{"id":"an4.200","title":"Fondness","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.200","title":"Fondness","units":[{"id":"an4.200:0","sourceIds":["an4.200:0.1","an4.200:0.2","an4.200:0.3"],"kind":"text","text":{"pi":"Aṅguttara Nikāya 4.200\n20. Mahāvagga\nPemasutta","en":"Numbered Discourses 4.200\n20. The Great Chapter\nFondness"}},{"id":"an4.200:1","sourceIds":["an4.200:1.1","an4.200:1.2","an4.200:1.3","an4.200:1.4","an4.200:1.5","an4.200:1.6"],"kind":"text","text":{"pi":"“Cattārimāni, bhikkhave, pemāni jāyanti.\nKatamāni cattāri?\nPemā pemaṁ jāyati,\npemā doso jāyati,\ndosā pemaṁ jāyati,\ndosā doso jāyati.","en":"“Mendicants, these four things are born.\nWhat four?\nFondness is born of fondness,\nhate is born of fondness,\nfondness is born of hate, and\nhate is born of hate."}},{"id":"an4.200:2","sourceIds":["an4.200:2.1","an4.200:2.2","an4.200:2.3","an4.200:2.4","an4.200:2.5","an4.200:2.6","an4.200:2.7"],"kind":"text","text":{"pi":"Kathañca, bhikkhave, pemā pemaṁ jāyati?\nIdha, bhikkhave, puggalo puggalassa iṭṭho hoti kanto manāpo.\nTaṁ pare iṭṭhena kantena manāpena samudācaranti.\nTassa evaṁ hoti:\n‘yo kho myāyaṁ puggalo iṭṭho kanto manāpo, taṁ pare iṭṭhena kantena manāpena samudācarantī’ti.\nSo tesu pemaṁ janeti.\nEvaṁ kho, bhikkhave, pemā pemaṁ jāyati.","en":"And how is fondness born of fondness?\nIt’s when someone likes, loves, and cares for an individual.\nOthers treat them with liking, love, and care.\nThey think:\n‘These others like the individual I like.’\nAnd so fondness for them springs up.\nThat’s how fondness is born of fondness."}},{"id":"an4.200:3","sourceIds":["an4.200:3.1","an4.200:3.2","an4.200:3.3","an4.200:3.4","an4.200:3.5","an4.200:3.6","an4.200:3.7"],"kind":"text","text":{"pi":"Kathañca, bhikkhave, pemā doso jāyati?\nIdha, bhikkhave, puggalo puggalassa iṭṭho hoti kanto manāpo.\nTaṁ pare aniṭṭhena akantena amanāpena samudācaranti.\nTassa evaṁ hoti:\n‘yo kho myāyaṁ puggalo iṭṭho kanto manāpo, taṁ pare aniṭṭhena akantena amanāpena samudācarantī’ti.\nSo tesu dosaṁ janeti.\nEvaṁ kho, bhikkhave, pemā doso jāyati.","en":"And how is hate born of fondness?\nIt’s when someone likes, loves, and cares for an individual.\nOthers treat them with disliking, loathing, and detestation.\nThey think:\n‘These others dislike the individual I like.’\nAnd so hate for them springs up.\nThat’s how hate is born of fondness."}},{"id":"an4.200:4","sourceIds":["an4.200:4.1","an4.200:4.2","an4.200:4.3","an4.200:4.4","an4.200:4.5","an4.200:4.6","an4.200:4.7"],"kind":"text","text":{"pi":"Kathañca, bhikkhave, dosā pemaṁ jāyati?\nIdha, bhikkhave, puggalo puggalassa aniṭṭho hoti akanto amanāpo.\nTaṁ pare aniṭṭhena akantena amanāpena samudācaranti.\nTassa evaṁ hoti:\n‘yo kho myāyaṁ puggalo aniṭṭho akanto amanāpo, taṁ pare aniṭṭhena akantena amanāpena samudācarantī’ti.\nSo tesu pemaṁ janeti.\nEvaṁ kho, bhikkhave, dosā pemaṁ jāyati.","en":"And how is fondness born of hate?\nIt’s when someone dislikes, loathes, and detests an individual.\nOthers treat them with disliking, loathing, and detestation.\nThey think:\n‘These others dislike the individual I dislike.’\nAnd so fondness for them springs up.\nThat’s how fondness is born of hate."}},{"id":"an4.200:5","sourceIds":["an4.200:5.1","an4.200:5.2","an4.200:5.3","an4.200:5.4","an4.200:5.5","an4.200:5.6","an4.200:5.7","an4.200:5.8"],"kind":"text","text":{"pi":"Kathañca, bhikkhave, dosā doso jāyati?