{"id":"an4.187","title":"With Vassakāra","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.187","title":"With Vassakāra","units":[{"id":"an4.187:0","sourceIds":["an4.187:0.1","an4.187:0.2","an4.187:0.3"],"kind":"text","text":{"pi":"Aṅguttara Nikāya 4.187\n19. Brāhmaṇavagga\nVassakārasutta","en":"Numbered Discourses 4.187\n19. Brahmins\nWith Vassakāra"}},{"id":"an4.187:1","sourceIds":["an4.187:1.1","an4.187:1.2","an4.187:1.3"],"kind":"text","text":{"pi":"Ekaṁ samayaṁ bhagavā rājagahe viharati veḷuvane kalandakanivāpe.\nAtha kho vassakāro brāhmaṇo magadhamahāmatto yena bhagavā tenupasaṅkami; upasaṅkamitvā bhagavatā saddhiṁ sammodi.\nSammodanīyaṁ kathaṁ sāraṇīyaṁ vītisāretvā ekamantaṁ nisīdi. Ekamantaṁ nisinno kho vassakāro brāhmaṇo magadhamahāmatto bhagavantaṁ etadavoca:","en":"At one time the Buddha was staying near Rājagaha in the Bamboo Grove, the squirrels’ feeding ground.\nThen Vassakāra the brahmin, a chief minister of Magadha, went up to the Buddha, and exchanged greetings with him.\nWhen the greetings and polite conversation were over, he sat down to one side and said to the Buddha:"}},{"id":"an4.187:2","sourceIds":["an4.187:2.1","an4.187:2.2","an4.187:2.3","an4.187:2.4","an4.187:2.5","an4.187:2.6","an4.187:2.7","an4.187:2.8","an4.187:2.9","an4.187:2.10","an4.187:2.11","an4.187:2.12","an4.187:2.13","an4.187:2.14","an4.187:2.15","an4.187:2.16"],"kind":"text","text":{"pi":"“Jāneyya nu kho, bho gotama, asappuriso asappurisaṁ:\n‘asappuriso ayaṁ bhavan’”ti?\n“Aṭṭhānaṁ kho etaṁ, brāhmaṇa, anavakāso yaṁ asappuriso asappurisaṁ jāneyya:\n‘asappuriso ayaṁ bhavan’”ti.\n“Jāneyya pana, bho gotama, asappuriso sappurisaṁ:\n‘sappuriso ayaṁ bhavan’”ti?\n“Etampi kho, brāhmaṇa, aṭṭhānaṁ anavakāso yaṁ asappuriso sappurisaṁ jāneyya:\n‘sappuriso ayaṁ bhavan’”ti.\n“Jāneyya nu kho, bho gotama, sappuriso sappurisaṁ:\n‘sappuriso ayaṁ bhavan’”ti?\n“Ṭhānaṁ kho etaṁ, brāhmaṇa, vijjati yaṁ sappuriso sappurisaṁ jāneyya:\n‘sappuriso ayaṁ bhavan’”ti.\n“Jāneyya pana, bho gotama, sappuriso asappurisaṁ:\n‘asappuriso ayaṁ bhavan’”ti?\n“Etampi kho, brāhmaṇa, ṭhānaṁ vijjati yaṁ sappuriso asappurisaṁ jāneyya:\n‘asappuriso ayaṁ bhavan’”ti.","en":"“Worthy Gotama, could an untrue person know of an untrue person:\n‘This worthy one is an untrue person’?”\n“That’s impossible, brahmin, it can’t happen.”\n“Could an untrue person know of a true person:\n‘This worthy one is a true person’?”\n“That too is impossible, it can’t happen.”\n“Worthy Gotama, could a true person know of a true person:\n‘This worthy one is a true person’?”\n“That, brahmin, is possible.”\n“Could a true person know of an untrue person:\n‘This worthy one is an untrue person’?”\n“That too is possible.”"}},{"id":"an4.187:3","sourceIds":["an4.187:3.1","an4.187:3.2","an4.187:3.3","an4.187:3.4","an4.187:3.5","an4.187:3.6","an4.187:3.7","an4.187:3.8","an4.187:3.9","an4.187:3.10"],"kind":"text","text":{"pi":"“Acchariyaṁ, bho gotama, abbhutaṁ, bho gotama.\nYāva subhāsitañcidaṁ bhotā gotamena:\n‘aṭṭhānaṁ kho etaṁ, brāhmaṇa, anavakāso yaṁ asappuriso asappurisaṁ jāneyya—\nasappuriso ayaṁ bhavanti.