{"id":"an3.70","title":"Sabbath","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.70","title":"Sabbath","units":[{"id":"an3.70:0","sourceIds":["an3.70:0.1","an3.70:0.2","an3.70:0.3"],"kind":"text","text":{"pi":"Aṅguttara Nikāya 3.70\n7. Mahāvagga\nUposathasutta","en":"Numbered Discourses 3.70\n7. The Great Chapter\nSabbath"}},{"id":"an3.70:1","sourceIds":["an3.70:1.1","an3.70:1.2","an3.70:1.3","an3.70:1.4","an3.70:1.5"],"kind":"text","text":{"pi":"Evaṁ me sutaṁ—\nekaṁ samayaṁ bhagavā sāvatthiyaṁ viharati pubbārāme migāramātupāsāde.\nAtha kho visākhā migāramātā tadahuposathe yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnaṁ kho visākhaṁ migāramātaraṁ bhagavā etadavoca:\n“handa kuto nu tvaṁ, visākhe, āgacchasi divā divassā”ti?\n“Uposathāhaṁ, bhante, ajja upavasāmī”ti.","en":"So I have heard.\nAt one time the Buddha was staying near Sāvatthī in the stilt longhouse of Migāra’s mother in the Eastern Monastery.\nThen Visākhā, Migāra’s mother, went up to the Buddha, bowed, and sat down to one side. The Buddha said to her,\n“So, Visākhā, where are you coming from in the middle of the day?”\n“Today, sir, I’m observing the sabbath.”"}},{"id":"an3.70:2","sourceIds":["an3.70:2.1","an3.70:2.2","an3.70:2.3","an3.70:2.4","an3.70:2.5","an3.70:2.6","an3.70:2.7","an3.70:2.8","an3.70:2.9","an3.70:2.10","an3.70:2.11","an3.70:2.12","an3.70:2.13"],"kind":"text","text":{"pi":"“Tayo khome, visākhe, uposathā.\nKatame tayo?\nGopālakuposatho, nigaṇṭhuposatho, ariyuposatho.\nKathañca, visākhe, gopālakuposatho hoti?\nSeyyathāpi, visākhe, gopālako sāyanhasamaye sāmikānaṁ gāvo niyyātetvā iti paṭisañcikkhati:\n‘ajja kho gāvo amukasmiñca amukasmiñca padese cariṁsu, amukasmiñca amukasmiñca padese pānīyāni piviṁsu;\nsve dāni gāvo amukasmiñca amukasmiñca padese carissanti, amukasmiñca amukasmiñca padese pānīyāni pivissantī’ti;\nevamevaṁ kho, visākhe, idhekacco uposathiko iti paṭisañcikkhati:\n‘ahaṁ khvajja idañcidañca khādanīyaṁ khādiṁ, idañcidañca bhojanīyaṁ bhuñjiṁ;\nsve dānāhaṁ idañcidañca khādanīyaṁ khādissāmi, idañcidañca bhojanīyaṁ bhuñjissāmī’ti.\nSo tena abhijjhāsahagatena cetasā divasaṁ atināmeti.\nEvaṁ kho, visākhe, gopālakuposatho hoti.\nEvaṁ upavuttho kho, visākhe, gopālakuposatho na mahapphalo hoti na mahānisaṁso na mahājutiko na mahāvipphāro.","en":"“There are, Visākhā, these three sabbaths.\nWhat three?\nThe sabbath of the cowherds, the sabbath of the Jains, and the sabbath of the noble ones.\nAnd what is the sabbath of the cowherds?\nIt’s just like a cowherd who, in the late afternoon, takes the cows back to their owners. They reflect:\n‘Today the cows grazed in this spot and that, and they drank in this spot and that.\nTomorrow the cows will graze in this spot and that, and drink in this spot and that.’\nIn the same way, someone keeping the sabbath reflects:\n‘Today I ate this and that, and had a meal of this and that.\nTomorrow I’ll eat this and that, and have a meal of this and that.’\nAnd so they spend their day with a mind full of covetousness.\nThat’s the sabbath of the cowherds.\nWhen the cowherd’s sabbath is observed like this it’s not very fruitful or beneficial or brilliant or bountiful."}},{"id":"an3.70:3","sourceIds":["an3.70:3.1","an3.70:3.2","an3.70:3.3","an3.70:3.4","an3.70:3.5","an3.70:3.6","an3.70:3.7","an3.70:3.8","an3.70:3.9","an3.70:3.10","an3.70:3.11","an3.70:3.12","an3.70:3.13","an3.70:3.14","an3.70:3.15","an3.70:3.16","an3.70:3.17","an3.70:3.18","an3.70:3.19","an3.70:3.20","an3.70:3.21","an3.70:3.22","an3.70:3.23","an3.70:3.24","an3.70:3.25","an3.70:3.26","an3.70:3.27","an3.70:3.28","an3.70:3.29"],"kind":"text","text":{"pi":"Kathañca, visākhe, nigaṇṭhuposatho hoti?\nAtthi, visākhe, nigaṇṭhā nāma samaṇajātikā.\nTe sāvakaṁ evaṁ samādapenti:\n‘ehi tvaṁ, ambho purisa, ye puratthimāya disāya pāṇā paraṁ yojanasataṁ tesu daṇḍaṁ nikkhipāhi;\nye pacchimāya disāya pāṇā paraṁ yojanasataṁ tesu daṇḍaṁ nikkhipāhi;\nye uttarāya disāya pāṇā paraṁ yojanasataṁ tesu daṇḍaṁ nikkhipāhi;\nye dakkhiṇāya disāya pāṇā paraṁ yojanasataṁ tesu daṇḍaṁ nikkhipāhī’ti.\nIti ekaccānaṁ pāṇānaṁ anuddayāya anukampāya samādapenti, ekaccānaṁ pāṇānaṁ nānuddayāya nānukampāya samādapenti.\nTe tadahuposathe sāvakaṁ evaṁ samādapenti:\n‘ehi tvaṁ, ambho purisa, sabbacelāni nikkhipitvā evaṁ vadehi—\nnāhaṁ kvacani kassaci kiñcanatasmiṁ, na ca mama kvacani katthaci kiñcanatatthī’ti.\nJānanti kho panassa mātāpitaro:\n‘ayaṁ amhākaṁ putto’ti;\nsopi jānāti:\n‘ime mayhaṁ mātāpitaro’ti.\nJānāti kho panassa puttadāro:\n‘ayaṁ mayhaṁ bhattā’ti;\nsopi jānāti:\n‘ayaṁ mayhaṁ puttadāro’ti.\nJānanti kho panassa dāsakammakaraporisā:\n‘ayaṁ amhākaṁ ayyo’ti;\nsopi jānāti:\n‘ime mayhaṁ dāsakammakaraporisā’ti.\nIti yasmiṁ samaye sacce samādapetabbā musāvāde tasmiṁ samaye samādapenti.\nIdaṁ tassa musāvādasmiṁ vadāmi.\nSo tassā rattiyā accayena bhoge adinnaṁyeva paribhuñjati.\nIdaṁ tassa adinnādānasmiṁ vadāmi.\nEvaṁ kho, visākhe, nigaṇṭhuposatho hoti.\nEvaṁ upavuttho kho, visākhe, nigaṇṭhuposatho na mahapphalo hoti na mahānisaṁso na mahājutiko na mahāvipphāro.","en":"And what is the sabbath of the Jains?\nThere’s a kind of ascetic belonging to a group called the Jains.\nThey encourage their disciple:\n‘Please, my man, don’t hurt any living creatures more than a hundred leagues away to the east.\nDon’t hurt any living creatures more than a hundred leagues away to the west.