{"id":"an3.100","title":"A Lump of Salt","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.100","title":"A Lump of Salt","units":[{"id":"an3.100:0","sourceIds":["an3.100:0.1","an3.100:0.2","an3.100:0.3"],"kind":"text","text":{"pi":"Aṅguttara Nikāya 3.100\n10. Loṇakapallavagga\nLoṇakapallasutta","en":"Numbered Discourses 3.100\n10. A Lump of Salt\nA Lump of Salt"}},{"id":"an3.100:1","sourceIds":["an3.100:1.1","an3.100:1.2","an3.100:1.3","an3.100:1.4","an3.100:1.5","an3.100:1.6"],"kind":"text","text":{"pi":"“Yo, bhikkhave, evaṁ vadeyya:\n‘yathā yathāyaṁ puriso kammaṁ karoti tathā tathā taṁ paṭisaṁvediyatī’ti, evaṁ santaṁ, bhikkhave, brahmacariyavāso na hoti, okāso na paññāyati sammā dukkhassa antakiriyāya.\nYo ca kho, bhikkhave, evaṁ vadeyya:\n‘yathā yathā vedanīyaṁ ayaṁ puriso kammaṁ karoti tathā tathāssa vipākaṁ paṭisaṁvediyatī’ti, evaṁ santaṁ, bhikkhave, brahmacariyavāso hoti, okāso paññāyati sammā dukkhassa antakiriyāya.\nIdha, bhikkhave, ekaccassa puggalassa appamattakampi pāpakammaṁ kataṁ tamenaṁ nirayaṁ upaneti.\nIdha pana, bhikkhave, ekaccassa puggalassa tādisaṁyeva appamattakaṁ pāpakammaṁ kataṁ diṭṭhadhammavedanīyaṁ hoti, nāṇupi khāyati, kiṁ bahudeva.","en":"“Mendicants, suppose you say:\n‘No matter how this person performs a deed, they experience it the same way.’ This being so, the spiritual life could not be lived, and there’d be no chance of making a complete end of suffering.\nSuppose you say:\n‘No matter how this person performs a deed, they experience the result as it should be experienced.’ This being so, the spiritual life can be lived, and there is a chance of making a complete end of suffering.\nTake the case of the individual who does a trivial bad deed, but it lands them in hell.\nMeanwhile, another individual does the same trivial bad deed, but experiences it in this life, so that not even a little remains, let alone a lot."}},{"id":"an3.100:2","sourceIds":["an3.100:2.1","an3.100:2.2","an3.100:2.3"],"kind":"text","text":{"pi":"Kathaṁrūpassa, bhikkhave, puggalassa appamattakampi pāpakammaṁ kataṁ tamenaṁ nirayaṁ upaneti?\nIdha pana, bhikkhave, ekacco puggalo abhāvitakāyo hoti abhāvitasīlo abhāvitacitto abhāvitapañño paritto appātumo appadukkhavihārī.\nEvarūpassa, bhikkhave, puggalassa appamattakampi pāpakammaṁ kataṁ tamenaṁ nirayaṁ upaneti.","en":"What kind of individual does a trivial bad deed, but it lands them in hell?\nAn individual who hasn’t developed their physical endurance, ethics, mind, or wisdom. They’re small-minded and mean-spirited, living in suffering.\nThat kind of individual does a trivial bad deed, but it lands them in hell."}},{"id":"an3.100:3","sourceIds":["an3.100:3.1","an3.100:3.2","an3.100:3.3"],"kind":"text","text":{"pi":"Kathaṁrūpassa, bhikkhave, puggalassa tādisaṁyeva appamattakaṁ pāpakammaṁ kataṁ diṭṭhadhammavedanīyaṁ hoti, nāṇupi khāyati, kiṁ bahudeva?\nIdha, bhikkhave, ekacco puggalo bhāvitakāyo hoti bhāvitasīlo bhāvitacitto bhāvitapañño aparitto mahatto appamāṇavihārī.