{"id":"an2.52-63","title":"The Chapter on Individuals","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an2.52-63","title":"The Chapter on Individuals","units":[{"id":"an2.52:0","sourceIds":["an2.52:0.1","an2.52:0.2"],"kind":"text","text":{"pi":"Aṅguttara Nikāya 2\n6. Puggalavagga","en":"Numbered Discourses 2.52–63\nThe Chapter on Individuals"}},{"id":"an2.52:1","sourceIds":["an2.52:1.0","an2.52:1.1","an2.52:1.2","an2.52:1.3","an2.52:1.4"],"kind":"text","text":{"pi":"52\n“Dveme, bhikkhave, puggalā loke uppajjamānā uppajjanti bahujanahitāya bahujanasukhāya, bahuno janassa atthāya hitāya sukhāya devamanussānaṁ.\nKatame dve?\nTathāgato ca arahaṁ sammāsambuddho, rājā ca cakkavattī.\nIme kho, bhikkhave, dve puggalā loke uppajjamānā uppajjanti bahujanahitāya bahujanasukhāya, bahuno janassa atthāya hitāya sukhāya devamanussānan”ti.","en":"52\n“These two individuals, mendicants, arise in the world for the welfare and happiness of the people, for the people, for the benefit, welfare, and happiness of gods and humans.\nWhat two?\nThe Realized One, the perfected one, the fully awakened Buddha; and the wheel-turning monarch.\nThese are the two individuals who arise in the world for the welfare and happiness of the people, for the people, for the benefit, welfare, and happiness of gods and humans.”"}},{"id":"an2.53:1","sourceIds":["an2.53:1.0","an2.53:1.1","an2.53:1.2","an2.53:1.3","an2.53:1.4"],"kind":"text","text":{"pi":"53\n“Dveme, bhikkhave, puggalā loke uppajjamānā uppajjanti acchariyamanussā.\nKatame dve?\nTathāgato ca arahaṁ sammāsambuddho, rājā ca cakkavattī.\nIme kho, bhikkhave, dve puggalā loke uppajjamānā uppajjanti acchariyamanussā”ti.","en":"53\n“These two individuals, mendicants, arise in the world who are incredible human beings.\nWhat two?\nThe Realized One, the perfected one, the fully awakened Buddha; and the wheel-turning monarch.\nThese are the two individuals who arise in the world who are incredible human beings.”"}},{"id":"an2.54:1","sourceIds":["an2.54:1.0","an2.54:1.1","an2.54:1.2","an2.54:1.3","an2.54:1.4"],"kind":"text","text":{"pi":"54\n“Dvinnaṁ, bhikkhave, puggalānaṁ kālakiriyā bahuno janassa anutappā hoti.\nKatamesaṁ dvinnaṁ?\nTathāgatassa ca arahato sammāsambuddhassa, rañño ca cakkavattissa.\nImesaṁ kho, bhikkhave, dvinnaṁ puggalānaṁ kālakiriyā bahuno janassa anutappā hotī”ti.","en":"54\n“There are two individuals, mendicants, whose death is regretted by many people.\nWhat two?\nThe Realized One, the perfected one, the fully awakened Buddha; and the wheel-turning monarch.\nThese are the two individuals, mendicants, whose death is regretted by many people.”"}},{"id":"an2.55:1","sourceIds":["an2.55:1.0","an2.55:1.1","an2.55:1.2","an2.55:1.3","an2.55:1.4"],"kind":"text","text":{"pi":"55\n“Dveme, bhikkhave, thūpārahā.\nKatame dve?\nTathāgato ca arahaṁ sammāsambuddho, rājā ca cakkavattī.\nIme kho, bhikkhave, dve thūpārahā”ti.","en":"55\n“Mendicants, these two are worthy of a monument.\nWhat two?\nThe Realized One, the perfected one, the fully awakened Buddha; and the wheel-turning monarch.\nThese are the two who are worthy of a monument.”"}},{"id":"an2.56:1","sourceIds":["an2.56:1.0","an2.56:1.1","an2.56:1.2","an2.56:1.3","an2.56:1.4"],"kind":"text","text":{"pi":"56\n“Dveme, bhikkhave, buddhā.