{"id":"an10.90","title":"The Powers of One Who has Ended Defilements","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.90","title":"The Powers of One Who has Ended Defilements","units":[{"id":"an10.90:0","sourceIds":["an10.90:0.1","an10.90:0.2","an10.90:0.3"],"kind":"text","text":{"pi":"Aṅguttara Nikāya 10.90\n9. Theravagga\nKhīṇāsavabalasutta","en":"Numbered Discourses 10.90\n9. Senior Mendicants\nThe Powers of One Who has Ended Defilements"}},{"id":"an10.90:1","sourceIds":["an10.90:1.1","an10.90:1.2","an10.90:1.3"],"kind":"text","text":{"pi":"Atha kho āyasmā sāriputto yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho āyasmantaṁ sāriputtaṁ bhagavā etadavoca:\n“kati nu kho, sāriputta, khīṇāsavassa bhikkhuno balāni, yehi balehi samannāgato khīṇāsavo bhikkhu āsavānaṁ khayaṁ paṭijānāti:\n‘khīṇā me āsavā’”ti?","en":"Then Venerable Sāriputta went up to the Buddha, bowed, and sat down to one side. The Buddha said to him:\n“Sāriputta, how many powers does a mendicant who has ended the defilements have that qualify them to claim:\n‘My defilements have ended.’”"}},{"id":"an10.90:2","sourceIds":["an10.90:2.1","an10.90:2.2","an10.90:2.3","an10.90:2.4","an10.90:2.5","an10.90:2.6"],"kind":"text","text":{"pi":"“Dasa, bhante, khīṇāsavassa bhikkhuno balāni, yehi balehi samannāgato khīṇāsavo bhikkhu āsavānaṁ khayaṁ paṭijānāti:\n‘khīṇā me āsavā’ti.\nKatamāni dasa?\nIdha, bhante, khīṇāsavassa bhikkhuno aniccato sabbe saṅkhārā yathābhūtaṁ sammappaññāya sudiṭṭhā honti.\nYampi, bhante, khīṇāsavassa bhikkhuno aniccato sabbe saṅkhārā yathābhūtaṁ sammappaññāya sudiṭṭhā honti, idampi, bhante, khīṇāsavassa bhikkhuno balaṁ hoti, yaṁ balaṁ āgamma khīṇāsavo bhikkhu āsavānaṁ khayaṁ paṭijānāti:\n‘khīṇā me āsavā’ti.","en":"“Sir, a mendicant who has ended the defilements has ten powers that qualify them to claim:\n‘My defilements have ended.’\nWhat ten?\nFirstly, a mendicant with defilements ended has clearly seen with right wisdom all conditions as truly impermanent.\nThis is a power that a mendicant who has ended the defilements relies on to claim:\n‘My defilements have ended.’"}},{"id":"an10.90:3","sourceIds":["an10.90:3.1","an10.90:3.2","an10.90:3.3"],"kind":"text","text":{"pi":"Puna caparaṁ, bhante, khīṇāsavassa bhikkhuno aṅgārakāsūpamā kāmā yathābhūtaṁ sammappaññāya sudiṭṭhā honti.\nYampi, bhante, khīṇāsavassa bhikkhuno aṅgārakāsūpamā kāmā yathābhūtaṁ sammappaññāya sudiṭṭhā honti, idampi, bhante, khīṇāsavassa bhikkhuno balaṁ hoti, yaṁ balaṁ āgamma khīṇāsavo bhikkhu āsavānaṁ khayaṁ paṭijānāti:\n‘khīṇā me āsavā’ti.","en":"Furthermore, a mendicant with defilements ended has clearly seen with right wisdom that sensual pleasures are truly like a pit of glowing coals.\nThis is a power that a mendicant who has ended the defilements relies on to claim:\n‘My defilements have ended.’"}},{"id":"an10.90:4","sourceIds":["an10.90:4.1","an10.90:4.2","an10.90:4.3"],"kind":"text","text":{"pi":"Puna caparaṁ, bhante, khīṇāsavassa bhikkhuno vivekaninnaṁ cittaṁ hoti vivekapoṇaṁ vivekapabbhāraṁ vivekaṭṭhaṁ nekkhammābhirataṁ byantībhūtaṁ sabbaso āsavaṭṭhāniyehi dhammehi.