\nEvarūpassa, bhikkhave, puggalassa tādisaṁyeva appamattakaṁ pāpakammaṁ kataṁ diṭṭhadhammavedanīyaṁ hoti, nāṇupi khāyati, kiṁ bahudeva.","en":"What kind of individual does the same trivial bad deed, but experiences it in this life, so that not even a little remains, let alone a lot?\nAn individual who has developed their physical endurance, ethics, mind, and wisdom. They’re not small-minded, but are big-hearted, meditating on the immeasurables.\nThat kind of individual does the same trivial bad deed, but experiences it in this life, so that not even a little remains, let alone a lot."}},{"id":"an3.100:4","sourceIds":["an3.100:4.1","an3.100:4.2","an3.100:4.3","an3.100:4.4","an3.100:4.5","an3.100:4.6","an3.100:4.7","an3.100:4.8","an3.100:4.9","an3.100:4.10","an3.100:4.11","an3.100:4.12"],"kind":"text","text":{"pi":"Seyyathāpi, bhikkhave, puriso loṇakapallaṁ paritte udakamallake pakkhipeyya.\nTaṁ kiṁ maññatha, bhikkhave,\napi nu taṁ parittaṁ udakaṁ amunā loṇakapallena loṇaṁ assa apeyyan”ti?\n“Evaṁ, bhante”.\n“Taṁ kissa hetu”?\n“Aduñhi, bhante, parittaṁ udakakapallake udakaṁ, taṁ amunā loṇakapallena loṇaṁ assa apeyyan”ti.\n“Seyyathāpi, bhikkhave, puriso loṇakapallakaṁ gaṅgāya nadiyā pakkhipeyya.\nTaṁ kiṁ maññatha, bhikkhave,\napi nu sā gaṅgā nadī amunā loṇakapallena loṇaṁ assa apeyyā”ti?\n“No hetaṁ, bhante”.\n“Taṁ kissa hetu”?\n“Asu hi, bhante, gaṅgāya nadiyā mahā udakakkhandho so amunā loṇakapallena loṇo na assa apeyyo”ti.","en":"Suppose a person was to drop a lump of salt into a mug of water.\nWhat do you think, mendicants?\nWould that mug of water become salty and undrinkable?”\n“Yes, sir.\nWhy is that?\nBecause there is only a little water in the bowl.”\n“Suppose a person was to drop a lump of salt into the Ganges River.\nWhat do you think, mendicants?\nWould the Ganges River become salty and undrinkable?”\n“No, sir.\nWhy is that?\nBecause the Ganges River is a vast mass of water.”"}},{"id":"an3.100:5","sourceIds":["an3.100:5.1","an3.100:5.2"],"kind":"text","text":{"pi":"“Evamevaṁ kho, bhikkhave, idhekaccassa puggalassa appamattakampi pāpakammaṁ kataṁ tamenaṁ nirayaṁ upaneti.\nIdha, bhikkhave, ekaccassa puggalassa tādisaṁyeva appamattakaṁ pāpakammaṁ kataṁ diṭṭhadhammavedanīyaṁ hoti, nāṇupi khāyati, kiṁ bahudeva.","en":"“This is how it is in the case of an individual who does a trivial bad deed, but it lands them in hell.\nMeanwhile, another individual does the same trivial bad deed, but experiences it in this life, so that not even a little remains, let alone a lot. …"}},{"id":"an3.100:6","sourceIds":["an3.100:6.1","an3.100:6.2","an3.100:6.3"],"kind":"text","text":{"pi":"Kathaṁrūpassa, bhikkhave, puggalassa appamattakampi pāpakammaṁ kataṁ tamenaṁ nirayaṁ upaneti?\nIdha, bhikkhave, ekacco puggalo abhāvitakāyo hoti abhāvitasīlo abhāvitacitto abhāvitapañño paritto appātumo appadukkhavihārī.\nEvarūpassa, bhikkhave, puggalassa appamattakampi pāpakammaṁ kataṁ tamenaṁ nirayaṁ upaneti."