{"id":"an2.130-140","title":"The Chapter on Aspiration","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an2.130-140","title":"The Chapter on Aspiration","units":[{"id":"an2.130:0","sourceIds":["an2.130:0.1","an2.130:0.2"],"kind":"text","text":{"pi":"Aṅguttara Nikāya 2\n12. Āyācanavagga","en":"Numbered Discourses 2.130–140\nThe Chapter on Aspiration"}},{"id":"an2.130:1","sourceIds":["an2.130:1.0","an2.130:1.1","an2.130:1.2","an2.130:1.3"],"kind":"text","text":{"pi":"130\n“Saddho, bhikkhave, bhikkhu evaṁ sammā āyācamāno āyāceyya:\n‘tādiso homi yādisā sāriputtamoggallānā’ti.\nEsā, bhikkhave, tulā etaṁ pamāṇaṁ mama sāvakānaṁ bhikkhūnaṁ yadidaṁ sāriputtamoggallānā”ti.","en":"130\n“A faithful monk would rightly aspire:\n‘May I be like Sāriputta and Moggallāna!’\nThese are a standard and a measure for my monk disciples, that is, Sāriputta and Moggallāna.”"}},{"id":"an2.131:1","sourceIds":["an2.131:1.0","an2.131:1.1","an2.131:1.2","an2.131:1.3"],"kind":"text","text":{"pi":"131\n“Saddhā, bhikkhave, bhikkhunī evaṁ sammā āyācamānā āyāceyya:\n‘tādisī homi yādisī khemā ca bhikkhunī uppalavaṇṇā cā’ti.\nEsā, bhikkhave, tulā etaṁ pamāṇaṁ mama sāvikānaṁ bhikkhunīnaṁ yadidaṁ khemā ca bhikkhunī uppalavaṇṇā cā”ti.","en":"131\n“A faithful nun would rightly aspire:\n‘May I be like the nuns Khemā and Uppalavaṇṇā!’\nThese are a standard and a measure for my nun disciples, that is, the nuns Khemā and Uppalavaṇṇā.”"}},{"id":"an2.132:1","sourceIds":["an2.132:1.0","an2.132:1.1","an2.132:1.2","an2.132:1.3"],"kind":"text","text":{"pi":"132\n“Saddho, bhikkhave, upāsako evaṁ sammā āyācamāno āyāceyya:\n‘tādiso homi yādiso citto ca gahapati hatthako ca āḷavako’ti.\nEsā, bhikkhave, tulā etaṁ pamāṇaṁ mama sāvakānaṁ upāsakānaṁ yadidaṁ citto ca gahapati hatthako ca āḷavako”ti.","en":"132\n“A faithful layman would rightly aspire:\n‘May I be like the householder Citta and Hatthaka of Āḷavī!’\nThese are a standard and a measure for my male lay followers, that is, the householder Citta and Hatthaka of Āḷavī.”"}},{"id":"an2.133:1","sourceIds":["an2.133:1.0","an2.133:1.1","an2.133:1.2","an2.133:1.3"],"kind":"text","text":{"pi":"133\n“Saddhā, bhikkhave, upāsikā evaṁ sammā āyācamānā āyāceyya:\n‘tādisī homi yādisī khujjuttarā ca upāsikā veḷukaṇḍakiyā ca nandamātā’ti.\nEsā, bhikkhave, tulā etaṁ pamāṇaṁ mama sāvikānaṁ upāsikānaṁ yadidaṁ khujjuttarā ca upāsikā veḷukaṇḍakiyā ca nandamātā”ti.","en":"133\n“A faithful laywoman would rightly aspire:\n‘May I be like the laywomen Khujjuttarā and Veḷukaṇṭakī, Nanda’s mother!’\nThese are a standard and a measure for my female lay disciples, that is, the laywomen Khujjuttarā and Veḷukaṇṭakī, Nanda’s mother.”"}},{"id":"an2.134:1","sourceIds":["an2.134:1.0","an2.134:1.1","an2.134:1.2","an2.134:1.3","an2.134:1.4","an2.134:1.5"],"kind":"text","text":{"pi":"134\n“Dvīhi, bhikkhave, dhammehi samannāgato bālo abyatto asappuriso khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ, bahuñca apuññaṁ pasavati.\nKatamehi dvīhi?\nAnanuvicca apariyogāhetvā avaṇṇārahassa vaṇṇaṁ bhāsati,\nananuvicca apariyogāhetvā vaṇṇārahassa avaṇṇaṁ bhāsati.\nImehi kho, bhikkhave, dvīhi dhammehi samannāgato bālo abyatto asappuriso khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ, bahuñca apuññaṁ pasavatīti.","en":"134\n“When a foolish, incompetent untrue person has two qualities they keep themselves broken and damaged. They deserve to be blamed and criticized by sensible people, and they brim with much wickedness.\nWhat two?\nWithout examining or scrutinizing, they praise those deserving of criticism\nand they criticize those deserving of praise.\nWhen a foolish, incompetent untrue person possesses these two qualities they keep themselves broken and damaged. They deserve to be blamed and criticized by sensible people, and they brim with much wickedness."}},{"id":"an2.134:2","sourceIds":["an2.134:2.1","an2.134:2.2","an2.134:2.3","an2.134:2.4","an2.134:2.5"],"kind":"text","text":{"pi":"Dvīhi, bhikkhave, dhammehi samannāgato paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo ca viññūnaṁ, bahuñca puññaṁ pasavati.\nKatamehi dvīhi?