{"id":"an4.11","title":"Walking","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.11","title":"Walking","units":[{"id":"an4.11:0","sourceIds":["an4.11:0.1","an4.11:0.2","an4.11:0.3"],"kind":"text","text":{"pi":"Aṅguttara Nikāya 4.11\n2. Caravagga\nCarasutta","en":"Numbered Discourses 4.11\n2. Walking\nWalking"}},{"id":"an4.11:1","sourceIds":["an4.11:1.1","an4.11:1.2","an4.11:1.3"],"kind":"text","text":{"pi":"“Carato cepi, bhikkhave, bhikkhuno uppajjati kāmavitakko vā byāpādavitakko vā vihiṁsāvitakko vā.\nTañce bhikkhu adhivāseti, nappajahati na vinodeti na byantīkaroti na anabhāvaṁ gameti,\ncarampi, bhikkhave, bhikkhu evaṁbhūto ‘anātāpī anottāpī satataṁ samitaṁ kusīto hīnavīriyo’ti vuccati.","en":"“Mendicants, suppose a mendicant has a sensual, malicious, or cruel thought while walking.\nThey tolerate it and don’t give it up, dispel it, eliminate it, and obliterate it.\nSuch a mendicant is said to be ‘not keen or prudent, always lazy, and lacking energy’ when walking."}},{"id":"an4.11:2","sourceIds":["an4.11:2.1","an4.11:2.2","an4.11:2.3"],"kind":"text","text":{"pi":"Ṭhitassa cepi, bhikkhave, bhikkhuno uppajjati kāmavitakko vā byāpādavitakko vā vihiṁsāvitakko vā.\nTañce bhikkhu adhivāseti, nappajahati na vinodeti na byantīkaroti na anabhāvaṁ gameti,\nṭhitopi, bhikkhave, bhikkhu evaṁbhūto ‘anātāpī anottāpī satataṁ samitaṁ kusīto hīnavīriyo’ti vuccati.","en":"Suppose a mendicant has a sensual, malicious, or cruel thought while standing …"}},{"id":"an4.11:3","sourceIds":["an4.11:3.1","an4.11:3.2","an4.11:3.3"],"kind":"text","text":{"pi":"Nisinnassa cepi, bhikkhave, bhikkhuno uppajjati kāmavitakko vā byāpādavitakko vā vihiṁsāvitakko vā.\nTañce bhikkhu adhivāseti, nappajahati na vinodeti na byantīkaroti na anabhāvaṁ gameti,\nnisinnopi, bhikkhave, bhikkhu evaṁbhūto ‘anātāpī anottāpī satataṁ samitaṁ kusīto hīnavīriyo’ti vuccati.","en":"sitting …"}},{"id":"an4.11:4","sourceIds":["an4.11:4.1","an4.11:4.2","an4.11:4.3"],"kind":"text","text":{"pi":"Sayānassa cepi, bhikkhave, bhikkhuno jāgarassa uppajjati kāmavitakko vā byāpādavitakko vā vihiṁsāvitakko vā.\nTañce bhikkhu adhivāseti, nappajahati na vinodeti na byantīkaroti na anabhāvaṁ gameti,\nsayānopi, bhikkhave, bhikkhu jāgaro evaṁbhūto ‘anātāpī anottāpī satataṁ samitaṁ kusīto hīnavīriyo’ti vuccati.","en":"or when lying down while awake.\nThey tolerate it and don’t give it up, dispel it, eliminate it, and obliterate it.\nSuch a mendicant is said to be ‘not keen or prudent, always lazy, and lacking energy’ when lying down while awake."}},{"id":"an4.11:5","sourceIds":["an4.11:5.1","an4.11:5.2","an4.11:5.3"],"kind":"text","text":{"pi":"Carato cepi, bhikkhave, bhikkhuno uppajjati kāmavitakko vā byāpādavitakko vā vihiṁsāvitakko vā.\nTañce bhikkhu nādhivāseti, pajahati vinodeti byantīkaroti anabhāvaṁ gameti;\ncarampi, bhikkhave, bhikkhu evaṁbhūto ‘ātāpī ottāpī satataṁ samitaṁ āraddhavīriyo pahitatto’ti vuccati.","en":"Suppose a mendicant has a sensual, malicious, or cruel thought while walking.