{"id":"an4.107","title":"Mice","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.107","title":"Mice","units":[{"id":"an4.107:0","sourceIds":["an4.107:0.1","an4.107:0.2","an4.107:0.3"],"kind":"text","text":{"pi":"Aṅguttara Nikāya 4.107\n11. Valāhakavagga\nMūsikasutta","en":"Numbered Discourses 4.107\n11. Clouds\nMice"}},{"id":"an4.107:1","sourceIds":["an4.107:1.1","an4.107:1.2","an4.107:1.3","an4.107:1.4","an4.107:1.5","an4.107:1.6","an4.107:1.7","an4.107:1.8","an4.107:1.9","an4.107:1.10","an4.107:1.11","an4.107:1.12","an4.107:1.13"],"kind":"text","text":{"pi":"“Catasso imā, bhikkhave, mūsikā.\nKatamā catasso?\nGādhaṁ kattā no vasitā,\nvasitā no gādhaṁ kattā,\nneva gādhaṁ kattā no vasitā,\ngādhaṁ kattā ca vasitā ca—\nimā kho, bhikkhave, catasso mūsikā.\nEvamevaṁ kho, bhikkhave, cattāro mūsikūpamā puggalā santo saṁvijjamānā lokasmiṁ.\nKatame cattāro?\nGādhaṁ kattā no vasitā,\nvasitā no gādhaṁ kattā,\nneva gādhaṁ kattā no vasitā,\ngādhaṁ kattā ca vasitā ca.","en":"“Mendicants, there are these four kinds of mice.\nWhat four?\nOne makes a hole but doesn’t live in it,\none lives in a hole but doesn’t make it,\none neither makes a hole nor lives in it, and\none both makes a hole and lives in it.\nThese are the four kinds of mice.\nIn the same way, these four individuals similar to mice are found in the world.\nWhat four?\nOne makes a hole but doesn’t live in it,\none lives in a hole but doesn’t make it,\none neither makes a hole nor lives in it, and\none both makes a hole and lives in it."}},{"id":"an4.107:2","sourceIds":["an4.107:2.1","an4.107:2.2","an4.107:2.3","an4.107:2.4","an4.107:2.5","an4.107:2.6","an4.107:2.7"],"kind":"text","text":{"pi":"Kathañca, bhikkhave, puggalo gādhaṁ kattā hoti no vasitā?\nIdha, bhikkhave, ekacco puggalo dhammaṁ pariyāpuṇāti—\nsuttaṁ, geyyaṁ, veyyākaraṇaṁ, gāthaṁ, udānaṁ, itivuttakaṁ, jātakaṁ, abbhutadhammaṁ, vedallaṁ.\nSo ‘idaṁ dukkhan’ti yathābhūtaṁ nappajānāti …pe… ‘ayaṁ dukkhanirodhagāminī paṭipadā’ti yathābhūtaṁ nappajānāti.\nEvaṁ kho, bhikkhave, puggalo gādhaṁ kattā hoti, no vasitā.\nSeyyathāpi sā, bhikkhave, mūsikā gādhaṁ kattā, no vasitā;\ntathūpamāhaṁ, bhikkhave, imaṁ puggalaṁ vadāmi.","en":"And how does an individual make a hole but not live in it?\nIt’s when an individual memorizes the teaching—\nstatements, mixed prose & verse, discussions, verses, inspired exclamations, legends, stories of past lives, amazing stories, and elaborations.\nBut they don’t really understand: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’.\nThat’s how an individual makes a hole but doesn’t live in it.\nThat individual is like a mouse that makes a hole but doesn’t live in it, I say."