\nIdha, bhikkhave, puggalo puggalassa aniṭṭho hoti akanto amanāpo.\nTaṁ pare iṭṭhena kantena manāpena samudācaranti.\nTassa evaṁ hoti:\n‘yo kho myāyaṁ puggalo aniṭṭho akanto amanāpo, taṁ pare iṭṭhena kantena manāpena samudācarantī’ti.\nSo tesu dosaṁ janeti.\nEvaṁ kho, bhikkhave, dosā doso jāyati.\nImāni kho, bhikkhave, cattāri pemāni jāyanti.","en":"And how is hate born of hate?\nIt’s when someone dislikes, loathes, and detests an individual.\nOthers treat them with liking, love, and care.\nThey think:\n‘These others like the individual I dislike.’\nAnd so hate for them springs up.\nThat’s how hate is born of hate.\nThese are the four things that are born."}},{"id":"an4.200:6","sourceIds":["an4.200:6.1","an4.200:6.2"],"kind":"text","text":{"pi":"Yasmiṁ, bhikkhave, samaye bhikkhu vivicceva kāmehi …pe… paṭhamaṁ jhānaṁ upasampajja viharati,\nyampissa pemā pemaṁ jāyati tampissa tasmiṁ samaye na hoti, yopissa pemā doso jāyati sopissa tasmiṁ samaye na hoti, yampissa dosā pemaṁ jāyati tampissa tasmiṁ samaye na hoti, yopissa dosā doso jāyati sopissa tasmiṁ samaye na hoti.","en":"A time comes when a mendicant … enters and remains in the first absorption.\nAt that time they have no fondness born of fondness, hate born of fondness, fondness born of hate, or hate born of hate."}},{"id":"an4.200:7","sourceIds":["an4.200:7.1","an4.200:7.2"],"kind":"text","text":{"pi":"Yasmiṁ, bhikkhave, samaye bhikkhu vitakkavicārānaṁ vūpasamā …pe… dutiyaṁ jhānaṁ …pe… tatiyaṁ jhānaṁ …pe… catutthaṁ jhānaṁ upasampajja viharati,\nyampissa pemā pemaṁ jāyati tampissa tasmiṁ samaye na hoti, yopissa pemā doso jāyati sopissa tasmiṁ samaye na hoti, yampissa dosā pemaṁ jāyati tampissa tasmiṁ samaye na hoti, yopissa dosā doso jāyati sopissa tasmiṁ samaye na hoti.","en":"A time comes when a mendicant … enters and remains in the second absorption … third absorption … fourth absorption.\nAt that time they have no fondness born of fondness, hate born of fondness, fondness born of hate, or hate born of hate."}},{"id":"an4.200:8","sourceIds":["an4.200:8.1","an4.200:8.2","an4.200:8.3"],"kind":"text","text":{"pi":"Yasmiṁ, bhikkhave, samaye bhikkhu āsavānaṁ khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati, yampissa pemā pemaṁ jāyati tampissa pahīnaṁ hoti ucchinnamūlaṁ tālāvatthukataṁ anabhāvaṅkataṁ āyatiṁ anuppādadhammaṁ, yopissa pemā doso jāyati sopissa pahīno hoti ucchinnamūlo tālāvatthukato anabhāvaṅkato āyatiṁ anuppādadhammo,\nyampissa dosā pemaṁ jāyati tampissa pahīnaṁ hoti ucchinnamūlaṁ tālāvatthukataṁ anabhāvaṅkataṁ āyatiṁ anuppādadhammaṁ, yopissa dosā doso jāyati sopissa pahīno hoti ucchinnamūlo tālāvatthukato anabhāvaṅkato āyatiṁ anuppādadhammo.\nAyaṁ vuccati, bhikkhave, bhikkhu neva usseneti na paṭiseneti na dhūpāyati na pajjalati na sampajjhāyati.","en":"A time comes when a mendicant realizes the undefiled freedom of heart and freedom by wisdom. And they live having realized it with their own insight in this very life due to the ending of defilements.\nAt that time any fondness born of fondness, hate born of fondness, fondness born of hate, or hate born of hate is given up, cut off at the root, made like a palm stump, obliterated, and unable to arise in the future.\nThis is called a mendicant who doesn’t draw close or push back or fume or ignite or burn up."