\nYampi, bhante, khīṇāsavassa bhikkhuno vivekaninnaṁ cittaṁ hoti vivekapoṇaṁ vivekapabbhāraṁ vivekaṭṭhaṁ nekkhammābhirataṁ byantībhūtaṁ sabbaso āsavaṭṭhāniyehi dhammehi, idampi, bhante, khīṇāsavassa bhikkhuno balaṁ hoti, yaṁ balaṁ āgamma khīṇāsavo bhikkhu āsavānaṁ khayaṁ paṭijānāti:\n‘khīṇā me āsavā’ti.","en":"Furthermore, the mind of a mendicant with defilements ended slants, slopes, and inclines to seclusion. They’re withdrawn, loving renunciation, and have totally eliminated defiling influences.\nThis is a power that a mendicant who has ended the defilements relies on to claim:\n‘My defilements have ended.’"}},{"id":"an10.90:5","sourceIds":["an10.90:5.1","an10.90:5.2","an10.90:5.3"],"kind":"text","text":{"pi":"Puna caparaṁ, bhante, khīṇāsavassa bhikkhuno cattāro satipaṭṭhānā bhāvitā honti subhāvitā.\nYampi, bhante, khīṇāsavassa bhikkhuno cattāro satipaṭṭhānā bhāvitā honti subhāvitā, idampi, bhante, khīṇāsavassa bhikkhuno balaṁ hoti, yaṁ balaṁ āgamma khīṇāsavo bhikkhu āsavānaṁ khayaṁ paṭijānāti:\n‘khīṇā me āsavā’ti.","en":"Furthermore, a mendicant with defilements ended has well developed the four kinds of mindfulness meditation.\nThis is a power that a mendicant who has ended the defilements relies on to claim:\n‘My defilements have ended.’"}},{"id":"an10.90:6","sourceIds":["an10.90:6.1","an10.90:6.2","an10.90:6.3","an10.90:6.4","an10.90:6.5","an10.90:6.6","an10.90:6.7","an10.90:6.8"],"kind":"text","text":{"pi":"Puna caparaṁ, bhante, khīṇāsavassa bhikkhuno cattāro sammappadhānā bhāvitā honti subhāvitā …pe…\ncattāro iddhipādā bhāvitā honti subhāvitā …pe…\npañcindriyāni …\npañca balāni bhāvitāni honti subhāvitāni …\nsatta bojjhaṅgā bhāvitā honti subhāvitā …\nariyo aṭṭhaṅgiko maggo bhāvito hoti subhāvito.\nYampi, bhante, khīṇāsavassa bhikkhuno ariyo aṭṭhaṅgiko maggo bhāvito hoti subhāvito, idampi, bhante, khīṇāsavassa bhikkhuno balaṁ hoti, yaṁ balaṁ āgamma khīṇāsavo bhikkhu āsavānaṁ khayaṁ paṭijānāti:\n‘khīṇā me āsavā’ti.","en":"Furthermore, a mendicant with defilements ended has well developed the four right efforts. …\nthe four bases of psychic power …\nthe five faculties …\nthe five powers …\nthe seven awakening factors …\nthe noble eightfold path.\nThis is a power that a mendicant who has ended the defilements relies on to claim:\n‘My defilements have ended.’"}},{"id":"an10.90:7","sourceIds":["an10.90:7.1","an10.90:7.2","an10.90:7.3","an10.90:7.4"],"kind":"text","text":{"pi":"Imāni kho, bhante, dasa khīṇāsavassa bhikkhuno balāni, yehi balehi samannāgato khīṇāsavo bhikkhu āsavānaṁ khayaṁ paṭijānāti:\n‘khīṇā me āsavā’”ti.\nDasamaṁ.\nTheravaggo catuttho.","en":"A mendicant who has ended the defilements possesses these ten powers that qualify them to claim:\n‘My defilements have ended.’”"}},{"id":"an10.90:8","sourceIds":["an10.90:8.0","an10.90:8.1","an10.90:8.2","an10.90:8.3","an10.90:8.4"],"kind":"text","text":{"pi":"Tassuddānaṁ\nVāhanānando puṇṇiyo,\nbyākaraṁ katthimāniko;\nNapiyakkosakokāli,\nkhīṇāsavabalena cāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.90/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}