{"id":"an3.103","title":"Before Awakening","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.103","title":"Before Awakening","units":[{"id":"an3.103:0","sourceIds":["an3.103:0.1","an3.103:0.2","an3.103:0.3"],"kind":"text","text":{"pi":"Aṅguttara Nikāya 3.103\n11. Sambodhavagga\nPubbevasambodhasutta","en":"Numbered Discourses 3.103\n11. Awakening\nBefore Awakening"}},{"id":"an3.103:1","sourceIds":["an3.103:1.1","an3.103:1.2","an3.103:1.3","an3.103:1.4","an3.103:1.5","an3.103:1.6","an3.103:1.7","an3.103:1.8","an3.103:1.9","an3.103:1.10","an3.103:1.11"],"kind":"text","text":{"pi":"“Pubbeva me, bhikkhave, sambodhā anabhisambuddhassa bodhisattasseva sato etadahosi:\n‘ko nu kho loke assādo, ko ādīnavo, kiṁ nissaraṇan’ti?\nTassa mayhaṁ, bhikkhave, etadahosi:\n‘yaṁ kho lokaṁ paṭicca uppajjati sukhaṁ somanassaṁ, ayaṁ loke assādo.\nYaṁ loko anicco dukkho vipariṇāmadhammo, ayaṁ loke ādīnavo.\nYo loke chandarāgavinayo chandarāgappahānaṁ, idaṁ loke nissaraṇan’ti.\nYāvakīvañcāhaṁ, bhikkhave, evaṁ lokassa assādañca assādato ādīnavañca ādīnavato nissaraṇañca nissaraṇato yathābhūtaṁ nābbhaññāsiṁ, neva tāvāhaṁ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya ‘anuttaraṁ sammāsambodhiṁ abhisambuddho’ti paccaññāsiṁ.\nYato ca khvāhaṁ, bhikkhave, evaṁ lokassa assādañca assādato ādīnavañca ādīnavato nissaraṇañca nissaraṇato yathābhūtaṁ abbhaññāsiṁ, athāhaṁ, bhikkhave, sadevake loke samārake sabrahmake sassamaṇabrāhmaṇiyā pajāya sadevamanussāya ‘anuttaraṁ sammāsambodhiṁ abhisambuddho’ti paccaññāsiṁ.\nÑāṇañca pana me dassanaṁ udapādi:\n‘akuppā me vimutti, ayamantimā jāti, natthi dāni punabbhavo’”ti.\nPaṭhamaṁ.","en":"“Mendicants, before my awakening—when I was still unawakened but intent on awakening—I thought:\n‘What’s the gratification in the world? What’s the drawback? What’s the escape?’\nThen it occurred to me:\n‘The pleasure and happiness that arise from the world: this is its gratification.\nThat the world is impermanent, suffering, and perishable: this is its drawback.\nRemoving and giving up desire and greed for the world: this is its escape.’\nAs long as I didn’t truly understand the world’s gratification, drawback, and escape in this way for what they are, I didn’t announce my supreme perfect awakening in this world with its gods, Māras, and divinities, this population with its ascetics and brahmins, its gods and humans.\nBut when I did truly understand the world’s gratification, drawback, and escape in this way for what they are, I announced my supreme perfect awakening in this world with its gods, Māras, and divinities, this population with its ascetics and brahmins, its gods and humans.\nKnowledge and vision arose in me:\n‘My freedom is unshakable; this is my last rebirth; now there’ll be no more future lives.’”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.103/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}