{"id":"an4.244","title":"Perils of Offenses","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.244","title":"Perils of Offenses","units":[{"id":"an4.244:0","sourceIds":["an4.244:0.1","an4.244:0.2","an4.244:0.3"],"kind":"text","text":{"pi":"Aṅguttara Nikāya 4.244\n25. Āpattibhayavagga\nĀpattibhayasutta","en":"Numbered Discourses 4.244\n25. Perils of Offenses\nPerils of Offenses"}},{"id":"an4.244:1","sourceIds":["an4.244:1.1","an4.244:1.2","an4.244:1.3","an4.244:1.4","an4.244:1.5","an4.244:1.6","an4.244:1.7","an4.244:1.8","an4.244:1.9","an4.244:1.10","an4.244:1.11","an4.244:1.12","an4.244:1.13","an4.244:1.14"],"kind":"text","text":{"pi":"“Cattārimāni, bhikkhave, āpattibhayāni.\nKatamāni cattāri?\nSeyyathāpi, bhikkhave, coraṁ āgucāriṁ gahetvā rañño dasseyyuṁ:\n‘ayaṁ te, deva, coro āgucārī.\nImassa devo daṇḍaṁ paṇetū’ti.\nTamenaṁ rājā evaṁ vadeyya:\n‘gacchatha, bho, imaṁ purisaṁ daḷhāya rajjuyā pacchābāhaṁ gāḷhabandhanaṁ bandhitvā khuramuṇḍaṁ karitvā kharassarena paṇavena rathikāya rathikaṁ siṅghāṭakena siṅghāṭakaṁ parinetvā dakkhiṇena dvārena nikkhāmetvā dakkhiṇato nagarassa sīsaṁ chindathā’ti.\nTamenaṁ rañño purisā daḷhāya rajjuyā pacchābāhaṁ gāḷhabandhanaṁ bandhitvā khuramuṇḍaṁ karitvā kharassarena paṇavena rathikāya rathikaṁ siṅghāṭakena siṅghāṭakaṁ parinetvā dakkhiṇena dvārena nikkhāmetvā dakkhiṇato nagarassa sīsaṁ chindeyyuṁ.\nTatraññatarassa thalaṭṭhassa purisassa evamassa:\n‘pāpakaṁ vata, bho, ayaṁ puriso kammaṁ akāsi gārayhaṁ sīsacchejjaṁ.\nYatra hi nāma rañño purisā daḷhāya rajjuyā pacchābāhaṁ gāḷhabandhanaṁ bandhitvā khuramuṇḍaṁ karitvā kharassarena paṇavena rathikāya rathikaṁ siṅghāṭakena siṅghāṭakaṁ parinetvā dakkhiṇena dvārena nikkhāmetvā dakkhiṇato nagarassa sīsaṁ chindissanti.\nSo vatassāhaṁ evarūpaṁ pāpakammaṁ na kareyyaṁ gārayhaṁ sīsacchejjan’ti.\nEvamevaṁ kho, bhikkhave, yassa kassaci bhikkhussa vā bhikkhuniyā vā evaṁ tibbā bhayasaññā paccupaṭṭhitā hoti pārājikesu dhammesu.\nTassetaṁ pāṭikaṅkhaṁ—anāpanno vā pārājikaṁ dhammaṁ na āpajjissati, āpanno vā pārājikaṁ dhammaṁ yathādhammaṁ paṭikarissati.","en":"“Mendicants, there are these four perils of offenses.\nWhat four?\nSuppose they were to arrest a bandit, a criminal and present him to the king, saying:\n‘Your Majesty, this is a bandit, a criminal.\nMay Your Majesty punish them!’\nThe king would say:\n‘Go, my men, and tie this man’s arms tightly behind his back with a strong rope. Shave his head and march him from street to street and square to square to the beating of a harsh drum. Then take him out the south gate and there, to the south of the city, chop off his head.’\nThe king’s men would do as they were told.\nThen a bystander might think:\n‘This man must have done a truly bad and reprehensible deed, a capital offense.\nThere’s no way I’d ever do such a bad and reprehensible deed, a capital offense.’\nIn the same way, take any monk or nun who has set up such an acute perception of peril regarding expulsion offenses.