{"id":"an3.109","title":"Unprotected","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.109","title":"Unprotected","units":[{"id":"an3.109:0","sourceIds":["an3.109:0.1","an3.109:0.2","an3.109:0.3"],"kind":"text","text":{"pi":"Aṅguttara Nikāya 3.109\n11. Sambodhavagga\nArakkhitasutta","en":"Numbered Discourses 3.109\n11. Awakening\nUnprotected"}},{"id":"an3.109:1","sourceIds":["an3.109:1.1","an3.109:1.2","an3.109:1.3","an3.109:1.4","an3.109:1.5"],"kind":"text","text":{"pi":"Atha kho anāthapiṇḍiko gahapati yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho anāthapiṇḍikaṁ gahapatiṁ bhagavā etadavoca:\n“citte, gahapati, arakkhite kāyakammampi arakkhitaṁ hoti, vacīkammampi arakkhitaṁ hoti, manokammampi arakkhitaṁ hoti.\nTassa arakkhitakāyakammantassa arakkhitavacīkammantassa arakkhitamanokammantassa kāyakammampi avassutaṁ hoti, vacīkammampi avassutaṁ hoti, manokammampi avassutaṁ hoti.\nTassa avassutakāyakammantassa avassutavacīkammantassa avassutamanokammantassa kāyakammampi pūtikaṁ hoti, vacīkammampi pūtikaṁ hoti, manokammampi pūtikaṁ hoti.\nTassa pūtikāyakammantassa pūtivacīkammantassa pūtimanokammantassa na bhaddakaṁ maraṇaṁ hoti, na bhaddikā kālakiriyā.","en":"Then the householder Anāthapiṇḍika went up to the Buddha, bowed, and sat down to one side. The Buddha said to him:\n“Householder, when the mind is unprotected, deeds of body, speech, and mind are unprotected.\nWhen deeds are unprotected, they fester.\nWhen deeds fester, they become rotten.\nSomeone whose deeds of body, speech, and mind are rotten will not have a good death."}},{"id":"an3.109:2","sourceIds":["an3.109:2.1","an3.109:2.2","an3.109:2.3"],"kind":"text","text":{"pi":"Seyyathāpi, gahapati, kūṭāgāre ducchanne kūṭampi arakkhitaṁ hoti, gopānasiyopi arakkhitā honti, bhittipi arakkhitā hoti;\nkūṭampi avassutaṁ hoti, gopānasiyopi avassutā honti, bhittipi avassutā hoti;\nkūṭampi pūtikaṁ hoti, gopānasiyopi pūtikā honti, bhittipi pūtikā hoti.","en":"It’s like a bungalow with a bad roof. The roof peak, rafters, and walls are unprotected.\nThey fester,\nand become rotten."}},{"id":"an3.109:3","sourceIds":["an3.109:3.1","an3.109:3.2","an3.109:3.3","an3.109:3.4"],"kind":"text","text":{"pi":"Evamevaṁ kho, gahapati, citte arakkhite kāyakammampi arakkhitaṁ hoti, vacīkammampi arakkhitaṁ hoti, manokammampi arakkhitaṁ hoti.\nTassa arakkhitakāyakammantassa arakkhitavacīkammantassa arakkhitamanokammantassa kāyakammampi avassutaṁ hoti, vacīkammampi avassutaṁ hoti, manokammampi avassutaṁ hoti.\nTassa avassutakāyakammantassa avassutavacīkammantassa avassutamanokammantassa kāyakammampi pūtikaṁ hoti, vacīkammampi pūtikaṁ hoti, manokammampi pūtikaṁ hoti.\nTassa pūtikāyakammantassa pūtivacīkammantassa pūtimanokammantassa na bhaddakaṁ maraṇaṁ hoti, na bhaddikā kālakiriyā.","en":"In the same way, when the mind is unprotected, bodily, verbal, and mental deeds are unprotected. …\nSomeone whose deeds of body, speech, and mind are rotten will not have a good death."}},{"id":"an3.109:4","sourceIds":["an3.109:4.1","an3.109:4.2","an3.109:4.3","an3.109:4.4"],"kind":"text","text":{"pi":"Citte, gahapati, rakkhite kāyakammampi rakkhitaṁ hoti, vacīkammampi rakkhitaṁ hoti, manokammampi rakkhitaṁ hoti.\nTassa rakkhitakāyakammantassa rakkhitavacīkammantassa rakkhitamanokammantassa kāyakammampi anavassutaṁ hoti, vacīkammampi anavassutaṁ hoti, manokammampi anavassutaṁ hoti.\nTassa anavassutakāyakammantassa anavassutavacīkammantassa anavassutamanokammantassa kāyakammampi apūtikaṁ hoti, vacīkammampi apūtikaṁ hoti, manokammampi apūtikaṁ hoti.\nTassa apūtikāyakammantassa apūtivacīkammantassa apūtimanokammantassa bhaddakaṁ maraṇaṁ hoti, bhaddikā kālakiriyā.","en":"When the mind is protected, bodily, verbal, and mental deeds are protected.\nWhen deeds are protected, they don’t fester.\nWhen deeds don’t fester, they don’t become rotten.\nSomeone whose deeds of body, speech, and mind aren’t rotten will have a good death."}},{"id":"an3.109:5","sourceIds":["an3.109:5.1","an3.109:5.2","an3.109:5.3"],"kind":"text","text":{"pi":"Seyyathāpi, gahapati, kūṭāgāre succhanne kūṭampi rakkhitaṁ hoti, gopānasiyopi rakkhitā honti, bhittipi rakkhitā hoti;\nkūṭampi anavassutaṁ hoti, gopānasiyopi anavassutā honti, bhittipi anavassutā hoti;\nkūṭampi apūtikaṁ hoti, gopānasiyopi apūtikā honti, bhittipi apūtikā hoti.","en":"It’s like a bungalow with a good roof. The roof peak, rafters, and walls are protected.\nThey don’t get soaked,\nand they don’t become rotten."}},{"id":"an3.109:6","sourceIds":["an3.109:6.1","an3.109:6.2","an3.109:6.3","an3.109:6.4","an3.109:6.5"],"kind":"text","text":{"pi":"Evamevaṁ kho, gahapati, citte rakkhite kāyakammampi rakkhitaṁ hoti, vacīkammampi rakkhitaṁ hoti, manokammampi rakkhitaṁ hoti.\nTassa rakkhitakāyakammantassa rakkhitavacīkammantassa rakkhitamanokammantassa kāyakammampi anavassutaṁ hoti, vacīkammampi anavassutaṁ hoti, manokammampi anavassutaṁ hoti.\nTassa anavassutakāyakammantassa anavassutavacīkammantassa anavassutamanokammantassa kāyakammampi apūtikaṁ hoti, vacīkammampi apūtikaṁ hoti, manokammampi apūtikaṁ hoti.\nTassa apūtikāyakammantassa apūtivacīkammantassa apūtimanokammantassa bhaddakaṁ maraṇaṁ hoti, bhaddikā kālakiriyā”ti.\nSattamaṁ.","en":"In the same way, when the mind is protected, bodily, verbal, and mental deeds are protected. …\nSomeone whose deeds of body, speech, and mind aren’t rotten will have a good death.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.109/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}