{"id":"an10.85","title":"A Boaster","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.85","title":"A Boaster","units":[{"id":"an10.85:0","sourceIds":["an10.85:0.1","an10.85:0.2","an10.85:0.3"],"kind":"text","text":{"pi":"Aṅguttara Nikāya 10.85\n9. Theravagga\nKatthīsutta","en":"Numbered Discourses 10.85\n9. Senior Mendicants\nA Boaster"}},{"id":"an10.85:1","sourceIds":["an10.85:1.1","an10.85:1.2","an10.85:1.3","an10.85:1.4","an10.85:1.5"],"kind":"text","text":{"pi":"Ekaṁ samayaṁ āyasmā mahācundo cetīsu viharati sahajātiyaṁ.\nTatra kho āyasmā mahācundo bhikkhū āmantesi:\n“āvuso bhikkhave”ti.\n“Āvuso”ti kho te bhikkhū āyasmato mahācundassa paccassosuṁ.\nĀyasmā mahācundo etadavoca:","en":"At one time Venerable Mahācunda was staying in the land of the Cetīs at Sahajāti.\nThere he addressed the mendicants:\n“Reverends, mendicants!”\n“Reverend,” they replied.\nVenerable Mahācunda said this:"}},{"id":"an10.85:2","sourceIds":["an10.85:2.1","an10.85:2.2"],"kind":"text","text":{"pi":"“Idhāvuso, bhikkhu katthī hoti vikatthī adhigamesu:\n‘ahaṁ paṭhamaṁ jhānaṁ samāpajjāmipi vuṭṭhahāmipi, ahaṁ dutiyaṁ jhānaṁ samāpajjāmipi vuṭṭhahāmipi, ahaṁ tatiyaṁ jhānaṁ samāpajjāmipi vuṭṭhahāmipi, ahaṁ catutthaṁ jhānaṁ samāpajjāmipi vuṭṭhahāmipi, ahaṁ ākāsānañcāyatanaṁ samāpajjāmipi vuṭṭhahāmipi, ahaṁ viññāṇañcāyatanaṁ samāpajjāmipi vuṭṭhahāmipi, ahaṁ ākiñcaññāyatanaṁ samāpajjāmipi vuṭṭhahāmipi, ahaṁ nevasaññānāsaññāyatanaṁ samāpajjāmipi vuṭṭhahāmipi, ahaṁ saññāvedayitanirodhaṁ samāpajjāmipi vuṭṭhahāmipī’ti.","en":"“Take a mendicant who boasts and brags about their achievements:\n‘I enter and emerge from the first absorption, the second absorption, the third absorption, and the fourth absorption. And I enter and emerge from the dimensions of infinite space, infinite consciousness, nothingness, and neither perception nor non-perception. And I enter and emerge from the cessation of perception and feeling.’"}},{"id":"an10.85:3","sourceIds":["an10.85:3.1","an10.85:3.2"],"kind":"text","text":{"pi":"Tamenaṁ tathāgato vā tathāgatasāvako vā jhāyī samāpattikusalo paracittakusalo paracittapariyāyakusalo samanuyuñjati samanuggāhati samanubhāsati.\nSo tathāgatena vā tathāgatasāvakena vā jhāyinā samāpattikusalena paracittakusalena paracittapariyāyakusalena samanuyuñjiyamāno samanuggāhiyamāno samanubhāsiyamāno irīṇaṁ āpajjati vicinaṁ āpajjati anayaṁ āpajjati byasanaṁ āpajjati anayabyasanaṁ āpajjati.","en":"They’re pursued, pressed, and grilled by the Realized One, or by one of his disciples who has the absorptions, and is skilled in attainments, in the minds of others, and in encompassing another’s mind.\nGrilled in this way they get stuck or lose their way. They fall to ruin and disaster."