{"id":"an4.13","title":"Effort","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.13","title":"Effort","units":[{"id":"an4.13:0","sourceIds":["an4.13:0.1","an4.13:0.2","an4.13:0.3"],"kind":"text","text":{"pi":"Aṅguttara Nikāya 4.13\n2. Caravagga\nPadhānasutta","en":"Numbered Discourses 4.13\n2. Walking\nEffort"}},{"id":"an4.13:1","sourceIds":["an4.13:1.1","an4.13:1.2","an4.13:1.3","an4.13:1.4","an4.13:1.5","an4.13:1.6","an4.13:1.7"],"kind":"text","text":{"pi":"“Cattārimāni, bhikkhave, sammappadhānāni.\nKatamāni cattāri?\nIdha, bhikkhave, bhikkhu anuppannānaṁ pāpakānaṁ akusalānaṁ dhammānaṁ anuppādāya chandaṁ janeti vāyamati vīriyaṁ ārabhati cittaṁ paggaṇhāti padahati;\nuppannānaṁ pāpakānaṁ akusalānaṁ dhammānaṁ pahānāya chandaṁ janeti vāyamati vīriyaṁ ārabhati cittaṁ paggaṇhāti padahati;\nanuppannānaṁ kusalānaṁ dhammānaṁ uppādāya chandaṁ janeti vāyamati vīriyaṁ ārabhati cittaṁ paggaṇhāti padahati;\nuppannānaṁ kusalānaṁ dhammānaṁ ṭhitiyā asammosāya bhiyyobhāvāya vepullāya bhāvanāya pāripūriyā chandaṁ janeti vāyamati vīriyaṁ ārabhati cittaṁ paggaṇhāti padahati.\nImāni kho, bhikkhave, cattāri sammappadhānānīti.","en":"“Mendicants, there are these four right efforts.\nWhat four?\nA mendicant generates enthusiasm, tries, makes an effort, exerts the mind, and strives so that bad, unskillful qualities don’t arise.\nThey generate enthusiasm, try, make an effort, exert the mind, and strive so that bad, unskillful qualities that have arisen are given up.\nThey generate enthusiasm, try, make an effort, exert the mind, and strive so that skillful qualities arise.\nThey generate enthusiasm, try, make an effort, exert the mind, and strive so that skillful qualities that have arisen remain, are not lost, but increase, mature, and are fully developed.\nThese are the four right efforts."}},{"id":"an4.13:2","sourceIds":["an4.13:2.1","an4.13:2.2","an4.13:2.3","an4.13:2.4","an4.13:2.5"],"kind":"text","text":{"pi":"Sammappadhānā māradheyyābhibhūtā,\nTe asitā jātimaraṇabhayassa pāragū;\nTe tusitā jetvā māraṁ savāhiniṁ te anejā,\nSabbaṁ namucibalaṁ upātivattā te sukhitā”ti.\nTatiyaṁ.","en":"By rightly striving, they’ve crushed Māra’s sovereignty;\nunattached, they’ve gone beyond  the peril of birth and death.\nContented and unstirred, they’ve vanquished Māra with his legions;\nnow they’ve gone beyond all Namuci’s forces, they’re happy.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.13/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}