{"id":"an4.197","title":"Queen Mallikā","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.197","title":"Queen Mallikā","units":[{"id":"an4.197:0","sourceIds":["an4.197:0.1","an4.197:0.2","an4.197:0.3"],"kind":"text","text":{"pi":"Aṅguttara Nikāya 4.197\n20. Mahāvagga\nMallikādevīsutta","en":"Numbered Discourses 4.197\n20. The Great Chapter\nQueen Mallikā"}},{"id":"an4.197:1","sourceIds":["an4.197:1.1","an4.197:1.2"],"kind":"text","text":{"pi":"Ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.\nAtha kho mallikā devī yena bhagavā tenupasaṅkami; upasaṅkamitvā bhagavantaṁ abhivādetvā ekamantaṁ nisīdi. Ekamantaṁ nisinnā kho mallikā devī bhagavantaṁ etadavoca:","en":"At one time the Buddha was staying near Sāvatthī in Jeta’s Grove, Anāthapiṇḍika’s monastery.\nThen Queen Mallikā went up to the Buddha, bowed, sat down to one side, and said to him:"}},{"id":"an4.197:2","sourceIds":["an4.197:2.1","an4.197:2.2"],"kind":"text","text":{"pi":"“Ko nu kho, bhante, hetu ko paccayo, yena midhekacco mātugāmo dubbaṇṇā ca hoti durūpā supāpikā dassanāya;\ndaliddā ca hoti appassakā appabhogā appesakkhā ca?","en":"“What is the cause, sir, what is the reason why in this life some ladies are ugly, unattractive, and bad-looking;\nand poor, with few assets and possessions; and insignificant?"}},{"id":"an4.197:3","sourceIds":["an4.197:3.1","an4.197:3.2"],"kind":"text","text":{"pi":"Ko pana, bhante, hetu ko paccayo, yena midhekacco mātugāmo dubbaṇṇā ca hoti durūpā supāpikā dassanāya;\naḍḍhā ca hoti mahaddhanā mahābhogā mahesakkhā ca?","en":"And why are some ladies ugly, unattractive, and bad-looking;\nbut rich, affluent, wealthy, and illustrious?"}},{"id":"an4.197:4","sourceIds":["an4.197:4.1","an4.197:4.2"],"kind":"text","text":{"pi":"Ko nu kho, bhante, hetu ko paccayo, yena midhekacco mātugāmo abhirūpā ca hoti dassanīyā pāsādikā paramāya vaṇṇapokkharatāya samannāgatā;\ndaliddā ca hoti appassakā appabhogā appesakkhā ca?","en":"And why are some ladies attractive, good-looking, lovely, of surpassing beauty;\nbut poor, with few assets and possessions; and insignificant?"}},{"id":"an4.197:5","sourceIds":["an4.197:5.1"],"kind":"text","text":{"pi":"Ko pana, bhante, hetu ko paccayo, yena midhekacco mātugāmo abhirūpā ca hoti dassanīyā pāsādikā paramāya vaṇṇapokkharatāya samannāgatā, aḍḍhā ca hoti mahaddhanā mahābhogā mahesakkhā cā”ti?","en":"And why are some ladies attractive, good-looking, lovely, of surpassing beauty; and rich, affluent, wealthy, and illustrious?”"}},{"id":"an4.197:6","sourceIds":["an4.197:6.1","an4.197:6.2","an4.197:6.3","an4.197:6.4","an4.197:6.5","an4.197:6.6","an4.197:6.7"],"kind":"text","text":{"pi":"“Idha, mallike, ekacco mātugāmo kodhanā hoti upāyāsabahulā.\nAppampi vuttā samānā abhisajjati kuppati byāpajjati patitthīyati, kopañca dosañca appaccayañca pātukaroti.\nSā na dātā hoti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ.\nIssāmanikā kho pana hoti;\nparalābhasakkāragarukāramānanavandanapūjanāsu issati upadussati issaṁ bandhati.\nSā ce tato cutā itthattaṁ āgacchati, sā yattha yattha paccājāyati dubbaṇṇā ca hoti durūpā supāpikā dassanāya;\ndaliddā ca hoti appassakā appabhogā appesakkhā ca.","en":"“Take a lady who is irritable and bad-tempered.\nEven when criticized a little bit she loses her temper, becoming annoyed, hostile, and hard-hearted, and displaying annoyance, hate, and bitterness.\nShe doesn’t give to ascetics or brahmins such things as food, drink, clothing, vehicles; garlands, fragrance, and makeup; and bed, house, and lighting.\nAnd she’s jealous,\nenvying, resenting, and begrudging the possessions, honor, respect, reverence, homage, and veneration given to others.\nIf she comes back to this place after passing away, wherever she is reborn she’s ugly, unattractive, and bad-looking;\nand poor, with few assets and possessions; and insignificant."