{"id":"an3.110","title":"Fallen","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.110","title":"Fallen","units":[{"id":"an3.110:0","sourceIds":["an3.110:0.1","an3.110:0.2","an3.110:0.3"],"kind":"text","text":{"pi":"Aṅguttara Nikāya 3.110\n11. Sambodhavagga\nByāpannasutta","en":"Numbered Discourses 3.110\n11. Awakening\nFallen"}},{"id":"an3.110:1","sourceIds":["an3.110:1.1","an3.110:1.2","an3.110:1.3","an3.110:1.4","an3.110:1.5","an3.110:1.6"],"kind":"text","text":{"pi":"Ekamantaṁ nisinnaṁ kho anāthapiṇḍikaṁ gahapatiṁ bhagavā etadavoca:\n“citte, gahapati, byāpanne kāyakammampi byāpannaṁ hoti, vacīkammampi byāpannaṁ hoti, manokammampi byāpannaṁ hoti.\nTassa byāpannakāyakammantassa byāpannavacīkammantassa byāpannamanokammantassa na bhaddakaṁ maraṇaṁ hoti, na bhaddikā kālakiriyā.\nSeyyathāpi, gahapati, kūṭāgāre ducchanne kūṭampi byāpannaṁ hoti, gopānasiyopi byāpannā honti, bhittipi byāpannā hoti;\nevamevaṁ kho, gahapati, citte byāpanne kāyakammampi byāpannaṁ hoti, vacīkammampi byāpannaṁ hoti, manokammampi byāpannaṁ hoti.\nTassa byāpannakāyakammantassa byāpannavacīkammantassa byāpannamanokammantassa na bhaddakaṁ maraṇaṁ hoti, na bhaddikā kālakiriyā.","en":"Seated to one side, the Buddha said to the householder Anāthapiṇḍika:\n“Householder, when the mind is fallen, bodily, verbal, and mental deeds are fallen.\nSomeone whose deeds of body, speech, and mind are fallen will not have a good death.\nIt’s like a bungalow with a bad roof. The roof peak, rafters, and walls fall in.\nIn the same way, when the mind is fallen, bodily, verbal, and mental deeds are fallen.\nSomeone whose deeds of body, speech, and mind are fallen will not have a good death."}},{"id":"an3.110:2","sourceIds":["an3.110:2.1","an3.110:2.2","an3.110:2.3","an3.110:2.4","an3.110:2.5","an3.110:2.6"],"kind":"text","text":{"pi":"Citte, gahapati, abyāpanne kāyakammampi abyāpannaṁ hoti, vacīkammampi abyāpannaṁ hoti, manokammampi abyāpannaṁ hoti.\nTassa abyāpannakāyakammantassa abyāpannavacīkammantassa abyāpannamanokammantassa bhaddakaṁ maraṇaṁ hoti, bhaddikā kālakiriyā.\nSeyyathāpi, gahapati, kūṭāgāre succhanne kūṭampi abyāpannaṁ hoti, gopānasiyopi abyāpannā honti, bhittipi abyāpannā hoti;\nevamevaṁ kho, gahapati, citte abyāpanne kāyakammampi abyāpannaṁ hoti, vacīkammampi abyāpannaṁ hoti, manokammampi abyāpannaṁ hoti.\nTassa abyāpannakāyakammantassa …pe… abyāpannamanokammantassa bhaddakaṁ maraṇaṁ hoti, bhaddikā kālakiriyā”ti.\nAṭṭhamaṁ.","en":"When the mind is not fallen, bodily, verbal, and mental deeds are not fallen.\nSomeone whose deeds of body, speech, and mind are not fallen will have a good death.\nIt’s like a bungalow with a good roof. The roof peak, rafters, and walls are not fallen in.\nIn the same way, when the mind is not fallen, bodily, verbal, and mental deeds are not fallen.\nSomeone whose deeds of body, speech, and mind are not fallen will have a good death.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.110/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}