{"id":"an10.93","title":"What is Your View?","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an10.93","title":"What is Your View?","units":[{"id":"an10.93:0","sourceIds":["an10.93:0.1","an10.93:0.2","an10.93:0.3"],"kind":"text","text":{"pi":"Aṅguttara Nikāya 10.93\n10. Upālivagga\nKiṁdiṭṭhikasutta","en":"Numbered Discourses 10.93\n10. With Upāli\nWhat is Your View?"}},{"id":"an10.93:1","sourceIds":["an10.93:1.1","an10.93:1.2","an10.93:1.3","an10.93:1.4","an10.93:1.5","an10.93:1.6","an10.93:1.7","an10.93:1.8"],"kind":"text","text":{"pi":"Ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nAtha kho anāthapiṇḍiko gahapati divā divassa sāvatthiyā nikkhami bhagavantaṁ dassanāya.\nAtha kho anāthapiṇḍikassa gahapatissa etadahosi:\n“akālo kho tāva bhagavantaṁ dassanāya.\nPaṭisallīno bhagavā.\nManobhāvanīyānampi bhikkhūnaṁ akālo dassanāya.\nPaṭisallīnā manobhāvanīyā bhikkhū.\nYannūnāhaṁ yena aññatitthiyānaṁ paribbājakānaṁ ārāmo tenupasaṅkameyyan”ti.","en":"At one time the Buddha was staying near Sāvatthī in Jeta’s Grove, Anāthapiṇḍika’s monastery.\nThen the householder Anāthapiṇḍika left Sāvatthī in the middle of the day to see the Buddha.\nThen it occurred to him,\n“It’s the wrong time to see the Buddha,\nas he’s in retreat.\nAnd it’s the wrong time to see the esteemed mendicants,\nas they’re in retreat.\nWhy don’t I visit the monastery for the wanderers of other religions?”"}},{"id":"an10.93:2","sourceIds":["an10.93:2.1","an10.93:2.2","an10.93:2.3","an10.93:2.4","an10.93:2.5","an10.93:2.6","an10.93:2.7","an10.93:2.8","an10.93:2.9"],"kind":"text","text":{"pi":"Atha kho anāthapiṇḍiko gahapati yena aññatitthiyānaṁ paribbājakānaṁ ārāmo tenupasaṅkami.\nTena kho pana samayena aññatitthiyā paribbājakā saṅgamma samāgamma unnādino uccāsaddamahāsaddā anekavihitaṁ tiracchānakathaṁ kathentā nisinnā honti.\nAddasaṁsu kho te aññatitthiyā paribbājakā anāthapiṇḍikaṁ gahapatiṁ dūratova āgacchantaṁ.\nDisvāna aññamaññaṁ saṇṭhāpesuṁ:\n“appasaddā bhonto hontu, mā bhonto saddamakattha.\nAyaṁ anāthapiṇḍiko gahapati ārāmaṁ āgacchati samaṇassa gotamassa sāvako.\nYāvatā kho pana samaṇassa gotamassa sāvakā gihī odātavasanā sāvatthiyaṁ paṭivasanti, ayaṁ tesaṁ aññataro anāthapiṇḍiko gahapati.\nAppasaddakāmā kho pana te āyasmanto appasaddavinītā appasaddassa vaṇṇavādino.\nAppeva nāma appasaddaṁ parisaṁ viditvā upasaṅkamitabbaṁ maññeyyā”ti.","en":"Then he went to the monastery for the wanderers of other religions.\nNow at that time, the wanderers of other religions had come together, making an uproar, a colossal racket as they sat and talked about all kinds of low topics.\nThey saw Anāthapiṇḍika coming off in the distance,\nand stopped each other, saying,\n“Be quiet, good fellows, don’t make a sound.\nThe householder Anāthapiṇḍika, a disciple of the ascetic Gotama, is coming into our monastery.\nHe is included among the white-clothed lay disciples of the ascetic Gotama, who is residing in Sāvatthī.\nSuch venerables like the quiet, are educated to be quiet, and praise the quiet.\nHopefully if he sees that our assembly is quiet he’ll see fit to approach.”"}},{"id":"an10.93:3","sourceIds":["an10.93:3.1","an10.93:3.2","an10.93:3.3","an10.93:3.4","an10.93:3.5"],"kind":"text","text":{"pi":"Atha kho te aññatitthiyā paribbājakā tuṇhī ahesuṁ.