\nDon’t hurt any living creatures more than a hundred leagues away to the north.\nDon’t hurt any living creatures more than a hundred leagues away to the south.’\nSo they encourage kindness and sympathy for some creatures and not others.\nOn the sabbath, they encourage their disciple:\n‘Please, my man, take off all your clothes and say:\n“I don’t belong to anyone anywhere! And nothing belongs to me anywhere!”’\nBut their mother and father still know,\n‘This is our child.’\nAnd they know,\n‘This is my mother and father.’\nPartner and child still know,\n‘This is our supporter.’\nAnd they know,\n‘This is my partner and child.’\nBondservants, workers, and staff still know:\n‘This is our master.’\nAnd they know,\n‘These are my bondservants, workers, and staff.’\nSo, at a time when they should be encouraged to speak the truth, the Jains encourage them to lie.\nThis, I say, is lying.\nWhen the night has passed they use their possessions once more, though they’ve not been given back to them.\nThis, I say, is stealing.\nThat’s the sabbath of the Jains.\nWhen the Jain’s sabbath is observed like this it’s not very fruitful or beneficial or brilliant or bountiful."}},{"id":"an3.70:4","sourceIds":["an3.70:4.1","an3.70:4.2","an3.70:4.3","an3.70:4.4","an3.70:4.5","an3.70:4.6"],"kind":"text","text":{"pi":"Kathañca, visākhe, ariyuposatho hoti?\nUpakkiliṭṭhassa, visākhe, cittassa upakkamena pariyodapanā hoti.\nKathañca, visākhe, upakkiliṭṭhassa cittassa upakkamena pariyodapanā hoti?\nIdha, visākhe, ariyasāvako tathāgataṁ anussarati:\n‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’ti.\nTassa tathāgataṁ anussarato cittaṁ pasīdati, pāmojjaṁ uppajjati, ye cittassa upakkilesā te pahīyanti, seyyathāpi, visākhe, upakkiliṭṭhassa sīsassa upakkamena pariyodapanā hoti.","en":"And what is the sabbath of the noble ones?\nA corrupt mind is cleaned by exertion.\nAnd how is a corrupt mind cleaned by exertion?\nIt’s when a noble disciple recollects the Realized One:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’\nAs they recollect the Realized One, their mind becomes clear, joy arises, and mental corruptions are given up. It’s just like cleaning a dirty head by exertion."}},{"id":"an3.70:5","sourceIds":["an3.70:5.1","an3.70:5.2","an3.70:5.3"],"kind":"text","text":{"pi":"Kathañca, visākhe, upakkiliṭṭhassa sīsassa upakkamena pariyodapanā hoti?\nKakkañca paṭicca mattikañca paṭicca udakañca paṭicca purisassa ca tajjaṁ vāyāmaṁ paṭicca, evaṁ kho, visākhe, upakkiliṭṭhassa sīsassa upakkamena pariyodapanā hoti.\nEvamevaṁ kho, visākhe, upakkiliṭṭhassa cittassa upakkamena pariyodapanā hoti.","en":"And how is a dirty head cleaned by exertion?\nWith cleansing paste, clay, and water, and by applying the appropriate effort.\nIn the same way, a corrupt mind is cleaned by exertion."}},{"id":"an3.70:6","sourceIds":["an3.70:6.1","an3.70:6.2","an3.70:6.3","an3.70:6.4","an3.70:6.5","an3.70:6.6","an3.70:6.7"],"kind":"text","text":{"pi":"Kathañca, visākhe, upakkiliṭṭhassa cittassa upakkamena pariyodapanā hoti?\nIdha, visākhe, ariyasāvako tathāgataṁ anussarati:\n‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’ti.\nTassa tathāgataṁ anussarato cittaṁ pasīdati, pāmojjaṁ uppajjati, ye cittassa upakkilesā te pahīyanti.\nAyaṁ vuccati, visākhe:\n‘ariyasāvako brahmuposathaṁ upavasati, brahmunā saddhiṁ saṁvasati, brahmañcassa ārabbha cittaṁ pasīdati, pāmojjaṁ uppajjati, ye cittassa upakkilesā te pahīyanti’.\nEvaṁ kho, visākhe, upakkiliṭṭhassa cittassa upakkamena pariyodapanā hoti.","en":"And how is a corrupt mind cleaned by exertion?\nIt’s when a noble disciple recollects the Realized One:\n‘That Blessed One is perfected, a fully awakened Buddha, accomplished in knowledge and conduct, holy, knower of the world, supreme guide for those fit for training, teacher of gods and humans, awakened, blessed.’\nAs they recollect the Realized One, their mind becomes clear, joy arises, and mental corruptions are given up.\nThis is called:\n‘A noble disciple who observes the sabbath of the divinity, living together with the divinity. And because they think of the divinity their mind becomes clear, joy arises, and mental corruptions are given up.’\nThat’s how a corrupt mind is cleaned by exertion."}},{"id":"an3.70:7","sourceIds":["an3.70:7.1","an3.70:7.2","an3.70:7.3","an3.70:7.4","an3.70:7.5"],"kind":"text","text":{"pi":"Upakkiliṭṭhassa, visākhe, cittassa upakkamena pariyodapanā hoti.\nKathañca, visākhe, upakkiliṭṭhassa cittassa upakkamena pariyodapanā hoti?\nIdha, visākhe, ariyasāvako dhammaṁ anussarati:\n‘svākkhāto bhagavatā dhammo sandiṭṭhiko akāliko ehipassiko opaneyyiko paccattaṁ veditabbo viññūhī’ti.\nTassa dhammaṁ anussarato cittaṁ pasīdati, pāmojjaṁ uppajjati, ye cittassa upakkilesā te pahīyanti, seyyathāpi, visākhe, upakkiliṭṭhassa kāyassa upakkamena pariyodapanā hoti.","en":"A corrupt mind is cleaned by exertion.\nAnd how is a corrupt mind cleaned by exertion?\nIt’s when a noble disciple recollects the teaching:\n‘The teaching is well explained by the Buddha—apparent in the present life, immediately effective, inviting inspection, relevant, so that sensible people can know it for themselves.’\nAs they recollect the teaching, their mind becomes clear, joy arises, and mental corruptions are given up. It’s just like cleaning a dirty body by exertion."}},{"id":"an3.70:8","sourceIds":["an3.70:8.1","an3.70:8.2","an3.70:8.3","an3.70:8.4"],"kind":"text","text":{"pi":"Kathañca, visākhe, upakkiliṭṭhassa kāyassa upakkamena pariyodapanā hoti?