}},{"id":"an10.85:4","sourceIds":["an10.85:4.1","an10.85:4.2","an10.85:4.3","an10.85:4.4"],"kind":"text","text":{"pi":"Tamenaṁ tathāgato vā tathāgatasāvako vā jhāyī samāpattikusalo paracittakusalo paracittapariyāyakusalo evaṁ cetasā ceto paricca manasi karoti:\n‘kiṁ nu kho ayamāyasmā katthī hoti vikatthī adhigamesu—\nahaṁ paṭhamaṁ jhānaṁ samāpajjāmipi vuṭṭhahāmipi …pe…\nahaṁ saññāvedayitanirodhaṁ samāpajjāmipi vuṭṭhahāmipī’ti.","en":"The Realized One or one of his disciples encompasses their mind and investigates:\n‘Why does this venerable boast and brag about their achievements, saying,\n“I enter and emerge from the first absorption …\nand the cessation of perception and feeling.”’"}},{"id":"an10.85:5","sourceIds":["an10.85:5.1"],"kind":"text","text":{"pi":"Tamenaṁ tathāgato vā tathāgatasāvako vā jhāyī samāpattikusalo paracittakusalo paracittapariyāyakusalo evaṁ cetasā ceto paricca pajānāti:","en":"They understand,"}},{"id":"an10.85:6","sourceIds":["an10.85:6.1","an10.85:6.2","an10.85:6.3"],"kind":"text","text":{"pi":"‘Dīgharattaṁ kho ayamāyasmā khaṇḍakārī chiddakārī sabalakārī kammāsakārī na santatakārī na santatavutti sīlesu.\nDussīlo kho ayamāyasmā.\nDussilyaṁ kho pana tathāgatappavedite dhammavinaye parihānametaṁ.","en":"‘For a long time this venerable’s deeds have been broken, tainted, spotty, and marred. Their deeds and behavior are inconsistent.\nThis venerable is unethical,\nand unethical conduct means decline in the teaching and training proclaimed by the Realized One."}},{"id":"an10.85:7","sourceIds":["an10.85:7.1","an10.85:7.2"],"kind":"text","text":{"pi":"Assaddho kho pana ayamāyasmā;\nassaddhiyaṁ kho pana tathāgatappavedite dhammavinaye parihānametaṁ.","en":"This venerable is unfaithful,\nand lack of faith means decline …"}},{"id":"an10.85:8","sourceIds":["an10.85:8.1","an10.85:8.2"],"kind":"text","text":{"pi":"Appassuto kho pana ayamāyasmā anācāro;\nappasaccaṁ kho pana tathāgatappavedite dhammavinaye parihānametaṁ.","en":"This venerable is unlearned and unpracticed,\nand lack of learning means decline …"}},{"id":"an10.85:9","sourceIds":["an10.85:9.1","an10.85:9.2"],"kind":"text","text":{"pi":"Dubbaco kho pana ayamāyasmā;\ndovacassatā kho pana tathāgatappavedite dhammavinaye parihānametaṁ.","en":"This venerable is hard to admonish,\nand being hard to admonish means decline …"}},{"id":"an10.85:10","sourceIds":["an10.85:10.1","an10.85:10.2"],"kind":"text","text":{"pi":"Pāpamitto kho pana ayamāyasmā;\npāpamittatā kho pana tathāgatappavedite dhammavinaye parihānametaṁ.","en":"This venerable has bad friends,\nand bad friends mean decline …"}},{"id":"an10.85:11","sourceIds":["an10.85:11.1","an10.85:11.2"],"kind":"text","text":{"pi":"Kusīto kho pana ayamāyasmā;\nkosajjaṁ kho pana tathāgatappavedite dhammavinaye parihānametaṁ.","en":"This venerable is lazy,\nand laziness means decline …"}},{"id":"an10.85:12","sourceIds":["an10.85:12.1","an10.85:12.2"],"kind":"text","text":{"pi":"Muṭṭhassati kho pana ayamāyasmā;\nmuṭṭhassaccaṁ kho pana tathāgatappavedite dhammavinaye parihānametaṁ.","en":"This venerable is unmindful,\nand unmindfulness means decline …"}},{"id":"an10.85:13","sourceIds":["an10.85:13.1","an10.85:13.2"],"kind":"text","text":{"pi":"Kuhako kho pana ayamāyasmā;\nkohaññaṁ kho pana tathāgatappavedite dhammavinaye parihānametaṁ.","en":"This venerable is deceptive,\nand deceitfulness means decline …"}},{"id":"an10.85:14","sourceIds":["an10.85:14.1","an10.85:14.2"],"kind":"text","text":{"pi":"Dubbharo kho pana ayamāyasmā;\ndubbharatā kho pana tathāgatappavedite dhammavinaye parihānametaṁ.","en":"This venerable is burdensome,\nand being burdensome means decline …"}},{"id":"an10.85:15","sourceIds":["an10.85:15.1","an10.85:15.2"],"kind":"text","text":{"pi":"Duppañño kho pana ayamāyasmā;\nduppaññatā kho pana tathāgatappavedite dhammavinaye parihānametaṁ’.","en":"This venerable is witless,\nand lack of wisdom means decline in the teaching and training proclaimed by the Realized One.’"}},{"id":"an10.85:16","sourceIds":["an10.85:16.1","an10.85:16.2","an10.85:16.3","an10.85:16.4","an10.85:16.5","an10.85:16.6","an10.85:16.7","an10.85:16.8","an10.85:16.9","an10.85:16.10","an10.85:16.11","an10.85:16.12","an10.85:16.13","an10.85:16.14","an10.85:16.15","an10.85:16.16","an10.85:16.17","an10.85:16.18","an10.85:16.19"],"kind":"text","text":{"pi":"Seyyathāpi, āvuso, sahāyako sahāyakaṁ evaṁ vadeyya:\n‘yadā te, samma, dhanena dhanakaraṇīyaṁ assa, yāceyyāsi maṁ dhanaṁ. Dassāmi te dhanan’ti.\nSo kiñcideva dhanakaraṇīye samuppanne sahāyako sahāyakaṁ evaṁ vadeyya: ‘attho me, samma, dhanena. Dehi me dhanan’ti.\nSo evaṁ vadeyya:\n‘tena hi, samma, idha khanāhī’ti. So tatra khananto nādhigaccheyya.\nSo evaṁ vadeyya:\n‘alikaṁ maṁ, samma, avaca; tucchakaṁ maṁ, samma, avaca—idha khanāhī’ti.\nSo evaṁ vadeyya:\n‘nāhaṁ taṁ, samma, alikaṁ avacaṁ, tucchakaṁ avacaṁ. Tena hi, samma, idha khanāhī’ti.\nSo tatrapi khananto nādhigaccheyya.\nSo evaṁ vadeyya:\n‘alikaṁ maṁ, samma, avaca, tucchakaṁ maṁ, samma, avaca—idha khanāhī’ti.\nSo evaṁ vadeyya:\n‘nāhaṁ taṁ, samma, alikaṁ avacaṁ, tucchakaṁ avacaṁ. Tena hi, samma, idha khanāhī’ti.\nSo tatrapi khananto nādhigaccheyya.\nSo evaṁ vadeyya:\n‘alikaṁ maṁ, samma, avaca, tucchakaṁ maṁ, samma, avaca—idha khanāhī’ti.\nSo evaṁ vadeyya:\n‘nāhaṁ taṁ, samma, alikaṁ avacaṁ, tucchakaṁ avacaṁ. Api ca ahameva ummādaṁ pāpuṇiṁ cetaso vipariyāyan’ti.","en":"Suppose one friend was to say to another:\n‘My dear, when you need money for some payment, just ask me and I’ll give it.’\nThen when some payment falls due, that friend says to their friend: ‘I need some money, my dear. Give me some.’\nThey’d say:\n‘Well then, my dear, dig here.’ So they dig there, but don’t find anything.\nThey’d say:\n‘You lied to me, my dear, you spoke hollow words when you told me to dig here.’\nThey’d say:\n‘My dear, I didn’t lie or speak hollow words. Well then, dig here.’\nSo they dig there as well, but don’t find anything.\nThey’d say:\n‘You lied to me, my dear, you spoke hollow words when you said dig here.’\nThey’d say:\n‘My dear, I didn’t lie or speak hollow words. Well then, dig here.’\nSo they dig there as well, but don’t find anything.\nThey’d say:\n‘You lied to me, my dear, you spoke hollow words when you said dig here.’