{"id":"an4.159","title":"Nun","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.159","title":"Nun","units":[{"id":"an4.159:0","sourceIds":["an4.159:0.1","an4.159:0.2","an4.159:0.3"],"kind":"text","text":{"pi":"Aṅguttara Nikāya 4.159\n16. Indriyavagga\nBhikkhunīsutta","en":"Numbered Discourses 4.159\n16. Faculties\nNun"}},{"id":"an4.159:1","sourceIds":["an4.159:1.1","an4.159:1.2","an4.159:1.3","an4.159:1.4","an4.159:1.5","an4.159:1.6","an4.159:1.7","an4.159:1.8"],"kind":"text","text":{"pi":"Evaṁ me sutaṁ—\nekaṁ samayaṁ āyasmā ānando kosambiyaṁ viharati ghositārāme.\nAtha kho aññatarā bhikkhunī aññataraṁ purisaṁ āmantesi:\n“ehi tvaṁ, ambho purisa, yenayyo ānando tenupasaṅkama; upasaṅkamitvā mama vacanena ayyassa ānandassa pāde sirasā vanda:\n‘itthannāmā, bhante, bhikkhunī ābādhikinī dukkhitā bāḷhagilānā.\nSā ayyassa ānandassa pāde sirasā vandatī’ti. Evañca vadehi:\n‘sādhu kira, bhante, ayyo ānando yena bhikkhunupassayo yena sā bhikkhunī tenupasaṅkamatu anukampaṁ upādāyā’”ti.\n“Evaṁ, ayye”ti kho so puriso tassā bhikkhuniyā paṭissutvā yenāyasmā ānando tenupasaṅkami; upasaṅkamitvā āyasmantaṁ ānandaṁ abhivādetvā ekamantaṁ nisīdi. Ekamantaṁ nisinno kho so puriso āyasmantaṁ ānandaṁ etadavoca:","en":"So I have heard.\nAt one time Venerable Ānanda was staying near Kosambī in Ghosita’s monastery.\nAnd then a certain nun addressed a man,\n“Please, my friend, go to the venerable Ānanda, and in my name bow with your head to his feet. Say to him:\n‘Sir, the nun named so-and-so is sick, suffering, and gravely ill.\nShe bows with her head to your feet.’ And then say:\n‘Sir, please go to the nuns’ quarters to visit that nun out of sympathy.’”\n“Yes, ma’am,” that man replied. He did as the nun asked."}},{"id":"an4.159:2","sourceIds":["an4.159:2.1","an4.159:2.2","an4.159:2.3","an4.159:2.4"],"kind":"text","text":{"pi":"“Itthannāmā, bhante, bhikkhunī ābādhikinī dukkhitā bāḷhagilānā.\nSā āyasmato ānandassa pāde sirasā vandati, evañca vadeti:\n‘sādhu kira, bhante, āyasmā ānando yena bhikkhunupassayo yena sā bhikkhunī tenupasaṅkamatu anukampaṁ upādāyā’”ti.\nAdhivāsesi kho āyasmā ānando tuṇhībhāvena.","en":"Ānanda consented with silence."}},{"id":"an4.159:3","sourceIds":["an4.159:3.1","an4.159:3.2","an4.159:3.3","an4.159:3.4"],"kind":"text","text":{"pi":"Atha kho āyasmā ānando nivāsetvā pattacīvaramādāya yena bhikkhunupassayo yena sā bhikkhunī tenupasaṅkami.\nAddasā kho sā bhikkhunī āyasmantaṁ ānandaṁ dūratova āgacchantaṁ.\nDisvā sasīsaṁ pārupitvā mañcake nipajji.\nAtha kho āyasmā ānando yena sā bhikkhunī tenupasaṅkami; upasaṅkamitvā paññatte āsane nisīdi. Nisajja kho āyasmā ānando taṁ bhikkhuniṁ etadavoca:","en":"Then Ānanda robed up and went to the nuns’ quarters to visit that nun, taking his bowl and robe.\nThat nun saw Ānanda coming off in the distance.\nShe wrapped herself up from head to foot and laid down on her cot.\nThen Venerable Ānanda went up to her, and sat down on the seat spread out. Then Ānanda said to the nun:"}},{"id":"an4.159:4","sourceIds":["an4.159:4.1","an4.159:4.2","an4.159:4.3","an4.159:4.4","an4.159:4.5","an4.159:4.6","an4.159:4.7","an4.159:4.8"],"kind":"text","text":{"pi":"“Āhārasambhūto ayaṁ, bhagini, kāyo āhāraṁ nissāya.\nĀhāro pahātabbo.