{"id":"an4.102","title":"Clouds (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.102","title":"Clouds (2nd)","units":[{"id":"an4.102:0","sourceIds":["an4.102:0.1","an4.102:0.2","an4.102:0.3"],"kind":"text","text":{"pi":"Aṅguttara Nikāya 4.102\n11. Valāhakavagga\nDutiyavalāhakasutta","en":"Numbered Discourses 4.102\n11. Clouds\nClouds (2nd)"}},{"id":"an4.102:1","sourceIds":["an4.102:1.1","an4.102:1.2","an4.102:1.3","an4.102:1.4","an4.102:1.5","an4.102:1.6","an4.102:1.7","an4.102:1.8","an4.102:1.9","an4.102:1.10","an4.102:1.11","an4.102:1.12","an4.102:1.13"],"kind":"text","text":{"pi":"“Cattārome, bhikkhave, valāhakā.\nKatame cattāro?\nGajjitā no vassitā,\nvassitā no gajjitā,\nneva gajjitā no vassitā,\ngajjitā ca vassitā ca.\nIme kho, bhikkhave, cattāro valāhakā.\nEvamevaṁ kho, bhikkhave, cattāro valāhakūpamā puggalā santo saṁvijjamānā lokasmiṁ.\nKatame cattāro?\nGajjitā no vassitā,\nvassitā no gajjitā,\nneva gajjitā no vassitā,\ngajjitā ca vassitā ca.","en":"“Mendicants, there are these four kinds of clouds.\nWhat four?\nOne thunders but doesn’t rain,\none rains but doesn’t thunder,\none neither thunders nor rains, and\none both rains and thunders.\nThese are the four kinds of clouds.\nIn the same way, these four individuals similar to clouds are found in the world.\nWhat four?\nOne thunders but doesn’t rain,\none rains but doesn’t thunder,\none neither thunders nor rains, and\none both rains and thunders."}},{"id":"an4.102:2","sourceIds":["an4.102:2.1","an4.102:2.2","an4.102:2.3","an4.102:2.4","an4.102:2.5","an4.102:2.6","an4.102:2.7"],"kind":"text","text":{"pi":"Kathañca, bhikkhave, puggalo gajjitā hoti, no vassitā?\nIdha, bhikkhave, ekacco puggalo dhammaṁ pariyāpuṇāti—\nsuttaṁ, geyyaṁ, veyyākaraṇaṁ, gāthaṁ, udānaṁ, itivuttakaṁ, jātakaṁ, abbhutadhammaṁ, vedallaṁ.\nSo ‘idaṁ dukkhan’ti yathābhūtaṁ nappajānāti, ‘ayaṁ dukkhasamudayo’ti yathābhūtaṁ nappajānāti, ‘ayaṁ dukkhanirodho’ti yathābhūtaṁ nappajānāti, ‘ayaṁ dukkhanirodhagāminī paṭipadā’ti yathābhūtaṁ nappajānāti.\nEvaṁ kho, bhikkhave, puggalo gajjitā hoti, no vassitā.\nSeyyathāpi so, bhikkhave, valāhako gajjitā, no vassitā;\ntathūpamāhaṁ, bhikkhave, imaṁ puggalaṁ vadāmi.","en":"And how does an individual thunder but not rain?\nIt’s when an individual memorizes the teaching—\nstatements, mixed prose & verse, discussions, verses, inspired exclamations, legends, stories of past lives, amazing stories, and elaborations.\nBut they don’t truly understand: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’.\nThat’s how an individual thunders but doesn’t rain.\nThat individual is like a cloud that thunders but doesn’t rain, I say."