{"id":"an10.86","title":"Overestimation","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.86","title":"Overestimation","units":[{"id":"an10.86:0","sourceIds":["an10.86:0.1","an10.86:0.2","an10.86:0.3"],"kind":"text","text":{"pi":"Aṅguttara Nikāya 10.86\n9. Theravagga\nAdhimānasutta","en":"Numbered Discourses 10.86\n9. Senior Mendicants\nOverestimation"}},{"id":"an10.86:1","sourceIds":["an10.86:1.1","an10.86:1.2","an10.86:1.3","an10.86:1.4","an10.86:1.5"],"kind":"text","text":{"pi":"Ekaṁ samayaṁ āyasmā mahākassapo rājagahe viharati veḷuvane kalandakanivāpe.\nTatra kho āyasmā mahākassapo bhikkhū āmantesi:\n“āvuso bhikkhave”ti.\n“Āvuso”ti kho te bhikkhū āyasmato mahākassapassa paccassosuṁ.\nĀyasmā mahākassapo etadavoca:","en":"At one time Venerable Mahākassapa was staying near Rājagaha in the Bamboo Grove, the squirrels’ feeding ground.\nThere he addressed the mendicants:\n“Reverends, mendicants!”\n“Reverend,” they replied.\nVenerable Mahākassapa said this:"}},{"id":"an10.86:2","sourceIds":["an10.86:2.1","an10.86:2.2","an10.86:2.3","an10.86:2.4"],"kind":"text","text":{"pi":"“Idhāvuso, bhikkhu aññaṁ byākaroti:\n‘khīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyāti pajānāmī’ti.\nTamenaṁ tathāgato vā tathāgatasāvako vā jhāyī samāpattikusalo paracittakusalo paracittapariyāyakusalo samanuyuñjati samanuggāhati samanubhāsati.\nSo tathāgatena vā tathāgatasāvakena vā jhāyinā samāpattikusalena paracittakusalena paracittapariyāyakusalena samanuyuñjiyamāno samanuggāhiyamāno samanubhāsiyamāno irīṇaṁ āpajjati vicinaṁ āpajjati anayaṁ āpajjati byasanaṁ āpajjati anayabyasanaṁ āpajjati.","en":"“Take a mendicant who declares enlightenment:\n‘I understand: “Rebirth is ended, the spiritual journey has been completed, what had to be done has been done, there is nothing further for this place.”’\nThey’re pursued, pressed, and grilled by the Realized One, or by one of his disciples who has the absorptions, and is skilled in attainments, in the minds of others, and in encompassing another’s mind.\nGrilled in this way they get stuck or lose their way. They fall to ruin and disaster."}},{"id":"an10.86:3","sourceIds":["an10.86:3.1","an10.86:3.2","an10.86:3.3"],"kind":"text","text":{"pi":"Tamenaṁ tathāgato vā tathāgatasāvako vā jhāyī samāpattikusalo paracittakusalo paracittapariyāyakusalo evaṁ cetasā ceto paricca manasi karoti:\n‘kiṁ nu kho ayamāyasmā aññaṁ byākaroti—\nkhīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyāti pajānāmī’ti.","en":"The Realized One or one of his disciples encompasses their mind and investigates:\n‘Why does this venerable declare enlightenment, saying,\n“I understand: ‘Rebirth is ended, the spiritual journey has been completed, what had to be done has been done, there is nothing further for this place’”?’"}},{"id":"an10.86:4","sourceIds":["an10.86:4.1"],"kind":"text","text":{"pi":"Tamenaṁ tathāgato vā tathāgatasāvako vā jhāyī samāpattikusalo paracittakusalo paracittapariyāyakusalo evaṁ cetasā ceto paricca pajānāti:","en":"They understand,"}},{"id":"an10.86:5","sourceIds":["an10.86:5.1","an10.86:5.2","an10.86:5.3"],"kind":"text","text":{"pi":"‘Adhimāniko kho ayamāyasmā adhimānasacco, appatte pattasaññī, akate katasaññī, anadhigate adhigatasaññī.\nAdhimānena aññaṁ byākaroti—\nkhīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyāti pajānāmī’ti.","en":"‘This venerable overestimates themselves and takes that to be the truth. They perceive that they’ve attained what they haven’t attained, done what they haven’t done, and achieved what they haven’t achieved.