{"id":"an4.190","title":"Sabbath","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.190","title":"Sabbath","units":[{"id":"an4.190:0","sourceIds":["an4.190:0.1","an4.190:0.2","an4.190:0.3"],"kind":"text","text":{"pi":"Aṅguttara Nikāya 4.190\n19. Brāhmaṇavagga\nUposathasutta","en":"Numbered Discourses 4.190\n19. Brahmins\nSabbath"}},{"id":"an4.190:1","sourceIds":["an4.190:1.1","an4.190:1.2","an4.190:1.3"],"kind":"text","text":{"pi":"Ekaṁ samayaṁ bhagavā sāvatthiyaṁ viharati pubbārāme migāramātupāsāde.\nTena kho pana samayena bhagavā tadahuposathe bhikkhusaṅghaparivuto nisinno hoti.\nAtha kho bhagavā tuṇhībhūtaṁ tuṇhībhūtaṁ bhikkhusaṅghaṁ anuviloketvā bhikkhū āmantesi:","en":"At one time the Buddha was staying near Sāvatthī in the stilt longhouse of Migāra’s mother in the Eastern Monastery.\nNow, at that time it was the sabbath, and the Buddha was sitting surrounded by the Saṅgha of monks.\nThen the Buddha looked around the Saṅgha of monks, who were so very silent. He addressed them:"}},{"id":"an4.190:2","sourceIds":["an4.190:2.1","an4.190:2.2","an4.190:2.3","an4.190:2.4","an4.190:2.5","an4.190:2.6"],"kind":"text","text":{"pi":"“Apalāpāyaṁ, bhikkhave, parisā nippalāpāyaṁ, bhikkhave, parisā suddhā sāre patiṭṭhitā.\nTathārūpo ayaṁ, bhikkhave, bhikkhusaṅgho, tathārūpāyaṁ, bhikkhave, parisā.\nYathārūpā parisā dullabhā dassanāyapi lokasmiṁ, tathārūpo ayaṁ, bhikkhave, bhikkhusaṅgho, tathārūpāyaṁ, bhikkhave, parisā.\nYathārūpā parisā āhuneyyā pāhuneyyā dakkhiṇeyyā añjalikaraṇīyā anuttaraṁ puññakkhettaṁ lokassa, tathārūpo ayaṁ, bhikkhave, bhikkhusaṅgho, tathārūpāyaṁ, bhikkhave, parisā.\nYathārūpāya parisāya appaṁ dinnaṁ bahu hoti bahu dinnaṁ bahutaraṁ, tathārūpo ayaṁ, bhikkhave, bhikkhusaṅgho, tathārūpāyaṁ, bhikkhave, parisā.\nYathārūpaṁ parisaṁ alaṁ yojanagaṇanānipi dassanāya gantuṁ api puṭosenāpi, tathārūpo ayaṁ, bhikkhave, bhikkhusaṅgho, tathārūpāyaṁ, bhikkhave, parisā.","en":"“This assembly has no chaff, monks, it is free of chaff, pure, and consolidated in the core.\nSuch is this Saṅgha of monks, such is this assembly!\nAn assembly such as this is rarely seen in the world.\nAn assembly such as this is worthy of offerings dedicated to the gods, worthy of hospitality, worthy of a religious donation, worthy of greeting with cupped palms, and is the supreme field of merit for the world.\nFor an assembly such as this, giving little becomes much, while giving much becomes even more.\nAn assembly such as this is worth traveling many leagues to see, even if you have to carry your own provisions in a knapsack."}},{"id":"an4.190:3","sourceIds":["an4.190:3.1","an4.190:3.2","an4.190:3.3","an4.190:3.4"],"kind":"text","text":{"pi":"Santi, bhikkhave, bhikkhū imasmiṁ bhikkhusaṅghe devappattā viharanti;\nsanti, bhikkhave, bhikkhū imasmiṁ bhikkhusaṅghe brahmappattā viharanti;\nsanti, bhikkhave, bhikkhū imasmiṁ bhikkhusaṅghe āneñjappattā viharanti;\nsanti, bhikkhave, bhikkhū imasmiṁ bhikkhusaṅghe ariyappattā viharanti.","en":"There are mendicants staying in this Saṅgha who have attained to the gods.\nThere are mendicants staying in this Saṅgha who have attained to divinity.\nThere are mendicants staying in this Saṅgha who have attained to the imperturbable.\nThere are mendicants staying in this Saṅgha who have attained to nobility."}},{"id":"an4.190:4","sourceIds":["an4.190:4.1","an4.190:4.2","an4.190:4.3","an4.190:4.4"],"kind":"text","text":{"pi":"Kathañca, bhikkhave, bhikkhu devappatto hoti?\nIdha, bhikkhave, bhikkhu vivicceva kāmehi …pe… paṭhamaṁ jhānaṁ upasampajja viharati;\nvitakkavicārānaṁ vūpasamā …pe… dutiyaṁ jhānaṁ …pe… tatiyaṁ jhānaṁ …pe… catutthaṁ jhānaṁ upasampajja viharati.\nEvaṁ kho, bhikkhave, bhikkhu devappatto hoti.","en":"And how has a mendicant attained to the gods?\nIt’s when a mendicant, quite secluded from sensual pleasures, secluded from unskillful qualities, enters and remains in the first absorption …\nAs the placing of the mind and keeping it connected are stilled, they enter and remain in the second absorption … third absorption … fourth absorption …\nThat’s how a mendicant has attained to the gods."