{"id":"an4.105","title":"Mangoes","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.105","title":"Mangoes","units":[{"id":"an4.105:0","sourceIds":["an4.105:0.1","an4.105:0.2","an4.105:0.3"],"kind":"text","text":{"pi":"Aṅguttara Nikāya 4.105\n11. Valāhakavagga\nAmbasutta","en":"Numbered Discourses 4.105\n11. Clouds\nMangoes"}},{"id":"an4.105:1","sourceIds":["an4.105:1.1","an4.105:1.2","an4.105:1.3","an4.105:1.4","an4.105:1.5","an4.105:1.6","an4.105:1.7","an4.105:1.8","an4.105:1.9","an4.105:1.10","an4.105:1.11","an4.105:1.12","an4.105:1.13"],"kind":"text","text":{"pi":"“Cattārimāni, bhikkhave, ambāni.\nKatamāni cattāri?\nĀmaṁ pakkavaṇṇi,\npakkaṁ āmavaṇṇi,\nāmaṁ āmavaṇṇi,\npakkaṁ pakkavaṇṇi—\nImāni kho, bhikkhave, cattāri ambāni.\nEvamevaṁ kho, bhikkhave, cattāro ambūpamā puggalā santo saṁvijjamānā lokasmiṁ.\nKatame cattāro?\nĀmo pakkavaṇṇī,\npakko āmavaṇṇī,\nāmo āmavaṇṇī,\npakko pakkavaṇṇī.","en":"“Mendicants, there are these four mangoes.\nWhat four?\nOne is unripe but seems ripe,\none is ripe but seems unripe,\none is unripe and seems unripe, and\none is ripe and seems ripe.\nThese are the four mangoes.\nIn the same way, these four individuals similar to mangoes are found in the world.\nWhat four?\nOne is unripe but seems ripe,\none is ripe but seems unripe,\none is unripe and seems unripe, and\none is ripe and seems ripe."}},{"id":"an4.105:2","sourceIds":["an4.105:2.1","an4.105:2.2","an4.105:2.3","an4.105:2.4","an4.105:2.5","an4.105:2.6"],"kind":"text","text":{"pi":"Kathañca, bhikkhave, puggalo āmo hoti pakkavaṇṇī?\nIdha, bhikkhave, ekaccassa puggalassa pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo ‘idaṁ dukkhan’ti yathābhūtaṁ nappajānāti …pe… ‘ayaṁ dukkhanirodhagāminī paṭipadā’ti yathābhūtaṁ nappajānāti.\nEvaṁ kho, bhikkhave, puggalo āmo hoti pakkavaṇṇī.\nSeyyathāpi taṁ, bhikkhave, ambaṁ āmaṁ pakkavaṇṇi;\ntathūpamāhaṁ, bhikkhave, imaṁ puggalaṁ vadāmi.","en":"And how is an individual unripe but seems ripe?\nIt’s when an individual is impressive when going out and coming back, when looking ahead and aside, when bending and extending the limbs, and when bearing the outer robe, bowl and robes.\nBut they don’t really understand: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’.\nThat’s how an individual is unripe but seems ripe.\nThat individual is like a mango that’s unripe but seems ripe, I say."}},{"id":"an4.105:3","sourceIds":["an4.105:3.1","an4.105:3.2","an4.105:3.3","an4.105:3.4","an4.105:3.5","an4.105:3.6"],"kind":"text","text":{"pi":"Kathañca, bhikkhave, puggalo pakko hoti āmavaṇṇī?\nIdha, bhikkhave, ekaccassa puggalassa na pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo ‘idaṁ dukkhan’ti yathābhūtaṁ pajānāti …pe… ‘ayaṁ dukkhanirodhagāminī paṭipadā’ti yathābhūtaṁ pajānāti.\nEvaṁ kho, bhikkhave, puggalo pakko hoti āmavaṇṇī.\nSeyyathāpi taṁ, bhikkhave, ambaṁ pakkaṁ āmavaṇṇi;\ntathūpamāhaṁ, bhikkhave, imaṁ puggalaṁ vadāmi.","en":"And how is an individual ripe but seems unripe?\nIt’s when an individual is not impressive …\nBut they really understand: ‘This is suffering’ …"}},{"id":"an4.105:4","sourceIds":["an4.105:4.1","an4.105:4.2","an4.105:4.3","an4.105:4.4","an4.105:4.5","an4.105:4.6"],"kind":"text","text":{"pi":"Kathañca, bhikkhave, puggalo āmo hoti āmavaṇṇī?\nIdha, bhikkhave, ekaccassa puggalassa na pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo ‘idaṁ dukkhan’ti yathābhūtaṁ nappajānāti …pe… ‘ayaṁ dukkhanirodhagāminī paṭipadā’ti yathābhūtaṁ nappajānāti.\nEvaṁ kho, bhikkhave, puggalo āmo hoti āmavaṇṇī.\nSeyyathāpi taṁ, bhikkhave, ambaṁ āmaṁ āmavaṇṇi;\ntathūpamāhaṁ, bhikkhave, imaṁ puggalaṁ vadāmi.","en":"And how is an individual unripe and seems unripe?\nIt’s when an individual is not impressive …\nNor do they really understand: ‘This is suffering’ …"}},{"id":"an4.105:5","sourceIds":["an4.105:5.1","an4.105:5.2","an4.105:5.3","an4.105:5.4","an4.105:5.5","an4.105:5.6","an4.105:5.7","an4.105:5.8"],"kind":"text","text":{"pi":"Kathañca, bhikkhave, puggalo pakko hoti pakkavaṇṇī?\nIdha, bhikkhave, ekaccassa puggalassa pāsādikaṁ hoti abhikkantaṁ paṭikkantaṁ ālokitaṁ vilokitaṁ samiñjitaṁ pasāritaṁ saṅghāṭipattacīvaradhāraṇaṁ.\nSo ‘idaṁ dukkhan’ti yathābhūtaṁ pajānāti …pe… ‘ayaṁ dukkhanirodhagāminī paṭipadā’ti yathābhūtaṁ pajānāti.\nEvaṁ kho, bhikkhave, puggalo pakko hoti pakkavaṇṇī.\nSeyyathāpi taṁ, bhikkhave, ambaṁ pakkaṁ pakkavaṇṇi;\ntathūpamāhaṁ, bhikkhave, imaṁ puggalaṁ vadāmi.\nIme kho, bhikkhave, cattāro ambūpamā puggalā santo saṁvijjamānā lokasmin”ti.\nPañcamaṁ.","en":"And how is an individual ripe and seems ripe?\nIt’s when an individual is impressive …\nAnd they really understand: ‘This is suffering’ …\nThese four individuals similar to mangoes are found in the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.105/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}