\nAtha kho anāthapiṇḍiko gahapati yena te aññatitthiyā paribbājakā tenupasaṅkami; upasaṅkamitvā tehi aññatitthiyehi paribbājakehi saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinnaṁ kho anāthapiṇḍikaṁ gahapatiṁ te aññatitthiyā paribbājakā etadavocuṁ:\n“vadehi, gahapati, kiṁdiṭṭhiko samaṇo gotamo”ti?\n“Na kho ahaṁ, bhante, bhagavato sabbaṁ diṭṭhiṁ jānāmī”ti.","en":"Then those wanderers of other religions fell silent.\nThen Anāthapiṇḍika went up to them, and exchanged greetings with those wanderers.\nWhen the greetings and polite conversation were over, he sat down to one side. The wanderers said to him,\n“Tell us, householder, what is the view of the ascetic Gotama?”\n“Sirs, I don’t know all his views.”"}},{"id":"an10.93:4","sourceIds":["an10.93:4.1","an10.93:4.2","an10.93:4.3"],"kind":"text","text":{"pi":"“Iti kira tvaṁ, gahapati, na samaṇassa gotamassa sabbaṁ diṭṭhiṁ jānāsi;\nvadehi, gahapati, kiṁdiṭṭhikā bhikkhū”ti?\n“Bhikkhūnampi kho ahaṁ, bhante, na sabbaṁ diṭṭhiṁ jānāmī”ti.","en":"“Well then, since it seems you don’t know all the views of the ascetic Gotama,\ntell us, what are the views of the mendicants?”\n“Sirs, I don’t know all the mendicants’ views.”"}},{"id":"an10.93:5","sourceIds":["an10.93:5.1","an10.93:5.2","an10.93:5.3","an10.93:5.4"],"kind":"text","text":{"pi":"“Iti kira tvaṁ, gahapati, na samaṇassa gotamassa sabbaṁ diṭṭhiṁ jānāsi napi bhikkhūnaṁ sabbaṁ diṭṭhiṁ jānāsi;\nvadehi, gahapati, kiṁdiṭṭhikosi tuvan”ti?\n“Etaṁ kho, bhante, amhehi na dukkaraṁ byākātuṁ yaṁdiṭṭhikā mayaṁ.\nIṅgha tāva āyasmanto yathāsakāni diṭṭhigatāni byākarontu, pacchāpetaṁ amhehi na dukkaraṁ bhavissati byākātuṁ yaṁdiṭṭhikā mayan”ti.","en":"“Well then, since it seems you don’t know all the views of the ascetic Gotama or of the mendicants,\ntell us, householder, what is your view?”\n“Sirs, it’s not hard for me to explain what my views are.\nBut please, let the venerables explain their own convictions first. Afterwards it won’t be hard for me to explain my views.”"}},{"id":"an10.93:6","sourceIds":["an10.93:6.1","an10.93:6.2","an10.93:6.3"],"kind":"text","text":{"pi":"Evaṁ vutte, aññataro paribbājako anāthapiṇḍikaṁ gahapatiṁ etadavoca:\n“sassato loko, idameva saccaṁ moghamaññanti—\nevaṁdiṭṭhiko ahaṁ, gahapatī”ti.","en":"When he said this, one of the wanderers said to him,\n“The cosmos is eternal. This is the only truth, anything else is futile.\nThat’s my view, householder.”"}},{"id":"an10.93:7","sourceIds":["an10.93:7.1","an10.93:7.2","an10.93:7.3"],"kind":"text","text":{"pi":"Aññataropi kho paribbājako anāthapiṇḍikaṁ gahapatiṁ etadavoca:\n“asassato loko, idameva saccaṁ moghamaññanti—\nevaṁdiṭṭhiko ahaṁ, gahapatī”ti.","en":"Another wanderer said,\n“The cosmos is not eternal. This is the only truth, anything else is futile.\nThat’s my view, householder.”"