{"id":"an4.184","title":"Fearless","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.184","title":"Fearless","units":[{"id":"an4.184:0","sourceIds":["an4.184:0.1","an4.184:0.2","an4.184:0.3"],"kind":"text","text":{"pi":"Aṅguttara Nikāya 4.184\n19. Brāhmaṇavagga\nAbhayasutta","en":"Numbered Discourses 4.184\n19. Brahmins\nFearless"}},{"id":"an4.184:1","sourceIds":["an4.184:1.1","an4.184:1.2"],"kind":"text","text":{"pi":"Atha kho jāṇussoṇi brāhmaṇo yena bhagavā tenupasaṅkami; upasaṅkamitvā bhagavatā saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho jāṇussoṇi brāhmaṇo bhagavantaṁ etadavoca:","en":"Then the brahmin Jānussoṇi went up to the Buddha, and exchanged greetings with him.\nWhen the greetings and polite conversation were over, he sat down to one side and said to the Buddha:"}},{"id":"an4.184:2","sourceIds":["an4.184:2.1","an4.184:2.2","an4.184:2.3","an4.184:2.4"],"kind":"text","text":{"pi":"“Ahañhi, bho gotama, evaṁvādī evaṁdiṭṭhi:\n‘natthi yo maraṇadhammo samāno na bhāyati, na santāsaṁ āpajjati maraṇassā’”ti.\n“Atthi, brāhmaṇa, maraṇadhammo samāno bhāyati, santāsaṁ āpajjati maraṇassa;\natthi pana, brāhmaṇa, maraṇadhammo samāno na bhāyati, na santāsaṁ āpajjati maraṇassa.","en":"“Worthy Gotama, this is my doctrine and view:\n‘All those liable to death are frightened and terrified of death.’”\n“Brahmin, some of those liable to death are frightened and terrified of death.\nBut some of those liable to death are not frightened and terrified of death."}},{"id":"an4.184:3","sourceIds":["an4.184:3.1","an4.184:3.2","an4.184:3.3","an4.184:3.4","an4.184:3.5","an4.184:3.6","an4.184:3.7"],"kind":"text","text":{"pi":"Katamo ca, brāhmaṇa, maraṇadhammo samāno bhāyati, santāsaṁ āpajjati maraṇassa?\nIdha, brāhmaṇa, ekacco kāmesu avītarāgo hoti avigatacchando avigatapemo avigatapipāso avigatapariḷāho avigatataṇho.\nTamenaṁ aññataro gāḷho rogātaṅko phusati.\nTassa aññatarena gāḷhena rogātaṅkena phuṭṭhassa evaṁ hoti:\n‘piyā vata maṁ kāmā jahissanti, piye cāhaṁ kāme jahissāmī’ti.\nSo socati kilamati paridevati, urattāḷiṁ kandati, sammohaṁ āpajjati.\nAyaṁ kho, brāhmaṇa, maraṇadhammo samāno bhāyati, santāsaṁ āpajjati maraṇassa.","en":"Who are those frightened of death?\nIt’s someone who isn’t free of greed, desire, fondness, thirst, passion, and craving for sensual pleasures.\nWhen they fall seriously ill,\nthey think:\n‘The sensual pleasures that I love so much will leave me, and I’ll leave them.’\nThey sorrow and wail and lament, beating their breast and falling into confusion.\nThis is someone who is frightened of death."}},{"id":"an4.184:4","sourceIds":["an4.184:4.1","an4.184:4.2","an4.184:4.3","an4.184:4.4","an4.184:4.5","an4.184:4.6"],"kind":"text","text":{"pi":"Puna caparaṁ, brāhmaṇa, idhekacco kāye avītarāgo hoti avigatacchando avigatapemo avigatapipāso avigatapariḷāho avigatataṇho.\nTamenaṁ aññataro gāḷho rogātaṅko phusati.\nTassa aññatarena gāḷhena rogātaṅkena phuṭṭhassa evaṁ hoti:\n‘piyo vata maṁ kāyo jahissati, piyañcāhaṁ kāyaṁ jahissāmī’ti.\nSo socati kilamati paridevati, urattāḷiṁ kandati, sammohaṁ āpajjati.\nAyampi kho, brāhmaṇa, maraṇadhammo samāno bhāyati, santāsaṁ āpajjati maraṇassa.","en":"Furthermore, it’s someone who isn’t free of greed, desire, fondness, thirst, passion, and craving for the body.\nWhen they fall seriously ill,\nthey think:\n‘This body that I love so much will leave me, and I’ll leave it.’\nThey sorrow and wail and lament, beating their breast and falling into confusion.\nThis, too, is someone who is frightened of death."