}},{"id":"an4.200:9","sourceIds":["an4.200:9.1","an4.200:9.2","an4.200:9.3","an4.200:9.4","an4.200:9.5","an4.200:9.6","an4.200:9.7"],"kind":"text","text":{"pi":"Kathañca, bhikkhave, bhikkhu usseneti?\nIdha, bhikkhave, bhikkhu rūpaṁ attato samanupassati, rūpavantaṁ vā attānaṁ, attani vā rūpaṁ, rūpasmiṁ vā attānaṁ;\nvedanaṁ attato samanupassati, vedanāvantaṁ vā attānaṁ, attani vā vedanaṁ, vedanāya vā attānaṁ;\nsaññaṁ attato samanupassati, saññāvantaṁ vā attānaṁ, attani vā saññaṁ, saññāya vā attānaṁ;\nsaṅkhāre attato samanupassati, saṅkhāravantaṁ vā attānaṁ, attani vā saṅkhāre, saṅkhāresu vā attānaṁ;\nviññāṇaṁ attato samanupassati, viññāṇavantaṁ vā attānaṁ, attani vā viññāṇaṁ, viññāṇasmiṁ vā attānaṁ.\nEvaṁ kho, bhikkhave, bhikkhu usseneti.","en":"And how does a mendicant draw close?\nIt’s when a mendicant regards form as self, self as having form, form in self, or self in form.\nThey regard feeling as self, self as having feeling, feeling in self, or self in feeling.\nThey regard perception as self, self as having perception, perception in self, or self in perception.\nThey regard choices as self, self as having choices, choices in self, or self in choices.\nThey regard consciousness as self, self as having consciousness, consciousness in self, or self in consciousness.\nThat’s how a mendicant draws close."}},{"id":"an4.200:10","sourceIds":["an4.200:10.1","an4.200:10.2","an4.200:10.3","an4.200:10.4","an4.200:10.5","an4.200:10.6","an4.200:10.7"],"kind":"text","text":{"pi":"Kathañca, bhikkhave, bhikkhu na usseneti?\nIdha, bhikkhave, bhikkhu na rūpaṁ attato samanupassati, na rūpavantaṁ vā attānaṁ, na attani vā rūpaṁ, na rūpasmiṁ vā attānaṁ;\nna vedanaṁ attato samanupassati, na vedanāvantaṁ vā attānaṁ, na attani vā vedanaṁ, na vedanāya vā attānaṁ;\nna saññaṁ attato samanupassati, na saññāvantaṁ vā attānaṁ, na attani vā saññaṁ, na saññāya vā attānaṁ;\nna saṅkhāre attato samanupassati, na saṅkhāravantaṁ vā attānaṁ, na attani vā saṅkhāre, na saṅkhāresu vā attānaṁ;\nna viññāṇaṁ attato samanupassati, na viññāṇavantaṁ vā attānaṁ, na attani vā viññāṇaṁ, na viññāṇasmiṁ vā attānaṁ.\nEvaṁ kho, bhikkhave, bhikkhu na usseneti.","en":"And how does a mendicant not draw close?\nIt’s when a mendicant doesn’t regard form as self, self as having form, form in self, or self in form.\nThey don’t regard feeling as self, self as having feeling, feeling in self, or self in feeling.\nThey don’t regard perception as self, self as having perception, perception in self, or self in perception.\nThey don’t regard choices as self, self as having choices, choices in self, or self in choices.\nThey don’t regard consciousness as self, self as having consciousness, consciousness in self, or self in consciousness.\nThat’s how a mendicant doesn’t draw close."}},{"id":"an4.200:11","sourceIds":["an4.200:11.1","an4.200:11.2","an4.200:11.3"],"kind":"text","text":{"pi":"Kathañca, bhikkhave, bhikkhu paṭiseneti?\nIdha, bhikkhave, bhikkhu akkosantaṁ paccakkosati, rosantaṁ paṭirosati, bhaṇḍantaṁ paṭibhaṇḍati.\nEvaṁ kho, bhikkhave, bhikkhu paṭiseneti.","en":"And how does a mendicant push back?\nIt’s when someone abuses, annoys, or argues with a mendicant, and the mendicant abuses, annoys, or argues back at them.\nThat’s how a mendicant pushes back."}},{"id":"an4.200:12","sourceIds":["an4.200:12.1","an4.200:12.2","an4.200:12.3"],"kind":"text","text":{"pi":"Kathañca, bhikkhave, bhikkhu na paṭiseneti?