adassanakamyataṁ pahātuṁ ariyadhammassa asotukamyataṁ pahātuṁ upārambhacittataṁ pahātuṁ.\nKatame tayo?\nUddhaccaṁ pahāya, asaṁvaraṁ pahāya, dussilyaṁ pahāya—\nime kho, bhikkhave, tayo dhamme pahāya bhabbo ariyānaṁ adassanakamyataṁ pahātuṁ ariyadhammassa asotukamyataṁ pahātuṁ upārambhacittataṁ pahātuṁ.","en":"After giving up three things you can give up not wanting to see the noble ones, not wanting to hear the teaching of the noble ones, and a fault-finding mind.\nWhat three?\nRestlessness, lack of restraint, and unethical conduct.\nAfter giving up these three things you can give up not wanting to see the noble ones, not wanting to hear the teaching of the noble ones, and a fault-finding mind."}},{"id":"an10.76:18","sourceIds":["an10.76:18.1","an10.76:18.2","an10.76:18.3","an10.76:18.4"],"kind":"text","text":{"pi":"Tayome, bhikkhave, dhamme pahāya bhabbo uddhaccaṁ pahātuṁ asaṁvaraṁ pahātuṁ dussilyaṁ pahātuṁ.\nKatame tayo?\nAssaddhiyaṁ pahāya, avadaññutaṁ pahāya, kosajjaṁ pahāya—\nime kho, bhikkhave, tayo dhamme pahāya bhabbo uddhaccaṁ pahātuṁ asaṁvaraṁ pahātuṁ dussilyaṁ pahātuṁ.","en":"After giving up three things you can give up restlessness, lack of restraint, and unethical conduct.\nWhat three?\nFaithlessness, uncharitableness, and laziness.\nAfter giving up these three things you can give up restlessness, lack of restraint, and unethical conduct."}},{"id":"an10.76:19","sourceIds":["an10.76:19.1","an10.76:19.2","an10.76:19.3","an10.76:19.4"],"kind":"text","text":{"pi":"Tayome, bhikkhave, dhamme pahāya bhabbo assaddhiyaṁ pahātuṁ avadaññutaṁ pahātuṁ kosajjaṁ pahātuṁ.\nKatame tayo?\nAnādariyaṁ pahāya, dovacassataṁ pahāya, pāpamittataṁ pahāya—\nime kho, bhikkhave, tayo dhamme pahāya bhabbo assaddhiyaṁ pahātuṁ avadaññutaṁ pahātuṁ kosajjaṁ pahātuṁ.","en":"After giving up three things you can give up faithlessness, uncharitableness, and laziness.\nWhat three?\nDisregard, being hard to admonish, and having bad friends.\nAfter giving up these three things you can give up faithlessness, uncharitableness, and laziness."}},{"id":"an10.76:20","sourceIds":["an10.76:20.1","an10.76:20.2","an10.76:20.3","an10.76:20.4"],"kind":"text","text":{"pi":"Tayome, bhikkhave, dhamme pahāya bhabbo anādariyaṁ pahātuṁ dovacassataṁ pahātuṁ pāpamittataṁ pahātuṁ.\nKatame tayo?\nAhirikaṁ pahāya, anottappaṁ pahāya, pamādaṁ pahāya—\nime kho, bhikkhave, tayo dhamme pahāya bhabbo anādariyaṁ pahātuṁ dovacassataṁ pahātuṁ pāpamittataṁ pahātuṁ.","en":"After giving up three things you can give up disregard, being hard to admonish, and having bad friends.\nWhat three?\nLack of conscience, imprudence, and negligence.\nAfter giving up these three things you can give up disregard, being hard to admonish, and having bad friends."}},{"id":"an10.76:21","sourceIds":["an10.76:21.1","an10.76:21.2","an10.76:21.3","an10.76:21.4","an10.76:21.5","an10.76:21.6","an10.76:21.7","an10.76:21.8","an10.76:21.9","an10.76:21.10","an10.76:21.11"],"kind":"text","text":{"pi":"Hirīmāyaṁ, bhikkhave, ottāpī appamatto hoti.\nSo appamatto samāno bhabbo anādariyaṁ pahātuṁ dovacassataṁ pahātuṁ pāpamittataṁ pahātuṁ.\nSo kalyāṇamitto samāno bhabbo assaddhiyaṁ pahātuṁ avadaññutaṁ pahātuṁ kosajjaṁ pahātuṁ.\nSo āraddhavīriyo samāno bhabbo uddhaccaṁ pahātuṁ asaṁvaraṁ pahātuṁ dussilyaṁ pahātuṁ.\nSo sīlavā samāno bhabbo ariyānaṁ adassanakamyataṁ pahātuṁ ariyadhammassa asotukamyataṁ pahātuṁ upārambhacittataṁ pahātuṁ.\nSo anupārambhacitto samāno bhabbo muṭṭhassaccaṁ pahātuṁ asampajaññaṁ pahātuṁ cetaso vikkhepaṁ pahātuṁ.\nSo avikkhittacitto samāno bhabbo ayonisomanasikāraṁ pahātuṁ kummaggasevanaṁ pahātuṁ cetaso līnattaṁ pahātuṁ.\nSo alīnacitto samāno bhabbo sakkāyadiṭṭhiṁ pahātuṁ vicikicchaṁ pahātuṁ sīlabbataparāmāsaṁ pahātuṁ.\nSo avicikiccho samāno bhabbo rāgaṁ pahātuṁ dosaṁ pahātuṁ mohaṁ pahātuṁ.\nSo rāgaṁ pahāya dosaṁ pahāya mohaṁ pahāya bhabbo jātiṁ pahātuṁ jaraṁ pahātuṁ maraṇaṁ pahātun”ti.\nChaṭṭhaṁ.","en":"Mendicants, someone who has conscience and prudence is diligent.\nWhen you’re diligent you can give up disregard, being hard to admonish, and having bad friends.\nWhen you’ve got good friends you can give up faithlessness, uncharitableness, and laziness.\nWhen you’re energetic you can give up restlessness, lack of restraint, and unethical conduct.\nWhen you’re ethical you can give up not wanting to see the noble ones, not wanting to hear the teaching of the noble ones, and a fault-finding mind.\nWhen you don’t have a fault-finding mind you can give up unmindfulness, lack of situational awareness, and a scattered mind.\nWhen your mind isn’t scattered you can give up irrational application of mind, following a wrong path, and mental sluggishness.\nWhen your mind isn’t sluggish you can give up substantialist view, doubt, and misapprehension of precepts and observances.\nWhen you have no doubts you can give up greed, hate, and delusion.\nAfter giving up greed, hate, and delusion you can give up rebirth, old age, and death.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.76/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}