}},{"id":"an4.184:5","sourceIds":["an4.184:5.1","an4.184:5.2","an4.184:5.3","an4.184:5.4","an4.184:5.5","an4.184:5.6","an4.184:5.7","an4.184:5.8"],"kind":"text","text":{"pi":"Puna caparaṁ, brāhmaṇa, idhekacco akatakalyāṇo hoti akatakusalo akatabhīruttāṇo katapāpo kataluddo katakibbiso.\nTamenaṁ aññataro gāḷho rogātaṅko phusati.\nTassa aññatarena gāḷhena rogātaṅkena phuṭṭhassa evaṁ hoti:\n‘akataṁ vata me kalyāṇaṁ, akataṁ kusalaṁ, akataṁ bhīruttāṇaṁ;\nkataṁ pāpaṁ, kataṁ luddaṁ, kataṁ kibbisaṁ.\nYāvatā, bho, akatakalyāṇānaṁ akatakusalānaṁ akatabhīruttāṇānaṁ katapāpānaṁ kataluddānaṁ katakibbisānaṁ gati taṁ gatiṁ pecca gacchāmī’ti.\nSo socati kilamati paridevati, urattāḷiṁ kandati, sammohaṁ āpajjati.\nAyampi kho, brāhmaṇa, maraṇadhammo samāno bhāyati, santāsaṁ āpajjati maraṇassa.","en":"Furthermore, it’s someone who hasn’t done good and skillful things that keep them safe, but has done bad things, violence and sin.\nWhen they fall seriously ill,\nthey think:\n‘Well, I haven’t done good and skillful things that keep me safe.\nAnd I have done bad things, violence and sin.\nWhen I depart, I’ll go to the place where people who’ve done such things go.’\nThey sorrow and wail and lament, beating their breast and falling into confusion.\nThis, too, is someone who is frightened of death."}},{"id":"an4.184:6","sourceIds":["an4.184:6.1","an4.184:6.2","an4.184:6.3","an4.184:6.4","an4.184:6.5","an4.184:6.6","an4.184:6.7"],"kind":"text","text":{"pi":"Puna caparaṁ, brāhmaṇa, idhekacco kaṅkhī hoti vicikicchī aniṭṭhaṅgato saddhamme.\nTamenaṁ aññataro gāḷho rogātaṅko phusati.\nTassa aññatarena gāḷhena rogātaṅkena phuṭṭhassa evaṁ hoti:\n‘kaṅkhī vatamhi vicikicchī aniṭṭhaṅgato saddhamme’ti.\nSo socati kilamati paridevati, urattāḷiṁ kandati, sammohaṁ āpajjati.\nAyampi kho, brāhmaṇa, maraṇadhammo samāno bhāyati, santāsaṁ āpajjati maraṇassa.\nIme kho, brāhmaṇa, cattāro maraṇadhammā samānā bhāyanti, santāsaṁ āpajjanti maraṇassa.","en":"Furthermore, it’s someone who’s doubtful, uncertain, and undecided about the true teaching.\nWhen they fall seriously ill,\nthey think:\n‘I’m doubtful, uncertain, and undecided about the true teaching.’\nThey sorrow and wail and lament, beating their breast and falling into confusion.\nThis, too, is someone who is frightened of death.\nThese are the four individuals liable to death who are frightened and terrified of death."}},{"id":"an4.184:7","sourceIds":["an4.184:7.1","an4.184:7.2","an4.184:7.3","an4.184:7.4","an4.184:7.5","an4.184:7.6","an4.184:7.7"],"kind":"text","text":{"pi":"Katamo ca, brāhmaṇa, maraṇadhammo samāno na bhāyati, na santāsaṁ āpajjati maraṇassa?\nIdha, brāhmaṇa, ekacco kāmesu vītarāgo hoti vigatacchando vigatapemo vigatapipāso vigatapariḷāho vigatataṇho.\nTamenaṁ aññataro gāḷho rogātaṅko phusati.\nTassa aññatarena gāḷhena rogātaṅkena phuṭṭhassa na evaṁ hoti:\n‘piyā vata maṁ kāmā jahissanti, piye cāhaṁ kāme jahissāmī’ti.\nSo na socati na kilamati na paridevati, na urattāḷiṁ kandati, na sammohaṁ āpajjati.\nAyaṁ kho, brāhmaṇa, maraṇadhammo samāno na bhāyati, na santāsaṁ āpajjati maraṇassa.","en":"Who are those not frightened of death?\nIt’s someone who is rid of greed, desire, fondness, thirst, passion, and craving for sensual pleasures.\nWhen they fall seriously ill,\nthey don’t think:\n‘The sensual pleasures that I love so much will leave me, and I’ll leave them.’\nThey don’t sorrow and wail and lament, beating their breast and falling into confusion.\nThis is someone who’s not frightened of death."}},{"id":"an4.184:8","sourceIds":["an4.184:8.1","an4.184:8.2","an4.184:8.3","an4.184:8.4","an4.184:8.5","an4.184:8.6"],"kind":"text","text":{"pi":"Puna caparaṁ, brāhmaṇa, idhekacco kāye vītarāgo hoti vigatacchando vigatapemo vigatapipāso vigatapariḷāho vigatataṇho.