{"id":"an4.204","title":"Ten Kinds of Deeds","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.204","title":"Ten Kinds of Deeds","units":[{"id":"an4.204:0","sourceIds":["an4.204:0.1","an4.204:0.2","an4.204:0.3"],"kind":"text","text":{"pi":"Aṅguttara Nikāya 4.204\n21. Sappurisavagga\nDasakammasutta","en":"Numbered Discourses 4.204\n21. A True Person\nTen Kinds of Deeds"}},{"id":"an4.204:1","sourceIds":["an4.204:1.1","an4.204:1.2"],"kind":"text","text":{"pi":"“Asappurisañca vo, bhikkhave, desessāmi, asappurisena asappurisatarañca;\nsappurisañca, sappurisena sappurisatarañca. Taṁ suṇātha …pe….","en":"“Mendicants, I will teach you an untrue person and an even more untrue person,\na true person and an even truer person."}},{"id":"an4.204:2","sourceIds":["an4.204:2.1","an4.204:2.2","an4.204:2.3"],"kind":"text","text":{"pi":"“Katamo ca, bhikkhave, asappuriso?\nIdha, bhikkhave, ekacco pāṇātipātī hoti, adinnādāyī hoti, kāmesumicchācārī hoti, musāvādī hoti, pisuṇavāco hoti, pharusavāco hoti, samphappalāpī hoti, abhijjhālu hoti, byāpannacitto hoti, micchādiṭṭhiko hoti.\nAyaṁ vuccati, bhikkhave, asappuriso.","en":"And what is an untrue person?\nIt’s someone who kills living creatures, steals, and commits sexual misconduct. They use speech that’s false, backbiting, harsh, or nonsensical. And they’re covetous, malicious, with wrong view.\nThis is called an untrue person."}},{"id":"an4.204:3","sourceIds":["an4.204:3.1","an4.204:3.2","an4.204:3.3","an4.204:3.4"],"kind":"text","text":{"pi":"Katamo ca, bhikkhave, asappurisena asappurisataro?\nIdha, bhikkhave, ekacco attanā ca pāṇātipātī hoti, parañca pāṇātipāte samādapeti …pe… attanā ca abhijjhālu hoti, parañca abhijjhāya samādapeti;\nattanā ca byāpannacitto hoti, parañca byāpāde samādapeti, attanā ca micchādiṭṭhiko hoti, parañca micchādiṭṭhiyā samādapeti.\nAyaṁ vuccati, bhikkhave, asappurisena asappurisataro.","en":"And what is an even more untrue person?\nIt’s someone who kills living creatures, steals, and commits sexual misconduct. They use speech that’s false, backbiting, harsh, or nonsensical. They’re covetous, malicious, with wrong view. And they encourage others to do these things.\nThis is called an even more untrue person."}},{"id":"an4.204:4","sourceIds":["an4.204:4.1","an4.204:4.2","an4.204:4.3"],"kind":"text","text":{"pi":"Katamo ca, bhikkhave, sappuriso?\nIdha, bhikkhave, ekacco pāṇātipātā paṭivirato hoti …pe… anabhijjhālu hoti, abyāpannacitto hoti, sammādiṭṭhiko hoti.\nAyaṁ vuccati, bhikkhave, sappuriso.","en":"And what is a true person?\nIt’s someone who doesn’t kill living creatures, steal, or commit sexual misconduct. They don’t use speech that’s false, backbiting, harsh, or nonsensical. And they’re contented, kind-hearted, with right view.\nThis is called a true person."}},{"id":"an4.204:5","sourceIds":["an4.204:5.1","an4.204:5.2","an4.204:5.3","an4.204:5.4","an4.204:5.5","an4.204:5.6"],"kind":"text","text":{"pi":"Katamo ca, bhikkhave, sappurisena sappurisataro?\nIdha, bhikkhave, ekacco attanā ca pāṇātipātā paṭivirato hoti, parañca pāṇātipātā veramaṇiyā samādapeti …pe… attanā ca anabhijjhālu hoti, parañca anabhijjhāya samādapeti;\nattanā ca abyāpannacitto hoti, parañca abyāpāde samādapeti;\nattanā ca sammādiṭṭhiko hoti, parañca sammādiṭṭhiyā samādapeti.\nAyaṁ vuccati, bhikkhave, sappurisena sappurisataro”ti.\nCatutthaṁ.","en":"And what is an even truer person?\nIt’s someone who doesn’t kill living creatures, steal, or commit sexual misconduct. They don’t use speech that’s false, backbiting, harsh, or nonsensical. They’re contented, kind-hearted, with right view. And they encourage others to do these things.\nThis is called an even truer person.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.204/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}