\nThey don’t tolerate it, but give it up, dispel it, eliminate it, and obliterate it.\nSuch a mendicant is said to be ‘keen and prudent, always energetic and resolute’ when walking."}},{"id":"an4.11:6","sourceIds":["an4.11:6.1","an4.11:6.2","an4.11:6.3"],"kind":"text","text":{"pi":"Ṭhitassa cepi, bhikkhave, bhikkhuno uppajjati kāmavitakko vā byāpādavitakko vā vihiṁsāvitakko vā.\nTañce bhikkhu nādhivāseti, pajahati vinodeti byantīkaroti anabhāvaṁ gameti;\nṭhitopi, bhikkhave, bhikkhu evaṁbhūto ‘ātāpī ottāpī satataṁ samitaṁ āraddhavīriyo pahitatto’ti vuccati.","en":"Suppose a mendicant has a sensual, malicious, or cruel thought while standing …"}},{"id":"an4.11:7","sourceIds":["an4.11:7.1","an4.11:7.2","an4.11:7.3"],"kind":"text","text":{"pi":"Nisinnassa cepi, bhikkhave, bhikkhuno uppajjati kāmavitakko vā byāpādavitakko vā vihiṁsāvitakko vā.\nTañce bhikkhu nādhivāseti, pajahati vinodeti byantīkaroti anabhāvaṁ gameti;\nnisinnopi, bhikkhave, bhikkhu evaṁbhūto ‘ātāpī ottāpī satataṁ samitaṁ āraddhavīriyo pahitatto’ti vuccati.","en":"sitting …"}},{"id":"an4.11:8","sourceIds":["an4.11:8.1","an4.11:8.2","an4.11:8.3"],"kind":"text","text":{"pi":"Sayānassa cepi, bhikkhave, bhikkhuno jāgarassa uppajjati kāmavitakko vā byāpādavitakko vā vihiṁsāvitakko vā.\nTañce bhikkhu nādhivāseti, pajahati vinodeti byantīkaroti anabhāvaṁ gameti;\nsayānopi, bhikkhave, bhikkhu jāgaro evaṁbhūto ‘ātāpī ottāpī satataṁ samitaṁ āraddhavīriyo pahitatto’ti vuccatīti.","en":"or when lying down while awake.\nThey don’t tolerate it, but give it up, dispel it, eliminate it, and obliterate it.\nSuch a mendicant is said to be ‘keen and prudent, always energetic and resolute’ when lying down while awake."}},{"id":"an4.11:9","sourceIds":["an4.11:9.1","an4.11:9.2","an4.11:9.3","an4.11:9.4"],"kind":"text","text":{"pi":"Caraṁ vā yadi vā tiṭṭhaṁ,\nnisinno uda vā sayaṁ;\nYo vitakkaṁ vitakketi,\npāpakaṁ gehanissitaṁ.","en":"Whether walking or standing,\nsitting or lying down,\nif you think a bad thought\nto do with the domestic life,"}},{"id":"an4.11:10","sourceIds":["an4.11:10.1","an4.11:10.2","an4.11:10.3","an4.11:10.4"],"kind":"text","text":{"pi":"Kummaggappaṭipanno so,\nMohaneyyesu mucchito;\nAbhabbo tādiso bhikkhu,\nPhuṭṭhuṁ sambodhimuttamaṁ.","en":"you’re on the wrong path,\nlost among things that delude.\nSuch a mendicant is incapable\nof experiencing the highest awakening."}},{"id":"an4.11:11","sourceIds":["an4.11:11.1","an4.11:11.2","an4.11:11.3","an4.11:11.4","an4.11:11.5","an4.11:11.6","an4.11:11.7"],"kind":"text","text":{"pi":"Yo ca caraṁ vā tiṭṭhaṁ vā,\nNisinno uda vā sayaṁ;\nVitakkaṁ samayitvāna,\nVitakkūpasame rato;\nBhabbo so tādiso bhikkhu,\nPhuṭṭhuṁ sambodhimuttaman”ti.\nPaṭhamaṁ.","en":"But one who, whether standing or walking,\nsitting or lying down,\nhas calmed their thoughts,\nloving peace of mind;\nsuch a mendicant is capable\nof experiencing the highest awakening.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.11/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}