{"id":"an4.171","title":"Intention","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.171","title":"Intention","units":[{"id":"an4.171:0","sourceIds":["an4.171:0.1","an4.171:0.2","an4.171:0.3"],"kind":"text","text":{"pi":"Aṅguttara Nikāya 4.171\n18. Sañcetaniyavagga\nCetanāsutta","en":"Numbered Discourses 4.171\n18. Intention\nIntention"}},{"id":"an4.171:1","sourceIds":["an4.171:1.1","an4.171:1.2","an4.171:1.3"],"kind":"text","text":{"pi":"“Kāye vā, bhikkhave, sati kāyasañcetanāhetu uppajjati ajjhattaṁ sukhadukkhaṁ.\nVācāya vā, bhikkhave, sati vacīsañcetanāhetu uppajjati ajjhattaṁ sukhadukkhaṁ.\nMane vā, bhikkhave, sati manosañcetanāhetu uppajjati ajjhattaṁ sukhadukkhaṁ avijjāpaccayāva.","en":"“Mendicants, as long as there’s a body, the intention that gives rise to bodily action causes pleasure and pain to arise in oneself.\nAs long as there’s a voice, the intention that gives rise to verbal action causes pleasure and pain to arise in oneself.\nAs long as there’s a mind, the intention that gives rise to mental action causes pleasure and pain to arise in oneself. But this is only when dependent on ignorance."}},{"id":"an4.171:2","sourceIds":["an4.171:2.1","an4.171:2.2","an4.171:2.3","an4.171:2.4"],"kind":"text","text":{"pi":"Sāmaṁ vā taṁ, bhikkhave, kāyasaṅkhāraṁ abhisaṅkharoti, yaṁpaccayāssa taṁ uppajjati ajjhattaṁ sukhadukkhaṁ.\nPare vāssa taṁ, bhikkhave, kāyasaṅkhāraṁ abhisaṅkharonti, yaṁpaccayāssa taṁ uppajjati ajjhattaṁ sukhadukkhaṁ.\nSampajāno vā taṁ, bhikkhave, kāyasaṅkhāraṁ abhisaṅkharoti, yaṁpaccayāssa taṁ uppajjati ajjhattaṁ sukhadukkhaṁ.\nAsampajāno vā taṁ, bhikkhave, kāyasaṅkhāraṁ abhisaṅkharoti, yaṁpaccayāssa taṁ uppajjati ajjhattaṁ sukhadukkhaṁ.","en":"By oneself one instigates the choice that gives rise to bodily, verbal, and mental action, conditioned by which that pleasure and pain arise in oneself.\nOr else others instigate the choice …\nOne instigates the choice after deliberation …\nOr else one instigates the choice without deliberation …"}},{"id":"an4.171:3","sourceIds":["an4.171:3.1","an4.171:3.2","an4.171:3.3","an4.171:3.4","an4.171:3.5"],"kind":"text","text":{"pi":"Sāmaṁ vā taṁ, bhikkhave, vacīsaṅkhāraṁ abhisaṅkharoti, yaṁpaccayāssa taṁ uppajjati ajjhattaṁ sukhadukkhaṁ;\npare vāssa taṁ, bhikkhave, vacīsaṅkhāraṁ abhisaṅkharonti;\nyaṁpaccayāssa taṁ uppajjati ajjhattaṁ sukhadukkhaṁ;\nsampajāno vā taṁ, bhikkhave, vacīsaṅkhāraṁ abhisaṅkharoti, yaṁpaccayāssa taṁ uppajjati ajjhattaṁ sukhadukkhaṁ;\nasampajāno vā taṁ, bhikkhave, vacīsaṅkhāraṁ abhisaṅkharoti, yaṁpaccayāssa taṁ uppajjati ajjhattaṁ sukhadukkhaṁ."}},{"id":"an4.171:4","sourceIds":["an4.171:4.1","an4.171:4.2","an4.171:4.3","an4.171:4.4"],"kind":"text","text":{"pi":"Sāmaṁ vā taṁ, bhikkhave, manosaṅkhāraṁ abhisaṅkharoti, yaṁpaccayāssa taṁ uppajjati ajjhattaṁ sukhadukkhaṁ;\npare vāssa taṁ, bhikkhave, manosaṅkhāraṁ abhisaṅkharonti, yaṁpaccayāssa taṁ uppajjati ajjhattaṁ sukhadukkhaṁ;\nsampajāno vā taṁ, bhikkhave, manosaṅkhāraṁ abhisaṅkharoti, yaṁpaccayāssa taṁ uppajjati ajjhattaṁ sukhadukkhaṁ;\nasampajāno vā taṁ, bhikkhave, manosaṅkhāraṁ abhisaṅkharoti, yaṁpaccayāssa taṁ uppajjati ajjhattaṁ sukhadukkhaṁ."}},{"id":"an4.171:5","sourceIds":["an4.171:5.1","an4.171:5.2","an4.171:5.3"],"kind":"text","text":{"pi":"Imesu, bhikkhave, dhammesu avijjā anupatitā,\navijjāya tveva asesavirāganirodhā so kāyo na hoti yaṁpaccayāssa taṁ uppajjati ajjhattaṁ sukhadukkhaṁ, sā vācā na hoti yaṁpaccayāssa taṁ uppajjati ajjhattaṁ sukhadukkhaṁ, so mano na hoti yaṁpaccayāssa taṁ uppajjati ajjhattaṁ sukhadukkhaṁ,\nkhettaṁ taṁ na hoti …pe… vatthu taṁ na hoti …pe… āyatanaṁ taṁ na hoti …pe… adhikaraṇaṁ taṁ na hoti yaṁpaccayāssa taṁ uppajjati ajjhattaṁ sukhadukkhanti.","en":"Ignorance is included in all these things.