\nAnuvicca pariyogāhetvā avaṇṇārahassa avaṇṇaṁ bhāsati,\nanuvicca pariyogāhetvā vaṇṇārahassa vaṇṇaṁ bhāsati.\nImehi kho, bhikkhave, dvīhi dhammehi samannāgato paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo ca viññūnaṁ, bahuñca puññaṁ pasavatī”ti.","en":"When an astute, competent true person has two qualities they keep themselves healthy and whole. They don’t deserve to be blamed and criticized by sensible people, and they brim with much merit.\nWhat two?\nAfter examining and scrutinizing, they criticize those deserving of criticism\nand they praise those deserving of praise.\nWhen an astute, competent true person possesses these two qualities they keep themselves healthy and whole. They don’t deserve to be blamed and criticized by sensible people, and they brim with much merit.”"}},{"id":"an2.135:1","sourceIds":["an2.135:1.0","an2.135:1.1","an2.135:1.2","an2.135:1.3","an2.135:1.4","an2.135:1.5"],"kind":"text","text":{"pi":"135\n“Dvīhi, bhikkhave, dhammehi samannāgato bālo abyatto asappuriso khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ, bahuñca apuññaṁ pasavati.\nKatamehi dvīhi?\nAnanuvicca apariyogāhetvā appasādanīye ṭhāne pasādaṁ upadaṁseti,\nananuvicca apariyogāhetvā pasādanīye ṭhāne appasādaṁ upadaṁseti.\nImehi kho, bhikkhave, dvīhi dhammehi samannāgato bālo abyatto asappuriso khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ, bahuñca apuññaṁ pasavatīti.","en":"135\n“When a foolish, incompetent untrue person has two qualities they keep themselves broken and damaged. They deserve to be blamed and criticized by sensible people, and they brim with much wickedness.\nWhat two?\nWithout examining or scrutinizing, they arouse faith in things that are dubious,\nand they don’t arouse faith in things that are inspiring.\nWhen a foolish, incompetent untrue person possesses these two qualities they keep themselves broken and damaged. They deserve to be blamed and criticized by sensible people, and they brim with much wickedness."}},{"id":"an2.135:2","sourceIds":["an2.135:2.1","an2.135:2.2","an2.135:2.3","an2.135:2.4","an2.135:2.5"],"kind":"text","text":{"pi":"Dvīhi, bhikkhave, dhammehi samannāgato paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo ca viññūnaṁ, bahuñca puññaṁ pasavati.\nKatamehi dvīhi?\nAnuvicca pariyogāhetvā appasādanīye ṭhāne appasādaṁ upadaṁseti,\nanuvicca pariyogāhetvā pasādanīye ṭhāne pasādaṁ upadaṁseti.\nImehi kho, bhikkhave, dvīhi dhammehi samannāgato paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo ca viññūnaṁ, bahuñca puññaṁ pasavatī”ti.","en":"When an astute, competent true person has two qualities they keep themselves healthy and whole. They don’t deserve to be blamed and criticized by sensible people, and they brim with much merit.\nWhat two?\nAfter examining or scrutinizing, they don’t arouse faith in things that are dubious,\nand they do arouse faith in things that are inspiring.\nWhen an astute, competent true person possesses these two qualities they keep themselves healthy and whole. They don’t deserve to be blamed and criticized by sensible people, and they brim with much merit.”"}},{"id":"an2.136:1","sourceIds":["an2.136:1.0","an2.136:1.1","an2.136:1.2","an2.136:1.3","an2.136:1.4"],"kind":"text","text":{"pi":"136\n“Dvīsu, bhikkhave, micchāpaṭipajjamāno bālo abyatto asappuriso khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ, bahuñca apuññaṁ pasavati.\nKatamesu dvīsu?\nMātari ca pitari ca.\nImesu kho, bhikkhave, dvīsu micchāpaṭipajjamāno bālo abyatto asappuriso khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ, bahuñca apuññaṁ pasavatīti.","en":"136\n“When a foolish, incompetent untrue person acts wrongly toward two people they keep themselves broken and damaged. They deserve to be blamed and criticized by sensible people, and they brim with much wickedness.\nWhat two?\nMother and father.\nWhen a foolish, incompetent untrue person acts wrongly toward these two people they keep themselves broken and damaged. They deserve to be blamed and criticized by sensible people, and they brim with much wickedness."