{"id":"an4.28","title":"The Noble Customs","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.28","title":"The Noble Customs","units":[{"id":"an4.28:0","sourceIds":["an4.28:0.1","an4.28:0.2","an4.28:0.3"],"kind":"text","text":{"pi":"Aṅguttara Nikāya 4.28\n3. Uruvelavagga\nAriyavaṁsasutta","en":"Numbered Discourses 4.28\n3. At Uruvelā\nThe Noble Customs"}},{"id":"an4.28:1","sourceIds":["an4.28:1.1","an4.28:1.2","an4.28:1.3","an4.28:1.4","an4.28:1.5"],"kind":"text","text":{"pi":"“Cattārome, bhikkhave, ariyavaṁsā aggaññā rattaññā vaṁsaññā porāṇā asaṅkiṇṇā asaṅkiṇṇapubbā, na saṅkīyanti na saṅkīyissanti, appaṭikuṭṭhā samaṇehi brāhmaṇehi viññūhi.\nKatame cattāro?\nIdha, bhikkhave, bhikkhu santuṭṭho hoti itarītarena cīvarena, itarītaracīvarasantuṭṭhiyā ca vaṇṇavādī, na ca cīvarahetu anesanaṁ appatirūpaṁ āpajjati, aladdhā ca cīvaraṁ na paritassati, laddhā ca cīvaraṁ agadhito amucchito anajjhosanno ādīnavadassāvī nissaraṇapañño paribhuñjati;\ntāya ca pana itarītaracīvarasantuṭṭhiyā nevattānukkaṁseti, no paraṁ vambheti.\nYo hi tattha dakkho analaso sampajāno patissato, ayaṁ vuccati, bhikkhave, bhikkhu porāṇe aggaññe ariyavaṁse ṭhito.","en":"“Mendicants, these four noble customs are primordial, long-standing, customary, and traditional. They are uncorrupted, as they have been since the beginning. They’re not being corrupted now, nor will they be. Sensible ascetics and brahmins don’t look down on them.\nWhat four?\nFirstly, a mendicant is content with any kind of robe, and praises such contentment. They don’t employ improper solicitation for the sake of a robe. They don’t worry if they don’t get a robe. And if they do get a robe, they use it untied, uninfatuated, unattached, seeing the drawback, and understanding the escape.\nBut they don’t glorify themselves or put others down on account of their contentment.\nA mendicant who is deft, tireless, aware, and mindful in this is said to stand in the ancient, primordial noble custom."}},{"id":"an4.28:2","sourceIds":["an4.28:2.1","an4.28:2.2","an4.28:2.3"],"kind":"text","text":{"pi":"Puna caparaṁ, bhikkhave, bhikkhu santuṭṭho hoti itarītarena piṇḍapātena, itarītarapiṇḍapātasantuṭṭhiyā ca vaṇṇavādī, na ca piṇḍapātahetu anesanaṁ appatirūpaṁ āpajjati, aladdhā ca piṇḍapātaṁ na paritassati, laddhā ca piṇḍapātaṁ agadhito amucchito anajjhosanno ādīnavadassāvī nissaraṇapañño paribhuñjati;\ntāya ca pana itarītarapiṇḍapātasantuṭṭhiyā nevattānukkaṁseti, no paraṁ vambheti.\nYo hi tattha dakkho analaso sampajāno patissato, ayaṁ vuccati, bhikkhave, bhikkhu porāṇe aggaññe ariyavaṁse ṭhito.","en":"Furthermore, a mendicant is content with any kind of almsfood …"}},{"id":"an4.28:3","sourceIds":["an4.28:3.1","an4.28:3.2","an4.28:3.3"],"kind":"text","text":{"pi":"Puna caparaṁ, bhikkhave, bhikkhu santuṭṭho hoti itarītarena senāsanena, itarītarasenāsanasantuṭṭhiyā ca vaṇṇavādī, na ca senāsanahetu anesanaṁ appatirūpaṁ āpajjati, aladdhā ca senāsanaṁ na paritassati, laddhā ca senāsanaṁ agadhito amucchito anajjhosanno ādīnavadassāvī nissaraṇapañño paribhuñjati;\ntāya ca pana itarītarasenāsanasantuṭṭhiyā nevattānukkaṁseti, no paraṁ vambheti.