\nTamenaṁ aññataro gāḷho rogātaṅko phusati.\nTassa aññatarena gāḷhena rogātaṅkena phuṭṭhassa na evaṁ hoti:\n‘piyo vata maṁ kāyo jahissati, piyañcāhaṁ kāyaṁ jahissāmī’ti.\nSo na socati na kilamati na paridevati, na urattāḷiṁ kandati, na sammohaṁ āpajjati.\nAyampi kho, brāhmaṇa, maraṇadhammo samāno na bhāyati, na santāsaṁ āpajjati maraṇassa.","en":"Furthermore, it’s someone who is rid of greed, desire, fondness, thirst, passion, and craving for the body.\nWhen they fall seriously ill,\nthey don’t think:\n‘This body that I love so much will leave me, and I’ll leave it.’\nThey don’t sorrow and wail and lament, beating their breast and falling into confusion.\nThis, too, is someone who’s not frightened of death."}},{"id":"an4.184:9","sourceIds":["an4.184:9.1","an4.184:9.2","an4.184:9.3","an4.184:9.4","an4.184:9.5","an4.184:9.6","an4.184:9.7","an4.184:9.8"],"kind":"text","text":{"pi":"Puna caparaṁ, brāhmaṇa, idhekacco akatapāpo hoti akataluddo akatakibbiso katakalyāṇo katakusalo katabhīruttāṇo.\nTamenaṁ aññataro gāḷho rogātaṅko phusati.\nTassa aññatarena gāḷhena rogātaṅkena phuṭṭhassa evaṁ hoti:\n‘akataṁ vata me pāpaṁ, akataṁ luddaṁ, akataṁ kibbisaṁ;\nkataṁ kalyāṇaṁ, kataṁ kusalaṁ, kataṁ bhīruttāṇaṁ.\nYāvatā, bho, akatapāpānaṁ akataluddānaṁ akatakibbisānaṁ katakalyāṇānaṁ katakusalānaṁ katabhīruttāṇānaṁ gati taṁ gatiṁ pecca gacchāmī’ti.\nSo na socati na kilamati na paridevati, na urattāḷiṁ kandati, na sammohaṁ āpajjati.\nAyampi kho, brāhmaṇa, maraṇadhammo samāno na bhāyati, na santāsaṁ āpajjati maraṇassa.","en":"Furthermore, it’s someone who hasn’t done bad things, violence and sin, but has done good and skillful deeds that keep them safe.\nWhen they fall seriously ill,\nthey think:\n‘Well, I haven’t done bad things, violence and sin.\nAnd I have done good and skillful deeds that keep me safe.\nWhen I depart, I’ll go to the place where people who’ve done such things go.’\nThey don’t sorrow and wail and lament, beating their breast and falling into confusion.\nThis, too, is someone who’s not frightened of death."}},{"id":"an4.184:10","sourceIds":["an4.184:10.1","an4.184:10.2","an4.184:10.3","an4.184:10.4","an4.184:10.5","an4.184:10.6","an4.184:10.7"],"kind":"text","text":{"pi":"Puna caparaṁ, brāhmaṇa, idhekacco akaṅkhī hoti avicikicchī niṭṭhaṅgato saddhamme.\nTamenaṁ aññataro gāḷho rogātaṅko phusati.\nTassa aññatarena gāḷhena rogātaṅkena phuṭṭhassa evaṁ hoti:\n‘akaṅkhī vatamhi avicikicchī niṭṭhaṅgato saddhamme’ti.\nSo na socati na kilamati na paridevati, na urattāḷiṁ kandati, na sammohaṁ āpajjati.\nAyampi kho, brāhmaṇa, maraṇadhammo samāno na bhāyati, na santāsaṁ āpajjati maraṇassa.\nIme kho, brāhmaṇa, cattāro maraṇadhammā samānā na bhāyanti, na santāsaṁ āpajjanti maraṇassā”ti.","en":"Furthermore, it’s someone who’s not doubtful, uncertain, or undecided about the true teaching.\nWhen they fall seriously ill,\nthey think:\n‘I’m not doubtful, uncertain, or undecided about the true teaching.’\nThey don’t sorrow and wail and lament, beating their breast and falling into confusion.\nThis, too, is someone who’s not frightened of death.\nThese are the four individuals liable to death who are not frightened and terrified of death.”"}},{"id":"an4.184:11","sourceIds":["an4.184:11.1","an4.184:11.2"],"kind":"text","text":{"pi":"“Abhikkantaṁ, bho gotama, abhikkantaṁ, bho gotama …pe… upāsakaṁ maṁ bhavaṁ gotamo dhāretu ajjatagge pāṇupetaṁ saraṇaṁ gatan”ti.\nCatutthaṁ.","en":"“Excellent, worthy Gotama! … From this day forth, may the worthy Gotama remember me as a lay follower who has gone for refuge for life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.184/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}