}},{"id":"an10.93:8","sourceIds":["an10.93:8.1","an10.93:8.2","an10.93:8.3","an10.93:8.4","an10.93:8.5","an10.93:8.6","an10.93:8.7","an10.93:8.8","an10.93:8.9","an10.93:8.10"],"kind":"text","text":{"pi":"Aññataropi kho paribbājako anāthapiṇḍikaṁ gahapatiṁ etadavoca:\n“antavā loko …pe…\nanantavā loko …\ntaṁ jīvaṁ taṁ sarīraṁ …\naññaṁ jīvaṁ aññaṁ sarīraṁ …\nhoti tathāgato paraṁ maraṇā …\nna hoti tathāgato paraṁ maraṇā …\nhoti ca na ca hoti tathāgato paraṁ maraṇā …\nneva hoti na na hoti tathāgato paraṁ maraṇā, idameva saccaṁ moghamaññanti—\nevaṁdiṭṭhiko ahaṁ, gahapatī”ti.","en":"Another wanderer said,\n“The cosmos is finite …” …\n“The cosmos is infinite …” …\n“The soul and the body are one and the same …” …\n“The soul is one thing, the body another …” …\n“A realized one still exists after death …” …\n“A realized one no longer exists after death …” …\n“A realized one both still exists and no longer exists after death …” …\n“A Realized One neither still exists nor no longer exists after death. This is the only truth, anything else is futile.\nThat’s my view, householder.”"}},{"id":"an10.93:9","sourceIds":["an10.93:9.1","an10.93:9.2","an10.93:9.3","an10.93:9.4","an10.93:9.5","an10.93:9.6","an10.93:9.7","an10.93:9.8","an10.93:9.9"],"kind":"text","text":{"pi":"Evaṁ vutte, anāthapiṇḍiko gahapati te paribbājake etadavoca:\n“yvāyaṁ, bhante, āyasmā evamāha:\n‘sassato loko, idameva saccaṁ moghamaññanti—\nevaṁdiṭṭhiko ahaṁ, gahapatī’ti,\nimassa ayamāyasmato diṭṭhi attano vā ayonisomanasikārahetu uppannā paratoghosapaccayā vā.\nSā kho panesā diṭṭhi bhūtā saṅkhatā cetayitā paṭiccasamuppannā.\nYaṁ kho pana kiñci bhūtaṁ saṅkhataṁ cetayitaṁ paṭiccasamuppannaṁ tadaniccaṁ.\nYadaniccaṁ taṁ dukkhaṁ.\nYaṁ dukkhaṁ tadeveso āyasmā allīno, tadeveso āyasmā ajjhupagato.","en":"When this was said, Anāthapiṇḍika said this,\n“Sirs, regarding the venerable who said this:\n‘The cosmos is eternal. This is the only truth, anything else is futile.\nThat’s my view, householder.’\nThis view of his has either arisen from his own irrational application of mind, or is conditioned by what someone else says.\nBut that view is created, conditioned, chosen, dependently originated.\nWhatever is created, conditioned, chosen, and dependently originated is impermanent.\nAnd what’s impermanent is suffering.\nWhat he clings to and holds to is just suffering."}},{"id":"an10.93:10","sourceIds":["an10.93:10.1","an10.93:10.2","an10.93:10.3","an10.93:10.4","an10.93:10.5","an10.93:10.6","an10.93:10.7","an10.93:10.8"],"kind":"text","text":{"pi":"Yopāyaṁ, bhante, āyasmā evamāha:\n‘asassato loko, idameva saccaṁ moghamaññanti—\nevaṁdiṭṭhiko ahaṁ, gahapatī’ti,\nimassāpi ayamāyasmato diṭṭhi attano vā ayonisomanasikārahetu uppannā paratoghosapaccayā vā.\nSā kho panesā diṭṭhi bhūtā saṅkhatā cetayitā paṭiccasamuppannā.\nYaṁ kho pana kiñci bhūtaṁ saṅkhataṁ cetayitaṁ paṭiccasamuppannaṁ tadaniccaṁ.\nYadaniccaṁ taṁ dukkhaṁ.\nYaṁ dukkhaṁ tadeveso āyasmā allīno, tadeveso āyasmā ajjhupagato.","en":"Regarding the venerable who said this:\n‘The cosmos is not eternal. This is the only truth, anything else is futile.\nThat’s my view, householder.’\nThis view of his has either arisen from his own irrational application of mind, or is conditioned by what someone else says.\nBut that view is created, conditioned, chosen, dependently originated.\nWhatever is created, conditioned, chosen, and dependently originated is impermanent.\nAnd what’s impermanent is suffering.\nWhat he clings to and holds to is just suffering."