\nBut when ignorance fades away and ceases with no residue left behind, that body, that voice, and that mind no longer exist dependent on which that pleasure and pain arise in oneself.\nThat field does not exist, that ground does not exist, that dimension does not exist, that foundation does not exist, dependent on which that pleasure and pain arise in oneself.”"}},{"id":"an4.171:6","sourceIds":["an4.171:6.1","an4.171:6.2","an4.171:6.3","an4.171:6.4","an4.171:6.5","an4.171:6.6","an4.171:6.7"],"kind":"text","text":{"pi":"Cattārome, bhikkhave, attabhāvapaṭilābhā.\nKatame cattāro?\nAtthi, bhikkhave, attabhāvapaṭilābho, yasmiṁ attabhāvapaṭilābhe attasañcetanā kamati, no parasañcetanā.\nAtthi, bhikkhave, attabhāvapaṭilābho, yasmiṁ attabhāvapaṭilābhe parasañcetanā kamati, no attasañcetanā.\nAtthi, bhikkhave, attabhāvapaṭilābho, yasmiṁ attabhāvapaṭilābhe attasañcetanā ca kamati parasañcetanā ca.\nAtthi, bhikkhave, attabhāvapaṭilābho, yasmiṁ attabhāvapaṭilābhe nevattasañcetanā kamati, no parasañcetanā.\nIme kho, bhikkhave, cattāro attabhāvapaṭilābhā”ti.","en":"“Mendicants, there are four kinds of incarnation.\nWhat four?\nThere is incarnation where one’s own intention is effective, not that of others.\nThere is incarnation where the intention of others is effective, not one’s own.\nThere is incarnation where both one’s own and others’ intentions are effective.\nThere is incarnation where neither one’s own nor others’ intentions are effective.\nThese are the four kinds of incarnation.”"}},{"id":"an4.171:7","sourceIds":["an4.171:7.1","an4.171:7.2","an4.171:7.3","an4.171:7.4","an4.171:7.5","an4.171:7.6","an4.171:7.7"],"kind":"text","text":{"pi":"Evaṁ vutte, āyasmā sāriputto bhagavantaṁ etadavoca:\n“imassa kho ahaṁ, bhante, bhagavatā saṅkhittena bhāsitassa evaṁ vitthārena atthaṁ ājānāmi:\n‘tatra, bhante, yāyaṁ attabhāvapaṭilābho yasmiṁ attabhāvapaṭilābhe attasañcetanā kamati no parasañcetanā, attasañcetanāhetu tesaṁ sattānaṁ tamhā kāyā cuti hoti.\nTatra, bhante, yāyaṁ attabhāvapaṭilābho yasmiṁ attabhāvapaṭilābhe parasañcetanā kamati no attasañcetanā, parasañcetanāhetu tesaṁ sattānaṁ tamhā kāyā cuti hoti.\nTatra, bhante, yāyaṁ attabhāvapaṭilābho yasmiṁ attabhāvapaṭilābhe attasañcetanā ca kamati parasañcetanā ca, attasañcetanā ca parasañcetanā ca hetu tesaṁ sattānaṁ tamhā kāyā cuti hoti.\nTatra, bhante, yāyaṁ attabhāvapaṭilābho yasmiṁ attabhāvapaṭilābhe neva attasañcetanā kamati no parasañcetanā, katame tena devā daṭṭhabbā’”ti?\n“Nevasaññānāsaññāyatanūpagā, sāriputta, devā tena daṭṭhabbā”ti.","en":"When he said this, Venerable Sāriputta said to the Buddha:\n“Sir, this is how I understand the detailed meaning of the Buddha’s brief statement.\nTake the case of the incarnation where one’s own intention is effective, not that of others. Those sentient beings pass away from that realm due to their own intention.\nTake the case of the incarnation where the intention of others is effective, not one’s own. Those sentient beings pass away from that realm due to the intention of others.\nTake the case of the incarnation where both one’s own and others’ intentions are effective. Those sentient beings pass away from that realm due to both their own and others’ intentions.