{"id":"an4.103","title":"Pots","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.103","title":"Pots","units":[{"id":"an4.103:0","sourceIds":["an4.103:0.1","an4.103:0.2","an4.103:0.3"],"kind":"text","text":{"pi":"Aṅguttara Nikāya 4.103\n11. Valāhakavagga\nKumbhasutta","en":"Numbered Discourses 4.103\n11. Clouds\nPots"}},{"id":"an4.103:1","sourceIds":["an4.103:1.1","an4.103:1.2","an4.103:1.3","an4.103:1.4","an4.103:1.5","an4.103:1.6","an4.103:1.7","an4.103:1.8","an4.103:1.9","an4.103:1.10","an4.103:1.11","an4.103:1.12","an4.103:1.13"],"kind":"text","text":{"pi":"“Cattārome, bhikkhave, kumbhā.\nKatame cattāro?\nTuccho pihito,\npūro vivaṭo,\ntuccho vivaṭo,\npūro pihito—\nIme kho, bhikkhave, cattāro kumbhā.\nEvamevaṁ kho, bhikkhave, cattāro kumbhūpamā puggalā santo saṁvijjamānā lokasmiṁ.\nKatame cattāro?\nTuccho pihito,\npūro vivaṭo,\ntuccho vivaṭo,\npūro pihito.","en":"“Mendicants, there are these four pots.\nWhat four?\nCovered but hollow,\nuncovered but full,\nuncovered and hollow, and\ncovered and full.\nThese are the four pots.\nIn the same way, these four individuals similar to pots are found in the world.\nWhat four?\nCovered but hollow,\nuncovered but full,\nuncovered and hollow, and\ncovered and full."}},{"id":"an4.103:2","sourceIds":["an4.103:2.1","an4.103:2.2","an4.103:2.3","an4.103:2.4","an4.103:2.5","an4.103:2.6"],"kind":"text","text":{"pi":"Kathañca, bhikkhave, puggalo tuccho hoti pihito?\nIdha, bhikkhave, ekaccassa puggalassa pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo ‘idaṁ dukkhan’ti yathābhūtaṁ nappajānāti …pe… ‘ayaṁ dukkhanirodhagāminī paṭipadā’ti yathābhūtaṁ nappajānāti.\nEvaṁ kho, bhikkhave, puggalo tuccho hoti pihito.\nSeyyathāpi so, bhikkhave, kumbho tuccho pihito;\ntathūpamāhaṁ, bhikkhave, imaṁ puggalaṁ vadāmi.","en":"And how is an individual covered but hollow?\nIt’s when an individual is impressive when going out and coming back, when looking ahead and aside, when bending and extending the limbs, and when bearing the outer robe, bowl and robes.\nBut they don’t truly understand: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’.\nThat’s how an individual is covered but hollow.\nThat individual is like a pot that’s covered but hollow, I say."}},{"id":"an4.103:3","sourceIds":["an4.103:3.1","an4.103:3.2","an4.103:3.3","an4.103:3.4","an4.103:3.5","an4.103:3.6"],"kind":"text","text":{"pi":"Kathañca, bhikkhave, puggalo pūro hoti vivaṭo?\nIdha, bhikkhave, ekaccassa puggalassa na pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo ‘idaṁ dukkhan’ti yathābhūtaṁ pajānāti …pe… ‘ayaṁ dukkhanirodhagāminī paṭipadā’ti yathābhūtaṁ pajānāti.\nEvaṁ kho, bhikkhave, puggalo pūro hoti vivaṭo.\nSeyyathāpi so, bhikkhave, kumbho pūro vivaṭo;\ntathūpamāhaṁ, bhikkhave, imaṁ puggalaṁ vadāmi.","en":"And how is an individual uncovered but full?\nIt’s when an individual is not impressive …\nBut they truly understand: ‘This is suffering’ …"}},{"id":"an4.103:4","sourceIds":["an4.103:4.1","an4.103:4.2","an4.103:4.3","an4.103:4.4","an4.103:4.5","an4.103:4.6"],"kind":"text","text":{"pi":"Kathañca, bhikkhave, puggalo tuccho hoti vivaṭo?\nIdha, bhikkhave, ekaccassa puggalassa na pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo ‘idaṁ dukkhan’ti yathābhūtaṁ nappajānāti …pe… ‘ayaṁ dukkhanirodhagāminī paṭipadā’ti yathābhūtaṁ nappajānāti.\nEvaṁ kho, bhikkhave, puggalo tuccho hoti vivaṭo.\nSeyyathāpi so, bhikkhave, kumbho tuccho vivaṭo;\ntathūpamāhaṁ, bhikkhave, imaṁ puggalaṁ vadāmi.","en":"And how is an individual uncovered and hollow?\nIt’s when an individual is not impressive …\nNor do they truly understand: ‘This is suffering’ …"}},{"id":"an4.103:5","sourceIds":["an4.103:5.1","an4.103:5.2","an4.103:5.3","an4.103:5.4","an4.103:5.5","an4.103:5.6","an4.103:5.7","an4.103:5.8"],"kind":"text","text":{"pi":"Kathañca, bhikkhave, puggalo pūro hoti pihito?\nIdha, bhikkhave, ekaccassa puggalassa pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo ‘idaṁ dukkhan’ti yathābhūtaṁ pajānāti …pe… ‘ayaṁ dukkhanirodhagāminī paṭipadā’ti yathābhūtaṁ pajānāti.\nEvaṁ kho, bhikkhave, puggalo pūro hoti pihito.\nSeyyathāpi so, bhikkhave, kumbho pūro pihito;\ntathūpamāhaṁ, bhikkhave, imaṁ puggalaṁ vadāmi.\nIme kho, bhikkhave, cattāro kumbhūpamā puggalā santo saṁvijjamānā lokasmin”ti.\nTatiyaṁ.","en":"And how is an individual covered and full?\nIt’s when an individual is impressive …\nAnd they truly understand: ‘This is suffering’ …\nThese four individuals similar to pots are found in the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.103/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}