}},{"id":"an10.93:11","sourceIds":["an10.93:11.1","an10.93:11.2","an10.93:11.3","an10.93:11.4","an10.93:11.5","an10.93:11.6","an10.93:11.7","an10.93:11.8","an10.93:11.9","an10.93:11.10","an10.93:11.11","an10.93:11.12","an10.93:11.13","an10.93:11.14","an10.93:11.15"],"kind":"text","text":{"pi":"Yopāyaṁ, bhante, āyasmā evamāha:\n‘antavā loko …pe…\nanantavā loko …\ntaṁ jīvaṁ taṁ sarīraṁ …\naññaṁ jīvaṁ aññaṁ sarīraṁ …\nhoti tathāgato paraṁ maraṇā …\nna hoti tathāgato paraṁ maraṇā …\nhoti ca na ca hoti tathāgato paraṁ maraṇā …\nneva hoti na na hoti tathāgato paraṁ maraṇā, idameva saccaṁ moghamaññanti—\nevaṁdiṭṭhiko ahaṁ, gahapatī’ti,\nimassāpi ayamāyasmato diṭṭhi attano vā ayonisomanasikārahetu uppannā paratoghosapaccayā vā.\nSā kho panesā diṭṭhi bhūtā saṅkhatā cetayitā paṭiccasamuppannā.\nYaṁ kho pana kiñci bhūtaṁ saṅkhataṁ cetayitaṁ paṭiccasamuppannaṁ tadaniccaṁ.\nYadaniccaṁ taṁ dukkhaṁ.\nYaṁ dukkhaṁ tadeveso āyasmā allīno, tadeveso āyasmā ajjhupagato”ti.","en":"Regarding the venerable who said this:\n‘The cosmos is finite …’ …\n‘The cosmos is infinite …’ …\n‘The soul and the body are one and the same …’ …\n‘The soul is one thing, the body another …’ …\n‘A realized one still exists after death …’ …\n‘A realized one no longer exists after death …’ …\n‘A realized one both still exists and no longer exists after death …’ …\n‘A Realized One neither still exists nor no longer exists after death. This is the only truth, anything else is futile.\nThat’s my view, householder.’\nThis view of his has either arisen from his own irrational application of mind, or is conditioned by what someone else says.\nBut that view is created, conditioned, chosen, dependently originated.\nWhatever is created, conditioned, chosen, and dependently originated is impermanent.\nAnd what’s impermanent is suffering.\nWhat he clings to and holds to is just suffering.”"}},{"id":"an10.93:12","sourceIds":["an10.93:12.1","an10.93:12.2","an10.93:12.3","an10.93:12.4","an10.93:12.5","an10.93:12.6","an10.93:12.7"],"kind":"text","text":{"pi":"Evaṁ vutte te paribbājakā anāthapiṇḍikaṁ gahapatiṁ etadavocuṁ:\n“byākatāni kho, gahapati, amhehi sabbeheva yathāsakāni diṭṭhigatāni.\nVadehi, gahapati, kiṁdiṭṭhikosi tuvan”ti?\n“Yaṁ kho, bhante, kiñci bhūtaṁ saṅkhataṁ cetayitaṁ paṭiccasamuppannaṁ tadaniccaṁ.\nYadaniccaṁ taṁ dukkhaṁ.\n‘Yaṁ dukkhaṁ taṁ netaṁ mama, nesohamasmi, na meso attā’ti—\nevaṁdiṭṭhiko ahaṁ, bhante”ti.","en":"When he said this the wanderers said to him,\n“Householder, we’ve each explained our own convictions.\nTell us, householder, what is your view?”\n“Sirs, whatever is created, conditioned, chosen, and dependently originated is impermanent.\nAnd what’s impermanent is suffering.\nAnd what’s suffering is not mine, I am not this, this is not my self.\nThat’s my view, sirs.”"}},{"id":"an10.93:13","sourceIds":["an10.93:13.1","an10.93:13.2","an10.93:13.3"],"kind":"text","text":{"pi":"“Yaṁ kho, gahapati, kiñci bhūtaṁ saṅkhataṁ cetayitaṁ paṭiccasamuppannaṁ tadaniccaṁ.\nYadaniccaṁ taṁ dukkhaṁ.\nYaṁ dukkhaṁ tadeva tvaṁ, gahapati, allīno, tadeva tvaṁ, gahapati, ajjhupagato”ti.","en":"“Householder, whatever is created, conditioned, chosen, and dependently originated is impermanent.\nAnd what’s impermanent is suffering.\nWhat you cling to and hold to is just suffering.”"