{"id":"an4.203","title":"Seven Kinds of Deeds","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.203","title":"Seven Kinds of Deeds","units":[{"id":"an4.203:0","sourceIds":["an4.203:0.1","an4.203:0.2","an4.203:0.3"],"kind":"text","text":{"pi":"Aṅguttara Nikāya 4.203\n21. Sappurisavagga\nSattakammasutta","en":"Numbered Discourses 4.203\n21. A True Person\nSeven Kinds of Deeds"}},{"id":"an4.203:1","sourceIds":["an4.203:1.1","an4.203:1.2"],"kind":"text","text":{"pi":"“Asappurisañca vo, bhikkhave, desessāmi, asappurisena asappurisatarañca;\nsappurisañca, sappurisena sappurisatarañca. Taṁ suṇātha …pe….","en":"“Mendicants, I will teach you an untrue person and an even more untrue person,\na true person and a truer person."}},{"id":"an4.203:2","sourceIds":["an4.203:2.1","an4.203:2.2","an4.203:2.3"],"kind":"text","text":{"pi":"“Katamo ca, bhikkhave, asappuriso?\nIdha, bhikkhave, ekacco pāṇātipātī hoti, adinnādāyī hoti, kāmesumicchācārī hoti, musāvādī hoti, pisuṇavāco hoti, pharusavāco hoti, samphappalāpī hoti.\nAyaṁ vuccati, bhikkhave, asappuriso.","en":"And what is an untrue person?\nIt’s someone who kills living creatures, steals, commits sexual misconduct, and uses speech that’s false, backbiting, harsh, or nonsensical.\nThis is called an untrue person."}},{"id":"an4.203:3","sourceIds":["an4.203:3.1","an4.203:3.2","an4.203:3.3","an4.203:3.4","an4.203:3.5","an4.203:3.6","an4.203:3.7","an4.203:3.8","an4.203:3.9"],"kind":"text","text":{"pi":"Katamo ca, bhikkhave, asappurisena asappurisataro?\nIdha, bhikkhave, ekacco attanā ca pāṇātipātī hoti, parañca pāṇātipāte samādapeti;\nattanā ca adinnādāyī hoti, parañca adinnādāne samādapeti;\nattanā ca kāmesumicchācārī hoti, parañca kāmesumicchācāre samādapeti;\nattanā ca musāvādī hoti, parañca musāvāde samādapeti;\nattanā ca pisuṇavāco hoti, parañca pisuṇāya vācāya samādapeti;\nattanā ca pharusavāco hoti, parañca pharusāya vācāya samādapeti;\nattanā ca samphappalāpī hoti, parañca samphappalāpe samādapeti.\nAyaṁ vuccati, bhikkhave, asappurisena asappurisataro.","en":"And what is an even more untrue person?\nIt’s someone who kills living creatures, steals, commits sexual misconduct, and uses speech that’s false, backbiting, harsh, or nonsensical. And they encourage others to do these things.\nThis is called an even more untrue person."}},{"id":"an4.203:4","sourceIds":["an4.203:4.1","an4.203:4.2","an4.203:4.3"],"kind":"text","text":{"pi":"Katamo ca, bhikkhave, sappuriso?\nIdha, bhikkhave, ekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato, hoti, samphappalāpā paṭivirato hoti.\nAyaṁ vuccati, bhikkhave, sappuriso.","en":"And what is a true person?\nIt’s someone who doesn’t kill living creatures, steal, commit sexual misconduct, or use speech that’s false, backbiting, harsh, or nonsensical.\nThis is called a true person."}},{"id":"an4.203:5","sourceIds":["an4.203:5.1","an4.203:5.2","an4.203:5.3","an4.203:5.4","an4.203:5.5","an4.203:5.6","an4.203:5.7","an4.203:5.8","an4.203:5.9","an4.203:5.10"],"kind":"text","text":{"pi":"Katamo ca, bhikkhave, sappurisena sappurisataro?\nIdha, bhikkhave, ekacco attanā ca pāṇātipātā paṭivirato hoti, parañca pāṇātipātā veramaṇiyā samādapeti;\nattanā ca adinnādānā paṭivirato hoti, parañca adinnādānā veramaṇiyā samādapeti;\nattanā ca kāmesumicchācārā paṭivirato hoti, parañca kāmesumicchācārā veramaṇiyā samādapeti;\nattanā ca musāvādā paṭivirato hoti, parañca musāvādā veramaṇiyā samādapeti;\nattanā ca pisuṇāya vācāya paṭivirato hoti, parañca pisuṇāya vācāya veramaṇiyā samādapeti;\nattanā ca pharusāya vācāya paṭivirato hoti, parañca pharusāya vācāya veramaṇiyā samādapeti;\nattanā ca samphappalāpā paṭivirato hoti, parañca samphappalāpā veramaṇiyā samādapeti.\nAyaṁ vuccati, bhikkhave, sappurisena sappurisataro”ti.\nTatiyaṁ.","en":"And what is an even truer person?\nIt’s someone who doesn’t kill living creatures, steal, commit sexual misconduct, or use speech that’s false, backbiting, harsh, or nonsensical. And they encourage others to refrain from these things.\nThis is called an even truer person.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.203/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}