{"id":"an4.170","title":"In Conjunction","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.170","title":"In Conjunction","units":[{"id":"an4.170:0","sourceIds":["an4.170:0.1","an4.170:0.2","an4.170:0.3"],"kind":"text","text":{"pi":"Aṅguttara Nikāya 4.170\n17. Paṭipadāvagga\nYuganaddhasutta","en":"Numbered Discourses 4.170\n17. Practice\nIn Conjunction"}},{"id":"an4.170:1","sourceIds":["an4.170:1.1","an4.170:1.2","an4.170:1.3","an4.170:1.4","an4.170:1.5","an4.170:1.6"],"kind":"text","text":{"pi":"Evaṁ me sutaṁ—\nekaṁ samayaṁ āyasmā ānando kosambiyaṁ viharati ghositārāme.\nTatra kho āyasmā ānando bhikkhū āmantesi:\n“āvuso bhikkhave”ti.\n“Āvuso”ti kho te bhikkhū āyasmato ānandassa paccassosuṁ.\nĀyasmā ānando etadavoca:","en":"So I have heard.\nAt one time Venerable Ānanda was staying near Kosambī in Ghosita’s monastery.\nThere Ānanda addressed the mendicants:\n“Reverends, mendicants!”\n“Reverend,” they replied.\nĀnanda said this:"}},{"id":"an4.170:2","sourceIds":["an4.170:2.1"],"kind":"text","text":{"pi":"“Yo hi koci, āvuso, bhikkhu vā bhikkhunī vā mama santike arahattappattiṁ byākaroti, sabbo so catūhi maggehi, etesaṁ vā aññatarena.","en":"“Reverends, all of the monks and nuns who declare in my presence that they have attained perfection, did so by one or other of four paths."}},{"id":"an4.170:3","sourceIds":["an4.170:3.1","an4.170:3.2","an4.170:3.3","an4.170:3.4","an4.170:3.5"],"kind":"text","text":{"pi":"Katamehi catūhi?\nIdha, āvuso, bhikkhu samathapubbaṅgamaṁ vipassanaṁ bhāveti.\nTassa samathapubbaṅgamaṁ vipassanaṁ bhāvayato maggo sañjāyati.\nSo taṁ maggaṁ āsevati bhāveti bahulīkaroti.\nTassa taṁ maggaṁ āsevato bhāvayato bahulīkaroto saṁyojanāni pahīyanti, anusayā byantīhonti.","en":"What four?\nTake a mendicant who develops serenity before discernment.\nAs they do so, the path is born in them.\nThey cultivate, develop, and make much of it.\nBy doing so, they give up the fetters and eliminate the underlying tendencies."}},{"id":"an4.170:4","sourceIds":["an4.170:4.1","an4.170:4.2","an4.170:4.3","an4.170:4.4"],"kind":"text","text":{"pi":"Puna caparaṁ, āvuso, bhikkhu vipassanāpubbaṅgamaṁ samathaṁ bhāveti.\nTassa vipassanāpubbaṅgamaṁ samathaṁ bhāvayato maggo sañjāyati.\nSo taṁ maggaṁ āsevati bhāveti bahulīkaroti.\nTassa taṁ maggaṁ āsevato bhāvayato bahulīkaroto saṁyojanāni pahīyanti, anusayā byantīhonti.","en":"Another mendicant develops discernment before serenity.\nAs they do so, the path is born in them.\nThey cultivate, develop, and make much of it.\nBy doing so, they give up the fetters and eliminate the underlying tendencies."}},{"id":"an4.170:5","sourceIds":["an4.170:5.1","an4.170:5.2","an4.170:5.3","an4.170:5.4"],"kind":"text","text":{"pi":"Puna caparaṁ, āvuso, bhikkhu samathavipassanaṁ yuganaddhaṁ bhāveti.\nTassa samathavipassanaṁ yuganaddhaṁ bhāvayato maggo sañjāyati.\nSo taṁ maggaṁ āsevati bhāveti bahulīkaroti.\nTassa taṁ maggaṁ āsevato bhāvayato bahulīkaroto saṁyojanāni pahīyanti, anusayā byantīhonti.","en":"Another mendicant develops serenity and discernment in conjunction.\nAs they do so, the path is born in them.\nThey cultivate, develop, and make much of it.\nBy doing so, they give up the fetters and eliminate the underlying tendencies."}},{"id":"an4.170:6","sourceIds":["an4.170:6.1","an4.170:6.2","an4.170:6.3","an4.170:6.4","an4.170:6.5"],"kind":"text","text":{"pi":"Puna caparaṁ, āvuso, bhikkhuno dhammuddhaccaviggahitaṁ mānasaṁ hoti.\nHoti so, āvuso, samayo yaṁ taṁ cittaṁ ajjhattameva santiṭṭhati sannisīdati ekodi hoti samādhiyati.\nTassa maggo sañjāyati.\nSo taṁ maggaṁ āsevati bhāveti bahulīkaroti.\nTassa taṁ maggaṁ āsevato bhāvayato bahulīkaroto saṁyojanāni pahīyanti, anusayā byantīhonti.","en":"Another mendicant’s heart is seized by restlessness to realize the teaching.\nBut there comes a time when their mind is stilled internally; it settles, unifies, and becomes immersed in samādhi.\nThe path is born in them.\nThey cultivate, develop, and make much of it.\nBy doing so, they give up the fetters and eliminate the underlying tendencies."}},{"id":"an4.170:7","sourceIds":["an4.170:7.1","an4.170:7.2","an4.170:7.3"],"kind":"text","text":{"pi":"Yo hi koci, āvuso, bhikkhu vā bhikkhunī vā mama santike arahattappattiṁ byākaroti, sabbo so imehi catūhi maggehi, etesaṁ vā aññatarenā”ti.\nDasamaṁ.\nPaṭipadāvaggo dutiyo.","en":"All of the monks and nuns who declare in my presence that they have attained perfection, did so by one or other of these four paths.”"}},{"id":"an4.170:8","sourceIds":["an4.170:8.0","an4.170:8.1","an4.170:8.2","an4.170:8.3","an4.170:8.4"],"kind":"text","text":{"pi":"Tassuddānaṁ\nSaṅkhittaṁ vitthārāsubhaṁ,\nDve khamā ubhayena ca;\nMoggallāno sāriputto,\nSasaṅkhāraṁ yuganaddhena cāti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.170/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}