}},{"id":"an4.197:7","sourceIds":["an4.197:7.1","an4.197:7.2","an4.197:7.3","an4.197:7.4","an4.197:7.5","an4.197:7.6","an4.197:7.7"],"kind":"text","text":{"pi":"Idha pana, mallike, ekacco mātugāmo kodhanā hoti upāyāsabahulā.\nAppampi vuttā samānā abhisajjati kuppati byāpajjati patitthīyati, kopañca dosañca appaccayañca pātukaroti.\nSā dātā hoti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ.\nAnissāmanikā kho pana hoti;\nparalābhasakkāragarukāramānanavandanapūjanāsu na issati na upadussati na issaṁ bandhati.\nSā ce tato cutā itthattaṁ āgacchati, sā yattha yattha paccājāyati dubbaṇṇā ca hoti durūpā supāpikā dassanāya;\naḍḍhā ca hoti mahaddhanā mahābhogā mahesakkhā ca.","en":"Take another lady who is irritable and bad-tempered. …\nBut she does give to ascetics or brahmins …\nAnd she’s not jealous …\nIf she comes back to this place after passing away, wherever she is reborn she’s ugly, unattractive, and bad-looking;\nbut rich, affluent, wealthy, and illustrious."}},{"id":"an4.197:8","sourceIds":["an4.197:8.1","an4.197:8.2","an4.197:8.3","an4.197:8.4","an4.197:8.5","an4.197:8.6","an4.197:8.7"],"kind":"text","text":{"pi":"Idha pana, mallike, ekacco mātugāmo akkodhanā hoti anupāyāsabahulā.\nBahumpi vuttā samānā nābhisajjati na kuppati na byāpajjati na patitthīyati, na kopañca dosañca appaccayañca pātukaroti.\nSā na dātā hoti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ.\nIssāmanikā kho pana hoti;\nparalābhasakkāragarukāramānanavandanapūjanāsu issati upadussati issaṁ bandhati.\nSā ce tato cutā itthattaṁ āgacchati, sā yattha yattha paccājāyati abhirūpā ca hoti dassanīyā pāsādikā paramāya vaṇṇapokkharatāya samannāgatā;\ndaliddā ca hoti appassakā appabhogā appesakkhā ca.","en":"Take another lady who isn’t irritable and bad-tempered. …\nBut she doesn’t give to ascetics or brahmins …\nAnd she’s jealous …\nIf she comes back to this place after passing away, wherever she is reborn she’s attractive, good-looking, lovely, of surpassing beauty;\nbut poor, with few assets and possessions; and insignificant."}},{"id":"an4.197:9","sourceIds":["an4.197:9.1","an4.197:9.2","an4.197:9.3","an4.197:9.4","an4.197:9.5","an4.197:9.6","an4.197:9.7"],"kind":"text","text":{"pi":"Idha pana, mallike, ekacco mātugāmo akkodhanā hoti anupāyāsabahulā.\nBahumpi vuttā samānā nābhisajjati na kuppati na byāpajjati na patitthīyati, na kopañca dosañca appaccayañca pātukaroti.\nSā dātā hoti samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ.\nAnissāmanikā kho pana hoti;\nparalābhasakkāragarukāramānanavandanapūjanāsu na issati na upadussati na issaṁ bandhati.\nSā ce tato cutā itthattaṁ āgacchati, sā yattha yattha paccājāyati abhirūpā ca hoti dassanīyā pāsādikā paramāya vaṇṇapokkharatāya samannāgatā;\naḍḍhā ca hoti mahaddhanā mahābhogā mahesakkhā ca.","en":"Take another lady who isn’t irritable and bad-tempered. …\nShe gives to ascetics and brahmins …\nAnd she’s not jealous …\nIf she comes back to this place after passing away, wherever she is reborn she’s attractive, good-looking, lovely, of surpassing beauty;\nand rich, affluent, wealthy, and illustrious."}},{"id":"an4.197:10","sourceIds":["an4.197:10.1","an4.197:10.2","an4.197:10.3","an4.197:10.4","an4.197:10.5","an4.197:10.6","an4.197:10.7","an4.197:10.8"],"kind":"text","text":{"pi":"Ayaṁ kho, mallike, hetu ayaṁ paccayo, yena midhekacco mātugāmo dubbaṇṇā ca hoti durūpā supāpikā dassanāya;\ndaliddā ca hoti appassakā appabhogā appesakkhā ca.\nAyaṁ pana, mallike, hetu ayaṁ paccayo, yena midhekacco mātugāmo dubbaṇṇā ca hoti durūpā supāpikā dassanāya;\naḍḍhā ca hoti mahaddhanā mahābhogā mahesakkhā ca.\nAyaṁ kho, mallike, hetu ayaṁ paccayo, yena midhekacco mātugāmo abhirūpā ca hoti dassanīyā pāsādikā paramāya vaṇṇapokkharatāya samannāgatā;\ndaliddā ca hoti appassakā appabhogā appesakkhā ca.