\nSottiñca paṭicca, cuṇṇañca paṭicca, udakañca paṭicca, purisassa ca tajjaṁ vāyāmaṁ paṭicca.\nEvaṁ kho, visākhe, upakkiliṭṭhassa kāyassa upakkamena pariyodapanā hoti.\nEvamevaṁ kho, visākhe, upakkiliṭṭhassa cittassa upakkamena pariyodapanā hoti.","en":"And how is a dirty body cleaned by exertion?\nWith cleanser and powder, water, and by applying the appropriate effort.\nThat’s how a dirty body is cleaned by exertion.\nIn the same way, a corrupt mind is cleaned by exertion."}},{"id":"an3.70:9","sourceIds":["an3.70:9.1","an3.70:9.2","an3.70:9.3","an3.70:9.4","an3.70:9.5","an3.70:9.6"],"kind":"text","text":{"pi":"Kathañca, visākhe, upakkiliṭṭhassa cittassa upakkamena pariyodapanā hoti?\nIdha, visākhe, ariyasāvako dhammaṁ anussarati:\n‘svākkhāto bhagavatā dhammo sandiṭṭhiko akāliko ehipassiko opaneyyiko paccattaṁ veditabbo viññūhī’ti.\nTassa dhammaṁ anussarato cittaṁ pasīdati, pāmojjaṁ uppajjati, ye cittassa upakkilesā te pahīyanti.\nAyaṁ vuccati, visākhe, ‘ariyasāvako dhammuposathaṁ upavasati, dhammena saddhiṁ saṁvasati, dhammañcassa ārabbha cittaṁ pasīdati, pāmojjaṁ uppajjati, ye cittassa upakkilesā te pahīyanti’.\nEvaṁ kho, visākhe, upakkiliṭṭhassa cittassa upakkamena pariyodapanā hoti.","en":"And how is a corrupt mind cleaned by exertion?\nIt’s when a noble disciple recollects the teaching:\n‘The teaching is well explained by the Buddha—apparent in the present life, immediately effective, inviting inspection, relevant, so that sensible people can know it for themselves.’\nAs they recollect the teaching, their mind becomes clear, joy arises, and mental corruptions are given up.\nThis is called: ‘A noble disciple who observes the sabbath of Dhamma, living together with Dhamma. And because they think of the Dhamma their mind becomes clear, joy arises, and mental corruptions are given up.’\nThat’s how a corrupt mind is cleaned by exertion."}},{"id":"an3.70:10","sourceIds":["an3.70:10.1","an3.70:10.2","an3.70:10.3","an3.70:10.4","an3.70:10.5"],"kind":"text","text":{"pi":"Upakkiliṭṭhassa, visākhe, cittassa upakkamena pariyodapanā hoti.\nKathañca, visākhe, upakkiliṭṭhassa cittassa upakkamena pariyodapanā hoti?\nIdha, visākhe, ariyasāvako saṅghaṁ anussarati:\n‘suppaṭipanno bhagavato sāvakasaṅgho, ujuppaṭipanno bhagavato sāvakasaṅgho, ñāyappaṭipanno bhagavato sāvakasaṅgho, sāmīcippaṭipanno bhagavato sāvakasaṅgho, yadidaṁ cattāri purisayugāni aṭṭha purisapuggalā esa bhagavato sāvakasaṅgho āhuneyyo pāhuneyyo dakkhiṇeyyo añjalikaraṇīyo anuttaraṁ puññakkhettaṁ lokassā’ti.\nTassa saṅghaṁ anussarato cittaṁ pasīdati, pāmojjaṁ uppajjati, ye cittassa upakkilesā te pahīyanti, seyyathāpi, visākhe, upakkiliṭṭhassa vatthassa upakkamena pariyodapanā hoti.","en":"A corrupt mind is cleaned by exertion.\nAnd how is a corrupt mind cleaned by exertion?\nIt’s when a noble disciple recollects the Saṅgha:\n‘The Saṅgha of the Buddha’s disciples is practicing the way that’s good, direct, systematic, and proper. It consists of the four pairs, the eight individual persons. This is the Saṅgha of the Buddha’s disciples that is worthy of offerings dedicated to the gods, worthy of hospitality, worthy of a religious donation, worthy of greeting with cupped palms, and is the supreme field of merit for the world.’\nAs they recollect the Saṅgha, their mind becomes clear, joy arises, and mental corruptions are given up. It’s just like cleaning a dirty cloth by exertion."}},{"id":"an3.70:11","sourceIds":["an3.70:11.1","an3.70:11.2","an3.70:11.3","an3.70:11.4"],"kind":"text","text":{"pi":"Kathañca, visākhe, upakkiliṭṭhassa vatthassa upakkamena pariyodapanā hoti?\nUsmañca paṭicca, khārañca paṭicca, gomayañca paṭicca, udakañca paṭicca, purisassa ca tajjaṁ vāyāmaṁ paṭicca.\nEvaṁ kho, visākhe, upakkiliṭṭhassa vatthassa upakkamena pariyodapanā hoti.\nEvamevaṁ kho, visākhe, upakkiliṭṭhassa cittassa upakkamena pariyodapanā hoti.","en":"And how is a dirty cloth cleaned by applying effort?\nWith salt, lye, cow dung, and water, and by applying the appropriate effort.\nThat’s how a dirty cloth is cleaned by exertion.\nIn the same way, a corrupt mind is cleaned by exertion."}},{"id":"an3.70:12","sourceIds":["an3.70:12.1","an3.70:12.2","an3.70:12.3","an3.70:12.4","an3.70:12.5","an3.70:12.6"],"kind":"text","text":{"pi":"Kathañca, visākhe, upakkiliṭṭhassa cittassa upakkamena pariyodapanā hoti?\nIdha, visākhe, ariyasāvako saṅghaṁ anussarati:\n‘suppaṭipanno bhagavato sāvakasaṅgho …pe… anuttaraṁ puññakkhettaṁ lokassā’ti.\nTassa saṅghaṁ anussarato cittaṁ pasīdati, pāmojjaṁ uppajjati, ye cittassa upakkilesā te pahīyanti.\nAyaṁ vuccati, visākhe, ‘ariyasāvako saṅghuposathaṁ upavasati, saṅghena saddhiṁ saṁvasati, saṅghañcassa ārabbha cittaṁ pasīdati, pāmojjaṁ uppajjati, ye cittassa upakkilesā te pahīyanti’.\nEvaṁ kho, visākhe, upakkiliṭṭhassa cittassa upakkamena pariyodapanā hoti.","en":"And how is a corrupt mind cleaned by exertion?\nIt’s when a noble disciple recollects the Saṅgha:\n‘The Saṅgha of the Buddha’s disciples is practicing the way that’s good, direct, systematic, and proper. It consists of the four pairs, the eight individual persons. This Saṅgha of the Buddha’s disciples is worthy of offerings dedicated to the gods, worthy of hospitality, worthy of a religious donation, and worthy of veneration with cupped palms. It is the supreme field of merit for the world.’