\nAnd they declare enlightenment out of overestimation:\n“I understand: ‘Rebirth is ended, the spiritual journey has been completed, what had to be done has been done, there is nothing further for this place.’”’"}},{"id":"an10.86:6","sourceIds":["an10.86:6.1","an10.86:6.2","an10.86:6.3","an10.86:6.4"],"kind":"text","text":{"pi":"Tamenaṁ tathāgato vā tathāgatasāvako vā jhāyī samāpattikusalo paracittakusalo paracittapariyāyakusalo evaṁ cetasā ceto paricca manasi karoti:\n‘kiṁ nu kho ayamāyasmā nissāya adhimāniko adhimānasacco, appatte pattasaññī, akate katasaññī, anadhigate adhigatasaññī.\nAdhimānena aññaṁ byākaroti—\nkhīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyāti pajānāmī’ti.","en":"The Realized One or one of his disciples encompasses their mind and investigates:\n‘Why does this venerable overestimate themselves and take that to be the truth? Why do they perceive that they’ve attained what they haven’t attained, done what they haven’t done, and achieved what they haven’t achieved?\nAnd why do they declare enlightenment out of overestimation:\n“I understand: ‘Rebirth is ended, the spiritual journey has been completed, what had to be done has been done, there is nothing further for this place.’”’"}},{"id":"an10.86:7","sourceIds":["an10.86:7.1"],"kind":"text","text":{"pi":"Tamenaṁ tathāgato vā tathāgatasāvako vā jhāyī samāpattikusalo paracittakusalo paracittapariyāyakusalo evaṁ cetasā ceto paricca pajānāti:","en":"They understand,"}},{"id":"an10.86:8","sourceIds":["an10.86:8.1","an10.86:8.2","an10.86:8.3","an10.86:8.4"],"kind":"text","text":{"pi":"‘Bahussuto kho pana ayamāyasmā sutadharo sutasannicayo, ye te dhammā ādikalyāṇā majjhekalyāṇā pariyosānakalyāṇā sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ abhivadanti, tathārūpāssa dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā.\nTasmā ayamāyasmā adhimāniko adhimānasacco, appatte pattasaññī, akate katasaññī, anadhigate adhigatasaññī.\nAdhimānena aññaṁ byākaroti—\nkhīṇā jāti, vusitaṁ brahmacariyaṁ, kataṁ karaṇīyaṁ, nāparaṁ itthattāyāti pajānāmī’ti.","en":"‘This venerable is very learned, remembering and keeping what they’ve learned. These teachings are good in the beginning, good in the middle, and good in the end, meaningful and well-phrased, describing a spiritual practice that’s entirely full and pure. They are very learned in such teachings, remembering them, rehearsing them, mentally scrutinizing them, and penetrating them theoretically.\nTherefore this venerable overestimates themselves and takes that to be the truth. …’"}},{"id":"an10.86:9","sourceIds":["an10.86:9.1"],"kind":"text","text":{"pi":"Tamenaṁ tathāgato vā tathāgatasāvako vā jhāyī samāpattikusalo paracittakusalo paracittapariyāyakusalo evaṁ cetasā ceto paricca pajānāti:","en":"They understand,"}},{"id":"an10.86:10","sourceIds":["an10.86:10.1","an10.86:10.2","an10.86:10.3"],"kind":"text","text":{"pi":"‘Abhijjhālu kho pana ayamāyasmā;\nabhijjhāpariyuṭṭhitena cetasā bahulaṁ viharati.\nAbhijjhāpariyuṭṭhānaṁ kho pana tathāgatappavedite dhammavinaye parihānametaṁ.","en":"‘This venerable is covetous,\nand often lives with a heart full of covetousness.\nBut being full of covetousness means decline in the teaching and training proclaimed by the Realized One."}},{"id":"an10.86:11","sourceIds":["an10.86:11.1","an10.86:11.2","an10.86:11.3"],"kind":"text","text":{"pi":"Byāpanno kho pana ayamāyasmā;\nbyāpādapariyuṭṭhitena cetasā bahulaṁ viharati.