\nAyaṁ pana, mallike, hetu ayaṁ paccayo, yena midhekacco mātugāmo abhirūpā ca hoti dassanīyā pāsādikā paramāya vaṇṇapokkharatāya samannāgatā;\naḍḍhā ca hoti mahaddhanā mahābhogā mahesakkhā cā”ti.","en":"This is why some ladies are ugly …\nand poor … and insignificant.\nAnd some ladies are ugly …\nbut rich … and illustrious.\nAnd some ladies are attractive …\nbut poor … and insignificant.\nAnd some ladies are attractive …\nand rich … and illustrious.”"}},{"id":"an4.197:11","sourceIds":["an4.197:11.1","an4.197:11.2","an4.197:11.3","an4.197:11.4"],"kind":"text","text":{"pi":"Evaṁ vutte, mallikā devī bhagavantaṁ etadavoca:\n“yā nūnāhaṁ, bhante, aññaṁ jātiṁ kodhanā ahosiṁ upāyāsabahulā,\nappampi vuttā samānā abhisajjiṁ kuppiṁ byāpajjiṁ patitthīyiṁ kopañca dosañca appaccayañca pātvākāsiṁ,\nsāhaṁ, bhante, etarahi dubbaṇṇā durūpā supāpikā dassanāya.","en":"When this was said, Queen Mallikā said to the Buddha:\n“Sir, in another life I must have been irritable and bad-tempered.\nEven when lightly criticized I must have lost my temper, becoming annoyed, hostile, and hard-hearted, and displaying annoyance, hate, and bitterness.\nFor now I am ugly, unattractive, and bad-looking."}},{"id":"an4.197:12","sourceIds":["an4.197:12.1"],"kind":"text","text":{"pi":"Yā nūnāhaṁ, bhante, aññaṁ jātiṁ dātā ahosiṁ samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ, sāhaṁ, bhante, etarahi aḍḍhā mahaddhanā mahābhogā.","en":"In another life I must have given to ascetics or brahmins such things as food, drink, clothing, vehicles; garlands, fragrance, and makeup; and bed, house, and lighting. For now I am rich, affluent, and wealthy."}},{"id":"an4.197:13","sourceIds":["an4.197:13.1","an4.197:13.2","an4.197:13.3","an4.197:13.4","an4.197:13.5","an4.197:13.6","an4.197:13.7","an4.197:13.8"],"kind":"text","text":{"pi":"Yā nūnāhaṁ, bhante, aññaṁ jātiṁ anissāmanikā ahosiṁ, paralābhasakkāragarukāramānanavandanapūjanāsu na issiṁ na upadussiṁ na issaṁ bandhiṁ, sāhaṁ, bhante, etarahi mahesakkhā.\nSanti kho pana, bhante, imasmiṁ rājakule khattiyakaññāpi brāhmaṇakaññāpi gahapatikaññāpi, tāsāhaṁ issarādhipaccaṁ kāremi.\nEsāhaṁ, bhante, ajjatagge akkodhanā bhavissāmi anupāyāsabahulā,\nbahumpi vuttā samānā nābhisajjissāmi na kuppissāmi na byāpajjissāmi na patitthīyissāmi, kopañca dosañca appaccayañca na pātukarissāmi;\ndassāmi samaṇassa vā brāhmaṇassa vā annaṁ pānaṁ vatthaṁ yānaṁ mālāgandhavilepanaṁ seyyāvasathapadīpeyyaṁ.\nAnissāmanikā bhavissāmi, paralābhasakkāragarukāramānanavandanapūjanāsu na ississāmi na upadussissāmi na issaṁ bandhissāmi.\nAbhikkantaṁ, bhante …pe… upāsikaṁ maṁ, bhante, bhagavā dhāretu ajjatagge pāṇupetaṁ saraṇaṁ gatan”ti.\nSattamaṁ.","en":"In another life, I must not have been jealous, envying, resenting, and begrudging the possessions, honor, respect, reverence, homage, and veneration given to others. For now I am illustrious.\nIn this royal court I command maidens of the aristocrats, brahmins, and householders.\nSo, sir, from this day forth I will not be irritable and bad-tempered.\nEven when heavily criticized I won’t lose my temper, become annoyed, hostile, and hard-hearted, or display annoyance, hate, and bitterness.\nI will give to ascetics or brahmins such things as food, drink, clothing, vehicles; garlands, fragrance, and makeup; and bed, house, and lighting.\nI will not be jealous, envying, resenting, and begrudging the possessions, honor, respect, reverence, homage, and veneration given to others.\nExcellent, sir! … From this day forth, may the Buddha remember me as a lay follower who has gone for refuge for life.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.197/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}