\nIdha, bhikkhave, bhikkhu akkosantaṁ na paccakkosati, rosantaṁ na paṭirosati, bhaṇḍantaṁ na paṭibhaṇḍati.\nEvaṁ kho, bhikkhave, bhikkhu na paṭiseneti.","en":"And how does a mendicant not push back?\nIt’s when someone abuses, annoys, or argues with a mendicant, and the mendicant doesn’t abuse, annoy, or argue back at them.\nThat’s how a mendicant doesn’t push back."}},{"id":"an4.200:13","sourceIds":["an4.200:13.1","an4.200:13.2","an4.200:13.3"],"kind":"text","text":{"pi":"Kathañca, bhikkhave, bhikkhu dhūpāyati?\nAsmīti, bhikkhave, sati itthasmīti hoti, evaṁsmīti hoti, aññathāsmīti hoti, asasmīti hoti, satasmīti hoti, santi hoti, itthaṁ santi hoti, evaṁ santi hoti, aññathā santi hoti, apihaṁ santi hoti, apihaṁ itthaṁ santi hoti, apihaṁ evaṁ santi hoti, apihaṁ aññathā santi hoti, bhavissanti hoti, itthaṁ bhavissanti hoti, evaṁ bhavissanti hoti, aññathā bhavissanti hoti.\nEvaṁ kho, bhikkhave, bhikkhu dhūpāyati.","en":"And how does a mendicant fume?\nWhen there is the concept ‘I am’, there are the concepts ‘I am such’, ‘I am thus’, ‘I am otherwise’; ‘I am fleeting’, ‘I am lasting’; ‘mine’, ‘such is mine’, ‘thus is mine’, ‘otherwise is mine’; ‘also mine’, ‘such is also mine’, ‘thus is also mine’, ‘otherwise is also mine’; ‘I will be’, ‘I will be such’, ‘I will be thus’, ‘I will be otherwise’.\nThat’s how a mendicant fumes."}},{"id":"an4.200:14","sourceIds":["an4.200:14.1","an4.200:14.2","an4.200:14.3"],"kind":"text","text":{"pi":"Kathañca, bhikkhave, bhikkhu na dhūpāyati?\nAsmīti, bhikkhave, asati itthasmīti na hoti, evaṁsmīti na hoti, aññathāsmīti na hoti, asasmīti na hoti, satasmīti na hoti, santi na hoti, itthaṁ santi na hoti, evaṁ santi na hoti, aññathā santi na hoti, apihaṁ santi na hoti, apihaṁ itthaṁ santi na hoti, apihaṁ evaṁ santi na hoti, apihaṁ aññathā santi na hoti, bhavissanti na hoti, itthaṁ bhavissanti na hoti, evaṁ bhavissanti na hoti, aññathā bhavissanti na hoti.\nEvaṁ kho, bhikkhave, bhikkhu na dhūpāyati.","en":"And how does a mendicant not fume?\nWhen there is no concept ‘I am’, there are no concepts ‘I am such’, ‘I am thus’, ‘I am otherwise’; ‘I am fleeting’, ‘I am lasting’; ‘mine’, ‘such is mine’, ‘thus is mine’, ‘otherwise is mine’; ‘also mine’, ‘such is also mine’, ‘thus is also mine’, ‘otherwise is also mine’; ‘I will be’, ‘I will be such’, ‘I will be thus’, ‘I will be otherwise’.\nThat’s how a mendicant doesn’t fume."}},{"id":"an4.200:15","sourceIds":["an4.200:15.1","an4.200:15.2","an4.200:15.3"],"kind":"text","text":{"pi":"Kathañca, bhikkhave, bhikkhu pajjalati?\nIminā asmīti, bhikkhave, sati iminā itthasmīti hoti, iminā evaṁsmīti hoti, iminā aññathāsmīti hoti, iminā asasmīti hoti, iminā satasmīti hoti, iminā santi hoti, iminā itthaṁ santi hoti, iminā evaṁ santi hoti, iminā aññathā santi hoti, iminā apihaṁ santi hoti, iminā apihaṁ itthaṁ santi hoti, iminā apihaṁ evaṁ santi hoti, iminā apihaṁ aññathā santi hoti, iminā bhavissanti hoti, iminā itthaṁ bhavissanti hoti, iminā evaṁ bhavissanti hoti, iminā aññathā bhavissanti hoti.\nEvaṁ kho, bhikkhave, bhikkhu pajjalati.","en":"And how is a mendicant ignited?\nWhen there is the concept ‘I am because of this’, there are the concepts ‘I am such because of this’, ‘I am thus because of this’, ‘I am otherwise because of this’; ‘I am fleeting because of this’, ‘I am lasting because of this’; ‘mine because of this’, ‘such is mine because of this’, ‘thus is mine because of this’, ‘otherwise is mine because of this’; ‘also mine because of this’, ‘such is also mine because of this’, ‘thus is also mine because of this’, ‘otherwise is also mine because of this’; ‘I will be because of this’, ‘I will be such because of this’, ‘I will be thus because of this’, ‘I will be otherwise because of this’.