{"id":"an3.156-162","title":"Untitled Discourses on Three Practices","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.156-162","title":"Untitled Discourses on Three Practices","units":[{"id":"an3.156:0","sourceIds":["an3.156:0.1","an3.156:0.2","an3.156:0.3"],"kind":"text","text":{"pi":"Aṅguttara Nikāya 3\n16. Acelakavagga\n~","en":"Numbered Discourses 3.156–162\nThe Chapter on Practices\nUntitled Discourses on Three Practices"}},{"id":"an3.156:1","sourceIds":["an3.156:1.1","an3.156:1.2","an3.156:1.3","an3.156:1.4","an3.156:1.5","an3.156:1.6","an3.156:1.7","an3.156:1.8"],"kind":"text","text":{"pi":"“Tisso imā, bhikkhave, paṭipadā.\nKatamā tisso?\nĀgāḷhā paṭipadā, nijjhāmā paṭipadā, majjhimā paṭipadā.\nKatamā ca, bhikkhave, āgāḷhā paṭipadā?\nIdha, bhikkhave, ekacco evaṁvādī hoti evaṁdiṭṭhi:\n‘natthi kāmesu doso’ti.\nSo kāmesu pātabyataṁ āpajjati.\nAyaṁ vuccati, bhikkhave, āgāḷhā paṭipadā.","en":"“Mendicants, there are three practices.\nWhat three?\nThe addicted practice, the scorching practice, and the middle practice.\nAnd what’s the addicted practice?\nIt’s when someone has this doctrine and view:\n‘There’s nothing wrong with sensual pleasures’;\nso they throw themselves into sensual pleasures.\nThis is called the addicted practice."}},{"id":"an3.156:2","sourceIds":["an3.156:2.1","an3.156:2.2","an3.156:2.3","an3.156:2.4","an3.156:2.5","an3.156:2.6"],"kind":"text","text":{"pi":"Katamā ca, bhikkhave, nijjhāmā paṭipadā?\nIdha, bhikkhave, ekacco acelako hoti muttācāro, hatthāpalekhano, naehibhadantiko, natiṭṭhabhadantiko, nābhihaṭaṁ na uddissakataṁ na nimantanaṁ sādiyati.\nSo na kumbhimukhā paṭiggaṇhāti, na kaḷopimukhā paṭiggaṇhāti na eḷakamantaraṁ na daṇḍamantaraṁ na musalamantaraṁ na dvinnaṁ bhuñjamānānaṁ na gabbhiniyā na pāyamānāya na purisantaragatāya na saṅkittīsu na yattha sā upaṭṭhito hoti na yattha makkhikā saṇḍasaṇḍacārinī na macchaṁ na maṁsaṁ na suraṁ na merayaṁ, na thusodakaṁ pivati.\nSo ekāgāriko vā hoti ekālopiko, dvāgāriko vā hoti dvālopiko … sattāgāriko vā hoti sattālopiko;\nekissāpi dattiyā yāpeti, dvīhipi dattīhi yāpeti … sattahipi dattīhi yāpeti;\nekāhikampi āhāraṁ āhāreti, dvāhikampi āhāraṁ āhāreti … sattāhikampi āhāraṁ āhāreti—iti evarūpaṁ addhamāsikampi pariyāyabhattabhojanānuyogamanuyutto viharati.","en":"And what’s the scorching practice?\nIt’s when someone goes naked, ignoring conventions. They lick their hands, and don’t come or wait when called. They don’t consent to food brought to them, or food prepared on their behalf, or an invitation for a meal.\nThey don’t receive anything from a pot or bowl; or from someone who keeps sheep, or who has a weapon or a shovel in their home; or where a couple is eating; or where there is a woman who is pregnant, breastfeeding, or who lives with a man; or where there’s a hound waiting or flies buzzing. They accept no fish or meat or beer or wine, and drink no fermented gruel.\nThey go to just one house for alms, taking just one mouthful, or two houses and two mouthfuls, up to seven houses and seven mouthfuls.\nThey feed on one saucer a day, two saucers a day, up to seven saucers a day.\nThey eat once a day, once every second day, up to once a week, and so on, even up to once a fortnight. They live pursuing the practice of eating food at set intervals."}},{"id":"an3.156:3","sourceIds":["an3.156:3.1"],"kind":"text","text":{"pi":"So sākabhakkhopi hoti, sāmākabhakkhopi hoti, nīvārabhakkhopi hoti, daddulabhakkhopi hoti, haṭabhakkhopi hoti, kaṇabhakkhopi hoti, ācāmabhakkhopi hoti, piññākabhakkhopi hoti, tiṇabhakkhopi hoti, gomayabhakkhopi hoti, vanamūlaphalāhāro yāpeti pavattaphalabhojī.","en":"They eat herbs, millet, wild rice, poor rice, water lettuce, rice bran, scum from boiling rice, sesame flour, grass, or cow dung. They survive on forest roots and fruits, or eating fallen fruit."