\nYo hi tattha dakkho analaso sampajāno patissato, ayaṁ vuccati, bhikkhave, bhikkhu porāṇe aggaññe ariyavaṁse ṭhito.","en":"Furthermore, a mendicant is content with any kind of lodgings …"}},{"id":"an4.28:4","sourceIds":["an4.28:4.1","an4.28:4.2","an4.28:4.3","an4.28:4.4"],"kind":"text","text":{"pi":"Puna caparaṁ, bhikkhave, bhikkhu bhāvanārāmo hoti bhāvanārato, pahānārāmo hoti pahānarato;\ntāya ca pana bhāvanārāmatāya bhāvanāratiyā pahānārāmatāya pahānaratiyā nevattānukkaṁseti, no paraṁ vambheti.\nYo hi tattha dakkho analaso sampajāno patissato, ayaṁ vuccati, bhikkhave, bhikkhu porāṇe aggaññe ariyavaṁse ṭhito.\nIme kho, bhikkhave, cattāro ariyavaṁsā aggaññā rattaññā vaṁsaññā porāṇā asaṅkiṇṇā asaṅkiṇṇapubbā, na saṅkīyanti na saṅkīyissanti, appaṭikuṭṭhā samaṇehi brāhmaṇehi viññūhi.","en":"Furthermore, a mendicant enjoys meditation and loves to meditate. They enjoy giving up and love to give up.\nBut they don’t glorify themselves or put down others on account of their love for meditation and giving up.\nA mendicant who is deft, tireless, aware, and mindful in this is said to stand in the ancient, primordial noble custom.\nThese four noble customs are primordial, long-standing, customary, and traditional. They are uncorrupted, as they have been since the beginning. They’re not being corrupted now nor will they be. Sensible ascetics and brahmins don’t look down on them."}},{"id":"an4.28:5","sourceIds":["an4.28:5.1","an4.28:5.2","an4.28:5.3","an4.28:5.4","an4.28:5.5","an4.28:5.6"],"kind":"text","text":{"pi":"Imehi ca pana, bhikkhave, catūhi ariyavaṁsehi samannāgato bhikkhu puratthimāya cepi disāya viharati sveva aratiṁ sahati, na taṁ arati sahati;\npacchimāya cepi disāya viharati sveva aratiṁ sahati, na taṁ arati sahati;\nuttarāya cepi disāya viharati sveva aratiṁ sahati, na taṁ arati sahati;\ndakkhiṇāya cepi disāya viharati sveva aratiṁ sahati, na taṁ arati sahati.\nTaṁ kissa hetu?\nAratiratisaho hi, bhikkhave, dhīroti.","en":"When a mendicant possesses these four noble customs, if they live in the east they prevail over discontent, and discontent doesn’t prevail over them.\nIf they live in the west …\nthe north …\nthe south, they prevail over discontent, and discontent doesn’t prevail over them.\nWhy is that?\nBecause the attentive prevail over desire and discontent."}},{"id":"an4.28:6","sourceIds":["an4.28:6.1","an4.28:6.2","an4.28:6.3","an4.28:6.4"],"kind":"text","text":{"pi":"Nārati sahati dhīraṁ,\nnārati dhīraṁ sahati;\nDhīrova aratiṁ sahati,\ndhīro hi aratissaho.","en":"Discontent cannot prevail over the attentive;\nthe attentive are not prevailed over by discontent.\nThe attentive can prevail over discontent,\nfor the attentive are those who prevail over discontent."}},{"id":"an4.28:7","sourceIds":["an4.28:7.1","an4.28:7.2","an4.28:7.3","an4.28:7.4","an4.28:7.5","an4.28:7.6","an4.28:7.7"],"kind":"text","text":{"pi":"Sabbakammavihāyīnaṁ,\npanuṇṇaṁ ko nivāraye;\nNekkhaṁ jambonadasseva,\nko taṁ ninditumarahati;\nDevāpi naṁ pasaṁsanti,\nbrahmunāpi pasaṁsito”ti.\nAṭṭhamaṁ.","en":"Who can hold back the dispeller,\nwho’s cast aside all deeds?\nLike a pendant of Black Plum River gold,\nwho is worthy to criticize them?\nEven the gods praise them,\nand by the Divinity, too, they’re praised.”"}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.28/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}