\nAs they recollect the Saṅgha, their mind becomes clear, joy arises, and mental corruptions are given up.\nThis is called: ‘A noble disciple who observes the sabbath of the Saṅgha, living together with the Saṅgha. And because they think of the Saṅgha their mind becomes clear, joy arises, and mental corruptions are given up.’\nThat’s how a corrupt mind is cleaned by exertion."}},{"id":"an3.70:13","sourceIds":["an3.70:13.1","an3.70:13.2","an3.70:13.3","an3.70:13.4"],"kind":"text","text":{"pi":"Upakkiliṭṭhassa, visākhe, cittassa upakkamena pariyodapanā hoti.\nKathañca, visākhe, upakkiliṭṭhassa cittassa upakkamena pariyodapanā hoti?\nIdha, visākhe, ariyasāvako attano sīlāni anussarati akhaṇḍāni acchiddāni asabalāni akammāsāni bhujissāni viññuppasatthāni aparāmaṭṭhāni samādhisaṁvattanikāni.\nTassa sīlaṁ anussarato cittaṁ pasīdati, pāmojjaṁ uppajjati, ye cittassa upakkilesā te pahīyanti, seyyathāpi, visākhe, upakkiliṭṭhassa ādāsassa upakkamena pariyodapanā hoti.","en":"A corrupt mind is cleaned by exertion.\nAnd how is a corrupt mind cleaned by exertion?\nIt’s when a noble disciple recollects their own ethical precepts, which are intact, impeccable, spotless, and unmarred, liberating, praised by sensible people, not mistaken, and leading to immersion.\nAs they recollect their ethical conduct, their mind becomes clear, joy arises, and mental corruptions are given up. It’s just like cleaning a dirty mirror by exertion."}},{"id":"an3.70:14","sourceIds":["an3.70:14.1","an3.70:14.2","an3.70:14.3","an3.70:14.4"],"kind":"text","text":{"pi":"Kathañca, visākhe, upakkiliṭṭhassa ādāsassa upakkamena pariyodapanā hoti?\nTelañca paṭicca, chārikañca paṭicca, vālaṇḍupakañca paṭicca, purisassa ca tajjaṁ vāyāmaṁ paṭicca.\nEvaṁ kho, visākhe, upakkiliṭṭhassa ādāsassa upakkamena pariyodapanā hoti.\nEvamevaṁ kho, visākhe, upakkiliṭṭhassa cittassa upakkamena pariyodapanā hoti.","en":"And how is a dirty mirror cleaned by exertion?\nWith oil, ash, a rolled-up cloth, and by applying the appropriate effort.\nThat’s how a dirty mirror is cleaned by exertion.\nIn the same way, a corrupt mind is cleaned by exertion."}},{"id":"an3.70:15","sourceIds":["an3.70:15.1","an3.70:15.2","an3.70:15.3","an3.70:15.4","an3.70:15.5"],"kind":"text","text":{"pi":"Kathañca, visākhe, upakkiliṭṭhassa cittassa upakkamena pariyodapanā hoti?\nIdha, visākhe, ariyasāvako attano sīlāni anussarati akhaṇḍāni …pe… samādhisaṁvattanikāni.\nTassa sīlaṁ anussarato cittaṁ pasīdati, pāmojjaṁ uppajjati, ye cittassa upakkilesā te pahīyanti.\nAyaṁ vuccati, visākhe, ‘ariyasāvako sīluposathaṁ upavasati, sīlena saddhiṁ saṁvasati, sīlañcassa ārabbha cittaṁ pasīdati, pāmojjaṁ uppajjati, ye cittassa upakkilesā te pahīyanti’.\nEvaṁ kho, visākhe, upakkiliṭṭhassa cittassa upakkamena pariyodapanā hoti.","en":"And how is a corrupt mind cleaned by exertion?\nIt’s when a noble disciple recollects their own ethical precepts, which are intact, impeccable, spotless, and unmarred, liberating, praised by sensible people, not mistaken, and leading to immersion.\nAs they recollect their ethical conduct, their mind becomes clear, joy arises, and mental corruptions are given up.\nThis is called: ‘A noble disciple who observes the sabbath of ethical conduct, living together with ethics. And because they think of their ethical conduct their mind becomes clear, joy arises, and mental corruptions are given up.’\nThat’s how a corrupt mind is cleaned by exertion."}},{"id":"an3.70:16","sourceIds":["an3.70:16.1","an3.70:16.2","an3.70:16.3","an3.70:16.4","an3.70:16.5","an3.70:16.6","an3.70:16.7","an3.70:16.8","an3.70:16.9","an3.70:16.10"],"kind":"text","text":{"pi":"Upakkiliṭṭhassa, visākhe, cittassa upakkamena pariyodapanā hoti.\nKathañca, visākhe, upakkiliṭṭhassa cittassa upakkamena pariyodapanā hoti?\nIdha, visākhe, ariyasāvako devatā anussarati:\n‘santi devā cātumahārājikā, santi devā tāvatiṁsā, santi devā yāmā, santi devā tusitā, santi devā nimmānaratino, santi devā paranimmitavasavattino, santi devā brahmakāyikā, santi devā tatuttari.\nYathārūpāya saddhāya samannāgatā tā devatā ito cutā tatthupapannā, mayhampi tathārūpā saddhā saṁvijjati.\nYathārūpena sīlena samannāgatā tā devatā ito cutā tatthupapannā, mayhampi tathārūpaṁ sīlaṁ saṁvijjati.\nYathārūpena sutena samannāgatā tā devatā ito cutā tatthupapannā, mayhampi tathārūpaṁ sutaṁ saṁvijjati.\nYathārūpena cāgena samannāgatā tā devatā ito cutā tatthupapannā, mayhampi tathārūpo cāgo saṁvijjati.\nYathārūpāya paññāya samannāgatā tā devatā ito cutā tatthupapannā, mayhampi tathārūpā paññā saṁvijjatī’ti.\nTassa attano ca tāsañca devatānaṁ saddhañca sīlañca sutañca cāgañca paññañca anussarato cittaṁ pasīdati, pāmojjaṁ uppajjati, ye cittassa upakkilesā te pahīyanti, seyyathāpi, visākhe, upakkiliṭṭhassa jātarūpassa upakkamena pariyodapanā hoti.","en":"A corrupt mind is cleaned by exertion.\nAnd how is a corrupt mind cleaned by exertion?\nIt’s when a noble disciple recollects the deities:\n‘There are the gods of the four great kings, the gods of the thirty-three, the gods of Yama, the joyful gods, the gods who love to create, the gods who control what is created by others, the gods of the Divinity’s host, and gods even higher than these.\nWhen those deities passed away from here, they were reborn there because of their faith, ethics, learning, generosity, and wisdom. I, too, have the same kind of faith, ethics, learning, generosity, and wisdom.’