\nThey’d say:\n‘My dear, I didn’t lie or speak hollow words. But I had gone mad, I was out of my mind.’"}},{"id":"an10.85:17","sourceIds":["an10.85:17.1","an10.85:17.2"],"kind":"text","text":{"pi":"Evamevaṁ kho, āvuso, bhikkhu katthī hoti vikatthī adhigamesu:\n‘ahaṁ paṭhamaṁ jhānaṁ samāpajjāmipi vuṭṭhahāmipi, ahaṁ dutiyaṁ jhānaṁ samāpajjāmipi vuṭṭhahāmipi, ahaṁ tatiyaṁ jhānaṁ samāpajjāmipi vuṭṭhahāmipi, ahaṁ catutthaṁ jhānaṁ samāpajjāmipi vuṭṭhahāmipi, ahaṁ ākāsānañcāyatanaṁ samāpajjāmipi vuṭṭhahāmipi, ahaṁ viññāṇañcāyatanaṁ samāpajjāmipi vuṭṭhahāmipi, ahaṁ ākiñcaññāyatanaṁ samāpajjāmipi vuṭṭhahāmipi, ahaṁ nevasaññānāsaññāyatanaṁ samāpajjāmipi vuṭṭhahāmipi, ahaṁ saññāvedayitanirodhaṁ samāpajjāmipi vuṭṭhahāmipī’ti.","en":"In the same way, take a mendicant who boasts and brags about their achievements:\n‘I enter and emerge from the first absorption … and the cessation of perception and feeling.’"}},{"id":"an10.85:18","sourceIds":["an10.85:18.1","an10.85:18.2"],"kind":"text","text":{"pi":"Tamenaṁ tathāgato vā tathāgatasāvako vā jhāyī samāpattikusalo paracittakusalo paracittapariyāyakusalo samanuyuñjati samanuggāhati samanubhāsati.\nSo tathāgatena vā tathāgatasāvakena vā jhāyinā samāpattikusalena paracittakusalena paracittapariyāyakusalena samanuyuñjiyamāno samanuggāhiyamāno samanubhāsiyamāno irīṇaṁ āpajjati vicinaṁ āpajjati anayaṁ āpajjati byasanaṁ āpajjati anayabyasanaṁ āpajjati.","en":"They’re pursued, pressed, and grilled by the Realized One, or by one of his disciples …\nGrilled in this way they get stuck or lose their way. They fall to ruin and disaster."}},{"id":"an10.85:19","sourceIds":["an10.85:19.1","an10.85:19.2","an10.85:19.3","an10.85:19.4"],"kind":"text","text":{"pi":"Tamenaṁ tathāgato vā tathāgatasāvako vā jhāyī samāpattikusalo paracittakusalo paracittapariyāyakusalo evaṁ cetasā ceto paricca manasi karoti:\n‘kiṁ nu kho ayamāyasmā katthī hoti vikatthī adhigamesu—\nahaṁ paṭhamaṁ jhānaṁ samāpajjāmipi …pe…\nahaṁ saññāvedayitanirodhaṁ samāpajjāmipi vuṭṭhahāmipī’ti.","en":"The Realized One or one of his disciples encompasses their mind and investigates:\n‘Why does this venerable boast and brag about their achievements, saying,\n“I enter and emerge from the first absorption …\nand the cessation of perception and feeling.”’"}},{"id":"an10.85:20","sourceIds":["an10.85:20.1"],"kind":"text","text":{"pi":"Tamenaṁ tathāgato vā tathāgatasāvako vā jhāyī samāpattikusalo paracittapariyāyakusalo cetasā ceto paricca pajānāti:","en":"They understand,"}},{"id":"an10.85:21","sourceIds":["an10.85:21.1","an10.85:21.2","an10.85:21.3"],"kind":"text","text":{"pi":"‘Dīgharattaṁ kho ayamāyasmā khaṇḍakārī chiddakārī sabalakārī kammāsakārī, na santatakārī na santatavutti sīlesu.\nDussīlo kho ayamāyasmā;\ndussilyaṁ kho pana tathāgatappavedite dhammavinaye parihānametaṁ.","en":"‘For a long time this venerable’s deeds have been broken, tainted, spotty, and marred. Their deeds and behavior are inconsistent.