\nIt can be expected that if they haven’t committed an expulsion offense they won’t, and if they committed one they will deal with it properly."}},{"id":"an4.244:2","sourceIds":["an4.244:2.1","an4.244:2.2","an4.244:2.3","an4.244:2.4","an4.244:2.5","an4.244:2.6","an4.244:2.7","an4.244:2.8"],"kind":"text","text":{"pi":"Seyyathāpi, bhikkhave, puriso kāḷavatthaṁ paridhāya kese pakiritvā musalaṁ khandhe āropetvā mahājanakāyaṁ upasaṅkamitvā evaṁ vadeyya:\n‘ahaṁ, bhante, pāpakammaṁ akāsiṁ gārayhaṁ mosallaṁ, yena me āyasmanto attamanā honti taṁ karomī’ti.\nTatraññatarassa thalaṭṭhassa purisassa evamassa:\n‘pāpakaṁ vata, bho, ayaṁ puriso kammaṁ akāsi gārayhaṁ mosallaṁ.\nYatra hi nāma kāḷavatthaṁ paridhāya kese pakiritvā musalaṁ khandhe āropetvā mahājanakāyaṁ upasaṅkamitvā evaṁ vakkhati:\n“ahaṁ, bhante, pāpakammaṁ akāsiṁ gārayhaṁ mosallaṁ, yena me āyasmanto attamanā honti taṁ karomī”ti.\nSo vatassāhaṁ evarūpaṁ pāpakammaṁ na kareyyaṁ gārayhaṁ mosallan’ti.\nEvamevaṁ kho, bhikkhave, yassa kassaci bhikkhussa vā bhikkhuniyā vā evaṁ tibbā bhayasaññā paccupaṭṭhitā hoti saṅghādisesesu dhammesu, tassetaṁ pāṭikaṅkhaṁ—anāpanno vā saṅghādisesaṁ dhammaṁ na āpajjissati, āpanno vā saṅghādisesaṁ dhammaṁ yathādhammaṁ paṭikarissati.","en":"Suppose a man was to put on a black cloth, mess up his hair, and put a club on his shoulder. Then he approaches a large crowd and says:\n‘Sirs, I’ve done a bad and reprehensible deed, deserving of clubbing. I submit to your pleasure.’\nThen a bystander might think:\n‘This man must have done a truly bad and reprehensible deed, deserving of clubbing. …\nThere’s no way I’d ever do such a bad and reprehensible deed, deserving of clubbing.’\nIn the same way, take any monk or nun who has set up such an acute perception of peril regarding suspension offenses. It can be expected that if they haven’t committed a suspension offense they won’t, and if they committed one they will deal with it properly."}},{"id":"an4.244:3","sourceIds":["an4.244:3.1","an4.244:3.2","an4.244:3.3","an4.244:3.4","an4.244:3.5","an4.244:3.6","an4.244:3.7","an4.244:3.8","an4.244:3.9","an4.244:3.10"],"kind":"text","text":{"pi":"Seyyathāpi, bhikkhave, puriso kāḷavatthaṁ paridhāya kese pakiritvā bhasmapuṭaṁ khandhe āropetvā mahājanakāyaṁ upasaṅkamitvā evaṁ vadeyya:\n‘ahaṁ, bhante, pāpakammaṁ akāsiṁ gārayhaṁ bhasmapuṭaṁ.\nYena me āyasmanto attamanā honti taṁ karomī’ti.\nTatraññatarassa thalaṭṭhassa purisassa evamassa:\n‘pāpakaṁ vata, bho, ayaṁ puriso kammaṁ akāsi gārayhaṁ bhasmapuṭaṁ.\nYatra hi nāma kāḷavatthaṁ paridhāya kese pakiritvā bhasmapuṭaṁ khandhe āropetvā mahājanakāyaṁ upasaṅkamitvā evaṁ vakkhati:\n“ahaṁ, bhante, pāpakammaṁ akāsiṁ gārayhaṁ bhasmapuṭaṁ;\nyena me āyasmanto attamanā honti taṁ karomī”ti.\nSo vatassāhaṁ evarūpaṁ pāpakammaṁ na kareyyaṁ gārayhaṁ bhasmapuṭan’ti.