{"id":"an4.54","title":"Living Together (2nd)","languageCodes":["en","pi"],"languageNotes":{"en":"Bhikkhu Sujato · CC0","pi":"Mahāsaṅgīti edition · SuttaCentral"},"chapters":[{"id":"an4.54","title":"Living Together (2nd)","units":[{"id":"an4.54:0","sourceIds":["an4.54:0.1","an4.54:0.2","an4.54:0.3"],"kind":"text","text":{"pi":"Aṅguttara Nikāya 4.54\n6. Puññābhisandavagga\nDutiyasaṁvāsasutta","en":"Numbered Discourses 4.54\n6. Overflowing Merit\nLiving Together (2nd)"}},{"id":"an4.54:1","sourceIds":["an4.54:1.1","an4.54:1.2","an4.54:1.3","an4.54:1.4","an4.54:1.5","an4.54:1.6"],"kind":"text","text":{"pi":"“Cattārome, bhikkhave, saṁvāsā.\nKatame cattāro?\nChavo chavāya saddhiṁ saṁvasati,\nchavo deviyā saddhiṁ saṁvasati,\ndevo chavāya saddhiṁ saṁvasati,\ndevo deviyā saddhiṁ saṁvasati.","en":"“Mendicants, there are four ways of living together.\nWhat four?\nA male zombie living with a female zombie;\na male zombie living with a goddess;\na god living with a female zombie;\na god living with a goddess."}},{"id":"an4.54:2","sourceIds":["an4.54:2.1","an4.54:2.2","an4.54:2.3","an4.54:2.4"],"kind":"text","text":{"pi":"Kathañca, bhikkhave, chavo chavāya saddhiṁ saṁvasati.\nIdha, bhikkhave, sāmiko hoti pāṇātipātī adinnādāyī kāmesumicchācārī musāvādī pisuṇavāco pharusavāco samphappalāpī abhijjhālu byāpannacitto micchādiṭṭhiko dussīlo pāpadhammo maccheramalapariyuṭṭhitena cetasā agāraṁ ajjhāvasati akkosakaparibhāsako samaṇabrāhmaṇānaṁ;\nbhariyāpissa hoti pāṇātipātinī adinnādāyinī kāmesumicchācārinī musāvādinī pisuṇavācā pharusavācā samphappalāpinī abhijjhālunī byāpannacittā micchādiṭṭhikā dussīlā pāpadhammā maccheramalapariyuṭṭhitena cetasā agāraṁ ajjhāvasati akkosikaparibhāsikā samaṇabrāhmaṇānaṁ.\nEvaṁ kho, bhikkhave, chavo chavāya saddhiṁ saṁvasati.","en":"And how does a male zombie live with a female zombie?\nIt’s when the husband kills living creatures, steals, commits sexual misconduct; he uses speech that’s false, backbiting, harsh, or nonsensical; and he’s covetous, malicious, and has wrong view. He’s unethical, of bad character, living at home with his heart full of the stain of stinginess, abusing and insulting ascetics and brahmins.\nAnd the wife is also … unethical, of bad character …\nThat’s how a male zombie lives with a female zombie."}},{"id":"an4.54:3","sourceIds":["an4.54:3.1","an4.54:3.2","an4.54:3.3","an4.54:3.4"],"kind":"text","text":{"pi":"Kathañca, bhikkhave, chavo deviyā saddhiṁ saṁvasati?\nIdha, bhikkhave, sāmiko hoti pāṇātipātī …pe… micchādiṭṭhiko dussīlo pāpadhammo maccheramalapariyuṭṭhitena cetasā agāraṁ ajjhāvasati akkosakaparibhāsako samaṇabrāhmaṇānaṁ;\nbhariyā khvassa hoti pāṇātipātā paṭiviratā adinnādānā paṭiviratā kāmesumicchācārā paṭiviratā musāvādā paṭiviratā pisuṇāya vācāya paṭiviratā pharusāya vācāya paṭiviratā samphappalāpā paṭiviratā anabhijjhālunī abyāpannacittā sammādiṭṭhikā sīlavatī kalyāṇadhammā vigatamalamaccherena cetasā agāraṁ ajjhāvasati anakkosikaparibhāsikā samaṇabrāhmaṇānaṁ.\nEvaṁ kho, bhikkhave, chavo deviyā saddhiṁ saṁvasati.","en":"And how does a male zombie live with a goddess?\nIt’s when the husband … is unethical, of bad character …\nBut the wife doesn’t kill living creatures, steal, or commit sexual misconduct. She doesn’t use speech that’s false, divisive, harsh, or nonsensical. And she’s contented, kind-hearted, with right view. She’s ethical, of good character, living at home with heart rid of the stain of stinginess, not abusing and insulting ascetics and brahmins.\nThat’s how a male zombie lives with a goddess."