\nThis venerable is unethical,\nand unethical conduct means decline in the teaching and training proclaimed by the Realized One."}},{"id":"an10.85:22","sourceIds":["an10.85:22.1","an10.85:22.2"],"kind":"text","text":{"pi":"Assaddho kho pana ayamāyasmā;\nassaddhiyaṁ kho pana tathāgatappavedite dhammavinaye parihānametaṁ.","en":"This venerable is unfaithful …"}},{"id":"an10.85:23","sourceIds":["an10.85:23.1","an10.85:23.2"],"kind":"text","text":{"pi":"Appassuto kho pana ayamāyasmā anācāro;\nappasaccaṁ kho pana tathāgatappavedite dhammavinaye parihānametaṁ.","en":"unlearned and unpracticed …"}},{"id":"an10.85:24","sourceIds":["an10.85:24.1","an10.85:24.2"],"kind":"text","text":{"pi":"Dubbaco kho pana ayamāyasmā;\ndovacassatā kho pana tathāgatappavedite dhammavinaye parihānametaṁ.","en":"hard to admonish …"}},{"id":"an10.85:25","sourceIds":["an10.85:25.1","an10.85:25.2"],"kind":"text","text":{"pi":"Pāpamitto kho pana ayamāyasmā;\npāpamittatā kho pana tathāgatappavedite dhammavinaye parihānametaṁ.","en":"with bad friends …"}},{"id":"an10.85:26","sourceIds":["an10.85:26.1","an10.85:26.2"],"kind":"text","text":{"pi":"Kusīto kho pana ayamāyasmā;\nkosajjaṁ kho pana tathāgatappavedite dhammavinaye parihānametaṁ.","en":"lazy …"}},{"id":"an10.85:27","sourceIds":["an10.85:27.1","an10.85:27.2"],"kind":"text","text":{"pi":"Muṭṭhassati kho pana ayamāyasmā;\nmuṭṭhassaccaṁ kho pana tathāgatappavedite dhammavinaye parihānametaṁ.","en":"unmindful …"}},{"id":"an10.85:28","sourceIds":["an10.85:28.1","an10.85:28.2"],"kind":"text","text":{"pi":"Kuhako kho pana ayamāyasmā;\nkohaññaṁ kho pana tathāgatappavedite dhammavinaye parihānametaṁ.","en":"deceptive …"}},{"id":"an10.85:29","sourceIds":["an10.85:29.1","an10.85:29.2"],"kind":"text","text":{"pi":"Dubbharo kho pana ayamāyasmā;\ndubbharatā kho pana tathāgatappavedite dhammavinaye parihānametaṁ.","en":"burdensome …"}},{"id":"an10.85:30","sourceIds":["an10.85:30.1","an10.85:30.2"],"kind":"text","text":{"pi":"Duppañño kho pana ayamāyasmā;\nduppaññatā kho pana tathāgatappavedite dhammavinaye parihānametaṁ’.","en":"This venerable is witless,\nand lack of wisdom means decline in the teaching and training proclaimed by the Realized One.’"}},{"id":"an10.85:31","sourceIds":["an10.85:31.1","an10.85:31.2","an10.85:31.3"],"kind":"text","text":{"pi":"So vatāvuso, bhikkhu ‘ime dasa dhamme appahāya imasmiṁ dhammavinaye vuddhiṁ virūḷhiṁ vepullaṁ āpajjissatī’ti netaṁ ṭhānaṁ vijjati.\nSo vatāvuso, bhikkhu ‘ime dasa dhamme pahāya imasmiṁ dhammavinaye vuddhiṁ virūḷhiṁ vepullaṁ āpajjissatī’ti ṭhānametaṁ vijjatī”ti.\nPañcamaṁ.","en":"It is quite impossible for a mendicant to achieve growth, improvement, or maturity in this teaching and training without giving up these ten qualities.\nIt is quite possible for a mendicant to achieve growth, improvement, or maturity in this teaching and training after giving up these ten qualities.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.85/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}