\nBut sir, in the case of the incarnation where neither one’s own nor others’ intentions are effective, what kind of gods does this refer to?”\n“Sāriputta, it refers to the gods reborn in the dimension of neither perception nor non-perception.”"}},{"id":"an4.171:8","sourceIds":["an4.171:8.1","an4.171:8.2","an4.171:8.3","an4.171:8.4","an4.171:8.5","an4.171:8.6"],"kind":"text","text":{"pi":"“Ko nu kho, bhante, hetu ko paccayo, yena m’idhekacce sattā tamhā kāyā cutā āgāmino honti āgantāro itthattaṁ?\nKo pana, bhante, hetu ko paccayo, yena m’idhekacce sattā tamhā kāyā cutā anāgāmino honti anāgantāro itthattan”ti?\n“Idha, sāriputta, ekaccassa puggalassa orambhāgiyāni saṁyojanāni appahīnāni honti, so diṭṭheva dhamme nevasaññānāsaññāyatanaṁ upasampajja viharati.\nSo tadassādeti, taṁ nikāmeti, tena ca vittiṁ āpajjati;\ntattha ṭhito tadadhimutto tabbahulavihārī aparihīno kālaṁ kurumāno nevasaññānāsaññāyatanūpagānaṁ devānaṁ sahabyataṁ upapajjati.\nSo tato cuto āgāmī hoti āgantā itthattaṁ.","en":"“What is the cause, sir, what is the reason why some sentient beings pass away from that realm as returners who come back to this place,\nwhile others are non-returners who don’t come back?”\n“Sāriputta, take an individual who hasn’t given up the lower fetters. In this very life they enter and abide in the dimension of neither perception nor non-perception.\nThey enjoy it and like it and find it rewarding.\nIf they abide in that, are committed to it, and meditate on it often without losing it, when they die they’re reborn in the company of the gods of the dimension of neither perception nor non-perception.\nWhen they pass away from there, they’re a returner, who comes back to this place."}},{"id":"an4.171:9","sourceIds":["an4.171:9.1","an4.171:9.2","an4.171:9.3","an4.171:9.4"],"kind":"text","text":{"pi":"Idha pana, sāriputta, ekaccassa puggalassa orambhāgiyāni saṁyojanāni pahīnāni honti, so diṭṭheva dhamme nevasaññānāsaññāyatanaṁ upasampajja viharati.\nSo tadassādeti, taṁ nikāmeti, tena ca vittiṁ āpajjati;\ntattha ṭhito tadadhimutto tabbahulavihārī aparihīno kālaṁ kurumāno nevasaññānāsaññāyatanūpagānaṁ devānaṁ sahabyataṁ upapajjati.\nSo tato cuto anāgāmī hoti anāgantā itthattaṁ.","en":"Sāriputta, take an individual who has given up the lower fetters. In this very life they enter and abide in the dimension of neither perception nor non-perception.\nThey enjoy it and like it and find it rewarding.\nIf they abide in that, are committed to it, and meditate on it often without losing it, when they die they’re reborn in the company of the gods of the dimension of neither perception nor non-perception.\nWhen they pass away from there, they’re a non-returner, not coming back to this place."}},{"id":"an4.171:10","sourceIds":["an4.171:10.1","an4.171:10.2","an4.171:10.3"],"kind":"text","text":{"pi":"Ayaṁ kho, sāriputta, hetu ayaṁ paccayo, yena m’idhekacce sattā tamhā kāyā cutā āgāmino honti āgantāro itthattaṁ.\nAyaṁ pana, sāriputta, hetu ayaṁ paccayo, yena m’idhekacce sattā tamhā kāyā cutā anāgāmino honti anāgantāro itthattan”ti.\nPaṭhamaṁ.","en":"This is the cause, this is the reason why some sentient beings pass away from that realm as returners who come back to this place,\nwhile others are non-returners who don’t come back.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.171/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}