\nAs they recollect the faith, ethics, learning, generosity, and wisdom of both themselves and those deities, their mind becomes clear, joy arises, and mental corruptions are given up. It’s just like cleansing corrupt native gold by exertion."}},{"id":"an3.70:17","sourceIds":["an3.70:17.1","an3.70:17.2","an3.70:17.3","an3.70:17.4"],"kind":"text","text":{"pi":"Kathañca, visākhe, upakkiliṭṭhassa jātarūpassa upakkamena pariyodapanā hoti?\nUkkañca paṭicca, loṇañca paṭicca, gerukañca paṭicca, nāḷikasaṇḍāsañca paṭicca, purisassa ca tajjaṁ vāyāmaṁ paṭicca.\nEvaṁ kho, visākhe, upakkiliṭṭhassa jātarūpassa upakkamena pariyodapanā hoti.\nEvamevaṁ kho, visākhe, upakkiliṭṭhassa cittassa upakkamena pariyodapanā hoti.","en":"And how is corrupt native gold cleansed by applying effort?\nWith a furnace, flux, a blowpipe, and tongs, and by applying the appropriate effort.\nThat’s how corrupt native gold is cleansed by exertion.\nIn the same way, a corrupt mind is cleaned by applying effort."}},{"id":"an3.70:18","sourceIds":["an3.70:18.1","an3.70:18.2","an3.70:18.3","an3.70:18.4","an3.70:18.5","an3.70:18.6","an3.70:18.7","an3.70:18.8","an3.70:18.9","an3.70:18.10","an3.70:18.11"],"kind":"text","text":{"pi":"Kathañca, visākhe, upakkiliṭṭhassa cittassa upakkamena pariyodapanā hoti?\nIdha, visākhe, ariyasāvako devatā anussarati:\n‘santi devā cātumahārājikā, santi devā tāvatiṁsā …pe… santi devā tatuttari.\nYathārūpāya saddhāya samannāgatā tā devatā ito cutā tatthupapannā, mayhampi tathārūpā saddhā saṁvijjati.\nYathārūpena sīlena …\nsutena …\ncāgena …\npaññāya samannāgatā tā devatā ito cutā tatthupapannā, mayhampi tathārūpā paññā saṁvijjatī’ti.\nTassa attano ca tāsañca devatānaṁ saddhañca sīlañca sutañca cāgañca paññañca anussarato cittaṁ pasīdati, pāmojjaṁ uppajjati, ye cittassa upakkilesā te pahīyanti.\nAyaṁ vuccati, visākhe, ‘ariyasāvako devatuposathaṁ upavasati, devatāhi saddhiṁ saṁvasati, devatā ārabbha cittaṁ pasīdati, pāmojjaṁ uppajjati, ye cittassa upakkilesā te pahīyanti’.\nEvaṁ kho, visākhe, upakkiliṭṭhassa cittassa upakkamena pariyodapanā hoti.","en":"And how is a corrupt mind cleaned by exertion?\nIt’s when a noble disciple recollects the deities:\n‘There are the gods of the four great kings, the gods of the thirty-three, the gods of Yama, the joyful gods, the gods who love to imagine, the gods who control what is imagined by others, the gods of the Divinity’s host, and gods even higher than these.\nWhen those deities passed away from here, they were reborn there because of their faith, ethics, learning, generosity, and wisdom. I, too, have the same kind of faith, ethics, learning, generosity, and wisdom.’\nAs they recollect the faith, ethics, learning, generosity, and wisdom of both themselves and those deities, their mind becomes clear, joy arises, and mental corruptions are given up.\nThis is called: ‘A noble disciple who observes the sabbath of the deities, living together with the deities. And because they think of the deities their mind becomes clear, joy arises, and mental corruptions are given up.’\nThat’s how a corrupt mind is cleaned by applying effort."}},{"id":"an3.70:19","sourceIds":["an3.70:19.1","an3.70:19.2","an3.70:19.3","an3.70:19.4"],"kind":"text","text":{"pi":"Sa kho so, visākhe, ariyasāvako iti paṭisañcikkhati:\n‘yāvajīvaṁ arahanto pāṇātipātaṁ pahāya pāṇātipātā paṭiviratā nihitadaṇḍā nihitasatthā lajjī dayāpannā sabbapāṇabhūtahitānukampī viharanti;\nahampajja imañca rattiṁ imañca divasaṁ pāṇātipātaṁ pahāya pāṇātipātā paṭivirato nihitadaṇḍo nihitasattho lajjī dayāpanno sabbapāṇabhūtahitānukampī viharāmi.\nImināpi aṅgena arahataṁ anukaromi, uposatho ca me upavuttho bhavissati.","en":"Then that noble disciple reflects:\n‘As long as they live, the perfected ones give up killing living creatures, renouncing the rod and the sword. They are scrupulous and kind, and live full of sympathy for all living beings.\nI, too, for this day and night will give up killing living creatures, renouncing the rod and the sword. I’ll be scrupulous and kind, and live full of sympathy for all living beings.\nI will observe the sabbath by doing as the perfected ones do in this respect."}},{"id":"an3.70:20","sourceIds":["an3.70:20.1","an3.70:20.2","an3.70:20.3"],"kind":"text","text":{"pi":"Yāvajīvaṁ arahanto adinnādānaṁ pahāya adinnādānā paṭiviratā dinnādāyī dinnapāṭikaṅkhī, athenena sucibhūtena attanā viharanti;\nahampajja imañca rattiṁ imañca divasaṁ adinnādānaṁ pahāya adinnādānā paṭivirato dinnādāyī dinnapāṭikaṅkhī, athenena sucibhūtena attanā viharāmi.\nImināpi aṅgena arahataṁ anukaromi, uposatho ca me upavuttho bhavissati.","en":"As long as they live, the perfected ones give up stealing. They take only what’s given, and expect only what’s given. They keep themselves clean by not thieving.\nI, too, for this day and night will give up stealing. I’ll take only what’s given, and expect only what’s given. I’ll keep myself clean by not thieving.\nI will observe the sabbath by doing as the perfected ones do in this respect."}},{"id":"an3.70:21","sourceIds":["an3.70:21.1","an3.70:21.2","an3.70:21.3"],"kind":"text","text":{"pi":"Yāvajīvaṁ arahanto abrahmacariyaṁ pahāya brahmacārī ārācārī viratā methunā gāmadhammā;\nahampajja imañca rattiṁ imañca divasaṁ abrahmacariyaṁ pahāya brahmacārī ārācārī virato methunā gāmadhammā.