}},{"id":"an4.107:3","sourceIds":["an4.107:3.1","an4.107:3.2","an4.107:3.3","an4.107:3.4","an4.107:3.5","an4.107:3.6","an4.107:3.7"],"kind":"text","text":{"pi":"Kathañca, bhikkhave, puggalo vasitā hoti, no gādhaṁ kattā?\nIdha, bhikkhave, ekacco puggalo dhammaṁ na pariyāpuṇāti—\nsuttaṁ, geyyaṁ, veyyākaraṇaṁ, gāthaṁ, udānaṁ, itivuttakaṁ, jātakaṁ, abbhutadhammaṁ, vedallaṁ.\nSo ‘idaṁ dukkhan’ti yathābhūtaṁ pajānāti …pe… ‘ayaṁ dukkhanirodhagāminī paṭipadā’ti yathābhūtaṁ pajānāti.\nEvaṁ kho, bhikkhave, puggalo vasitā hoti, no gādhaṁ kattā.\nSeyyathāpi sā, bhikkhave, mūsikā vasitā hoti, no gādhaṁ kattā;\ntathūpamāhaṁ, bhikkhave, imaṁ, puggalaṁ vadāmi.","en":"And how does an individual live in a hole but not make it?\nIt’s when an individual doesn’t memorize the teaching …\nBut they really understand: ‘This is suffering’ …"}},{"id":"an4.107:4","sourceIds":["an4.107:4.1","an4.107:4.2","an4.107:4.3","an4.107:4.4","an4.107:4.5","an4.107:4.6","an4.107:4.7"],"kind":"text","text":{"pi":"Kathañca, bhikkhave, puggalo neva gādhaṁ kattā hoti no vasitā?\nIdha, bhikkhave, ekacco puggalo dhammaṁ na pariyāpuṇāti—\nsuttaṁ, geyyaṁ, veyyākaraṇaṁ, gāthaṁ, udānaṁ, itivuttakaṁ, jātakaṁ, abbhutadhammaṁ, vedallaṁ.\nSo ‘idaṁ dukkhan’ti yathābhūtaṁ nappajānāti …pe… ‘ayaṁ dukkhanirodhagāminī paṭipadā’ti yathābhūtaṁ nappajānāti.\nEvaṁ kho, bhikkhave, puggalo neva gādhaṁ kattā hoti, no vasitā.\nSeyyathāpi sā, bhikkhave, mūsikā neva gādhaṁ kattā hoti, no vasitā;\ntathūpamāhaṁ, bhikkhave, imaṁ puggalaṁ vadāmi.","en":"And how does an individual neither make a hole nor live in it?\nIt’s when an individual doesn’t memorize the teaching …\nNor do they really understand: ‘This is suffering’ …"}},{"id":"an4.107:5","sourceIds":["an4.107:5.1","an4.107:5.2","an4.107:5.3","an4.107:5.4","an4.107:5.5","an4.107:5.6","an4.107:5.7","an4.107:5.8","an4.107:5.9"],"kind":"text","text":{"pi":"Kathañca, bhikkhave, puggalo gādhaṁ kattā ca hoti vasitā ca?\nIdha, bhikkhave, ekacco puggalo dhammaṁ pariyāpuṇāti—\nsuttaṁ, geyyaṁ, veyyākaraṇaṁ, gāthaṁ, udānaṁ, itivuttakaṁ, jātakaṁ, abbhutadhammaṁ, vedallaṁ.\nSo ‘idaṁ dukkhan’ti yathābhūtaṁ pajānāti …pe… ‘ayaṁ dukkhanirodhagāminī paṭipadā’ti yathābhūtaṁ pajānāti.\nEvaṁ kho, bhikkhave, puggalo gādhaṁ kattā ca hoti vasitā ca.\nSeyyathāpi sā, bhikkhave, mūsikā gādhaṁ kattā ca hoti vasitā ca;\ntathūpamāhaṁ, bhikkhave, imaṁ puggalaṁ vadāmi.\nIme kho, bhikkhave, cattāro mūsikūpamā puggalā santo saṁvijjamānā lokasmin”ti.\nSattamaṁ.","en":"And how does an individual both make a hole and live in it?\nIt’s when an individual memorizes the teaching …\nAnd they really understand: ‘This is suffering’ …\nThese four individuals similar to mice are found in the world.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.107/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}