}},{"id":"an3.156:4","sourceIds":["an3.156:4.1","an3.156:4.2","an3.156:4.3","an3.156:4.4","an3.156:4.5","an3.156:4.6","an3.156:4.7","an3.156:4.8"],"kind":"text","text":{"pi":"So sāṇānipi dhāreti, masāṇānipi dhāreti, chavadussānipi dhāreti, paṁsukūlānipi dhāreti, tirīṭānipi dhāreti, ajinampi dhāreti, ajinakkhipampi dhāreti, kusacīrampi dhāreti, vākacīrampi dhāreti, phalakacīrampi dhāreti, kesakambalampi dhāreti, vāḷakambalampi dhāreti, ulūkapakkhikampi dhāreti,\nkesamassulocakopi hoti kesamassulocanānuyogamanuyutto,\nubbhaṭṭhakopi hoti āsanapaṭikkhitto,\nukkuṭikopi hoti ukkuṭikappadhānamanuyutto,\nkaṇṭakāpassayikopi hoti kaṇṭakāpassaye seyyaṁ kappeti,\nsāyatatiyakampi udakorohanānuyogamanuyutto viharati—\niti evarūpaṁ anekavihitaṁ kāyassa ātāpanaparitāpanānuyogamanuyutto viharati.\nAyaṁ vuccati, bhikkhave, nijjhāmā paṭipadā.","en":"They wear robes of sunn hemp, mixed hemp, corpse-wrapping cloth, rags, lodh tree bark, antelope hide (whole or in strips), kusa grass, bark, wood-chips, human hair, horse-tail hair, or owls’ wings.\nThey tear out their hair and beard, committed to this practice.\nThey constantly stand, turning down seats.\nThey squat, committed to the endeavor of squatting.\nThey lie on a mat of thorns, making a mat of thorns their bed.\nThey’re devoted to ritual bathing three times a day, including at dusk.\nAnd so they live pursuing these various ways of mortifying and tormenting the body.\nThis is called the scorching practice."}},{"id":"an3.156:5","sourceIds":["an3.156:5.1","an3.156:5.2","an3.156:5.3","an3.156:5.4","an3.156:5.5","an3.156:5.6","an3.156:5.7"],"kind":"text","text":{"pi":"Katamā ca, bhikkhave, majjhimā paṭipadā?\nIdha, bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṁ;\nvedanāsu …pe…\ncitte …pe…\ndhammesu dhammānupassī viharati ātāpī sampajāno satimā vineyya loke abhijjhādomanassaṁ.\nAyaṁ vuccati, bhikkhave, majjhimā paṭipadā.\nImā kho, bhikkhave, tisso paṭipadāti.","en":"And what’s the middle practice?\nIt’s when a mendicant meditates by observing an aspect of the body—keen, aware, and mindful, rid of covetousness and displeasure for the world.\nThey meditate observing an aspect of feelings …\nThey meditate observing an aspect of the mind …\nThey meditate observing an aspect of principles—keen, aware, and mindful, rid of covetousness and displeasure for the world.\nThis is called the middle practice.\nThese are the three practices."}},{"id":"an3.157:1","sourceIds":["an3.157:1.1","an3.157:1.2","an3.157:1.3","an3.157:1.4","an3.157:1.5"],"kind":"text","text":{"pi":"Tisso imā, bhikkhave, paṭipadā.\nKatamā tisso?\nĀgāḷhā paṭipadā, nijjhāmā paṭipadā, majjhimā paṭipadā.\nKatamā ca, bhikkhave, āgāḷhā paṭipadā …pe…\nayaṁ vuccati, bhikkhave, āgāḷhā paṭipadā.","en":"Mendicants, there are three practices.\nWhat three?\nThe addicted practice, the scorching practice, the middle practice.\nAnd what’s the addicted practice? …\nThis is called the addicted practice."}},{"id":"an3.157:2","sourceIds":["an3.157:2.1","an3.157:2.2"],"kind":"text","text":{"pi":"Katamā ca, bhikkhave, nijjhāmā paṭipadā …pe…\nayaṁ vuccati, bhikkhave, nijjhāmā paṭipadā.","en":"And what is the scorching practice? …\nThis is called the scorching practice."}},{"id":"an3.157:3","sourceIds":["an3.157:3.1","an3.157:3.2","an3.157:3.3","an3.157:3.4","an3.157:3.5"],"kind":"text","text":{"pi":"Katamā ca, bhikkhave, majjhimā paṭipadā?\nIdha, bhikkhave, bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati;\nuppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati;\nanuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati;\nuppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati ….","en":"And what’s the middle practice?