}},{"id":"an2.136:2","sourceIds":["an2.136:2.1","an2.136:2.2","an2.136:2.3","an2.136:2.4"],"kind":"text","text":{"pi":"Dvīsu, bhikkhave, sammāpaṭipajjamāno paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo ca viññūnaṁ, bahuñca puññaṁ pasavati.\nKatamesu dvīsu?\nMātari ca pitari ca.\nImesu kho, bhikkhave, dvīsu sammāpaṭipajjamāno paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo ca viññūnaṁ, bahuñca puññaṁ pasavatī”ti.","en":"When an astute, competent true person acts rightly toward two people they keep themselves healthy and whole. They don’t deserve to be blamed and criticized by sensible people, and they brim with much merit.\nWhat two?\nMother and father.\nWhen an astute, competent true person acts rightly toward these two people they keep themselves healthy and whole. They don’t deserve to be blamed and criticized by sensible people, and they brim with much merit.”"}},{"id":"an2.137:1","sourceIds":["an2.137:1.0","an2.137:1.1","an2.137:1.2","an2.137:1.3","an2.137:1.4"],"kind":"text","text":{"pi":"137\n“Dvīsu, bhikkhave, micchāpaṭipajjamāno bālo abyatto asappuriso khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ, bahuñca apuññaṁ pasavati.\nKatamesu dvīsu?\nTathāgate ca tathāgatasāvake ca.\nImesu kho, bhikkhave, micchāpaṭipajjamāno bālo abyatto asappuriso khataṁ upahataṁ attānaṁ pariharati, sāvajjo ca hoti sānuvajjo ca viññūnaṁ, bahuñca apuññaṁ pasavatīti.","en":"137\n“When a foolish, incompetent untrue person acts wrongly toward two people they keep themselves broken and damaged. They deserve to be blamed and criticized by sensible people, and they brim with much wickedness.\nWhat two?\nThe Realized One and a disciple of the Realized One.\nWhen a foolish, incompetent untrue person acts wrongly toward these people they keep themselves broken and damaged. They deserve to be blamed and criticized by sensible people, and they brim with much wickedness."}},{"id":"an2.137:2","sourceIds":["an2.137:2.1","an2.137:2.2","an2.137:2.3","an2.137:2.4"],"kind":"text","text":{"pi":"Dvīsu, bhikkhave, sammāpaṭipajjamāno paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo ca viññūnaṁ, bahuñca puññaṁ pasavati.\nKatamesu dvīsu?\nTathāgate ca tathāgatasāvake ca.\nImesu kho, bhikkhave, dvīsu sammāpaṭipajjamāno paṇḍito viyatto sappuriso akkhataṁ anupahataṁ attānaṁ pariharati, anavajjo ca hoti ananuvajjo ca viññūnaṁ, bahuñca puññaṁ pasavatī”ti.","en":"When an astute, competent true person acts rightly toward two people they keep themselves healthy and whole. They don’t deserve to be blamed and criticized by sensible people, and they brim with much merit.\nWhat two?\nThe Realized One and a disciple of the Realized One.\nWhen an astute, competent true person acts rightly toward these two people they keep themselves healthy and whole. They don’t deserve to be blamed and criticized by sensible people, and they brim with much merit.”"}},{"id":"an2.138:1","sourceIds":["an2.138:1.0","an2.138:1.1","an2.138:1.2","an2.138:1.3","an2.138:1.4"],"kind":"text","text":{"pi":"138\n“Dveme, bhikkhave, dhammā.\nKatame dve?\nSacittavodānañca na ca kiñci loke upādiyati.\nIme kho, bhikkhave, dve dhammā”ti.","en":"138\n“There are these two things.\nWhat two?\nCleaning your own mind, and not grasping at anything in the world.\nThese are the two things.”"}},{"id":"an2.139:1","sourceIds":["an2.139:1.0","an2.139:1.1","an2.139:1.2","an2.139:1.3","an2.139:1.4"],"kind":"text","text":{"pi":"139\n“Dveme, bhikkhave, dhammā.\nKatame dve?\nKodho ca upanāho ca.\nIme kho, bhikkhave, dve dhammā”ti.","en":"139\n“There are these two things.\nWhat two?\nAnger and acrimony.\nThese are the two things.”"}},{"id":"an2.140:1","sourceIds":["an2.140:1.0","an2.140:1.1","an2.140:1.2","an2.140:1.3","an2.140:1.4","an2.140:1.5"],"kind":"text","text":{"pi":"140\n“Dveme, bhikkhave, dhammā.\nKatame dve?\nKodhavinayo ca upanāhavinayo ca.\nIme kho, bhikkhave, dve dhammā”ti.\nĀyācanavaggo dutiyo.","en":"140\n“There are these two things.\nWhat two?\nDispelling anger and dispelling acrimony.\nThese are the two things.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an2.130-140/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}