\nKatame dve?\nTathāgato ca arahaṁ sammāsambuddho, paccekabuddho ca.\nIme kho, bhikkhave, dve buddhā”ti.","en":"56\n“Mendicants, there are two kinds of Buddhas.\nWhat two?\nThe Realized One, the perfected one, the fully awakened Buddha; and an independent Buddha.\nThese are the two kinds of Buddhas.”"}},{"id":"an2.57:1","sourceIds":["an2.57:1.0","an2.57:1.1","an2.57:1.2","an2.57:1.3","an2.57:1.4"],"kind":"text","text":{"pi":"57\n“Dveme, bhikkhave, asaniyā phalantiyā na santasanti.\nKatame dve?\nBhikkhu ca khīṇāsavo, hatthājānīyo ca.\nIme kho, bhikkhave, dve asaniyā phalantiyā na santasantī”ti.","en":"57\n“These two, mendicants, are not startled by a crack of thunder.\nWhat two?\nA mendicant who has ended defilements; and a thoroughbred elephant.\nThese are the two who are not startled by a crack of thunder.”"}},{"id":"an2.58:1","sourceIds":["an2.58:1.0","an2.58:1.1","an2.58:1.2","an2.58:1.3","an2.58:1.4"],"kind":"text","text":{"pi":"58\n“Dveme, bhikkhave, asaniyā phalantiyā na santasanti.\nKatame dve?\nBhikkhu ca khīṇāsavo, assājānīyo ca.\nIme kho, bhikkhave, dve asaniyā phalantiyā na santasantī”ti.","en":"58\n“These two, mendicants, are not startled by a crack of thunder.\nWhat two?\nA mendicant who has ended defilements; and a thoroughbred horse.\nThese are the two who are not startled by a crack of thunder.”"}},{"id":"an2.59:1","sourceIds":["an2.59:1.0","an2.59:1.1","an2.59:1.2","an2.59:1.3","an2.59:1.4"],"kind":"text","text":{"pi":"59\n“Dveme, bhikkhave, asaniyā phalantiyā na santasanti.\nKatame dve?\nBhikkhu ca khīṇāsavo, sīho ca migarājā.\nIme kho, bhikkhave, dve asaniyā phalantiyā na santasantī”ti.","en":"59\n“These two, mendicants, are not startled by a crack of thunder.\nWhat two?\nA mendicant who has ended defilements; and a lion, king of beasts.\nThese are the two who are not startled by a crack of thunder.”"}},{"id":"an2.60:1","sourceIds":["an2.60:1.0","an2.60:1.1","an2.60:1.2","an2.60:1.3","an2.60:1.4"],"kind":"text","text":{"pi":"60\n“Dveme, bhikkhave, atthavase sampassamānā kiṁpurisā mānusiṁ vācaṁ na bhāsanti.\nKatame dve?\nMā ca musā bhaṇimhā, mā ca paraṁ abhūtena abbhācikkhimhāti.\nIme kho, bhikkhave, dve atthavase sampassamānā kiṁpurisā mānusiṁ vācaṁ na bhāsantī”ti.","en":"60\n“Mystery men see two reasons not to use regular speech.\nWhat two?\nThinking: ‘May we not lie, and may we not misrepresent others with falsehoods.’\nMystery men see these two reasons not to use regular speech.”"}},{"id":"an2.61:1","sourceIds":["an2.61:1.0","an2.61:1.1","an2.61:1.2","an2.61:1.3","an2.61:1.4"],"kind":"text","text":{"pi":"61\n“Dvinnaṁ dhammānaṁ, bhikkhave, atitto appaṭivāno mātugāmo kālaṁ karoti.\nKatamesaṁ dvinnaṁ?\nMethunasamāpattiyā ca vijāyanassa ca.\nImesaṁ kho, bhikkhave, dvinnaṁ dhammānaṁ atitto appaṭivāno mātugāmo kālaṁ karotī”ti.","en":"61\n“Mendicants, ladies die without getting enough of two things.\nWhat two?\nSexual intercourse and giving birth.\nLadies die without getting enough of these two things.”"}},{"id":"an2.62:1","sourceIds":["an2.62:1.0","an2.62:1.1","an2.62:1.2","an2.62:1.3","an2.62:1.4"],"kind":"text","text":{"pi":"62\n“Asantasannivāsañca vo, bhikkhave, desessāmi santasannivāsañca.