}},{"id":"an10.93:14","sourceIds":["an10.93:14.1","an10.93:14.2","an10.93:14.3","an10.93:14.4"],"kind":"text","text":{"pi":"“Yaṁ kho, bhante, kiñci bhūtaṁ saṅkhataṁ cetayitaṁ paṭiccasamuppannaṁ tadaniccaṁ.\nYadaniccaṁ taṁ dukkhaṁ.\n‘Yaṁ dukkhaṁ taṁ netaṁ mama, nesohamasmi, nameso attā’ti—evametaṁ yathābhūtaṁ sammappaññāya sudiṭṭhaṁ.\nTassa ca uttari nissaraṇaṁ yathābhūtaṁ pajānāmī”ti.","en":"“Sirs, whatever is created, conditioned, chosen, and dependently originated is impermanent.\nAnd what’s impermanent is suffering.\nAnd I’ve truly seen clearly with right wisdom that what’s suffering is not mine, I am not this, it’s not my self.\nAnd I truly understand the escape beyond that.”"}},{"id":"an10.93:15","sourceIds":["an10.93:15.1","an10.93:15.2","an10.93:15.3","an10.93:15.4"],"kind":"text","text":{"pi":"Evaṁ vutte te paribbājakā tuṇhībhūtā maṅkubhūtā pattakkhandhā adhomukhā pajjhāyantā appaṭibhānā nisīdiṁsu.\nAtha kho anāthapiṇḍiko gahapati te paribbājake tuṇhībhūte maṅkubhūte pattakkhandhe adhomukhe pajjhāyante appaṭibhāne viditvā uṭṭhāyāsanā yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho anāthapiṇḍiko gahapati yāvatako ahosi tehi aññatitthiyehi paribbājakehi saddhiṁ kathāsallāpo taṁ sabbaṁ bhagavato ārocesi.\n“Sādhu sādhu, gahapati.\nEvaṁ kho te, gahapati, moghapurisā kālena kālaṁ sahadhammena suniggahitaṁ niggahetabbā”ti.","en":"When this was said, those wanderers sat silent, dismayed, shoulders drooping, downcast, depressed, with nothing to say.\nSeeing this, Anāthapiṇḍika rose from his seat. He went to the Buddha, bowed, sat down to one side, and informed the Buddha of all they had discussed.\n“Good, good, householder!\nThat’s how you should legitimately and completely refute those futile men from time to time.”"}},{"id":"an10.93:16","sourceIds":["an10.93:16.1","an10.93:16.2"],"kind":"text","text":{"pi":"Atha kho bhagavā anāthapiṇḍikaṁ gahapatiṁ dhammiyā kathāya sandassesi samādapesi samuttejesi sampahaṁsesi.\nAtha kho anāthapiṇḍiko gahapati bhagavatā dhammiyā kathāya sandassito samādapito samuttejito sampahaṁsito uṭṭhāyāsanā bhagavantaṁ abhivādetvā padakkhiṇaṁ katvā pakkāmi.","en":"Then the Buddha educated, encouraged, fired up, and inspired the householder Anāthapiṇḍika with a Dhamma talk,\nafter which Anāthapiṇḍika got up from his seat, bowed, and respectfully circled the Buddha, keeping him on his right, before leaving."}},{"id":"an10.93:17","sourceIds":["an10.93:17.1","an10.93:17.2","an10.93:17.3"],"kind":"text","text":{"pi":"Atha kho bhagavā acirapakkante anāthapiṇḍike gahapatimhi bhikkhū āmantesi:\n“yopi so, bhikkhave, bhikkhu vassasatupasampanno imasmiṁ dhammavinaye, sopi evamevaṁ aññatitthiye paribbājake sahadhammena suniggahitaṁ niggaṇheyya yathā taṁ anāthapiṇḍikena gahapatinā niggahitā”ti.\nTatiyaṁ.","en":"Then, not long after Anāthapiṇḍika had left, the Buddha addressed the mendicants:\n“Mendicants, even a mendicant who has ordained for a hundred years in this teaching and training would legitimately and completely refute those wanderers of other religions just as the householder Anāthapiṇḍika did.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an10.93/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}