\nImināpi aṅgena arahataṁ anukaromi, uposatho ca me upavuttho bhavissati.","en":"As long as they live, the perfected ones give up unchastity. They are chaste, set apart, refraining from the vulgar act of sex.\nI, too, for this day and night will give up unchastity. I will be chaste, set apart, refraining from the vulgar act of sex.\nI will observe the sabbath by doing as the perfected ones do in this respect."}},{"id":"an3.70:22","sourceIds":["an3.70:22.1","an3.70:22.2","an3.70:22.3"],"kind":"text","text":{"pi":"Yāvajīvaṁ arahanto musāvādaṁ pahāya musāvādā paṭiviratā saccavādī saccasandhā thetā paccayikā avisaṁvādakā lokassa;\nahampajja imañca rattiṁ imañca divasaṁ musāvādaṁ pahāya musāvādā paṭivirato saccavādī saccasandho theto paccayiko avisaṁvādako lokassa.\nImināpi aṅgena arahataṁ anukaromi, uposatho ca me upavuttho bhavissati.","en":"As long as they live, the perfected ones give up lying. They speak the truth and stick to the truth. They’re honest and dependable, and don’t trick the world with their words.\nI, too, for this day and night will give up lying. I’ll speak the truth and stick to the truth. I’ll be honest and dependable, and won’t trick the world with my words.\nI will observe the sabbath by doing as the perfected ones do in this respect."}},{"id":"an3.70:23","sourceIds":["an3.70:23.1","an3.70:23.2","an3.70:23.3"],"kind":"text","text":{"pi":"Yāvajīvaṁ arahanto surāmerayamajjapamādaṭṭhānaṁ pahāya surāmerayamajjapamādaṭṭhānā paṭiviratā;\nahampajja imañca rattiṁ imañca divasaṁ surāmerayamajjapamādaṭṭhānaṁ pahāya surāmerayamajjapamādaṭṭhānā paṭivirato.\nImināpi aṅgena arahataṁ anukaromi, uposatho ca me upavuttho bhavissati.","en":"As long as they live, the perfected ones give up intoxicants of beer, wine, and liquor.\nI, too, for this day and night will give up intoxicants of beer, wine, and liquor.\nI will observe the sabbath by doing as the perfected ones do in this respect."}},{"id":"an3.70:24","sourceIds":["an3.70:24.1","an3.70:24.2","an3.70:24.3"],"kind":"text","text":{"pi":"Yāvajīvaṁ arahanto ekabhattikā rattūparatā viratā vikālabhojanā;\nahampajja imañca rattiṁ imañca divasaṁ ekabhattiko rattūparato virato vikālabhojanā.\nImināpi aṅgena arahataṁ anukaromi, uposatho ca me upavuttho bhavissati.","en":"As long as they live, the perfected ones eat in one part of the day, abstaining from eating at night and from food at the wrong time.\nI, too, for this day and night will eat in one part of the day, abstaining from eating at night and food at the wrong time.\nI will observe the sabbath by doing as the perfected ones do in this respect."}},{"id":"an3.70:25","sourceIds":["an3.70:25.1","an3.70:25.2","an3.70:25.3"],"kind":"text","text":{"pi":"Yāvajīvaṁ arahanto naccagītavāditavisūkadassanamālāgandhavilepanadhāraṇamaṇḍanavibhūsanaṭṭhānā paṭiviratā;\nahampajja imañca rattiṁ imañca divasaṁ naccagītavāditavisūkadassanamālāgandhavilepanadhāraṇamaṇḍanavibhūsanaṭṭhānā paṭivirato.\nImināpi aṅgena arahataṁ anukaromi, uposatho ca me upavuttho bhavissati.","en":"As long as they live, the perfected ones refrain from seeing shows of dancing, singing, and music; and attiring and adorning themselves with garlands, fragrance, and makeup.\nI, too, for this day and night will refrain from seeing shows of dancing, singing, and music; and attiring and adorning myself with garlands, fragrance, and makeup.\nI will observe the sabbath by doing as the perfected ones do in this respect."}},{"id":"an3.70:26","sourceIds":["an3.70:26.1","an3.70:26.2","an3.70:26.3"],"kind":"text","text":{"pi":"Yāvajīvaṁ arahanto uccāsayanamahāsayanaṁ pahāya uccāsayanamahāsayanā paṭiviratā nīcaseyyaṁ kappenti mañcake vā tiṇasanthārake vā;\nahampajja imañca rattiṁ imañca divasaṁ uccāsayanamahāsayanaṁ pahāya uccāsayanamahāsayanā paṭivirato nīcaseyyaṁ kappemi mañcake vā tiṇasanthārake vā.\nImināpi aṅgena arahataṁ anukaromi, uposatho ca me upavuttho bhavissatī’ti.","en":"As long as they live, the perfected ones give up high and luxurious beds. They sleep in a low place, either a cot or a grass mat.\nI, too, for this day and night will give up high and luxurious beds. I’ll sleep in a low place, either a cot or a grass mat.\nI will observe the sabbath by doing as the perfected ones do in this respect.’"}},{"id":"an3.70:27","sourceIds":["an3.70:27.1","an3.70:27.2"],"kind":"text","text":{"pi":"Evaṁ kho, visākhe, ariyuposatho hoti.\nEvaṁ upavuttho kho, visākhe, ariyuposatho mahapphalo hoti mahānisaṁso mahājutiko mahāvipphāro.","en":"That’s the sabbath of the noble ones.\nWhen the sabbath of the noble ones is observed like this it’s very fruitful and beneficial and brilliant and bountiful."}},{"id":"an3.70:28","sourceIds":["an3.70:28.1","an3.70:28.2","an3.70:28.3","an3.70:28.4","an3.70:28.5"],"kind":"text","text":{"pi":"Kīvamahapphalo hoti kīvamahānisaṁso kīvamahājutiko kīvamahāvipphāro?\nSeyyathāpi, visākhe, yo imesaṁ soḷasannaṁ mahājanapadānaṁ pahūtarattaratanānaṁ issariyādhipaccaṁ rajjaṁ kāreyya, seyyathidaṁ—\naṅgānaṁ, magadhānaṁ, kāsīnaṁ, kosalānaṁ, vajjīnaṁ, mallānaṁ, cetīnaṁ, vaṅgānaṁ, kurūnaṁ, pañcālānaṁ, macchānaṁ, sūrasenānaṁ, assakānaṁ, avantīnaṁ, gandhārānaṁ, kambojānaṁ, aṭṭhaṅgasamannāgatassa uposathassa etaṁ kalaṁ nāgghati soḷasiṁ.\nTaṁ kissa hetu?\nKapaṇaṁ, visākhe, mānusakaṁ rajjaṁ dibbaṁ sukhaṁ upanidhāya.","en":"How much so?