}},{"id":"an3.100:7","sourceIds":["an3.100:7.1","an3.100:7.2","an3.100:7.3"],"kind":"text","text":{"pi":"Kathaṁrūpassa, bhikkhave, puggalassa tādisaṁyeva appamattakaṁ pāpakammaṁ kataṁ diṭṭhadhammavedanīyaṁ hoti, nāṇupi khāyati, kiṁ bahudeva?\nIdha, bhikkhave, ekacco puggalo bhāvitakāyo hoti bhāvitasīlo bhāvitacitto bhāvitapañño aparitto mahatto appamāṇavihārī.\nEvarūpassa, bhikkhave, puggalassa tādisaṁyeva appamattakaṁ pāpakammaṁ kataṁ diṭṭhadhammavedanīyaṁ hoti, nāṇupi khāyati, kiṁ bahudeva."}},{"id":"an3.100:8","sourceIds":["an3.100:8.1","an3.100:8.2"],"kind":"text","text":{"pi":"Idha, bhikkhave, ekacco aḍḍhakahāpaṇenapi bandhanaṁ nigacchati, kahāpaṇenapi bandhanaṁ nigacchati, kahāpaṇasatenapi bandhanaṁ nigacchati.\nIdha, bhikkhave, ekacco aḍḍhakahāpaṇenapi na bandhanaṁ nigacchati, kahāpaṇenapi na bandhanaṁ nigacchati, kahāpaṇasatenapi na bandhanaṁ nigacchati.","en":"Take the case of someone who is thrown in jail for stealing half a dollar, a dollar, or a hundred dollars.\nWhile someone else isn’t thrown in jail for stealing half a dollar, a dollar, or a hundred dollars."}},{"id":"an3.100:9","sourceIds":["an3.100:9.1","an3.100:9.2","an3.100:9.3"],"kind":"text","text":{"pi":"Kathaṁrūpo, bhikkhave, aḍḍhakahāpaṇenapi bandhanaṁ nigacchati, kahāpaṇenapi bandhanaṁ nigacchati, kahāpaṇasatenapi bandhanaṁ nigacchati?\nIdha, bhikkhave, ekacco daliddo hoti appassako appabhogo.\nEvarūpo, bhikkhave, aḍḍhakahāpaṇenapi bandhanaṁ nigacchati, kahāpaṇenapi bandhanaṁ nigacchati, kahāpaṇasatenapi bandhanaṁ nigacchati.","en":"What sort of person is thrown in jail for stealing half a dollar, a dollar, or a hundred dollars?\nSomeone who is poor, with few possessions and little wealth.\nThat kind of person is thrown in jail for stealing half a dollar, a dollar, or a hundred dollars."}},{"id":"an3.100:10","sourceIds":["an3.100:10.1","an3.100:10.2","an3.100:10.3","an3.100:10.4","an3.100:10.5","an3.100:10.6"],"kind":"text","text":{"pi":"Kathaṁrūpo, bhikkhave, aḍḍhakahāpaṇenapi na bandhanaṁ nigacchati, kahāpaṇenapi na bandhanaṁ nigacchati, kahāpaṇasatenapi na bandhanaṁ nigacchati?\nIdha, bhikkhave, ekacco aḍḍho hoti mahaddhano mahābhogo.\nEvarūpo, bhikkhave, aḍḍhakahāpaṇenapi na bandhanaṁ nigacchati, kahāpaṇenapi na bandhanaṁ nigacchati, kahāpaṇasatenapi na bandhanaṁ nigacchati.\nEvamevaṁ kho, bhikkhave, idhekaccassa puggalassa appamattakaṁ pāpakammaṁ kataṁ.\nTamenaṁ nirayaṁ upaneti.\nIdha, bhikkhave, ekaccassa puggalassa tādisaṁyeva appamattakaṁ pāpakammaṁ kataṁ diṭṭhadhammavedanīyaṁ hoti, nāṇupi khāyati, kiṁ bahudeva.","en":"What sort of person isn’t thrown in jail for stealing half a dollar, a dollar, or a hundred dollars?\nSomeone who is rich, affluent, and wealthy.\nThat kind of person isn’t thrown in jail for stealing half a dollar, a dollar, or a hundred dollars.\nThis is how it is in the case of an individual who does a trivial bad deed, but they go to hell.