\nTaṁ suṇātha, sādhukaṁ manasi karotha, bhāsissāmī”ti.\n“Evaṁ, bhante”ti kho te bhikkhū bhagavato paccassosuṁ.\nBhagavā etadavoca:","en":"62\n“Mendicants, I will teach you about living with bad people and living with good people.\nListen and apply your mind well, I will speak.”\n“Yes, sir,” they replied.\nThe Buddha said this:"}},{"id":"an2.62:2","sourceIds":["an2.62:2.1","an2.62:2.2","an2.62:2.3","an2.62:2.4","an2.62:2.5","an2.62:2.6","an2.62:2.7","an2.62:2.8","an2.62:2.9","an2.62:2.10","an2.62:2.11","an2.62:2.12"],"kind":"text","text":{"pi":"“Kathañca, bhikkhave, asantasannivāso hoti, kathañca asanto sannivasanti?\nIdha, bhikkhave, therassa bhikkhuno evaṁ hoti:\n‘theropi maṁ na vadeyya, majjhimopi maṁ na vadeyya, navopi maṁ na vadeyya;\ntherampāhaṁ na vadeyyaṁ, majjhimampāhaṁ na vadeyyaṁ, navampāhaṁ na vadeyyaṁ.\nThero cepi maṁ vadeyya ahitānukampī maṁ vadeyya no hitānukampī, noti naṁ vadeyyaṁ viheṭheyyaṁ passampissa nappaṭikareyyaṁ.\nMajjhimo cepi maṁ vadeyya …pe… navo cepi maṁ vadeyya, ahitānukampī maṁ vadeyya no hitānukampī, noti naṁ vadeyyaṁ viheṭheyyaṁ passampissa nappaṭikareyyaṁ’.\nMajjhimassapi bhikkhuno evaṁ hoti …pe… navassapi bhikkhuno evaṁ hoti:\n‘theropi maṁ na vadeyya, majjhimopi maṁ na vadeyya, navopi maṁ na vadeyya;\ntherampāhaṁ na vadeyyaṁ, majjhimampāhaṁ na vadeyyaṁ, navampāhaṁ na vadeyyaṁ.\nThero cepi maṁ vadeyya ahitānukampī maṁ vadeyya no hitānukampī noti naṁ vadeyyaṁ viheṭheyyaṁ passampissa nappaṭikareyyaṁ.\nMajjhimo cepi maṁ vadeyya … navo cepi maṁ vadeyya ahitānukampī maṁ vadeyya no hitānukampī, noti naṁ vadeyyaṁ viheṭheyyaṁ passampissa nappaṭikareyyaṁ’.\nEvaṁ kho, bhikkhave, asantasannivāso hoti, evañca asanto sannivasanti.","en":"“What is it like living with bad people? How do bad people live together?\nIt’s when a senior mendicant thinks:\n‘No mendicant, whether senior, middle, or junior, should admonish me;\nand I shouldn’t admonish any mendicant, whether senior, middle, or junior.\nIf a mendicant—whether senior, middle, or junior—were to admonish me, they wouldn’t be sympathetic, and I’d bother them by saying “No!” And anyway I wouldn’t deal with it even if I saw what I did wrong.’\nAnd a middle or a junior mendicant also thinks:\n‘No mendicant, whether senior, middle, or junior, should admonish me;\nand I shouldn’t admonish any mendicant, whether senior, middle, or junior.\nIf a mendicant—whether senior, middle, or junior—were to admonish me, they wouldn’t be sympathetic, and I’d bother them by saying “No!” And anyway I wouldn’t deal with it even if I saw what I did wrong.’\nThat’s what it’s like living with bad people; that’s how bad people live together."}},{"id":"an2.62:3","sourceIds":["an2.62:3.1","an2.62:3.2","an2.62:3.3","an2.62:3.4","an2.62:3.5","an2.62:3.6","an2.62:3.7","an2.62:3.8","an2.62:3.9","an2.62:3.10","an2.62:3.11","an2.62:3.12"],"kind":"text","text":{"pi":"Kathañca, bhikkhave, santasannivāso hoti, kathañca santo sannivasanti?\nIdha, bhikkhave, therassa bhikkhuno evaṁ hoti:\n‘theropi maṁ vadeyya, majjhimopi maṁ vadeyya, navopi maṁ vadeyya;\ntherampāhaṁ vadeyyaṁ, majjhimampāhaṁ vadeyyaṁ, navampāhaṁ vadeyyaṁ.