\nEvamevaṁ kho, bhikkhave, yassa kassaci bhikkhussa vā bhikkhuniyā vā evaṁ tibbā bhayasaññā paccupaṭṭhitā hoti pācittiyesu dhammesu, tassetaṁ pāṭikaṅkhaṁ—anāpanno vā pācittiyaṁ dhammaṁ na āpajjissati, āpanno vā pācittiyaṁ dhammaṁ yathādhammaṁ paṭikarissati.","en":"Suppose a man was to put on a black cloth, mess up his hair, and put a sack of ashes on his shoulder. Then he approaches a large crowd and says:\n‘Sirs, I’ve done a bad and reprehensible deed, deserving of a sack of ashes.\nI submit to your pleasure.’\nThen a bystander might think:\n‘This man must have done a truly bad and reprehensible deed, deserving of a sack of ashes. …\nThere’s no way I’d ever do such a bad and reprehensible deed, deserving of a sack of ashes.’\nIn the same way, take any monk or nun who has set up such an acute perception of peril regarding confessable offenses. It can be expected that if they haven’t committed a confessable offense they won’t, and if they committed one they will deal with it properly."}},{"id":"an4.244:4","sourceIds":["an4.244:4.1","an4.244:4.2","an4.244:4.3","an4.244:4.4","an4.244:4.5","an4.244:4.6","an4.244:4.7","an4.244:4.8","an4.244:4.9","an4.244:4.10","an4.244:4.11","an4.244:4.12"],"kind":"text","text":{"pi":"Seyyathāpi, bhikkhave, puriso kāḷavatthaṁ paridhāya kese pakiritvā mahājanakāyaṁ upasaṅkamitvā evaṁ vadeyya:\n‘ahaṁ, bhante, pāpakammaṁ akāsiṁ gārayhaṁ upavajjaṁ.\nYena me āyasmanto attamanā honti taṁ karomī’ti.\nTatraññatarassa thalaṭṭhassa purisassa evamassa:\n‘pāpakaṁ vata, bho, ayaṁ puriso kammaṁ akāsi gārayhaṁ upavajjaṁ.\nYatra hi nāma kāḷavatthaṁ paridhāya kese pakiritvā mahājanakāyaṁ upasaṅkamitvā evaṁ vakkhati:\n“ahaṁ, bhante, pāpakammaṁ akāsiṁ gārayhaṁ upavajjaṁ;\nyena me āyasmanto attamanā honti taṁ karomī”ti.\nSo vatassāhaṁ evarūpaṁ pāpakammaṁ na kareyyaṁ gārayhaṁ upavajjan’ti.\nEvamevaṁ kho, bhikkhave, yassa kassaci bhikkhussa vā bhikkhuniyā vā evaṁ tibbā bhayasaññā paccupaṭṭhitā hoti pāṭidesanīyesu dhammesu, tassetaṁ pāṭikaṅkhaṁ—anāpanno vā pāṭidesanīyaṁ dhammaṁ na āpajjissati, āpanno vā pāṭidesanīyaṁ dhammaṁ yathādhammaṁ paṭikarissati.\nImāni kho, bhikkhave, cattāri āpattibhayānī”ti.\nDutiyaṁ.","en":"Suppose a man was to put on a black cloth and mess up his hair. Then he approaches a large crowd and says:\n‘Sirs, I’ve done a bad and reprehensible deed, deserving of criticism.\nI submit to your pleasure.’\nThen a bystander might think:\n‘This man must have done a truly bad and reprehensible deed, deserving of criticism. …\nThere’s no way I’d ever do such a bad and reprehensible deed, deserving of criticism.’\nIn the same way, take any monk or nun who has set up such an acute perception of peril regarding confessable offenses. It can be expected that if they haven’t committed a confessable offense they won’t, and if they committed one they will deal with it properly.\nThese are the four perils of offenses.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.244/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}