\nTaṇhāsambhūto ayaṁ, bhagini, kāyo taṇhaṁ nissāya.\nTaṇhā pahātabbā.\nMānasambhūto ayaṁ, bhagini, kāyo mānaṁ nissāya.\nMāno pahātabbo.\nMethunasambhūto ayaṁ, bhagini, kāyo.\nMethune ca setughāto vutto bhagavatā.","en":"“Sister, this body is produced by food. Relying on food,\nyou should give up food.\nThis body is produced by craving. Relying on craving,\nyou should give up craving.\nThis body is produced by conceit. Relying on conceit,\nyou should give up conceit.\nThis body is produced by sex.\nThe Buddha spoke of breaking off everything to do with sex."}},{"id":"an4.159:5","sourceIds":["an4.159:5.1","an4.159:5.2","an4.159:5.3","an4.159:5.4","an4.159:5.5","an4.159:5.6","an4.159:5.7","an4.159:5.8"],"kind":"text","text":{"pi":"‘Āhārasambhūto ayaṁ, bhagini, kāyo āhāraṁ nissāya.\nĀhāro pahātabbo’ti, iti kho panetaṁ vuttaṁ.\nKiñcetaṁ paṭicca vuttaṁ?\nIdha, bhagini, bhikkhu paṭisaṅkhā yoniso āhāraṁ āhāreti:\n‘neva davāya na madāya na maṇḍanāya na vibhūsanāya, yāvadeva imassa kāyassa ṭhitiyā yāpanāya vihiṁsūparatiyā brahmacariyānuggahāya. Iti purāṇañca vedanaṁ paṭihaṅkhāmi, navañca vedanaṁ na uppādessāmi. Yātrā ca me bhavissati anavajjatā ca phāsuvihāro cā’ti.\nSo aparena samayena āhāraṁ nissāya āhāraṁ pajahati.\n‘Āhārasambhūto ayaṁ, bhagini, kāyo āhāraṁ nissāya āhāro pahātabbo’ti,\niti yaṁ taṁ vuttaṁ idametaṁ paṭicca vuttaṁ.","en":"‘This body is produced by food. Relying on food,\nyou should give up food.’ This is what I said,\nbut why did I say it?\nTake a mendicant who reflects rationally on the food that they eat:\n‘Not for fun, indulgence, adornment, or decoration, but only to sustain this body, to avoid harm, and to support spiritual practice. In this way, I shall put an end to old discomfort and not give rise to new discomfort, and I will have the means to keep going, blamelessness, and a comfortable abiding.’\nAfter some time, relying on food, they give up food.\nThat’s why I said what I said."}},{"id":"an4.159:6","sourceIds":["an4.159:6.1","an4.159:6.2","an4.159:6.3","an4.159:6.4","an4.159:6.5","an4.159:6.6","an4.159:6.7","an4.159:6.8","an4.159:6.9","an4.159:6.10"],"kind":"text","text":{"pi":"‘Taṇhāsambhūto ayaṁ, bhagini, kāyo taṇhaṁ nissāya.\nTaṇhā pahātabbā’ti, iti kho panetaṁ vuttaṁ.\nKiñcetaṁ paṭicca vuttaṁ?\nIdha, bhagini, bhikkhu suṇāti:\n‘itthannāmo kira bhikkhu āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharatī’ti.\nTassa evaṁ hoti:\n‘kudāssu nāma ahampi āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharissāmī’ti.\nSo aparena samayena taṇhaṁ nissāya taṇhaṁ pajahati.\n‘Taṇhāsambhūto ayaṁ, bhagini, kāyo taṇhaṁ nissāya taṇhā pahātabbā’ti,\niti yaṁ taṁ vuttaṁ idametaṁ paṭicca vuttaṁ.","en":"‘This body is produced by craving. Relying on craving,\nyou should give up craving.’ This is what I said,\nbut why did I say it?\nTake a mendicant who hears this:\n‘They say that the mendicant named so-and-so has realized the undefiled freedom of heart and freedom by wisdom. And they live having realized it with their own insight in this very life due to the ending of defilements.’\nThey think:\n‘Oh, when will I too realize the undefiled freedom of heart and freedom by wisdom … in this very life …’\nAfter some time, relying on craving, they give up craving.\nThat’s why I said what I said."