\nThero cepi maṁ vadeyya hitānukampī maṁ vadeyya no ahitānukampī, sādhūti naṁ vadeyyaṁ na naṁ viheṭheyyaṁ passampissa paṭikareyyaṁ.\nMajjhimo cepi maṁ vadeyya …pe… navo cepi maṁ vadeyya hitānukampī maṁ vadeyya no ahitānukampī, sādhūti naṁ vadeyyaṁ na naṁ viheṭheyyaṁ passampissa paṭikareyyaṁ’.\nMajjhimassapi bhikkhuno evaṁ hoti …pe… navassapi bhikkhuno evaṁ hoti:\n‘theropi maṁ vadeyya, majjhimopi maṁ vadeyya, navopi maṁ vadeyya;\ntherampāhaṁ vadeyyaṁ, majjhimampāhaṁ vadeyyaṁ, navampāhaṁ vadeyyaṁ.\nThero cepi maṁ vadeyya hitānukampī maṁ vadeyya no ahitānukampī, sādhūti naṁ vadeyyaṁ na naṁ viheṭheyyaṁ passampissa paṭikareyyaṁ.\nMajjhimo cepi maṁ vadeyya …pe… navo cepi maṁ vadeyya hitānukampī maṁ vadeyya no ahitānukampī, sādhūti naṁ vadeyyaṁ na naṁ viheṭheyyaṁ passampissa paṭikareyyaṁ’.\nEvaṁ kho, bhikkhave, santasannivāso hoti, evañca santo sannivasantī”ti.","en":"What is it like living with good people? How do good people live together?\nIt’s when a senior mendicant thinks:\n‘Any mendicant, whether senior, middle, or junior, should admonish me;\nand I should admonish any mendicant, whether senior, middle, or junior.\nIf a mendicant—whether senior, middle, or junior—were to admonish me, they’d be sympathetic, so I wouldn’t bother them, but say “Thank you!” And I’d deal with it when I saw what I did wrong.’\nAnd a middle or a junior mendicant also thinks:\n‘Any mendicant, whether senior, middle, or junior, may admonish me;\nand I’ll admonish any mendicant, whether senior, middle, or junior.\nIf a mendicant—whether senior, middle, or junior—were to admonish me, they’d be sympathetic, so I wouldn’t bother them, but say “Thank you!” And I’d deal with it when I saw what I did wrong.’\nThat’s what it’s like living with good people; that’s how good people live together.”"}},{"id":"an2.63:1","sourceIds":["an2.63:1.0","an2.63:1.1","an2.63:1.2"],"kind":"text","text":{"pi":"63\n“Yasmiṁ, bhikkhave, adhikaraṇe ubhato vacīsaṁsāro diṭṭhipaḷāso cetaso āghāto appaccayo anabhiraddhi ajjhattaṁ avūpasantaṁ hoti, tasmetaṁ, bhikkhave, adhikaraṇe pāṭikaṅkhaṁ:\n‘dīghattāya kharattāya vāḷattāya saṁvattissati, bhikkhū ca na phāsuṁ viharissanti’.","en":"63\n“In any disciplinary issue where on both sides the endless talk, contempt for each other’s views, resentment, bitterness, and exasperation is not settled, you can expect that this disciplinary issue\nwill lead to lasting acrimony and enmity, and the mendicants will not live comfortably."}},{"id":"an2.63:2","sourceIds":["an2.63:2.1","an2.63:2.2","an2.63:2.3"],"kind":"text","text":{"pi":"Yasmiñca kho, bhikkhave, adhikaraṇe ubhato vacīsaṁsāro diṭṭhipaḷāso cetaso āghāto appaccayo anabhiraddhi ajjhattaṁ suvūpasantaṁ hoti, tasmetaṁ, bhikkhave, adhikaraṇe pāṭikaṅkhaṁ:\n‘na dīghattāya kharattāya vāḷattāya saṁvattissati, bhikkhū ca phāsuṁ viharissantī’”ti.\nPuggalavaggo paṭhamo.","en":"In any disciplinary issue where on both sides the endless talk, contempt for each other’s views, resentment, bitterness, and exasperation is well settled, you can expect that this disciplinary issue\nwon’t lead to lasting acrimony and enmity, and the mendicants will live comfortably.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an2.52-63/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}