\nByāpādapariyuṭṭhānaṁ kho pana tathāgatappavedite dhammavinaye parihānametaṁ.","en":"This venerable has ill will …"}},{"id":"an10.86:12","sourceIds":["an10.86:12.1","an10.86:12.2","an10.86:12.3"],"kind":"text","text":{"pi":"Thinamiddho kho pana ayamāyasmā;\nthinamiddhapariyuṭṭhitena cetasā bahulaṁ viharati.\nThinamiddhapariyuṭṭhānaṁ kho pana tathāgatappavedite dhammavinaye parihānametaṁ.","en":"dullness and drowsiness …"}},{"id":"an10.86:13","sourceIds":["an10.86:13.1","an10.86:13.2","an10.86:13.3"],"kind":"text","text":{"pi":"Uddhato kho pana ayamāyasmā;\nuddhaccapariyuṭṭhitena cetasā bahulaṁ viharati.\nUddhaccapariyuṭṭhānaṁ kho pana tathāgatappavedite dhammavinaye parihānametaṁ.","en":"restlessness …"}},{"id":"an10.86:14","sourceIds":["an10.86:14.1","an10.86:14.2","an10.86:14.3"],"kind":"text","text":{"pi":"Vicikiccho kho pana ayamāyasmā;\nvicikicchāpariyuṭṭhitena cetasā bahulaṁ viharati.\nVicikicchāpariyuṭṭhānaṁ kho pana tathāgatappavedite dhammavinaye parihānametaṁ.","en":"doubt …"}},{"id":"an10.86:15","sourceIds":["an10.86:15.1","an10.86:15.2"],"kind":"text","text":{"pi":"Kammārāmo kho pana ayamāyasmā kammarato kammārāmataṁ anuyutto.\nKammārāmatā kho pana tathāgatappavedite dhammavinaye parihānametaṁ.","en":"This venerable relishes work. They love it and like to relish it …"}},{"id":"an10.86:16","sourceIds":["an10.86:16.1","an10.86:16.2"],"kind":"text","text":{"pi":"Bhassārāmo kho pana ayamāyasmā bhassarato bhassārāmataṁ anuyutto.\nBhassārāmatā kho pana tathāgatappavedite dhammavinaye parihānametaṁ.","en":"This venerable relishes talk …"}},{"id":"an10.86:17","sourceIds":["an10.86:17.1","an10.86:17.2"],"kind":"text","text":{"pi":"Niddārāmo kho pana ayamāyasmā niddārato niddārāmataṁ anuyutto.\nNiddārāmatā kho pana tathāgatappavedite dhammavinaye parihānametaṁ.","en":"sleep …"}},{"id":"an10.86:18","sourceIds":["an10.86:18.1","an10.86:18.2"],"kind":"text","text":{"pi":"Saṅgaṇikārāmo kho pana ayamāyasmā saṅgaṇikarato saṅgaṇikārāmataṁ anuyutto.\nSaṅgaṇikārāmatā kho pana tathāgatappavedite dhammavinaye parihānametaṁ.","en":"company …"}},{"id":"an10.86:19","sourceIds":["an10.86:19.1","an10.86:19.2"],"kind":"text","text":{"pi":"Sati kho pana ayamāyasmā uttari karaṇīye oramattakena visesādhigamena antarā vosānaṁ āpanno.\nAntarā vosānagamanaṁ kho pana tathāgatappavedite dhammavinaye parihānametaṁ’.","en":"When there is still more to be done, this venerable stopped half-way after achieving some trifling distinction.\nBut stopping half-way means decline in the teaching and training proclaimed by the Realized One.’"}},{"id":"an10.86:20","sourceIds":["an10.86:20.1","an10.86:20.2","an10.86:20.3"],"kind":"text","text":{"pi":"So vatāvuso, bhikkhu ‘ime dasa dhamme appahāya imasmiṁ dhammavinaye vuddhiṁ virūḷhiṁ vepullaṁ āpajjissatī’ti netaṁ ṭhānaṁ vijjati.\nSo vatāvuso, bhikkhu ‘ime dasa dhamme pahāya imasmiṁ dhammavinaye vuddhiṁ virūḷhiṁ vepullaṁ āpajjissatī’ti ṭhānametaṁ vijjatī”ti.\nChaṭṭhaṁ.","en":"It is quite impossible for a mendicant to achieve growth, improvement, or maturity in this teaching and training without giving up these ten qualities.\nIt is quite possible for a mendicant to achieve growth, improvement, or maturity in this teaching and training after giving up these ten qualities.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.86/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}