\nSuppose you were to rule as sovereign lord over these sixteen great countries—Aṅga, Magadha, Kāsi, Kosala, Vajji, Malla, Cetī, Vaccha, Kuru, Pañcāla, Maccha, Sūrasena, Assaka, Avanti, Gandhāra, and Persia—full of the seven treasures.\nThis wouldn’t be worth a sixteenth part of the sabbath with its eight factors.\nWhy is that?\nBecause human kingship is a poor thing compared to the happiness of the gods."}},{"id":"an3.70:29","sourceIds":["an3.70:29.1","an3.70:29.2","an3.70:29.3","an3.70:29.4","an3.70:29.5","an3.70:29.6","an3.70:29.7"],"kind":"text","text":{"pi":"Yāni, visākhe, mānusakāni paññāsa vassāni, cātumahārājikānaṁ devānaṁ eso eko rattindivo.\nTāya rattiyā tiṁsarattiyo māso.\nTena māsena dvādasamāsiyo saṁvaccharo.\nTena saṁvaccharena dibbāni pañca vassasatāni cātumahārājikānaṁ devānaṁ āyuppamāṇaṁ.\nṬhānaṁ kho panetaṁ, visākhe, vijjati yaṁ idhekacco itthī vā puriso vā aṭṭhaṅgasamannāgataṁ uposathaṁ upavasitvā kāyassa bhedā paraṁ maraṇā cātumahārājikānaṁ devānaṁ sahabyataṁ upapajjeyya.\nIdaṁ kho panetaṁ, visākhe, sandhāya bhāsitaṁ:\n‘kapaṇaṁ mānusakaṁ rajjaṁ dibbaṁ sukhaṁ upanidhāya’.","en":"Fifty years in the human realm is one day and night for the gods of the four great kings.\nThirty such days make up a month.\nTwelve such months make up a year.\nThe lifespan of the gods of the four great kings is five hundred of these heavenly years.\nIt’s possible that some woman or man who has observed the eight-factored sabbath will—when their body breaks up, after death—be reborn in the company of the gods of the four great kings.\nThis is what I was referring to when I said:\n‘Human kingship is a poor thing compared to the happiness of the gods.’"}},{"id":"an3.70:30","sourceIds":["an3.70:30.1","an3.70:30.2","an3.70:30.3","an3.70:30.4","an3.70:30.5","an3.70:30.6","an3.70:30.7"],"kind":"text","text":{"pi":"Yaṁ, visākhe, mānusakaṁ vassasataṁ, tāvatiṁsānaṁ devānaṁ eso eko rattindivo.\nTāya rattiyā tiṁsarattiyo māso.\nTena māsena dvādasamāsiyo saṁvaccharo.\nTena saṁvaccharena dibbaṁ vassasahassaṁ tāvatiṁsānaṁ devānaṁ āyuppamāṇaṁ.\nṬhānaṁ kho panetaṁ, visākhe, vijjati yaṁ idhekacco itthī vā puriso vā aṭṭhaṅgasamannāgataṁ uposathaṁ upavasitvā kāyassa bhedā paraṁ maraṇā tāvatiṁsānaṁ devānaṁ sahabyataṁ upapajjeyya.\nIdaṁ kho panetaṁ, visākhe, sandhāya bhāsitaṁ:\n‘kapaṇaṁ mānusakaṁ rajjaṁ dibbaṁ sukhaṁ upanidhāya’.","en":"A hundred years in the human realm is one day and night for the gods of the thirty-three.\nThirty such days make up a month.\nTwelve such months make up a year.\nThe lifespan of the gods of the thirty-three is a thousand of these heavenly years.\nIt’s possible that some woman or man who has observed the eight-factored sabbath will—when their body breaks up, after death—be reborn in the company of the gods of the thirty-three.\nThis is what I was referring to when I said:\n‘Human kingship is a poor thing compared to the happiness of the gods.’"}},{"id":"an3.70:31","sourceIds":["an3.70:31.1","an3.70:31.2","an3.70:31.3","an3.70:31.4","an3.70:31.5","an3.70:31.6","an3.70:31.7"],"kind":"text","text":{"pi":"Yāni, visākhe, mānusakāni dve vassasatāni, yāmānaṁ devānaṁ eso eko rattindivo.\nTāya rattiyā tiṁsarattiyo māso.\nTena māsena dvādasamāsiyo saṁvaccharo.\nTena saṁvaccharena dibbāni dve vassasahassāni yāmānaṁ devānaṁ āyuppamāṇaṁ.\nṬhānaṁ kho panetaṁ, visākhe, vijjati yaṁ idhekacco itthī vā puriso vā aṭṭhaṅgasamannāgataṁ uposathaṁ upavasitvā kāyassa bhedā paraṁ maraṇā yāmānaṁ devānaṁ sahabyataṁ upapajjeyya.\nIdaṁ kho panetaṁ, visākhe, sandhāya bhāsitaṁ:\n‘kapaṇaṁ mānusakaṁ rajjaṁ dibbaṁ sukhaṁ upanidhāya’.","en":"Two hundred years in the human realm is one day and night for the gods of Yama.\nThirty such days make up a month.\nTwelve such months make up a year.\nThe lifespan of the gods of Yama is two thousand of these heavenly years.\nIt’s possible that some woman or man who has observed the eight-factored sabbath will—when their body breaks up, after death—be reborn in the company of the gods of Yama.\nThis is what I was referring to when I said:\n‘Human kingship is a poor thing compared to the happiness of the gods.’"}},{"id":"an3.70:32","sourceIds":["an3.70:32.1","an3.70:32.2","an3.70:32.3","an3.70:32.4","an3.70:32.5","an3.70:32.6","an3.70:32.7"],"kind":"text","text":{"pi":"Yāni, visākhe, mānusakāni cattāri vassasatāni, tusitānaṁ devānaṁ eso eko rattindivo.\nTāya rattiyā tiṁsarattiyo māso.\nTena māsena dvādasamāsiyo saṁvaccharo.\nTena saṁvaccharena dibbāni cattāri vassasahassāni tusitānaṁ devānaṁ āyuppamāṇaṁ.\nṬhānaṁ kho panetaṁ, visākhe, vijjati yaṁ idhekacco itthī vā puriso vā aṭṭhaṅgasamannāgataṁ uposathaṁ upavasitvā kāyassa bhedā paraṁ maraṇā tusitānaṁ devānaṁ sahabyataṁ upapajjeyya.\nIdaṁ kho panetaṁ, visākhe, sandhāya bhāsitaṁ:\n‘kapaṇaṁ mānusakaṁ rajjaṁ dibbaṁ sukhaṁ upanidhāya’.","en":"Four hundred years in the human realm is one day and night for the joyful gods.\nThirty such days make up a month.\nTwelve such months make up a year.\nThe lifespan of the joyful gods is four thousand of these heavenly years.\nIt’s possible that some woman or man who has observed the eight-factored sabbath will—when their body breaks up, after death—be reborn in the company of the joyful gods.\nThis is what I was referring to when I said:\n‘Human kingship is a poor thing compared to the happiness of the gods.’"