}},{"id":"an4.54:4","sourceIds":["an4.54:4.1","an4.54:4.2","an4.54:4.3","an4.54:4.4"],"kind":"text","text":{"pi":"Kathañca, bhikkhave, devo chavāya saddhiṁ saṁvasati?\nIdha, bhikkhave, sāmiko hoti pāṇātipātā paṭivirato adinnādānā paṭivirato kāmesumicchācārā paṭivirato musāvādā paṭivirato pisuṇāya vācāya paṭivirato pharusāya vācāya paṭivirato samphappalāpā paṭivirato anabhijjhālu abyāpannacitto sammādiṭṭhiko sīlavā kalyāṇadhammo vigatamalamaccherena cetasā agāraṁ ajjhāvasati anakkosakaparibhāsako samaṇabrāhmaṇānaṁ;\nbhariyā khvassa hoti pāṇātipātinī …pe… micchādiṭṭhikā dussīlā pāpadhammā maccheramalapariyuṭṭhitena cetasā agāraṁ ajjhāvasati akkosikaparibhāsikā samaṇabrāhmaṇānaṁ.\nEvaṁ kho, bhikkhave, devo chavāya saddhiṁ saṁvasati.","en":"And how does a god live with a female zombie?\nIt’s when the husband … is ethical, of good character …\nBut the wife … is unethical, of bad character …\nThat’s how a god lives with a female zombie."}},{"id":"an4.54:5","sourceIds":["an4.54:5.1","an4.54:5.2","an4.54:5.3","an4.54:5.4","an4.54:5.5"],"kind":"text","text":{"pi":"Kathañca, bhikkhave, devo deviyā saddhiṁ saṁvasati?\nIdha, bhikkhave, sāmiko hoti pāṇātipātā paṭivirato …pe… sammādiṭṭhiko sīlavā kalyāṇadhammo vigatamalamaccherena cetasā agāraṁ ajjhāvasati anakkosakaparibhāsako samaṇabrāhmaṇānaṁ;\nbhariyāpissa hoti pāṇātipātā paṭiviratā …pe… sammādiṭṭhikā sīlavatī kalyāṇadhammā vigatamalamaccherena cetasā agāraṁ ajjhāvasati anakkosikaparibhāsikā samaṇabrāhmaṇānaṁ.\nEvaṁ kho, bhikkhave, devo deviyā saddhiṁ saṁvasati.\nIme kho, bhikkhave, cattāro saṁvāsāti.","en":"And how does a god live with a goddess?\nIt’s when the husband … is ethical, of good character …\nAnd the wife is also … ethical, of good character …\nThat’s how a god lives with a goddess.\nThese are the four ways of living together.” …"}},{"id":"an4.54:6","sourceIds":["an4.54:6.1","an4.54:6.2","an4.54:6.3","an4.54:6.4"],"kind":"text","text":{"pi":"Ubho ca honti dussīlā,\nkadariyā paribhāsakā;\nTe honti jānipatayo,\nchavā saṁvāsamāgatā."}},{"id":"an4.54:7","sourceIds":["an4.54:7.1","an4.54:7.2","an4.54:7.3","an4.54:7.4","an4.54:7.5","an4.54:7.6"],"kind":"text","text":{"pi":"Sāmiko hoti dussīlo,\nkadariyo paribhāsako;\nBhariyā sīlavatī hoti,\nvadaññū vītamaccharā;\nSāpi devī saṁvasati,\nchavena patinā saha."}},{"id":"an4.54:8","sourceIds":["an4.54:8.1","an4.54:8.2","an4.54:8.3","an4.54:8.4","an4.54:8.5","an4.54:8.6"],"kind":"text","text":{"pi":"Sāmiko sīlavā hoti,\nvadaññū vītamaccharo;\nBhariyā hoti dussīlā,\nkadariyā paribhāsikā;\nSāpi chavā saṁvasati,\ndevena patinā saha."}},{"id":"an4.54:9","sourceIds":["an4.54:9.1","an4.54:9.2","an4.54:9.3","an4.54:9.4"],"kind":"text","text":{"pi":"Ubho saddhā vadaññū ca,\nsaññatā dhammajīvino;\nTe honti jānipatayo,\naññamaññaṁ piyaṁvadā."}},{"id":"an4.54:10","sourceIds":["an4.54:10.1","an4.54:10.2","an4.54:10.3","an4.54:10.4"],"kind":"text","text":{"pi":"Atthāsaṁ pacurā honti,\nphāsukaṁ upajāyati;\nAmittā dummanā honti,\nubhinnaṁ samasīlinaṁ."}},{"id":"an4.54:11","sourceIds":["an4.54:11.1","an4.54:11.2","an4.54:11.3","an4.54:11.4","an4.54:11.5"],"kind":"text","text":{"pi":"Idha dhammaṁ caritvāna,\nsamasīlabbatā ubho;\nNandino devalokasmiṁ,\nmodanti kāmakāmino”ti.\nCatutthaṁ."}}]}],"sourceRevision":"afdafa92450cfe7573b280da50382888323666d2","sourceUrl":"https://suttacentral.net/an4.54/en/sujato","licence":"CC0 1.0","licenceUrl":"https://creativecommons.org/publicdomain/zero/1.0/","editionNote":"Full supplied source file; inherited abbreviations are preserved. Not a reconstructed expansion of every repetition. No Malay or Mandarin translation is implied."}