\nMeanwhile, another individual does the same trivial bad deed, but experiences it in this life, so that not even a little remains, let alone a lot. …"}},{"id":"an3.100:11","sourceIds":["an3.100:11.1","an3.100:11.2","an3.100:11.3"],"kind":"text","text":{"pi":"Kathaṁrūpassa, bhikkhave, puggalassa appamattakaṁ pāpakammaṁ kataṁ, tamenaṁ nirayaṁ upaneti?\nIdha, bhikkhave, ekacco puggalo abhāvitakāyo hoti abhāvitasīlo abhāvitacitto abhāvitapañño paritto appātumo appadukkhavihārī.\nEvarūpassa, bhikkhave, puggalassa tādisaṁyeva appamattakaṁ pāpakammaṁ kataṁ tamenaṁ nirayaṁ upaneti."}},{"id":"an3.100:12","sourceIds":["an3.100:12.1","an3.100:12.2","an3.100:12.3"],"kind":"text","text":{"pi":"Kathaṁrūpassa, bhikkhave, puggalassa tādisaṁyeva appamattakaṁ pāpakammaṁ kataṁ diṭṭhadhammavedanīyaṁ hoti, nāṇupi khāyati, kiṁ bahudeva?\nIdha, bhikkhave, ekacco puggalo bhāvitakāyo hoti bhāvitasīlo bhāvitacitto bhāvitapañño aparitto mahatto appamāṇavihārī.\nEvarūpassa, bhikkhave, puggalassa tādisaṁyeva appamattakaṁ pāpakammaṁ kataṁ diṭṭhadhammavedanīyaṁ hoti, nāṇupi khāyati, kiṁ bahudeva."}},{"id":"an3.100:13","sourceIds":["an3.100:13.1","an3.100:13.2","an3.100:13.3"],"kind":"text","text":{"pi":"Idha, bhikkhave, ekacco puggalo bhāvitakāyo hoti bhāvitasīlo bhāvitacitto bhāvitapañño aparitto mahatto appamāṇavihārī.\nEvarūpassa, bhikkhave, puggalassa tādisaṁyeva appamattakaṁ pāpakammaṁ kataṁ diṭṭhadhammavedanīyaṁ hoti, nāṇupi khāyati, kiṁ bahudeva.\nSeyyathāpi, bhikkhave, orabbhiko vā urabbhaghātako vā appekaccaṁ urabbhaṁ adinnaṁ ādiyamānaṁ pahoti hantuṁ vā bandhituṁ vā jāpetuṁ vā yathāpaccayaṁ vā kātuṁ, appekaccaṁ urabbhaṁ adinnaṁ ādiyamānaṁ nappahoti hantuṁ vā bandhituṁ vā jāpetuṁ vā yathāpaccayaṁ vā kātuṁ.","en":"It’s like a sheep dealer or butcher. They can execute, jail, fine, or otherwise punish one person who steals from them, but not another."}},{"id":"an3.100:14","sourceIds":["an3.100:14.1","an3.100:14.2","an3.100:14.3"],"kind":"text","text":{"pi":"Kathaṁrūpaṁ, bhikkhave, orabbhiko vā urabbhaghātako vā urabbhaṁ adinnaṁ ādiyamānaṁ pahoti hantuṁ vā bandhituṁ vā jāpetuṁ vā yathāpaccayaṁ vā kātuṁ?\nIdha, bhikkhave, ekacco daliddo hoti appassako appabhogo.\nEvarūpaṁ, bhikkhave, orabbhiko vā urabbhaghātako vā urabbhaṁ adinnaṁ ādiyamānaṁ pahoti hantuṁ vā bandhituṁ vā jāpetuṁ vā yathāpaccayaṁ vā kātuṁ.","en":"What sort of person can they punish?\nSomeone who is poor, with few possessions and little wealth.\nThat’s the kind of person they can punish."}},{"id":"an3.100:15","sourceIds":["an3.100:15.1","an3.100:15.2","an3.100:15.3","an3.100:15.4","an3.100:15.5","an3.100:15.6","an3.100:15.7"],"kind":"text","text":{"pi":"Kathaṁrūpaṁ, bhikkhave, orabbhiko vā urabbhaghātako vā urabbhaṁ adinnaṁ ādiyamānaṁ nappahoti hantuṁ vā bandhituṁ vā jāpetuṁ vā yathāpaccayaṁ vā kātuṁ.\nIdha, bhikkhave, ekacco aḍḍho hoti mahaddhano mahābhogo rājā vā rājamahāmatto vā.\nEvarūpaṁ, bhikkhave, orabbhiko vā urabbhaghātako vā urabbhaṁ adinnaṁ ādiyamānaṁ nappahoti hantuṁ vā bandhituṁ vā jāpetuṁ vā yathāpaccayaṁ vā kātuṁ.