}},{"id":"an4.190:5","sourceIds":["an4.190:5.1","an4.190:5.2","an4.190:5.3","an4.190:5.4","an4.190:5.5","an4.190:5.6"],"kind":"text","text":{"pi":"Kathañca, bhikkhave, bhikkhu brahmappatto hoti?\nIdha, bhikkhave, bhikkhu mettāsahagatena cetasā ekaṁ disaṁ pharitvā viharati, tathā dutiyaṁ tathā tatiyaṁ tathā catutthaṁ. Iti uddhamadho tiriyaṁ sabbadhi sabbattatāya sabbāvantaṁ lokaṁ mettāsahagatena cetasā vipulena mahaggatena appamāṇena averena abyāpajjena pharitvā viharati.\nKaruṇā …\nmuditā …\nupekkhāsahagatena cetasā ekaṁ disaṁ pharitvā viharati, tathā dutiyaṁ tathā tatiyaṁ tathā catutthaṁ. Iti uddhamadho tiriyaṁ sabbadhi sabbattatāya sabbāvantaṁ lokaṁ upekkhāsahagatena cetasā vipulena mahaggatena appamāṇena averena abyāpajjena pharitvā viharati.\nEvaṁ kho, bhikkhave, bhikkhu brahmappatto hoti.","en":"And how has a mendicant attained to divinity?\nFirstly, a mendicant meditates spreading a heart full of love to one direction, and to the second, and to the third, and to the fourth. In the same way above, below, across, everywhere, all around, they spread a heart full of love to the whole world—abundant, expansive, limitless, free of enmity and ill will.\nFurthermore, a mendicant meditates spreading a heart full of compassion …\nrejoicing …\nequanimity to one direction, and to the second, and to the third, and to the fourth. In the same way above, below, across, everywhere, all around, they spread a heart full of equanimity to the whole world—abundant, expansive, limitless, free of enmity and ill will.\nThat’s how a mendicant has attained to divinity."}},{"id":"an4.190:6","sourceIds":["an4.190:6.1","an4.190:6.2","an4.190:6.3","an4.190:6.4","an4.190:6.5","an4.190:6.6"],"kind":"text","text":{"pi":"Kathañca, bhikkhave, bhikkhu āneñjappatto hoti?\nIdha, bhikkhave, bhikkhu sabbaso rūpasaññānaṁ samatikkamā paṭighasaññānaṁ atthaṅgamā nānattasaññānaṁ amanasikārā ‘ananto ākāso’ti ākāsānañcāyatanaṁ upasampajja viharati.\nSabbaso ākāsānañcāyatanaṁ samatikkamma ‘anantaṁ viññāṇan’ti viññāṇañcāyatanaṁ upasampajja viharati.\nSabbaso viññāṇañcāyatanaṁ samatikkamma ‘natthi kiñcī’ti ākiñcaññāyatanaṁ upasampajja viharati.\nSabbaso ākiñcaññāyatanaṁ samatikkamma nevasaññānāsaññāyatanaṁ upasampajja viharati.\nEvaṁ kho, bhikkhave, bhikkhu āneñjappatto hoti.","en":"And how has a mendicant attained to the imperturbable?\nIt’s when a mendicant, going totally beyond perceptions of form, with the ending of perceptions of impingement, not focusing on perceptions of diversity, aware that ‘space is infinite’, enters and remains in the dimension of infinite space.\nGoing totally beyond the dimension of infinite space, aware that ‘consciousness is infinite’, he enters and remains in the dimension of infinite consciousness.\nGoing totally beyond the dimension of infinite consciousness, aware that ‘there is nothing at all’, he enters and remains in the dimension of nothingness.\nGoing totally beyond the dimension of nothingness, he enters and remains in the dimension of neither perception nor non-perception.\nThat’s how a mendicant has attained to the imperturbable."}},{"id":"an4.190:7","sourceIds":["an4.190:7.1","an4.190:7.2","an4.190:7.3","an4.190:7.4","an4.190:7.5"],"kind":"text","text":{"pi":"Kathañca, bhikkhave, bhikkhu ariyappatto hoti?\nIdha, bhikkhave, bhikkhu ‘idaṁ dukkhan’ti yathābhūtaṁ pajānāti …pe… ‘ayaṁ dukkhanirodhagāminī paṭipadā’ti yathābhūtaṁ pajānāti.\nEvaṁ kho, bhikkhave, bhikkhu ariyappatto hotī”ti.\nDasamaṁ.\nBrāhmaṇavaggo catuttho.","en":"And how has a mendicant attained to nobility?\nIt’s when they truly understand: ‘This is suffering’ … ‘This is the origin of suffering’ … ‘This is the cessation of suffering’ … ‘This is the practice that leads to the cessation of suffering’.\nThat’s how a mendicant has attained to nobility.”"}},{"id":"an4.190:8","sourceIds":["an4.190:8.0","an4.190:8.1","an4.190:8.2","an4.190:8.3","an4.190:8.4"],"kind":"text","text":{"pi":"Tassuddānaṁ\nYodhā pāṭibhogasutaṁ,\nAbhayaṁ brāhmaṇasaccena pañcamaṁ;\nUmmaggavassakāro,\nUpako sacchikiriyā ca uposathoti."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.190/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}