}},{"id":"an4.102:3","sourceIds":["an4.102:3.1","an4.102:3.2","an4.102:3.3","an4.102:3.4","an4.102:3.5","an4.102:3.6","an4.102:3.7"],"kind":"text","text":{"pi":"Kathañca, bhikkhave, puggalo vassitā hoti, no gajjitā?\nIdha, bhikkhave, ekacco puggalo dhammaṁ na pariyāpuṇāti—\nsuttaṁ, geyyaṁ, veyyākaraṇaṁ, gāthaṁ, udānaṁ, itivuttakaṁ, jātakaṁ, abbhutadhammaṁ, vedallaṁ.\nSo ‘idaṁ dukkhan’ti yathābhūtaṁ pajānāti …pe… ‘ayaṁ dukkhanirodhagāminī paṭipadā’ti yathābhūtaṁ pajānāti.\nEvaṁ kho, bhikkhave, puggalo vassitā hoti, no gajjitā.\nSeyyathāpi so, bhikkhave, valāhako vassitā, no gajjitā;\ntathūpamāhaṁ, bhikkhave, imaṁ puggalaṁ vadāmi.","en":"And how does an individual rain but not thunder?\nIt’s when an individual doesn’t memorize the teaching …\nBut they truly understand: ‘This is suffering’ …"}},{"id":"an4.102:4","sourceIds":["an4.102:4.1","an4.102:4.2","an4.102:4.3","an4.102:4.4","an4.102:4.5","an4.102:4.6","an4.102:4.7"],"kind":"text","text":{"pi":"Kathañca, bhikkhave, puggalo neva gajjitā hoti, no vassitā?\nIdha, bhikkhave, ekacco puggalo neva dhammaṁ pariyāpuṇāti—\nsuttaṁ, geyyaṁ, veyyākaraṇaṁ, gāthaṁ, udānaṁ, itivuttakaṁ, jātakaṁ, abbhutadhammaṁ, vedallaṁ.\nSo ‘idaṁ dukkhan’ti yathābhūtaṁ nappajānāti …pe… ‘ayaṁ dukkhanirodhagāminī paṭipadā’ti yathābhūtaṁ nappajānāti.\nEvaṁ kho, bhikkhave, puggalo neva gajjitā hoti, no vassitā.\nSeyyathāpi so, bhikkhave, valāhako neva gajjitā, no vassitā;\ntathūpamāhaṁ, bhikkhave, imaṁ puggalaṁ vadāmi.","en":"And how does an individual neither thunder nor rain?\nIt’s when an individual doesn’t memorize the teaching …\nNor do they truly understand: ‘This is suffering’ …"}},{"id":"an4.102:5","sourceIds":["an4.102:5.1","an4.102:5.2","an4.102:5.3","an4.102:5.4","an4.102:5.5","an4.102:5.6","an4.102:5.7","an4.102:5.8","an4.102:5.9"],"kind":"text","text":{"pi":"Kathañca, bhikkhave, puggalo gajjitā ca hoti vassitā ca?\nIdha, bhikkhave, ekacco puggalo dhammaṁ pariyāpuṇāti—\nsuttaṁ, geyyaṁ, veyyākaraṇaṁ, gāthaṁ, udānaṁ, itivuttakaṁ, jātakaṁ, abbhutadhammaṁ, vedallaṁ.\nSo ‘idaṁ dukkhan’ti yathābhūtaṁ pajānāti …pe… ‘ayaṁ dukkhanirodhagāminī paṭipadā’ti yathābhūtaṁ pajānāti.\nEvaṁ kho, bhikkhave, puggalo gajjitā ca hoti vassitā ca.\nSeyyathāpi so, bhikkhave, valāhako gajjitā ca vassitā ca;\ntathūpamāhaṁ, bhikkhave, imaṁ puggalaṁ vadāmi.\nIme kho, bhikkhave, cattāro valāhakūpamā puggalā santo saṁvijjamānā lokasmin”ti.\nDutiyaṁ.","en":"And how does an individual both thunder and rain?\nIt’s when an individual memorizes the teaching …\nAnd they truly understand: ‘This is suffering’ …\nThese four individuals similar to clouds are found in the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.102/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}