{"id":"an3.133","title":"A Warrior","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.133","title":"A Warrior","units":[{"id":"an3.133:0","sourceIds":["an3.133:0.1","an3.133:0.2","an3.133:0.3"],"kind":"text","text":{"pi":"Aṅguttara Nikāya 3.133\n14. Yodhājīvavagga\nYodhājīvasutta","en":"Numbered Discourses 3.133\n14. A Warrior\nA Warrior"}},{"id":"an3.133:1","sourceIds":["an3.133:1.1","an3.133:1.2","an3.133:1.3","an3.133:1.4","an3.133:1.5","an3.133:1.6","an3.133:1.7"],"kind":"text","text":{"pi":"“Tīhi, bhikkhave, aṅgehi samannāgato yodhājīvo rājāraho hoti rājabhoggo, rañño aṅganteva saṅkhyaṁ gacchati.\nKatamehi tīhi?\nIdha, bhikkhave, yodhājīvo dūre pātī ca hoti akkhaṇavedhī ca mahato ca kāyassa padāletā.\nImehi, kho, bhikkhave, tīhi aṅgehi samannāgato yodhājīvo rājāraho hoti rājabhoggo, rañño aṅganteva saṅkhyaṁ gacchati.\nEvamevaṁ kho, bhikkhave, tīhi aṅgehi samannāgato bhikkhu āhuneyyo hoti …pe… anuttaraṁ puññakkhettaṁ lokassa.\nKatamehi tīhi?\nIdha, bhikkhave, bhikkhu dūre pātī ca hoti akkhaṇavedhī ca mahato ca kāyassa padāletā.","en":"“Mendicants, a warrior with three factors is worthy of a king, fit to serve a king, and is reckoned as a factor of kingship.\nWhat three?\nHe’s a long-distance shooter, a marksman, one who shatters large objects.\nA warrior with these three factors is worthy of a king, fit to serve a king, and is reckoned as a factor of kingship.\nIn the same way, a mendicant with three factors is worthy of offerings dedicated to the gods, worthy of hospitality, worthy of a religious donation, worthy of veneration with cupped palms, and is the supreme field of merit for the world.\nWhat three?\nThey’re a long-distance shooter, a marksman, and one who shatters large objects."}},{"id":"an3.133:2","sourceIds":["an3.133:2.1","an3.133:2.2","an3.133:2.3","an3.133:2.4","an3.133:2.5","an3.133:2.6","an3.133:2.7"],"kind":"text","text":{"pi":"Kathañca, bhikkhave, bhikkhu dūre pātī hoti?\nIdha, bhikkhave, bhikkhu yaṁ kiñci rūpaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā, sabbaṁ rūpaṁ: ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya passati.\nYā kāci vedanā atītānāgatapaccuppannā ajjhattā vā bahiddhā vā oḷārikā vā sukhumā vā hīnā vā paṇītā vā yā dūre santike vā, sabbaṁ vedanaṁ: ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya passati.\nYā kāci saññā atītānāgatapaccuppannā ajjhattā vā bahiddhā vā oḷārikā vā sukhumā vā hīnā vā paṇītā vā yā dūre santike vā, sabbaṁ saññaṁ: ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya passati.\nYe keci saṅkhārā atītānāgatapaccuppannā ajjhattā vā bahiddhā vā oḷārikā vā sukhumā vā hīnā vā paṇītā vā ye dūre santike vā, sabbe saṅkhāre: ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya passati.\nYaṁ kiñci viññāṇaṁ atītānāgatapaccuppannaṁ ajjhattaṁ vā bahiddhā vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike vā, sabbaṁ viññāṇaṁ: ‘netaṁ mama, nesohamasmi, na meso attā’ti evametaṁ yathābhūtaṁ sammappaññāya passati.\nEvaṁ kho, bhikkhave, bhikkhu dūre pātī hoti.","en":"And how is a mendicant a long-distance shooter?\nIt’s when a mendicant truly sees any kind of form at all—past, future, or present; internal or external; solid or subtle; inferior or superior; far or near: all form—with right understanding: ‘This is not mine, I am not this, this is not my self.’\nThey truly see any kind of feeling at all—past, future, or present; internal or external; solid or subtle; inferior or superior; far or near: all feeling—with right understanding: ‘This is not mine, I am not this, this is not my self.’\nThey truly see any kind of perception at all—past, future, or present; internal or external; solid or subtle; inferior or superior; far or near: all perception—with right understanding: ‘This is not mine, I am not this, this is not my self.’\nThey truly see any kind of choices at all—past, future, or present; internal or external; solid or subtle; inferior or superior; far or near: all choices—with right understanding: ‘This is not mine, I am not this, this is not my self.’\nThey truly see any kind of consciousness at all—past, future, or present; internal or external; solid or subtle; inferior or superior; far or near: all consciousness—with right understanding: ‘This is not mine, I am not this, this is not my self.’\nThat’s how a mendicant is a long-distance shooter."}},{"id":"an3.133:3","sourceIds":["an3.133:3.1","an3.133:3.2","an3.133:3.3"],"kind":"text","text":{"pi":"Kathañca, bhikkhave, bhikkhu akkhaṇavedhī hoti?\nIdha, bhikkhave, bhikkhu ‘idaṁ dukkhan’ti yathābhūtaṁ pajānāti; ‘ayaṁ dukkhasamudayo’ti yathābhūtaṁ pajānāti; ‘ayaṁ dukkhanirodho’ti yathābhūtaṁ pajānāti; ‘ayaṁ dukkhanirodhagāminī paṭipadā’ti yathābhūtaṁ pajānāti.\nEvaṁ kho, bhikkhave, bhikkhu akkhaṇavedhī hoti.","en":"And how is a mendicant a marksman?\nIt’s when a mendicant truly understands: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’.\nThat’s how a mendicant is a marksman."}},{"id":"an3.133:4","sourceIds":["an3.133:4.1","an3.133:4.2","an3.133:4.3","an3.133:4.4","an3.133:4.5"],"kind":"text","text":{"pi":"Kathañca, bhikkhave, bhikkhu mahato kāyassa padāletā hoti?\nIdha, bhikkhave, bhikkhu mahantaṁ avijjākkhandhaṁ padāleti.\nEvaṁ kho, bhikkhave, bhikkhu mahato kāyassa padāletā hoti.\nImehi kho, bhikkhave, tīhi dhammehi samannāgato bhikkhu āhuneyyo hoti …pe… anuttaraṁ puññakkhettaṁ lokassā”ti.\nPaṭhamaṁ.","en":"And how does a mendicant shatter large objects?\nIt’s when a mendicant shatters the great mass of ignorance.\nThat’s how a mendicant shatters large objects.\nA mendicant with these three qualities is worthy of offerings dedicated to the gods, worthy of hospitality, worthy of a religious donation, worthy of veneration with cupped palms, and is the supreme field of merit for the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.133/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}