}},{"id":"an4.159:7","sourceIds":["an4.159:7.1","an4.159:7.2","an4.159:7.3","an4.159:7.4","an4.159:7.5","an4.159:7.6","an4.159:7.7","an4.159:7.8","an4.159:7.9","an4.159:7.10","an4.159:7.11"],"kind":"text","text":{"pi":"‘Mānasambhūto ayaṁ, bhagini, kāyo mānaṁ nissāya.\nMāno pahātabbo’ti, iti kho panetaṁ vuttaṁ.\nKiñcetaṁ paṭicca vuttaṁ?\nIdha, bhagini, bhikkhu suṇāti:\n‘itthannāmo kira bhikkhu āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharatī’ti.\nTassa evaṁ hoti:\n‘so hi nāma āyasmā āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharissati;\nkimaṅgaṁ panāhan’ti.\nSo aparena samayena mānaṁ nissāya mānaṁ pajahati.\n‘Mānasambhūto ayaṁ, bhagini, kāyo, mānaṁ nissāya māno pahātabbo’ti,\niti yaṁ taṁ vuttaṁ idametaṁ paṭicca vuttaṁ.","en":"‘This body is produced by conceit. Relying on conceit,\nyou should give up conceit.’ This is what I said,\nbut why did I say it?\nTake a mendicant who hears this:\n‘They say that the mendicant named so-and-so has realized the undefiled freedom of heart and freedom by wisdom. And they live having realized it with their own insight in this very life due to the ending of defilements.’\nThey think:\n‘Well, that venerable can realize the undefiled freedom of heart and freedom by wisdom … in this very life …\nWhy can’t I?’\nAfter some time, relying on conceit, they give up conceit.\nThat’s why I said what I said."}},{"id":"an4.159:8","sourceIds":["an4.159:8.1","an4.159:8.2"],"kind":"text","text":{"pi":"Methunasambhūto ayaṁ, bhagini, kāyo.\nMethune ca setughāto vutto bhagavatā”ti.","en":"‘This body is produced by sex.\nThe Buddha spoke of breaking off everything to do with sex.’”"}},{"id":"an4.159:9","sourceIds":["an4.159:9.1","an4.159:9.2","an4.159:9.3","an4.159:9.4","an4.159:9.5","an4.159:9.6","an4.159:9.7"],"kind":"text","text":{"pi":"Atha kho sā bhikkhunī mañcakā vuṭṭhahitvā ekaṁsaṁ uttarāsaṅgaṁ karitvā āyasmato ānandassa pādesu sirasā nipatitvā āyasmantaṁ ānandaṁ etadavoca:\n“accayo maṁ, bhante, accagamā, yathābālaṁ yathāmūḷhaṁ yathāakusalaṁ, yāhaṁ evamakāsiṁ.\nTassā me, bhante, ayyo ānando accayaṁ accayato paṭiggaṇhātu, āyatiṁ saṁvarāyā”ti.\n“Taggha taṁ, bhagini, accayo accagamā, yathābālaṁ yathāmūḷhaṁ yathāakusalaṁ, yā tvaṁ evamakāsi.\nYato ca kho tvaṁ, bhagini, accayaṁ accayato disvā yathādhammaṁ paṭikarosi, taṁ te mayaṁ paṭiggaṇhāma.\nVuddhi hesā, bhagini, ariyassa vinaye yo accayaṁ accayato disvā yathādhammaṁ paṭikaroti āyatiṁ saṁvaraṁ āpajjatī”ti.\nNavamaṁ.","en":"Then that nun rose from her cot, placed her robe over one shoulder, bowed with her head to Ānanda’s feet, and said,\n“I made a mistake, sir. It was foolish, stupid, and unskillful of me to act in that way.\nPlease, sir, accept my mistake for what it is, so I can restrain myself in future.”\n“Indeed, sister, you made a mistake. It was foolish, stupid, and unskillful of you to act in that way.\nBut since you have recognized your mistake for what it is, and have dealt with it properly, I accept it.\nFor it is growth in the training of the Noble One to recognize a mistake for what it is, deal with it properly, and commit to restraint in the future.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.159/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}