{"id":"an3.129","title":"With Anuruddha (1st)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.129","title":"With Anuruddha (1st)","units":[{"id":"an3.129:0","sourceIds":["an3.129:0.1","an3.129:0.2","an3.129:0.3"],"kind":"text","text":{"pi":"Aṅguttara Nikāya 3.129\n13. Kusināravagga\nPaṭhamaanuruddhasutta","en":"Numbered Discourses 3.129\n13. Kusinārā\nWith Anuruddha (1st)"}},{"id":"an3.129:1","sourceIds":["an3.129:1.1","an3.129:1.2","an3.129:1.3"],"kind":"text","text":{"pi":"Atha kho āyasmā anuruddho yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinno kho āyasmā anuruddho bhagavantaṁ etadavoca:\n“idhāhaṁ, bhante, dibbena cakkhunā visuddhena atikkantamānusakena yebhuyyena passāmi mātugāmaṁ kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjamānaṁ.\nKatihi nu kho, bhante, dhammehi samannāgato mātugāmo kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjatī”ti?","en":"Then Venerable Anuruddha went up to the Buddha, bowed, sat down to one side, and said to him:\n“Sometimes, sir, with my clairvoyance that is purified and superhuman, I see that females—when their body breaks up, after death—are mostly reborn in a place of loss, a bad place, the underworld, hell.\nHow many qualities do ladies have so that they’re reborn in a place of loss, a bad place, the underworld, hell?”"}},{"id":"an3.129:2","sourceIds":["an3.129:2.1","an3.129:2.2","an3.129:2.3","an3.129:2.4","an3.129:2.5"],"kind":"text","text":{"pi":"“Tīhi kho, anuruddha, dhammehi samannāgato mātugāmo kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjati.\nKatamehi tīhi?\nIdha, anuruddha, mātugāmo pubbaṇhasamayaṁ maccheramalapariyuṭṭhitena cetasā agāraṁ ajjhāvasati, majjhanhikasamayaṁ issāpariyuṭṭhitena cetasā agāraṁ ajjhāvasati, sāyanhasamayaṁ kāmarāgapariyuṭṭhitena cetasā agāraṁ ajjhāvasati.\nImehi kho, anuruddha, tīhi dhammehi samannāgato mātugāmo kāyassa bhedā paraṁ maraṇā apāyaṁ duggatiṁ vinipātaṁ nirayaṁ upapajjatī”ti.\nSattamaṁ.","en":"“When ladies have three qualities, when their body breaks up, after death, they are reborn in a place of loss, a bad place, the underworld, hell.\nWhat three?\nA lady lives at home with a heart full of the stain of stinginess in the morning, jealousy at midday, and sexual desire in the evening.\nWhen ladies possess these three qualities, when their body breaks up, after death, they are reborn in a place of loss, a bad place, the underworld, hell.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.129/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}