{"id":"an4.104","title":"Lakes","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.104","title":"Lakes","units":[{"id":"an4.104:0","sourceIds":["an4.104:0.1","an4.104:0.2","an4.104:0.3"],"kind":"text","text":{"pi":"Aṅguttara Nikāya 4.104\n11. Valāhakavagga\nUdakarahadasutta","en":"Numbered Discourses 4.104\n11. Clouds\nLakes"}},{"id":"an4.104:1","sourceIds":["an4.104:1.1","an4.104:1.2","an4.104:1.3","an4.104:1.4","an4.104:1.5","an4.104:1.6","an4.104:1.7","an4.104:1.8","an4.104:1.9","an4.104:1.10","an4.104:1.11","an4.104:1.12","an4.104:1.13"],"kind":"text","text":{"pi":"“Cattārome, bhikkhave, udakarahadā.\nKatame cattāro?\nUttāno gambhīrobhāso,\ngambhīro uttānobhāso,\nuttāno uttānobhāso,\ngambhīro gambhīrobhāso—\nIme kho, bhikkhave, cattāro udakarahadā.\nEvamevaṁ kho, bhikkhave, cattāro udakarahadūpamā puggalā santo saṁvijjamānā lokasmiṁ.\nKatame cattāro?\nUttāno gambhīrobhāso,\ngambhīro uttānobhāso,\nuttāno uttānobhāso,\ngambhīro gambhīrobhāso.","en":"“Mendicants, there are these four lakes.\nWhat four?\nOne is shallow but appears deep,\none is deep but appears shallow,\none is shallow and appears shallow, and\none is deep and appears deep.\nThese are the four lakes.\nIn the same way, these four individuals similar to lakes are found in the world.\nWhat four?\nOne is shallow but appears deep,\none is deep but appears shallow,\none is shallow and appears shallow, and\none is deep and appears deep."}},{"id":"an4.104:2","sourceIds":["an4.104:2.1","an4.104:2.2","an4.104:2.3","an4.104:2.4","an4.104:2.5","an4.104:2.6"],"kind":"text","text":{"pi":"Kathañca, bhikkhave, puggalo uttāno hoti gambhīrobhāso?\nIdha, bhikkhave, ekaccassa puggalassa pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo ‘idaṁ dukkhan’ti yathābhūtaṁ nappajānāti …pe… ‘ayaṁ dukkhanirodhagāminī paṭipadā’ti yathābhūtaṁ nappajānāti.\nEvaṁ kho, bhikkhave, puggalo uttāno hoti gambhīrobhāso.\nSeyyathāpi so, bhikkhave, udakarahado uttāno gambhīrobhāso;\ntathūpamāhaṁ, bhikkhave, imaṁ puggalaṁ vadāmi.","en":"And how is an individual shallow but appears deep?\nIt’s when an individual is impressive when going out and coming back, when looking ahead and aside, when bending and extending the limbs, and when bearing the outer robe, bowl and robes.\nBut they don’t really understand: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’.\nThat’s how an individual is shallow but appears deep.\nThat individual is like a lake that’s shallow but appears deep, I say."}},{"id":"an4.104:3","sourceIds":["an4.104:3.1","an4.104:3.2","an4.104:3.3","an4.104:3.4","an4.104:3.5","an4.104:3.6"],"kind":"text","text":{"pi":"Kathañca, bhikkhave, puggalo gambhīro hoti uttānobhāso?\nIdha, bhikkhave, ekaccassa puggalassa na pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo ‘idaṁ dukkhan’ti yathābhūtaṁ pajānāti …pe… ‘ayaṁ dukkhanirodhagāminī paṭipadā’ti yathābhūtaṁ pajānāti.\nEvaṁ kho, bhikkhave, puggalo gambhīro hoti uttānobhāso.\nSeyyathāpi so, bhikkhave, udakarahado gambhīro uttānobhāso;\ntathūpamāhaṁ, bhikkhave, imaṁ puggalaṁ vadāmi.","en":"And how is an individual deep but appears shallow?\nIt’s when an individual is not impressive …\nBut they really understand: ‘This is suffering’ …"}},{"id":"an4.104:4","sourceIds":["an4.104:4.1","an4.104:4.2","an4.104:4.3","an4.104:4.4","an4.104:4.5","an4.104:4.6"],"kind":"text","text":{"pi":"Kathañca, bhikkhave, puggalo uttāno hoti uttānobhāso?\nIdha, bhikkhave, ekaccassa puggalassa na pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo ‘idaṁ dukkhan’ti yathābhūtaṁ nappajānāti …pe… ‘ayaṁ dukkhanirodhagāminī paṭipadā’ti yathābhūtaṁ nappajānāti.\nEvaṁ kho, bhikkhave, puggalo uttāno hoti uttānobhāso.\nSeyyathāpi so, bhikkhave, udakarahado uttāno uttānobhāso;\ntathūpamāhaṁ, bhikkhave, imaṁ puggalaṁ vadāmi.","en":"And how is an individual shallow and appears shallow?\nIt’s when an individual is not impressive …\nNor do they really understand: ‘This is suffering’ …"}},{"id":"an4.104:5","sourceIds":["an4.104:5.1","an4.104:5.2","an4.104:5.3","an4.104:5.4","an4.104:5.5","an4.104:5.6","an4.104:5.7","an4.104:5.8"],"kind":"text","text":{"pi":"Kathañca, bhikkhave, puggalo gambhīro hoti gambhīrobhāso?\nIdha, bhikkhave, ekaccassa puggalassa pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo ‘idaṁ dukkhan’ti yathābhūtaṁ pajānāti …pe… ‘ayaṁ dukkhanirodhagāminī paṭipadā’ti yathābhūtaṁ pajānāti.\nEvaṁ kho, bhikkhave, puggalo gambhīro hoti gambhīrobhāso.\nSeyyathāpi so, bhikkhave, udakarahado gambhīro gambhīrobhāso;\ntathūpamāhaṁ, bhikkhave, imaṁ puggalaṁ vadāmi.\nIme kho, bhikkhave, cattāro udakarahadūpamā puggalā santo saṁvijjamānā lokasmin”ti.\nCatutthaṁ.","en":"And how is an individual deep and appears deep?\nIt’s when an individual is impressive …\nAnd they really understand: ‘This is suffering’ …\nThese four individuals similar to lakes are found in the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.104/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}