{"id":"an3.127","title":"With Hatthaka","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.127","title":"With Hatthaka","units":[{"id":"an3.127:0","sourceIds":["an3.127:0.1","an3.127:0.2","an3.127:0.3"],"kind":"text","text":{"pi":"Aṅguttara Nikāya 3.127\n13. Kusināravagga\nHatthakasutta","en":"Numbered Discourses 3.127\n13. Kusinārā\nWith Hatthaka"}},{"id":"an3.127:1","sourceIds":["an3.127:1.1","an3.127:1.2","an3.127:1.3","an3.127:1.4","an3.127:1.5","an3.127:1.6"],"kind":"text","text":{"pi":"Ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nAtha kho hatthako devaputto abhikkantāya rattiyā abhikkantavaṇṇo kevalakappaṁ jetavanaṁ obhāsetvā yena bhagavā tenupasaṅkami; upasaṅkamitvā:\n“bhagavato purato ṭhassāmī”ti osīdatimeva saṁsīdatimeva, na sakkoti saṇṭhātuṁ.\nSeyyathāpi nāma sappi vā telaṁ vā vālukāya āsittaṁ osīdatimeva saṁsīdatimeva, na saṇṭhāti;\nevamevaṁ hatthako devaputto:\n“bhagavato purato ṭhassāmī”ti osīdatimeva saṁsīdatimeva, na sakkoti saṇṭhātuṁ.","en":"At one time the Buddha was staying near Sāvatthī in Jeta’s Grove, Anāthapiṇḍika’s monastery.\nThen, late at night, the glorious godling Hatthaka, lighting up the entire Jeta’s Grove, went up to the Buddha. Thinking,\n“I will stand before the Buddha,” he sank and melted down, and wasn’t able to stay still.\nIt’s like when ghee or oil is poured on sand, it sinks and melts down, and can’t remain stable."}},{"id":"an3.127:2","sourceIds":["an3.127:2.1","an3.127:2.2","an3.127:2.3","an3.127:2.4"],"kind":"text","text":{"pi":"Atha kho bhagavā hatthakaṁ devaputtaṁ etadavoca:\n“oḷārikaṁ, hatthaka, attabhāvaṁ abhinimmināhī”ti.\n“Evaṁ, bhante”ti, kho hatthako devaputto bhagavato paṭissutvā oḷārikaṁ attabhāvaṁ abhinimminitvā bhagavantaṁ abhivādetvā ekamantaṁ aṭṭhāsi.\nEkamantaṁ ṭhitaṁ kho hatthakaṁ devaputtaṁ bhagavā etadavoca:","en":"Then the Buddha said to Hatthaka,\n“Hatthaka, manifest a solid incarnation.”\n“Yes, sir,” replied Hatthaka. He manifested a solid incarnation, bowed to the Buddha, and stood to one side.\nThe Buddha said to him,"}},{"id":"an3.127:3","sourceIds":["an3.127:3.1","an3.127:3.2","an3.127:3.3","an3.127:3.4","an3.127:3.5","an3.127:3.6","an3.127:3.7","an3.127:3.8","an3.127:3.9","an3.127:3.10","an3.127:3.11","an3.127:3.12"],"kind":"text","text":{"pi":"“Ye te, hatthaka, dhammā pubbe manussabhūtassa pavattino ahesuṁ, api nu te te dhammā etarahi pavattino”ti?\n“Ye ca me, bhante, dhammā pubbe manussabhūtassa pavattino ahesuṁ, te ca me dhammā etarahi pavattino;\nye ca me, bhante, dhammā pubbe manussabhūtassa nappavattino ahesuṁ, te ca me dhammā etarahi pavattino.\nSeyyathāpi, bhante, bhagavā etarahi ākiṇṇo viharati bhikkhūhi bhikkhunīhi upāsakehi upāsikāhi rājūhi rājamahāmattehi titthiyehi titthiyasāvakehi;\nevamevaṁ kho ahaṁ, bhante, ākiṇṇo viharāmi devaputtehi.\nDūratopi, bhante, devaputtā āgacchanti hatthakassa devaputtassa santike ‘dhammaṁ sossāmā’ti.\nTiṇṇāhaṁ, bhante, dhammānaṁ atitto appaṭivāno kālaṅkato.\nKatamesaṁ tiṇṇaṁ?\nBhagavato ahaṁ, bhante, dassanassa atitto appaṭivāno kālaṅkato;\nsaddhammasavanassāhaṁ, bhante, atitto appaṭivāno kālaṅkato;\nsaṅghassāhaṁ, bhante, upaṭṭhānassa atitto appaṭivāno kālaṅkato.\nImesaṁ kho ahaṁ, bhante, tiṇṇaṁ dhammānaṁ atitto appaṭivāno kālaṅkatoti.","en":"“Hatthaka, I wonder whether you still promulgate now the teachings that you promulgated when you were a human being?”\n“I still promulgate the teachings that I promulgated as a human being.\nAnd I also promulgate teachings that I didn’t promulgate as a human being.\nJust as the Buddha these days lives crowded by monks, nuns, laymen, and laywomen; by rulers and their chief ministers, and monastics of other religions and their disciples,\nso I live crowded by the godlings.\nThe godlings come from far away, thinking, ‘We’ll hear the teaching in the presence of Hatthaka.’\nSir, I passed away without getting enough of three things.\nWhat three?\nSeeing the Buddha;\nhearing the true teaching;\nand serving the Saṅgha.\nI passed away without getting enough of these three things."}},{"id":"an3.127:4","sourceIds":["an3.127:4.1","an3.127:4.2","an3.127:4.3","an3.127:4.4"],"kind":"text","text":{"pi":"Nāhaṁ bhagavato dassanassa,\nTittimajjhagā kudācanaṁ;\nSaṅghassa upaṭṭhānassa,\nSaddhammasavanassa ca.","en":"I could never get enough\nof seeing the Buddha,\nserving the Saṅgha,\nor hearing the teaching."}},{"id":"an3.127:5","sourceIds":["an3.127:5.1","an3.127:5.2","an3.127:5.3","an3.127:5.4","an3.127:5.5"],"kind":"text","text":{"pi":"Adhisīlaṁ sikkhamāno,\nsaddhammasavane rato;\nTiṇṇaṁ dhammānaṁ atitto,\nhatthako avihaṁ gato”ti.\nPañcamaṁ.","en":"Training in the higher ethics,\nloving to hear the true teaching,\nHatthaka has gone to the Aviha realm\nwithout getting enough of these three things.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.127/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}