{"id":"an3.120","title":"Purity (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.120","title":"Purity (1st)","units":[{"id":"an3.120:0","sourceIds":["an3.120:0.1","an3.120:0.2","an3.120:0.3"],"kind":"text","text":{"pi":"Aṅguttara Nikāya 3.120\n12. Āpāyikavagga\nPaṭhamasoceyyasutta","en":"Numbered Discourses 3.120\n12. Bound for Loss\nPurity (1st)"}},{"id":"an3.120:1","sourceIds":["an3.120:1.1","an3.120:1.2","an3.120:1.3","an3.120:1.4","an3.120:1.5","an3.120:1.6"],"kind":"text","text":{"pi":"“Tīṇimāni, bhikkhave, soceyyāni.\nKatamāni tīṇi?\nKāyasoceyyaṁ, vacīsoceyyaṁ, manosoceyyaṁ.\nKatamañca, bhikkhave, kāyasoceyyaṁ?\nIdha, bhikkhave, ekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti.\nIdaṁ vuccati, bhikkhave, kāyasoceyyaṁ.","en":"“Mendicants, there are these three kinds of purity.\nWhat three?\nPurity of body, speech, and mind.\nAnd what is purity of body?\nIt’s when someone doesn’t kill living creatures, steal, or commit sexual misconduct.\nThis is called ‘purity of body’."}},{"id":"an3.120:2","sourceIds":["an3.120:2.1","an3.120:2.2","an3.120:2.3"],"kind":"text","text":{"pi":"Katamañca, bhikkhave, vacīsoceyyaṁ?\nIdha, bhikkhave, ekacco musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti.\nIdaṁ vuccati, bhikkhave, vacīsoceyyaṁ.","en":"And what is purity of speech?\nIt’s when someone doesn’t use speech that’s false, backbiting, harsh, or nonsensical.\nThis is called ‘purity of speech’."}},{"id":"an3.120:3","sourceIds":["an3.120:3.1","an3.120:3.2","an3.120:3.3","an3.120:3.4","an3.120:3.5"],"kind":"text","text":{"pi":"Katamañca, bhikkhave, manosoceyyaṁ?\nIdha, bhikkhave, ekacco anabhijjhālu hoti abyāpannacitto sammādiṭṭhiko.\nIdaṁ vuccati, bhikkhave, manosoceyyaṁ.\nImāni kho, bhikkhave, tīṇi soceyyānī”ti.\nAṭṭhamaṁ.","en":"And what is purity of mind?\nIt’s when someone is content, kind-hearted, and has right view.\nThis is called ‘purity of mind’.\nThese are the three kinds of purity.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.120/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}