}},{"id":"an3.70:33","sourceIds":["an3.70:33.1","an3.70:33.2","an3.70:33.3","an3.70:33.4","an3.70:33.5","an3.70:33.6","an3.70:33.7"],"kind":"text","text":{"pi":"Yāni, visākhe, mānusakāni aṭṭha vassasatāni, nimmānaratīnaṁ devānaṁ eso eko rattindivo.\nTāya rattiyā tiṁsarattiyo māso.\nTena māsena dvādasamāsiyo saṁvaccharo.\nTena saṁvaccharena dibbāni aṭṭha vassasahassāni nimmānaratīnaṁ devānaṁ āyuppamāṇaṁ.\nṬhānaṁ kho panetaṁ, visākhe, vijjati yaṁ idhekacco itthī vā puriso vā aṭṭhaṅgasamannāgataṁ uposathaṁ upavasitvā kāyassa bhedā paraṁ maraṇā nimmānaratīnaṁ devānaṁ sahabyataṁ upapajjeyya.\nIdaṁ kho panetaṁ, visākhe, sandhāya bhāsitaṁ:\n‘kapaṇaṁ mānusakaṁ rajjaṁ dibbaṁ sukhaṁ upanidhāya’.","en":"Eight hundred years in the human realm is one day and night for the gods who love to create.\nThirty such days make up a month.\nTwelve such months make up a year.\nThe lifespan of the gods who love to create is eight thousand of these heavenly years.\nIt’s possible that some woman or man who has observed the eight-factored sabbath will—when their body breaks up, after death—be reborn in the company of the gods who love to create.\nThis is what I was referring to when I said:\n‘Human kingship is a poor thing compared to the happiness of the gods.’"}},{"id":"an3.70:34","sourceIds":["an3.70:34.1","an3.70:34.2","an3.70:34.3","an3.70:34.4","an3.70:34.5","an3.70:34.6","an3.70:34.7"],"kind":"text","text":{"pi":"Yāni, visākhe, mānusakāni soḷasa vassasatāni, paranimmitavasavattīnaṁ devānaṁ eso eko rattindivo.\nTāya rattiyā tiṁsarattiyo māso.\nTena māsena dvādasamāsiyo saṁvaccharo.\nTena saṁvaccharena dibbāni soḷasa vassasahassāni paranimmitavasavattīnaṁ devānaṁ āyuppamāṇaṁ.\nṬhānaṁ kho panetaṁ, visākhe, vijjati yaṁ idhekacco itthī vā puriso vā aṭṭhaṅgasamannāgataṁ uposathaṁ upavasitvā kāyassa bhedā paraṁ maraṇā paranimmitavasavattīnaṁ devānaṁ sahabyataṁ upapajjeyya.\nIdaṁ kho panetaṁ, visākhe, sandhāya bhāsitaṁ:\n‘kapaṇaṁ mānusakaṁ rajjaṁ dibbaṁ sukhaṁ upanidhāyā’ti.","en":"Sixteen hundred years in the human realm is one day and night for the gods who control what is created by others.\nThirty such days make up a month.\nTwelve such months make up a year.\nThe lifespan of the gods who control what is created by others is sixteen thousand of these heavenly years.\nIt’s possible that some woman or man who has observed the eight-factored sabbath will—when their body breaks up, after death—be reborn in the company of the gods who control what is created by others.\nThis is what I was referring to when I said:\n‘Human kingship is a poor thing compared to the happiness of the gods.’"}},{"id":"an3.70:35","sourceIds":["an3.70:35.1","an3.70:35.2","an3.70:35.3","an3.70:35.4"],"kind":"text","text":{"pi":"Pāṇaṁ na haññe na cadinnamādiye,\nMusā na bhāse na ca majjapo siyā;\nAbrahmacariyā virameyya methunā,\nRattiṁ na bhuñjeyya vikālabhojanaṁ.","en":"You shouldn’t kill living creatures, or steal,\nor lie, or drink liquor.\nBe chaste, refraining from sex,\nand don’t eat at night, the wrong time."}},{"id":"an3.70:36","sourceIds":["an3.70:36.1","an3.70:36.2","an3.70:36.3","an3.70:36.4"],"kind":"text","text":{"pi":"Mālaṁ na dhāre na ca gandhamācare,\nMañce chamāyaṁ va sayetha santhate;\nEtañhi aṭṭhaṅgikamāhuposathaṁ,\nBuddhena dukkhantagunā pakāsitaṁ.","en":"Not wearing garlands or applying fragrance,\nyou should sleep on a low bed, or a mat on the ground.\nThis is the eight-factored sabbath, they say,\nrevealed by the Buddha, who has gone to suffering’s end."}},{"id":"an3.70:37","sourceIds":["an3.70:37.1","an3.70:37.2","an3.70:37.3","an3.70:37.4"],"kind":"text","text":{"pi":"Cando ca suriyo ca ubho sudassanā,\nObhāsayaṁ anupariyanti yāvatā;\nTamonudā te pana antalikkhagā,\nNabhe pabhāsanti disāvirocanā.","en":"The moon and sun are both fair to see,\nradiating as far as they revolve.\nThose dispellers of darkness, travelers in midair,\nshine in the firmament, dazzling the quarters."}},{"id":"an3.70:38","sourceIds":["an3.70:38.1","an3.70:38.2","an3.70:38.3","an3.70:38.4"],"kind":"text","text":{"pi":"Etasmiṁ yaṁ vijjati antare dhanaṁ,\nMuttā maṇi veḷuriyañca bhaddakaṁ;\nSiṅgī suvaṇṇaṁ atha vāpi kañcanaṁ,\nYaṁ jātarūpaṁ haṭakanti vuccati.","en":"All of the wealth that’s found in this realm—\npearls, gems, fine beryl too,\nmountain gold or lustrous gold,\nor the native gold called ‘coruscant’—"}},{"id":"an3.70:39","sourceIds":["an3.70:39.1","an3.70:39.2","an3.70:39.3"],"kind":"text","text":{"pi":"Aṭṭhaṅgupetassa uposathassa,\nKalampi te nānubhavanti soḷasiṁ;\nCandappabhā tāragaṇā ca sabbe.","en":"they’re not worth a sixteenth part\nof the sabbath with its eight factors,\nas starlight cannot rival the moon."}},{"id":"an3.70:40","sourceIds":["an3.70:40.1","an3.70:40.2","an3.70:40.3","an3.70:40.4","an3.70:40.5","an3.70:40.6"],"kind":"text","text":{"pi":"Tasmā hi nārī ca naro ca sīlavā,\nAṭṭhaṅgupetaṁ upavassuposathaṁ;\nPuññāni katvāna sukhudrayāni,\nAninditā saggamupenti ṭhānan”ti.\nDasamaṁ.\nMahāvaggo sattamo.","en":"So an ethical woman or man,\nwho has observed the eight-factored sabbath,\nhaving made merit whose outcome is happiness,\nblameless, they go to a heavenly place.”"}},{"id":"an3.70:41","sourceIds":["an3.70:41.0","an3.70:41.1","an3.70:41.2","an3.70:41.3","an3.70:41.4"],"kind":"text","text":{"pi":"Tassuddānaṁ\nTitthabhayañca venāgo,\nsarabho kesamuttiyā;\nSāḷho cāpi kathāvatthu,\ntitthiyamūluposathoti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.70/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}