\nEtampi kho, brāhmaṇa, aṭṭhānaṁ anavakāso yaṁ asappuriso sappurisaṁ jāneyya—\nsappuriso ayaṁ bhavanti.\nṬhānaṁ kho etaṁ, brāhmaṇa, vijjati yaṁ sappuriso sappurisaṁ jāneyya—\nsappuriso ayaṁ bhavanti.\nEtampi kho, brāhmaṇa, ṭhānaṁ vijjati yaṁ sappuriso asappurisaṁ jāneyya—\nasappuriso ayaṁ bhavan’ti.","en":"“It’s incredible, worthy Gotama, it’s amazing,\nhow well said this was by the worthy Gotama:\n‘It’s impossible, it can’t happen, that an untrue person could know …\nBut it is possible that a true person could know …’"}},{"id":"an4.187:4","sourceIds":["an4.187:4.1","an4.187:4.2","an4.187:4.3","an4.187:4.4","an4.187:4.5","an4.187:4.6","an4.187:4.7","an4.187:4.8"],"kind":"text","text":{"pi":"Ekamidaṁ, bho gotama, samayaṁ todeyyassa brāhmaṇassa parisati parūpārambhaṁ vattenti:\n‘bālo ayaṁ rājā eḷeyyo samaṇe rāmaputte abhippasanno, samaṇe ca pana rāmaputte evarūpaṁ paramanipaccakāraṁ karoti, yadidaṁ abhivādanaṁ paccuṭṭhānaṁ añjalikammaṁ sāmīcikammanti.\nImepi rañño eḷeyyassa parihārakā bālā—\nyamako moggallo uggo nāvindakī gandhabbo aggivesso, ye samaṇe rāmaputte abhippasannā, samaṇe ca pana rāmaputte evarūpaṁ paramanipaccakāraṁ karonti, yadidaṁ abhivādanaṁ paccuṭṭhānaṁ añjalikammaṁ sāmīcikamman’ti.\nTyāssudaṁ todeyyo brāhmaṇo iminā nayena neti.\n‘Taṁ kiṁ maññanti, bhonto,\npaṇḍito rājā eḷeyyo karaṇīyādhikaraṇīyesu vacanīyādhivacanīyesu alamatthadasatarehi alamatthadasataro’ti?\n‘Evaṁ, bho, paṇḍito rājā eḷeyyo karaṇīyādhikaraṇīyesu vacanīyādhivacanīyesu alamatthadasatarehi alamatthadasataroti.","en":"Once, members of the brahmin Todeyya’s assembly were going on complaining about others:\n‘This King Eḷeyya is a fool to be so devoted to the ascetic Rāmaputta. He even shows him the utmost deference by bowing down to him, rising up for him, greeting him with cupped palms, and observing proper etiquette for him.\nAnd these king’s men are fools too—\nYamaka, Moggalla, Ugga, Nāvindakī, Gandhabba, and Aggivessa—for they show the same kind of deference to Rāmaputta.’\nThen the brahmin Todeyya reasoned with them like this:\n‘What do the good fellows think?\nWhen it comes to the various duties and speeches, isn’t King Eḷeyya astute, even better than the experts?’\n‘That’s true, worthy sir.’"}},{"id":"an4.187:5","sourceIds":["an4.187:5.1"],"kind":"text","text":{"pi":"Yasmā ca kho, bho, samaṇo rāmaputto raññā eḷeyyena paṇḍitena paṇḍitataro karaṇīyādhikaraṇīyesu vacanīyādhivacanīyesu alamatthadasatarena alamatthadasataro, tasmā rājā eḷeyyo samaṇe rāmaputte abhippasanno, samaṇe ca pana rāmaputte evarūpaṁ paramanipaccakāraṁ karoti, yadidaṁ abhivādanaṁ paccuṭṭhānaṁ añjalikammaṁ sāmīcikammaṁ’.","en":"‘It’s because the ascetic Rāmaputta is even more astute and expert than King Eḷeyya that the king is so devoted to him. That’s why he even shows Rāmaputta the utmost deference by bowing down to him, rising up for him, greeting him with cupped palms, and observing proper etiquette for him."}},{"id":"an4.187:6","sourceIds":["an4.187:6.1","an4.187:6.2","an4.187:6.3","an4.187:6.4","an4.187:6.5"],"kind":"text","text":{"pi":"‘Taṁ kiṁ maññanti, bhonto,\npaṇḍitā rañño eḷeyyassa parihārakā—\nyamako moggallo uggo nāvindakī gandhabbo aggivesso, karaṇīyādhikaraṇīyesu vacanīyādhivacanīyesu alamatthadasatarehi alamatthadasatarā’ti?