\nThat’s how a mendicant is ignited."}},{"id":"an4.200:16","sourceIds":["an4.200:16.1","an4.200:16.2","an4.200:16.3"],"kind":"text","text":{"pi":"Kathañca, bhikkhave, bhikkhu na pajjalati?\nIminā asmīti, bhikkhave, asati iminā itthasmīti na hoti, iminā evaṁsmīti na hoti, iminā aññathāsmīti na hoti, iminā asasmīti na hoti, iminā satasmīti na hoti, iminā santi na hoti, iminā itthaṁ santi na hoti, iminā evaṁ santi na hoti, iminā aññathā santi na hoti, iminā apihaṁ santi na hoti, iminā apihaṁ itthaṁ santi na hoti, iminā apihaṁ evaṁ santi na hoti, iminā apihaṁ aññathā santi na hoti, iminā bhavissanti na hoti, iminā itthaṁ bhavissanti na hoti, iminā evaṁ bhavissanti na hoti, iminā aññathā bhavissanti na hoti.\nEvaṁ kho, bhikkhave, bhikkhu na pajjalati.","en":"And how is a mendicant not ignited?\nWhen there is no concept ‘I am because of this’, there are no concepts ‘I am such because of this’, ‘I am thus because of this’, ‘I am otherwise because of this’; ‘I am fleeting because of this’, ‘I am lasting because of this’; ‘mine because of this’, ‘such is mine because of this’, ‘thus is mine because of this’, ‘otherwise is mine because of this’; ‘also mine because of this’, ‘such is also mine because of this’, ‘thus is also mine because of this’, ‘otherwise is also mine because of this’; ‘I will be because of this’, ‘I will be such because of this’, ‘I will be thus because of this’, ‘I will be otherwise because of this’.\nThat’s how a mendicant is not ignited."}},{"id":"an4.200:17","sourceIds":["an4.200:17.1","an4.200:17.2","an4.200:17.3"],"kind":"text","text":{"pi":"Kathañca, bhikkhave, bhikkhu sampajjhāyati?\nIdha, bhikkhave, bhikkhuno asmimāno pahīno na hoti ucchinnamūlo tālāvatthukato anabhāvaṅkato āyatiṁ anuppādadhammo.\nEvaṁ kho, bhikkhave, bhikkhu sampajjhāyati.","en":"And how does a mendicant burn up?\nIt’s when a mendicant hasn’t given up the conceit ‘I am’, cut it off at the root, made it like a palm stump, obliterated it, so it’s unable to arise in the future.\nThat’s how a mendicant is burned up."}},{"id":"an4.200:18","sourceIds":["an4.200:18.1","an4.200:18.2","an4.200:18.3","an4.200:18.4","an4.200:18.5"],"kind":"text","text":{"pi":"Kathañca, bhikkhave, bhikkhu na sampajjhāyati?\nIdha, bhikkhave, bhikkhuno asmimāno pahīno hoti ucchinnamūlo tālāvatthukato anabhāvaṅkato āyatiṁ anuppādadhammo.\nEvaṁ kho, bhikkhave, bhikkhu na sampajjhāyatī”ti.\nDasamaṁ.\nMahāvaggo pañcamo.","en":"And how does a mendicant not burn up?\nIt’s when a mendicant has given up the conceit ‘I am’, cut it off at the root, made it like a palm stump, obliterated it, so it’s unable to arise in the future.\nThat’s how a mendicant is not burned up.”"}},{"id":"an4.200:19","sourceIds":["an4.200:19.0","an4.200:19.1","an4.200:19.2","an4.200:19.3","an4.200:19.4","an4.200:19.5"],"kind":"text","text":{"pi":"Tassuddānaṁ\nSotānugataṁ ṭhānaṁ,\nBhaddiya sāmugiya vappa sāḷhā ca;\nMallika attantāpo,\nTaṇhā pemena ca dasā teti.\nCatuttho mahāpaṇṇāsako samatto."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.200/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}