{"id":"an3.98","title":"The Thoroughbred (3rd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an3.98","title":"The Thoroughbred (3rd)","units":[{"id":"an3.98:0","sourceIds":["an3.98:0.1","an3.98:0.2","an3.98:0.3"],"kind":"text","text":{"pi":"Aṅguttara Nikāya 3.98\n10. Loṇakapallavagga\nTatiyaājānīyasutta","en":"Numbered Discourses 3.98\n10. A Lump of Salt\nThe Thoroughbred (3rd)"}},{"id":"an3.98:1","sourceIds":["an3.98:1.1","an3.98:1.2","an3.98:1.3","an3.98:1.4","an3.98:1.5","an3.98:1.6","an3.98:1.7"],"kind":"text","text":{"pi":"“Tīhi, bhikkhave, aṅgehi samannāgato rañño bhadro assājānīyo rājāraho hoti rājabhoggo, rañño aṅganteva saṅkhayaṁ gacchati.\nKatamehi tīhi?\nIdha, bhikkhave, rañño bhadro assājānīyo vaṇṇasampanno ca hoti balasampanno ca javasampanno ca.\nImehi kho, bhikkhave, tīhi aṅgehi samannāgato rañño bhadro assājānīyo rājāraho hoti rājabhoggo, rañño aṅganteva saṅkhyaṁ gacchati.\nEvamevaṁ kho, bhikkhave, tīhi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraṁ puññakkhettaṁ lokassa.\nKatamehi tīhi?\nIdha, bhikkhave, bhikkhu vaṇṇasampanno ca hoti balasampanno ca javasampanno ca.","en":"“Mendicants, a fine royal thoroughbred with three factors is worthy of a king, fit to serve a king, and considered a factor of kingship.\nWhat three?\nIt’s when a fine royal thoroughbred is beautiful, strong, and fast.\nA fine royal thoroughbred with these three factors is worthy of a king. …\nIn the same way, a mendicant with three qualities is worthy of offerings dedicated to the gods, worthy of hospitality, worthy of a religious donation, worthy of veneration with cupped palms, and is the supreme field of merit for the world.\nWhat three?\nIt’s when a mendicant is beautiful, strong, and fast."}},{"id":"an3.98:2","sourceIds":["an3.98:2.1","an3.98:2.2","an3.98:2.3"],"kind":"text","text":{"pi":"Kathañca, bhikkhave, bhikkhu vaṇṇasampanno hoti?\nIdha, bhikkhave, bhikkhu sīlavā hoti, pātimokkhasaṁvarasaṁvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu.\nEvaṁ kho, bhikkhave, bhikkhu vaṇṇasampanno hoti.","en":"And how is a mendicant beautiful?\nIt’s when a mendicant is ethical, restrained in the monastic code, conducting themselves well and resorting for alms in suitable places. Seeing danger in the slightest fault, they keep the rules they’ve undertaken.\nThat’s how a mendicant is beautiful."}},{"id":"an3.98:3","sourceIds":["an3.98:3.1","an3.98:3.2","an3.98:3.3"],"kind":"text","text":{"pi":"Kathañca, bhikkhave, bhikkhu balasampanno hoti?\nIdha, bhikkhave, bhikkhu āraddhavīriyo viharati akusalānaṁ dhammānaṁ pahānāya kusalānaṁ dhammānaṁ upasampadāya thāmavā daḷhaparakkamo anikkhittadhuro kusalesu dhammesu.\nEvaṁ kho, bhikkhave, bhikkhu balasampanno hoti.","en":"And how is a mendicant strong?\nIt’s when a mendicant lives with energy roused up for giving up unskillful qualities and embracing skillful qualities. They are strong, staunchly vigorous, not slacking off when it comes to developing skillful qualities.\nThat’s how a mendicant is strong."}},{"id":"an3.98:4","sourceIds":["an3.98:4.1","an3.98:4.2","an3.98:4.3","an3.98:4.4","an3.98:4.5"],"kind":"text","text":{"pi":"Kathañca, bhikkhave, bhikkhu javasampanno hoti?\nIdha, bhikkhave, bhikkhu āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.\nEvaṁ kho, bhikkhave, bhikkhu javasampanno hoti.\nImehi kho, bhikkhave, tīhi dhammehi samannāgato bhikkhu āhuneyyo hoti …pe… anuttaraṁ puññakkhettaṁ lokassā”ti.\nSattamaṁ.","en":"And how is a mendicant fast?\nIt’s when a mendicant realizes the undefiled freedom of heart and freedom by wisdom. And they live having realized it with their own insight in this very life due to the ending of defilements.\nThat’s how a mendicant is fast.\nA mendicant with these three qualities is worthy of offerings dedicated to the gods, worthy of hospitality, worthy of a religious donation, worthy of veneration with cupped palms, and is the supreme field of merit for the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an3.98/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}