\n‘Evaṁ, bho, paṇḍitā rañño eḷeyyassa parihārakā—\nyamako moggallo uggo nāvindakī gandhabbo aggivesso, karaṇīyādhikaraṇīyesu vacanīyādhivacanīyesu alamatthadasatarehi alamatthadasatarāti.","en":"‘What do the good fellows think?\nWhen it comes to the various duties and speeches, aren’t the king’s men—Yamaka, Moggalla, Ugga, Nāvindakī, Gandhabba, and Aggivessa—astute, even better than the experts?’\n‘That’s true, worthy sir.’"}},{"id":"an4.187:7","sourceIds":["an4.187:7.1","an4.187:7.2"],"kind":"text","text":{"pi":"Yasmā ca kho, bho, samaṇo rāmaputto rañño eḷeyyassa parihārakehi paṇḍitehi paṇḍitataro karaṇīyādhikaraṇīyesu vacanīyādhivacanīyesu alamatthadasatarehi alamatthadasataro, tasmā rañño eḷeyyassa parihārakā samaṇe rāmaputte abhippasannā;\nsamaṇe ca pana rāmaputte evarūpaṁ paramanipaccakāraṁ karonti, yadidaṁ abhivādanaṁ paccuṭṭhānaṁ añjalikammaṁ sāmīcikamman’ti.","en":"‘It’s because Rāmaputta is even more astute and expert than the king’s men that they have such devotion to him. …\nIt’s because Rāmaputta is even more astute and expert than King Eḷeyya that the king is so devoted to him. That’s why he even shows Rāmaputta the utmost deference by bowing down to him, rising up for him, greeting him with cupped palms, and observing proper etiquette for him.’"}},{"id":"an4.187:8","sourceIds":["an4.187:8.1","an4.187:8.2","an4.187:8.3","an4.187:8.4","an4.187:8.5","an4.187:8.6","an4.187:8.7","an4.187:8.8","an4.187:8.9","an4.187:8.10","an4.187:8.11","an4.187:8.12","an4.187:8.13"],"kind":"text","text":{"pi":"Acchariyaṁ, bho gotama, abbhutaṁ, bho gotama.\nYāva subhāsitañcidaṁ bhotā gotamena:\n‘aṭṭhānaṁ kho etaṁ, brāhmaṇa, anavakāso yaṁ asappuriso asappurisaṁ jāneyya—\nasappuriso ayaṁ bhavanti.\nEtampi kho, brāhmaṇa, aṭṭhānaṁ anavakāso yaṁ asappuriso sappurisaṁ jāneyya—\nsappuriso ayaṁ bhavanti.\nṬhānaṁ kho etaṁ, brāhmaṇa, vijjati yaṁ sappuriso sappurisaṁ jāneyya—\nsappuriso ayaṁ bhavanti.\nEtampi kho, brāhmaṇa, ṭhānaṁ vijjati yaṁ sappuriso asappurisaṁ jāneyya—\nasappuriso ayaṁ bhavan’ti.\nHanda ca dāni mayaṁ, bho gotama, gacchāma.\nBahukiccā mayaṁ bahukaraṇīyā”ti.\n“Yassadāni tvaṁ, brāhmaṇa, kālaṁ maññasī”ti.","en":"It’s incredible, worthy Gotama, it’s amazing,\nhow well said this was by the worthy Gotama:\n‘It’s impossible, it can’t happen, that an untrue person could know …\nBut it is possible that a true person could know …’\nWell, now, worthy Gotama, I must go.\nI have many duties, and much to do.”\n“Please, brahmin, go at your convenience.”"}},{"id":"an4.187:9","sourceIds":["an4.187:9.1","an4.187:9.2"],"kind":"text","text":{"pi":"Atha kho vassakāro brāhmaṇo magadhamahāmatto bhagavato bhāsitaṁ abhinanditvā anumoditvā uṭṭhāyāsanā pakkāmīti.\nSattamaṁ.","en":"Then Vassakāra the brahmin, having approved and agreed with what the Buddha said, rose from his seat and left."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.187/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}