\nIt’s when a mendicant generates enthusiasm, tries, makes an effort, exerts the mind, and strives so that bad, unskillful qualities don’t arise.\nThey generate enthusiasm, try, make an effort, exert the mind, and strive so that bad, unskillful qualities that have arisen are given up.\nThey generate enthusiasm, try, make an effort, exert the mind, and strive so that skillful qualities arise.\nThey generate enthusiasm, try, make an effort, exert the mind, and strive so that skillful qualities that have arisen remain, are not lost, but increase, mature, and are fully developed. …"}},{"id":"an3.158:1","sourceIds":["an3.158:1.1","an3.158:1.2","an3.158:1.3","an3.158:1.4"],"kind":"text","text":{"pi":"Chandasamādhipadhānasaṅkhārasamannāgataṁ iddhipādaṁ bhāveti\nvīriyasamādhi …pe…\ncittasamādhi …pe…\nvīmaṁsāsamādhipadhānasaṅkhārasamannāgataṁ iddhipādaṁ bhāveti …pe….","en":"They develop the basis of psychic power that has immersion due to enthusiasm, and active effort.\nThey develop the basis of psychic power that has immersion due to energy, and active effort.\nThey develop the basis of psychic power that has immersion due to mental development, and active effort.\nThey develop the basis of psychic power that has immersion due to inquiry, and active effort. …"}},{"id":"an3.159:1","sourceIds":["an3.159:1.1","an3.159:1.2","an3.159:1.3","an3.159:1.4","an3.159:1.5"],"kind":"text","text":{"pi":"Saddhindriyaṁ bhāveti …\nvīriyindriyaṁ bhāveti …\nsatindriyaṁ bhāveti …\nsamādhindriyaṁ bhāveti …\npaññindriyaṁ bhāveti …pe….","en":"They develop the faculty of faith …\nenergy …\nmindfulness …\nimmersion …\nwisdom …"}},{"id":"an3.160:1","sourceIds":["an3.160:1.1","an3.160:1.2","an3.160:1.3","an3.160:1.4","an3.160:1.5"],"kind":"text","text":{"pi":"Saddhābalaṁ bhāveti …\nvīriyabalaṁ bhāveti …\nsatibalaṁ bhāveti …\nsamādhibalaṁ bhāveti …\npaññābalaṁ bhāveti …pe….","en":"They develop the power of faith …\nenergy …\nmindfulness …\nimmersion …\nwisdom …"}},{"id":"an3.161:1","sourceIds":["an3.161:1.1","an3.161:1.2","an3.161:1.3","an3.161:1.4","an3.161:1.5","an3.161:1.6","an3.161:1.7"],"kind":"text","text":{"pi":"Satisambojjhaṅgaṁ bhāveti …\ndhammavicayasambojjhaṅgaṁ bhāveti …\nvīriyasambojjhaṅgaṁ bhāveti …\npītisambojjhaṅgaṁ bhāveti …\npassaddhisambojjhaṅgaṁ bhāveti …\nsamādhisambojjhaṅgaṁ bhāveti …\nupekkhāsambojjhaṅgaṁ bhāveti …pe….","en":"They develop the awakening factor of mindfulness …\ninvestigation of principles …\nenergy …\nrapture …\ntranquility …\nimmersion …\nequanimity …"}},{"id":"an3.162:1","sourceIds":["an3.162:1.1","an3.162:1.2","an3.162:1.3","an3.162:1.4","an3.162:1.5","an3.162:1.6","an3.162:1.7","an3.162:1.8","an3.162:1.9","an3.162:1.10","an3.162:1.11"],"kind":"text","text":{"pi":"Sammādiṭṭhiṁ bhāveti …\nsammāsaṅkappaṁ bhāveti …\nsammāvācaṁ bhāveti …\nsammākammantaṁ bhāveti …\nsammāājīvaṁ bhāveti …\nsammāvāyāmaṁ bhāveti …\nsammāsatiṁ bhāveti …\nsammāsamādhiṁ bhāveti ….\nAyaṁ vuccati, bhikkhave, majjhimā paṭipadā.\nImā kho, bhikkhave, tisso paṭipadā”ti.\nAcelakavaggo chaṭṭho.","en":"They develop right view …\nright purpose …\nright speech …\nright action …\nright livelihood …\nright effort …\nright mindfulness …\nright immersion …\nThis is called the middle practice.\nThese are the three practices.”"}},{"id":"an3.162:2","sourceIds":["an3.162:2.0","an3.162:2.1","an3.162:2.2","an3.162:2.3","an3.162:2.4"],"kind":"text","text":{"pi":"Tassuddānaṁ\nSatipaṭṭhānaṁ sammappadhānaṁ,\nIddhipādindriyena ca;\nBalaṁ bojjhaṅgo maggo ca,\nPaṭipadāya yojayeti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.156-162/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}