\nAññadatthu pañjalikova naṁ yācati:\n‘dehi me, mārisa, urabbhaṁ vā urabbhadhanaṁ vā’ti.\nEvamevaṁ kho, bhikkhave, idhekaccassa puggalassa tādisaṁyeva appamattakampi pāpakammaṁ kataṁ tamenaṁ nirayaṁ upaneti.\nIdha pana, bhikkhave, ekaccassa puggalassa tādisaṁyeva appamattakaṁ pāpakammaṁ kataṁ diṭṭhadhammavedanīyaṁ hoti, nāṇupi khāyati, kiṁ bahudeva.","en":"What sort of person can’t they punish?\nA ruler or their chief minister who is rich, affluent, and wealthy.\nThat’s the kind of person they can’t punish.\nIn fact, all they can do is raise their cupped palms and ask:\n‘Please, good fellow, give me my sheep or pay me for it.’\nThis is how it is in the case of an individual who does a trivial bad deed, but it lands them in hell.\nMeanwhile, another individual does the same trivial bad deed, but experiences it in this life, so that not even a little remains, let alone a lot. …"}},{"id":"an3.100:16","sourceIds":["an3.100:16.1","an3.100:16.2","an3.100:16.3"],"kind":"text","text":{"pi":"Kathaṁrūpassa, bhikkhave, puggalassa appamattakampi pāpakammaṁ kataṁ tamenaṁ nirayaṁ upaneti?\nIdha, bhikkhave, ekacco puggalo abhāvitakāyo hoti abhāvitasīlo abhāvitacitto abhāvitapañño paritto appātumo appadukkhavihārī.\nEvarūpassa, bhikkhave, puggalassa appamattakampi pāpakammaṁ kataṁ tamenaṁ nirayaṁ upaneti."}},{"id":"an3.100:17","sourceIds":["an3.100:17.1","an3.100:17.2","an3.100:17.3"],"kind":"text","text":{"pi":"Kathaṁrūpassa, bhikkhave, puggalassa tādisaṁyeva appamattakaṁ pāpakammaṁ kataṁ diṭṭhadhammavedanīyaṁ hoti, nāṇupi khāyati, kiṁ bahudeva?\nIdha, bhikkhave, ekacco puggalo bhāvitakāyo hoti bhāvitasīlo bhāvitacitto bhāvitapañño aparitto mahatto appamāṇavihārī.\nEvarūpassa, bhikkhave, puggalassa tādisaṁyeva appamattakaṁ pāpakammaṁ kataṁ diṭṭhadhammavedanīyaṁ hoti, nāṇupi khāyati, kiṁ bahudeva."}},{"id":"an3.100:18","sourceIds":["an3.100:18.1","an3.100:18.2","an3.100:18.3","an3.100:18.4","an3.100:18.5"],"kind":"text","text":{"pi":"Yo, bhikkhave, evaṁ vadeyya:\n‘yathā yathāyaṁ puriso kammaṁ karoti tathā tathā taṁ paṭisaṁvedetī’ti, evaṁ santaṁ, bhikkhave, brahmacariyavāso na hoti, okāso na paññāyati sammā dukkhassa antakiriyāya.\nYo ca kho, bhikkhave, evaṁ vadeyya:\n‘yathā yathā vedanīyaṁ ayaṁ puriso kammaṁ karoti tathā tathā tassa vipākaṁ paṭisaṁvedetī’ti, evaṁ santaṁ, bhikkhave, brahmacariyavāso hoti, okāso paññāyati sammā dukkhassa antakiriyāyā”ti.\nNavamaṁ.","en":"Mendicants, suppose you say:\n‘No matter how this person performs a deed, they experience it the same way.’ This being so, the spiritual life could not be lived, and there’d be no chance of making a complete end of suffering.\nSuppose you say:\n‘No matter how this person performs a deed, they experience the result as it should be experienced.’ This being so, the spiritual life can be lived, and there is a chance of making a complete end of suffering.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.100/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}